تعالو شوووفو تجربتي مع اللومنيرز

[brendysho]

رد : تعالو شوووفو تجربتي مع اللومنيرز

الله يعينج حبيبتي

 

[MoonDiamond]

يعني استريح
وما اتعبث بعمري
الكويت ماعندهم سنع

 

[mi corazon]

ريماس حياتي حدج خرعتيني

آنا عروس باذن الله وخايفه

امي تقول شيلي التقويم لا تنحشين الريال .. كله يعيبون علي يقولون زين ما انحاش من شافج نفس ذاك اللي بدعاية عيادة أسنان اللي عالوطن

انزين آنا لو شلت التقويم راح يبقى فراغات ولازم تلبيس اسد الفراغات .. يعني احس من كلامكم اللومنيرز والفينير مو زين لي

بنات حدي احترت عاد آنا كل شي اجرب بعمري بس هالمره السالفه فيها عرس واي مابي اطلع اخرع بلييييييييز بنات الله يوفقكم نصحوني بشي زين الله ييسر اموركم

 

[ريـمـااس]

انتي سويتي اللمونيرز ....؟

اللي سمعت عنه احلا الفينيرز اتوقع احلى


بس شالفرق بينهم ؟؟؟

والله يازهوره شقول وشنو اخلي انا مثلج كنت اقول انه احلى من الفنيرز حاطه اللومنيرز غالي دبل سعر الفنير ...
الفنيرز 150 واللومنيرز 350 ويوم حطيته بالاسعر مو فسقانه ولا عندي افلوس لا عشان المميزات واطلعة هالمميزات كلها اخرطي مثل مايقلون انه متى مابغيتي اتشيلينه شيليه طلع اخرطي ماينشال ومافي اجهزه بالكويت اتشيل بالطريقه السليمه من غير مايتضرر السن ..

واللي مو مصدقتني تروح عيادة بيلا كلينك عن الدكتور عبد الهادي شهاب هو بنفسه يقول انا مااشتغل على اللومنيرز على الرغم انه راح يفيده بس دكتورياخاف ربه يقول اثبت انه فشل ذريع ومحد يرضى عنه وعن النتائج لجذي هو مايشتغل لومنيرز
الدكتور نفسه حاط تقويم اللي يبطون جبدي دكاترت الاسنان اللي انروح لهم ولا واحد مسوي اسنونه لومنيرز ولافنيرز

يا بنااات دربالكم هذي بدايه النهايه التقنيات هذي فاشله

غير جذي تبين الصج كل الدكاتره قالوا اثبت انه من ناحيه تجميله الفنيرز احسن لانه على قولتهم احنا اللي نشتغل بالاسنان يعني قصدهم بصريح العباره احنا اللي نلعب بالاسنان لعب ونركب على كيفنه

بس يـــــاحسرتي شنو حااادني اروح ابرد اسنوني خلقة ربي واحط تركيب عمر ابتسامتي ماصارت حلوه على الاقل اسنوني
وغير جذي يطلع ريحه بعد فتره لايبا

 

[ريـمـااس]

ريماس حياتي حدج خرعتيني

آنا عروس باذن الله وخايفه

امي تقول شيلي التقويم لا تنحشين الريال .. كله يعيبون علي يقولون زين ما انحاش من شافج نفس ذاك اللي بدعاية عيادة أسنان اللي عالوطن

انزين آنا لو شلت التقويم راح يبقى فراغات ولازم تلبيس اسد الفراغات .. يعني احس من كلامكم اللومنيرز والفينير مو زين لي

بنات حدي احترت عاد آنا كل شي اجرب بعمري بس هالمره السالفه فيها عرس واي مابي اطلع اخرع بلييييييييز بنات الله يوفقكم نصحوني بشي زين الله ييسر اموركم

اول شيء الله يوفقج حبووبه وقولي امين عسى الله يعمي عينه عن عيوبج ويعمي عينج عن عيوبه ويسخركم لبعض

حبوبه انتي حاطة تقويم يعني اسنونج فيها بروز ترى انا اسناني مافيها بروز واضح بس انصدمة يوم قالوا لا بارزه طلع اي بروز بسيط مايصير

