تعالو نرد على النائبات على رفضهم لقرار منح ربة المنزل المكافأه الزوجيه

[CUTE ENGINEER]

شحقه طايحين من عينهم ربات البيوت يعني؟؟؟؟؟

هذيلا أمهات مجابلين عيالهم 24 ساعة مساكين

مستخسرين فيهم 250 دينار؟؟؟

ليش خل يروحون يطالعون برنامج أوبرا لما قابلت ماريا شرايفر
زوجة حاكم كاليفورنيا اللي كان ممثل

قالت له ليش ما اشتغلتي؟؟

قالت لها آنا عندي أعظم و أصعب وظيفة

آنا

أم !!!!

والكل قام يصفق

هذيلا الأجانب المتطورين واللي ينادون بعمل المرأة

كلهم صفقوا حقها لما قالت هالكلمة لأنهم عرفوا شنو تقصد

الأم اللي قاعدة بالبيت تتعب أكثر من اللي تشتغل

والله صدقوني

لأنها تجابل مشاكل وضغوط البيت طوووووول اليوم

عندي أخت من خواتي تقول لي آنا ما أحب آخذ إجازة وأقعد بالبيت لأنه حنة اليهال تحطم أعصابي طول اليوم

عالأقل هالجم ساعة بالدوام يطلعوني من جو الضغط في البيت

عرفتوا منو اللي يعاني؟؟؟

ياليت هالنائبات

يستوعبون هالشي بس

 

[مرت راعي التاكسي]

المرة زوجها يصرف عليها سواء تشتغل او ربة بيت
الدولة تعطي للزوج علاوة زوجية وعلاوة اولاد شنوو اكثر بعد تبون تنهبون
اللي زوجها مايعطيها هذي مشكلتها مو مشكلة الدولة
بعدين ربات البيوت اذا جاز ان نسميهم ربات بيوت شقاعدين يسوون بالله ؟؟؟!!!!!!!
البيت والتربية والريل على الخدم شقاعدين يسووون ؟؟؟؟
ربة البيت تنام لي الساعة 1 الظهر الطبخ على الخدامة العيال الخدامة تقومهم من النوم وتريقهم وتلبسهم وتوديهم مع السايق المدرسة
والحجية نايمة
هي تحط الريوق للمعزب وتبخره
ربة البيت شتسوي
والدليل هالجرايم اللي نسمع فيها اللي منحاشة مع رفيجها والله نايم مع اخته واللي مخدرات وين ربة البيت؟؟؟
لو في ربة بيت تربي عيالها ماسمعنا بهالجرايم
الكويتيين صاروا من يسمعون طاري الفلوس انهبلوا
الزوجة مسئولة من زوجها مو من الحكووومة
واللي تبي فلوس عشان تربي عيالها هذي مووو ام

الله يسامحك

الحين كلللللللللللل ربات البيوت في الكويت من هالنوع

وكل عيالهم خربانين!!!!


عزا الله كلامك ما يبيض الوجة

ولا يشرف واللي بيقراه بياخذ فكرة شينة

ووحدة من ربات البيوت يا بتكون امك او اختك او خالتك!!!

هذي نظرتك لهم؟؟؟

واصابع ايدك مو مثل بعضها

في امهات قلوبهم على عيالهم وضحوا بالوظيفة والمعاش عشان ما يحطون عيالهم تحت رحمتة الخدامات

والموظفة هي اكثر اتكال على الخدامة في البيت والتربية

وتعرفين تربية الخدم وعواقبها اللي هي مثل ما قلتي جرائم وانحراف

صج صج ديرة حسد وانتوا صرتوا نسخ من النائبات

حب لاخيك ما تحبة لنفسك

الوحدة اذا لها مصلحة قعدت تمدح وتمدح واذا ما لها فية مصلحة حطت كل شينة فية

ربات البيوت بخير وبنعمة ومو بعازت هالفلسين اللي طلعتوهم من خشومهم وانتوا للحين ما عطيتوهم شلون لو معطينهم بالله


لان قعدتها ببيتها وعيالها حوالينها هذا يقول يمه وهذا يقول ماما تسوى الدنيا وما فيها

واذا بيعطونها فهذا اقل من حقها اللي الله خلقها عشانه

هذا ردي ولا تزعلين منه لان كلامك يزعل

 

