تعالو شوفو شصار معاي على هالقروبات للأسف ): قهــههههههـررررررررر

[كويتيه منكم وفيكم]

اصلا سفريات الفضاء كلش مو شي احنا رحنا وياهم مره رحلة الأحلام اطلعت رحلة الكوابيس مو الاحلام كان القايد كلش تعبان مايعرف شي ويايب معاه عايلته ياخذ زياده على الرحلات عشان الي وياه وكان اذا طلعنا وياه مايدري عنا يروح مع اهله ويخلينا بروحنا لا يدري عنا ولا شي كرهنا نفسنا اشلون يينا وياه واخر يوم انباقت جنطتي واحنا لويه على البوقه واهو قاعد بس يتبوسم ويقولنا يلا ورانا مطار بصراحه ابشع قايد مر علي هذا لازم يقاعدونه وما يخلونه يطلع رحلات هالفاشل

 

[أشكي عليك الحال]

الله يعييينج

 

[القلب خضر]

شكرا لمروركم والحين شكله باااااااااح مافي الفضاء بعد اليوم

 

[الغاليه للابد]

الله يعينج
احنا تونا راديين مع الرابيه ماشى حالهم " على الاقل مافي مفاجأت جايده" بس القايد كان مقلب نايم ونفسه بخشمه جنه مودينا على حسابه كل كلمه والثانيه انا مدرس " شايفنا طلبه "!! انا مو موظف بالسفريات !!عيل ليش هاز طولك و مسوى نفسك مشرف رحله !!
القروب يا حرام ياهم احباط منه بطلوا يطلعون رحلات :eh_s(14):
الله لا يبلاكم رحلة الفراوله صارت بيديانه من ثقالة دم القايد

​

 

[sweety faba]

ان شاء الله خيرة لكم
وترى اذا بنحكم واحنا داخل الديرة نحكم على السفريات واذا بنحكم بره الديرة وخلال فترة السفر نحكم على القايد + المجموعة المرافقة للسفر

 

[بحور الشوق1977]

شوفو حبيباتي واله مالكم الا نت دشو مواقع واخ>و اسامي الفنادق وتعاملو مع واحد سنع ومايصير الا الخير انا يوم رحت اول مرة ماليزيا نفس الشيء سويت بحثت بغوغا وكل شيء طلعته من النت عيل ليش انجد غوغل وربعة مو علشان هالسوالف ورحلة موفقة ان شاء الله

 

[بحور الشوق1977]

سوري على البدليات (غوغل) ( انوجد )

 

[z.alsayegh]

انا بعد ماعندي فكره بس قلت لازم ارفع موضوعج

 

[HERMITAGE]

الله يعوضكم خير ان شاء الله ونصيحه استخيري مره ثانيه وتكلي على الله وسافروو بروحكم مدام كل شي جاهز وفيزكم خالصه افتحي النت واحجزي والله سهالات ما كو شي صعب السفريات مو ثقه جرب الدبوس يمدحونهم والله يكتب لكم الي فيه خير يارب ويعوضكم باحلى سفره ياااارب اللهم آميين

 

[&رعبوووبه&]

الفضاء خواااره رحت معاهم سنه 2006 امستردام لاهاي بروكسل

اي شي والقايد استغفر الله يغااازل ذبحنا مع انه دكتور....؟

ونصاب ياخذ عالرحله واايد فلووس واذا شافنا بنكشت فيه وبنروح بتاكسي كسر السعر ورضخ لنا

والفنادق كانت عاديه ومره ما يدخلونا البوفيه

ريوقنا يحكرونا كلنا بغرفه ويعطونا جبن وزبده وخبز وعصير البيض ممنوع لازم ندفع زياده

ههههههه مصخره

وفندق بروكسل الغرفه بابها ما يتسكر نروح ونرد نلقاها مبطله منهم انسرقت دبلتي شاريتها ب 600 دينار

عقب غيروها لنا وهمن نفس الطريقه


سفرياااااااات الفضاء مووووووووشي لا تروحين معاهم نصيحه

 

[كعكوعه]

هلا حبيبتي

بصراحه صج وايد ذمو بالسفريات

بس صج صج الي سمعته عنهم غير كلش


انا ان شاء الله طالعه معاهم هالسنه رحلة الحلم والحمد لله ماصار لنا مثلكم مع ان كنا على وشك النجله لان ماكتمل عددنا الا قبل اسبوع

وبصراحه انا مارحت معاهم الا مادحين فنادقهم ومادحين لنا القايد بالاسم

وانا عندي اهم شي مشرف الرحله اهو الي يشيل السفره او يقلبها نكد

ويمكن لان عددكم قليل ماطلع الرحله لانه يخسر فيها مايندره عنهم

المهم قرقت وايد <<<<<<<<<<


ان شاء الله تصير خيره لكم وتلقون قروب احسن والا حتى تروحون بروحكم اونس صج انا جربتها العام الله يعافي الاستاذ قوقل والاخ العرب المسافرون

العام رحنا مع اهلي كلنا بس هالسنه رحنا مع قروب لاني بروحي انا وامي الله يحفضها فقلنا قروب اسنع لنا

وسألنا لين قالو لنا احسن شي الفضاء عن تجربة اهلنا


والله يوفقج حبيبتي وتسافرين وتستانسين

 

[$غــ(ز)ــل$]

الله يعيينكم حبيبتي
بس ليش ماتروحون بروحكم اريح

 

[شنووفه]

وااااي لا عاد كلش ولا نجلالات السفر والقروبااات روحي بروحكم وايد احسن انا وريلي نبي نبيعها ونروح بروحنا مع انه الدول اول مره نروحلها اللله يخلي النت وربعه هههههههه :>

 

[جلاديلياس]

وييييييه الله يعينج حبيبتي عاد كلشي ولا الواحد يتوهق بالسفر

شوقيلج سفريات مضمونه وسمعتهم زينه

 

[عسولة الكويت]

شتبين بالقروبات شلج بعوار الراس ويه زهقة الالتزام خصوصا بالسفر
الحين الله يسلم النت اللي مايعرف صار خبير

 

[القلب خضر]

اشكركم بنات ع التفاعل

بس احنا مضطرين نروح مع القروب لان امي تحاتي واخوي مو كبير وايد

فـ الله يستر

 

[روز خانوم]

اب
اب

 

[زهرااا]

رفع