شوفي ياقلبي والله ناصحتج نصيحة اخت ولا انا شنو اللي حادني اكتب موضوع بس ابي البنات حرام يستفيدون مو كل شيء يصدقونه الله يخليج من زين اسنان الممثلين الحين تكفين نصهم يخرعون

اذا فرقات كبيره بين الاسنان زرعي زراعه ولاجسر ولا التركيبات العاديه بذمتج الي فيهم فتحه الفلجه اللي بين الاسنان اللي جدام اشلون يسكرونها كل شي له حل بس لايقصون عليج ترى يبون افلوس عيادات تجاريه

نصيحه دربالج تبردين اسنانج حرام حطيتي تقويم عشان يتسنعون دربالج تبردينهم اكيد في مية حل استشيرومخاب من استشار لا ادورين بحث بالنت ترى انا ما وداني بداهي غير هالنت 6 شهور وانا ابحث عن هاللومنيرز ليما قلت خلاص لازم اسويه واخر شيء شوفي شنو صار فيني

 

[بنت الاداريه 07]

ريماااااااااااااااس الللللللللللللله يعيييييييييييينج ويصبرج ويهون علييييييج انشالله

عاد والله كل من يذم بعياده الميدان

وحاشتني مشاكل باسناني وكنت اسال عن العياده لان اقرب لنا واسعار العيادات ما تفرق وايد فقررت اروح الميدان كل من ذملي اياهم وقالولي عن تجاربهم ان كان اهلي ولا رفيجاتي ولا بالنت صج الله يعينج يا قلبي

عاد قررت بعدها اروح عياده بيلا كلنك وااااااااي والله اتينن ان كان المكان ولا تعامل الدكاتره ولا اسعارهم صج صج شي راااااااااااااقي جدا انا سويت تنظيفات وتبييض

عاد اختي اسالته واستشارته على الومينيز قالها والله ما انصحج فيه انتي اسنانج ما يبيلها شي سوي تبييض وتنظيفات وحشوات واختي مصره انه تسويهم قالها مو عندي لان الشي الي يزيد عن حده ينقلب ضده اسنانج ما فيهم شي نهائيا ومرتبين ولا تلعبين فيهم ولو تبين تلعبين لعبي بالتقويم اما هالطبقات الي مالها لازمه فمو بعيادتي ما راح ارضى اسويها

مع ان يقدر يوفرها ويسويها ويتقنها بس لان امين وعنده ضمير وما همته الفلوس نهاىيا

الله يعينج يارب ويفرج همج عاجلا غير اجلا

 

[mi corazon]

رموس يعني اشلع السن وازرع؟

 

[الظروف]

رد : تعالو شوووفو تجربتي مع اللومنيرز

صحيح من قال هم عرس ولا وجع ضرس
بعض الاطباء الله يهديهم يستغلون المرضى الله يعين بس
اختي ان شاء الله ترجع بسمتك احلى من اول

 

[LuLiTa]

:s141:

:eh_s(16)::eh_s(16)::eh_s(16):
رحت للدكتوره وياليت مارحت قلتلها ابي لومنيرز قالت راح تكبر اسنونك وراح تبرز قلت اشلون اشرتلي على الصور طبعا الصور تجيب العافيه قلت نفس جذي حلوى قالت أي حلو
قالت اشرايج اتسوين فنيرز نبرد لك السن واقل تكلفه قلت لا مابي مابي اسناني تقربون صوبها (( هذا الشيء الوحيد الزين اللي سويته )))
قالت ترى اسنانك ماتصلح حطي تقويم ؟؟ بنات كانت تشاورني يعني اسلوبها كنها متحسفه اني اقط افلوس قلت ماقدر لان عندي مناسبه
بنات لحظوا الدكتوره كانت اتقول لي بس اقسم بالله العظيم كانت كنها تشاورني انه في امكانج تسوين جذي وجذي
يي الدكتور مفروض يكون حاااازم يقول لا انا مااستقبل حالتج ولا يصلح لا لومنيرز مو تشاورني فيكي تعملي هيك وفيكي تعملي هيك

