تعالو نتكاتف عشان لـ حد يستغلنـآ خو مآ صآرت منحه + حملة "قاطعوهم" تبدأ من اليوم

[حبيبتي إختي]

رد : حملة"قاطعوهم"تبدأ من اليوم

كلنا معاج بس يا ريت تحطون بيانات البضائع اللي ارتفعت اسعارها اول باول بهالموضوع
وكلنا نتابعه علشان نعرف شنو هالبضائع ونقاطعها.

 

[احب الدايت]

رد : حملة"قاطعوهم"تبدأ من اليوم

انا معاكم وصاجه الاخت (حبيبتي اختي )حطولنا البضائع المرتفعه بهالموضوع

 

[تاجرة ولكن]

رد: حملة"قاطعوهم"تبدأ من اليوم

وانا معاكم بعد

 

[ReeM ^ Style]

رد : حملة"قاطعوهم"تبدأ من اليوم

جان زين نعرف الشركات الاستغلاليه
ونقاطعها عشان يحترمون انفسهم

 

[قطوة@@]

رد : حملة"قاطعوهم"تبدأ من اليوم

نبي نعرف الشركات اللي رفعت اسعارها

 

[نووووونا]

رد: حملة"قاطعوهم"تبدأ من اليوم

وانا بعد وياكم

ان شاءالله احط صور اى شى ارتفعت اسعاره وكلنا نعين بعض ضد المستغلين

الله لا يربحهم

 

[كرز أخضر]

رد: حملة"قاطعوهم"تبدأ من اليوم

مياه ابراج الكويت

من 600 فلس للكرتون الصغير

إلى 800 فلس اليوم في مركز سلطان

الفرق 200 فلس

 

[Marymary]

رد: حملة"قاطعوهم"تبدأ من اليوم

يقولون الايفون زايدين سعره بيوريكا
ويقولون سوق السالمية سيتي سنتر البجامه الي ب5 صارت 10

 

[alhabibah]

رد : حملة"قاطعوهم"تبدأ من اليوم

أنا معاكم
بس علمونا بالبضايع إللي ارتفعت أسعارها

 

[كرز أخضر]

رد: حملة"قاطعوهم"تبدأ من اليوم


منتجات كي دي دي زياده اكثر من 300 فلس

البقالات... زياده فيق يمة السلع من 250 الى 400 فلس

خياطين العربيد...زياده عن السعر من 3 الى 4 دنانير

محلات بو دينار ونص صار بعضهم يبيع بدينارين

بعض الكوفيهات يقال ارتفع السعر اكثر من 300 فلس عن السابق

همتكم بنات ...حطوا اللي تعرفون...

 

[> Miss M6ereiah <]

رد : تعالو نتكاتف عشان لـ حد يستغلنـآ خو مآ صآرت منحه ..!

بنااااااااااات انا والله ثم والله اي شي يزيد سعره على طول بدق ع الرقم اللي نشروه مال اذا احد زاد سعره بس بعد ماتنزل الألف بشتغل مراقبة بأي مكان اطبه افففففف وربي شي يقهر

 

[aṕriliå]

رد : حملة"قاطعوهم"تبدأ من اليوم

معاااكم نقاااطع

 

[أميرة الحور]

رد: تعالو نتكاتف عشان لـ حد يستغلنـآ خو مآ صآرت منحه ..!

أهم شي حطوا لنا الأشياء اللي زادت أسعارها علشان نعرف

أنا أقول لو نسوي لنا مرجع على كل البضايع في الكويت وأسعارها خصوصا الماجلة لأن بعض الأشياء نشتريها مايكون عندنا خبرة فيها ماندري جم كانت وجم صارت

 

[خُزام]

رد: حملة"قاطعوهم"تبدأ من اليوم


استغلال مو طبيعي

لي متى نخليهم يستغلوننا طلعوا هالألف من عيوننا والله

ما تسوى علينا ما يخلوننا نتهنى فيها

كل منتج له بدييييييل وفيه أشياء نقدر نصبر عنها مو لازم نشتريها أول ما تنزل المنحة

وخل تطيح أغراضهم بجبودهم

 

[الــــغاليـــه]

رد : حملة"قاطعوهم"تبدأ من اليوم

حسبيي الله عليهم واحنا كلنا بنقاطعهم,واي مستجدات اول بأول معاكم .

 

[زبدة ككاو]

رد : حملة"قاطعوهم"تبدأ من اليوم

أنــآ معــآكم
بــسس وين هــآلمحــلآت
لأن أغلب المحلآت تنزيلات
بــسس إللي أعرفه الآي فون زآدوو سعره وبطوو جبدي
وين الحكوومة عنهم .. ؟!

 

[زبدة ككاو]

رد : رد: حملة"قاطعوهم"تبدأ من اليوم

منتجات كي دي دي زياده اكثر من 300 فلس

البقالات... زياده فيق يمة السلع من 250 الى 400 فلس

خياطين العربيد...زياده عن السعر من 3 الى 4 دنانير

محلات بو دينار ونص صار بعضهم يبيع بدينارين

بعض الكوفيهات يقال ارتفع السعر اكثر من 300 فلس عن السابق

همتكم بنات ...حطوا اللي تعرفون...

وآي موومن صجهم
أعتقد في رقم إدقين عليه تبلغين عنهم

 

[منوشة قلبي]

رد: حملة"قاطعوهم"تبدأ من اليوم

خلونا اول باول نقول حق بعض عن السلع اللي ارتفعت ونتكاتف ونخليها تطيح بجبودهم

 

[::كيك وعسل::]

رد : تعالو نتكاتف عشان لـ حد يستغلنـآ خو مآ صآرت منحه ..!

بعض الردود :


وتجربتي بسيطه: كنت اذهب الي مطحنة الفوز لاشتري القهوه التركيه لرواد الديوانيه باستمرار وقبل يومين لفت انتباهي التغيير الواضح جدا في سعر الكيلو للبن,وعند سؤال الموظف اعطاني ابتسامه صفراء وقال لي انها تسعيره جديده .
كان الكيلو الواحد ب 3,500 فلس وتغير الي 4,500 .
دينار هو الفرق ( يالطمع التجار )
الفرع اللي اتكلم عنه هو فرع الجهراء اللي بجانب سابليه

 

[q8y-moon]

رد: حملة"قاطعوهم"تبدأ من اليوم

بنات الي تعرف للفيس بوك خل تسوي حمله هنالك يوصل اكثر طرشو ايميلات وبرودكاستات
احنا متعودين ناخذ ماي ابراج عاد قلت لريلي اخذ ماي ثاني هالشهر لانهم غلو سعره جان يقول شدعوه واقفين علينا؟؟
بنات نشرووو اسالفه علي قد ماتقدرون عشان محد يقول نفس ريلي
اقصاها الف
انا والله حريمتهم ماني شاريه ولا عوود بروح اسد قرضي وبفتك