[om al ghaleen]

اذا بيعطونا 250 مشكوورين وماقصروواا
واذا ماعطونا اياها هم ماتفرق ترا وبعد ماقصروا

لانه بناخذ المعاش والسوق راح يرتفع مباشره
الحمدالله ريلي مو مقصر علي وعندي بدل الخدامه خدامتين مو بحاجتهم
والعضوه اللي تقول انه احنا ناكل ومسح بأيدنا الطوووفه ؟؟ ليش انتي داشه بيوتنا
ولاحاطه كاميرات بغرفنا ؟ فعلا نااس متشائمه !! وماتعرف تميز انه اصابع اييدها مو سوا

 

[pizza]

بمبة المفترسة شفيج على ربات المنزل ( فديتهم هذيل الأمهات صج ) إذا أمج كانت جذيه او اختج مو معناتها إن كل ربات المنزل جذيه ..
امبـيه إذا الإنحراف صار من ربات المنازل عيل إنحراف عيال الخدم شنو اقصد عيال الموظفات ..

حبيبتي إحنا ما تهمنا الفلوس لو تهمنا جان توظفنا مثلج هههههه إحنا سمعنا عن المنحه الحلوه إستانسنا ونبيها حرام يعني , ليش هالنحاسه إحنا قاعدين ببيوتنا من قبل لايقرون هالمنحه يعني ماتهمنا الماده بس حلوه الفكره ليش معارضه ..

بعدين كل الحجي اللي قلتيه عن الإنحراف سبته الموظفات حبيبتي حتى الأعضاء الرجال فرحوا بهالقرار وقالوا أحسن عشان هالمشاكل تخف
هالمشاكل بسبة الخدم والإعتماد الكلي عليه .. احنا ربات المنازل الخدم للغسيل والطبخ كيفنا بس ما يلمسون عيالنا والحمدلله .. لكن انتوا الله يعين عيالكم ..
....
سألي نفسج هالأسئله :

المرأه العامله وين عيالها إذا كانت بالدوام ؟؟ طبعا عند الخادمه ..
المرأه العامله لما تجي من الدوام تجابل عيالها ؟؟ طبعا لا بتاخذ قيلوله عشان تعبانه ..
المرأه العامله لما تقعد من القيلوله شتسوي ؟ تجابل شغل دوامها ..
وين عيالها ؟ إما مع ميري او كرستينا او هايتـين بالسكيك ..
احنا مو عايشين بكوكب ثاني كلنا مع بعض ونعرف بعض عدل لاتناقضين نفسج

وكل هذا وتقولين الإنحراف من ربات المنزل ههههه يحليلج الحين الإنحراف صار من الأمهات اللي مجابلين عيالهم ... ويـــه لا ومستخسره ننام الظهر .. احنا لاطبخت لنا الخدامه نستاهل من التعب مجابل العيال ما جربيته متعب خو انتي مريحه كل شي على خداكتج الله يعينها ...
اي والله انام آنا وعيالي ونقعد الظهر ونتغدى مع بعض شفيها قلبي ما يطاوعني اهد عيالي وريلي والحمدلله ريلي مايقصر بس والله حلوه فكره
هالمنحه ليش لأ إن شاءالله الله يسهل ويقرونها ويزيد الخير .. والله يعطيني الصحه والعافيه ولاحدني على الدوام اللهم آمين

وآخر شي آنا ما احب اكلم احد بهالأسلوب لان عندي خوات وصديقات موظفات على عيني وراسي بس يعترفون بقصورهم ويقولون الوظيفه شر لابد منه وإذا ما اعترفوا ما يحقرون الناس اللي مو مثلهم .. آنا هذيل احترمهم لأنهم يسكتون عن الغلط ويحترمون الغير ومالهم شغل بأحد بس آنا بطبعي اللي يقلل من قيمتي اقلل من قيمته فلا تزعلين مني (( بصير احسن منج ههه )) آنا أفتخر إني ربة منزل ولو أبي اتوظف سهله ترى احنا كويتيات وكل شي سهل بفضل الله صح ولا آنا غلطانه وعلى راسي كل موظفه ديموقراطيه تحب الخير لنفسها ولغيرها

 

[أحبه موت]