حبوووبة اهي الدكتووورة اهني كانت تشرحلج وضع اسنانج و الخيارات بالنسبة لحالتج ,,,اهي لا متحسفة و لا شي ,,بكل الاحوال ما يفرق معاها انتي شنو اتسوين ,,لانه الاسنان اسنانج و انتي بجميع الاحوال راح اتكسبينها ماديا باي قرار تتخذينه ,,, ف لحد اهني اهي ما سوت شي غلط,,, نصيحة و نصحتج و انتي اتخذتي القرار ,,,

بنات الحين اقولها شيلهم لي اتقول نطري ليما ارد من السفر بعد شهر بنات انا يومين مو قادره انزل من داري بموووت من القهر ومن المنظر
وكلمتها امي وزفتها قالت دبري لنا دكتور عندج يشيلهم اتقول ماكو احد يتحمل المسؤليه بعدين كلمتها قلت شوفي انا حاجزه عند دكتور باجر يشيله وراح افضحكم واقول هذا شغل الميدان جان تحطلي موعد عند دكتور في العياده بس بعد اسبوع امبييييييييييييييييييييييييه انا شنو ينطرني اسبوووع واي احس انها سبع اسنين ...

حبووبة لو تنطرين عشر سنين ,,, الدكتوورة اللي سوت لج اهي المسؤولة اتصلح لج الوضع ,, و اذا مو موجودة يشوفون دكتوور ثاني بنفس العيادة ,,, لانج الحين صرتي مسؤوليتهم و غصب عليهم يصلحوون الوضع و يحق لج تشتكين و اطالبين بتعويض ,, و اذا رحتي اي عيادة ثانية تكونين جنج قاعدة تعفينهم من المسؤولية قانونيا و طبيا ,, و اصلا اشك اذا في احد من اي عيادة ممكن يقبل حالتج قبل ما اطلعين تقرير عن شغل عيادة الميدان ,,,,,

لا واللي قهر اخر شي اتقول الامريكان يحبون الاسنو ن الاعراض ولا اليوم اتقولي اساسا المصنع قايل لنا انه الحاله هذي تقويم بس والله ماقالت لي الا اليوم مقالت ترى يقولون جذي وااااي بنات مو المفروض الدكتور اللي عنده امانه يقول انا ما اشتغل لج روحي دوري عياده ثانيه اتقول انتي تبين انا اشدراني منو اللي دارس انا ولا انتي

حبووب اهي نصحتج و اتي اتخذتي القرار ,,

و بالاخير انا معاج و مو ضدج ,, و ابي مصلحتج ,,,طلعي تقرير عن حالتج الحين و خشيه للمستقبل عشان تضمنين كل حقوقج ,,,و الله يعوضج بدكتوور احسن

 

[مركبه تقويم]

رد : تعالو شوووفو تجربتي مع اللومنيرز

اهلين اختي ريماس

انا اعرف ثنتين مركبين للومينرز ووضعهم اوكي وراضين

انا لي فتره قاريه موضوعك


وسويت استشاره مع دكتور استشاري وسألته

قالي ان اللومينرس ممتازه على الاسنان المصفوفه والمرتبه ولا فيها اي بروز
وجيده على الاسنان المصفوفه ومرتبه بس بينها فراغات يسكرها

وسيئه جدا ولا تصلح للاسنان الي فيها بروز للاسنان او تكون الاسنان متخربطه وتحتاج تقويم

ونتي بنفسك قلتي ان الدكتوره قالت لازم تقويم بس ما سويتي ركبتيها على طول ومعمل الاسنان قال للدكتوره على كلامك
ان حالتك تحتاج تقويم ومع هذا ما الغت الطلبيه ونبهتك هذا خطأ الدكتوره

يعني المشكله مو من اللومينرس صدقيني لو مركبه تقويم وصفت اسنانك زينه ولا كان فيه بروز كان طلعت نتيجه

ترضين عليها

وسالته قال اصلا الومينر مع الصمغ حقه ما يعدى سمكه 0.3 ملم

ولو كانت تقنية فاشله كان ماسمحت فيه الجمعيه الامريكية لطب الاسنان واعطتهم الترخيص

المشكله مو بالتقنيه نفسها المشكله بطريقة استخدامها

انا ان شاء الله بسويها بعد التقويم

 

[قزقز]

الله يعينج والحمدلله ع سلامتج
انا بعد من ضحايا عيادة الميدان
سويت عند د. جميل تلبيس 6 اسنان ب 1500
اول شي كانوا حلوين بس عقب 4 سنين الله لا يوريج
نزلت اللثه من بين سنين لان الملقوف قاصلي اللثه
يقول بس حددتها لج عشان يكون المنظر جمالي اكثر بدون لا يشاورني طبعا
وألحين عقب ما نزلت اللثه بين سنين من جهه وحده صار بينهم فراغ
مادري شلون صار جذي ! وحدددددده شكلهم تغير واصفروا مع اني اعتني بأسناني
ولما سألت عنه قالوا من زمان مغير العياده وطبعا لو ابوس كوعي ما يقولون وين راح
وألحين أدور عياده سنعه ابي اركب من جديد كلش مو عاجبيني

 

[اختي نحيسه]

إللحين فهموني .. هالمذيعين والمذيعات والفنانات والفناانييين
واللي يطلعون بالاعلانااات شلون ضبطت اسناانهم.؟
ليش علينا احنا الناس العاديين تخرب.؟
للحين مو فاهمه حصه اللوغاني تهبل اسنانها ولا بارزه وكذالك حسن البلام .. حتى اللي يطلعون بدعاية اسناان
تهبل اسنانهم بس ليش ماتضبط معاكم والكل يذم :s .؟

 

[وآحشنــي زمآنـك]

رد : تعالو شوووفو تجربتي مع اللومنيرز

وييييي الله يعينج حبيبتي ..

وحسبي الله فيهااا هاللي عاده نفسها دكتوره ..

 

[شمس 20]

شصار عليج رموسه ؟؟؟

 

[ام شريفه]

عيادة الميدان اتلوع الجبد انا من قبل 4 سنين مسويه عندهم تقويم شفاف أسناني ما فيهم شي بس مفججين وايد دكتوري هندي كان اسمه شارما و خلاني أحطه بس سنه و قالي بس شيليه أقوله دكتور لمن الحين أسناني مفججه الي فوق يقول نو نو قود و حطالي المتحرك و لبسته و هم ردو تفججو مره ثانيه.

فالحين مفكره بالفينير أو اللومينيرز فرحت عياده بالسالميه عالبحر نسيت اسمها المهم قالي الدكتور انتي ما ينفعلج تقويم ما أدري ليش....المهم بعد فتره رحت عياده ثانيه الحساوي كلينيك خذيت موعد بالتلفون جان السكرتيره تقولي سوي فينيرز أحسن من اللومينيرز و خذيت موعد يوم السبت و نشوف شنو الدكتوره تقولي شنو أحتاج....اذا أسناني بيصيرون ناطين مثلج بقولها تحطلي التقويم المخفي مو الشفاف عادي ما عندي مشاكل و الدكتوره اسمها منى.

بس والله خرعتيني و نبهتيني على هالشغله....صج انه خلقة ربج أحلى شي بس ترى الاسنان وايد مهمه يعني اذا انتي ما تقدرين تبتسمين بالصور ابسبة أسنانج ليش ما انعدلهم حتى لو التجربة افشلت من أول مره عادي اسوي مره ثانيه و ثالثه لمن يطلعون بالشكل الي انا أبيه.. اهم الشي الابتسامه الحلوه حق الثقه بالنفس.


و بس أدري اني قرقت وايد و مشكوره على تجربتج !​

 

[shlon ansa]

نصيحتي حطي تقويم بصرااااااحه انا حطيت تقويم واسناني سارو حلوين
بس ترى طولت فيه سنتين لانه بالحكومه مسويته ومواغيدهم كل شهر مره عشان جذي طول فيني عكس الخاص كل اسبوعين ويخلصونج ب6 شهور بس النتيجه كانت رووووعه
لا تفكرين بغير التقويم لانه اكيد عندج بروز وفراغات
موفقين كلكم

 

[%F&R%]

الله يعينج ويعوضج خير

 

[ريـمـااس]

الحمدالله بنات ردولي 1400 من افلوسي والله يجزه خير الدكتور ايمن ماقصر معاي

 

[فوفه 82]

اب للفايده
والله المستعان
نبي ابتسامة حصه اللوغاني

 

[مسك إلمحآسن]

آب للفايده

نبهتيني على شغلات وايد الله يجزاج خير