والله ولا وحده صاجه باللي تقوله حنا يالرجاجيل مظلومين وانتم كل شي صار وياكم الحين كل شي للمرأه شنو تبون بعد ليكون تبون العصمه بيدكم ولا عاجبكم القرار ان المراه تسافر بدون اذن زوجها خلونا واقعين والكويت راحت ورااااااااااااااا. وعلى فكره الرجال قوامون على النساء، مو تفهمونها غلط يعني السبعين مكافأة الزوجه شكو تاخذها المره يعني معقوله مافي رجال مايصرف على زوجته الاكل والشرب والملابس وفوق هذا يعطيها فلوس اكثر من المكافأه يلا عاد كل وحده تكتب الصج مو ناقص الا اطالبون ان يكون الحكم نسائي والله رحناااا فيها.

هذا شكو داش عرض بالموضوع منو طلب رايك
أقول ضف وجهك وايد أحسن​

 

[*يارا*]

فعلا دور الأم وايد صعب سواء تشتغل أو ربه بيت

وما أعتقد ان في أي وحده تشتغل وتكد بتختار البيت عشان 250 دينار -
وربة البيت مو ناطرة 250 لأن اختارت بيتها وعيالها وقناعتها أن دورها أهم من الفلوس


وبعدين النائبات خل يعرفون مصلحة روحهم عشان يعرفون مصلحة المرأة الكويتيه
اختاروا الصراخ ورفع الضغط ومهانات واشاعات وكرف جنهم رياييل

باعوا الدلع والأنوثة والرقه شلون بعرفون مصلحتنا ويريحونا - لا تنطرون منهم شي

بعدين دينا دين كل وقت وكل زمان وكلام الله سبحانه وتعالى ورسوله قاعده صحيحه وثابته ما تتغير
المرأة لا تولى ولايه لظروفها العاطفيه وقلبها الحنون ورقتها عشان جذي ما تقدر تاخذ قرار صح


الشرع يأمر الريال بالكد والصرف على زوجته وعياله ومطلوب منه يسكنهنم بمكان امن
ومطلوب يربي اليهال مع الأم ومطلوب يساعد زوجته بشغل البيت ومطلوب منه يلعب معاها ويدللها
ومطلوب يجاملها ويراعي حقوقها .. مساكيييييييييييييييييييييييييين

يعني الرياييل المفروض اهما إلي يطالبون بالمساواة مو أحنا شلنا بالشقا

دورنا بالحياة نعمه الحمدلله تتزينن حق الزوج > صالون وسبا ومكياج واااي وناسه
وتكلمين ريلج بهدوء وتعطينا طلباتج وتربين كتاكيتج وأهوا يساعدج (هذا كلام الشرع)
وإذا تشتغلين مو مطلوب تصرفين الصرف باختيارج ..

بس ويين إلي يطبق شرع الله وسنة رسوله عليه أفضل الصلاة والسلام

 

[*يارا*]

اذا بيعطونا 250 مشكوورين وماقصروواا
واذا ماعطونا اياها هم ماتفرق ترا وبعد ماقصروا

لانه بناخذ المعاش والسوق راح يرتفع مباشره
الحمدالله ريلي مو مقصر علي وعندي بدل الخدامه خدامتين مو بحاجتهم
والعضوه اللي تقول انه احنا ناكل ومسح بأيدنا الطوووفه ؟؟ ليش انتي داشه بيوتنا
ولاحاطه كاميرات بغرفنا ؟ فعلا نااس متشائمه !! وماتعرف تميز انه اصابع اييدها مو سوا

الله يعطيكم العافيه ويوفقكم يااارب

كلام كله صح 250 ما تسوي شي وما تفرق المعيشه غالية الله يعين الجميع

 

[اتعبنى جمالي]

فلتسمحوا لي بالانضمام الى تعليقاتكم وليتنا نرجع قليللا الى الوراء عندما كانت تنادي تلك النائبات بحقوق المرأه ومان وصلت الى مبتغاها حتى ادارت الظهور عن مطالب فئه ليست بهينه من النساء وهذا يرجع بالاكيد الى عدم المصداقيه والى ماتحمله تلك النائبات من مشاعر غير سويه تجاه فئة النساء ونسين تماما انهن وصلن بفضل تصويت النساء لهن ولكن اتمنى ان يكون هذا درسا رادعا لنا ونعترف جميعا ان المرأه هى التي تعرقل مسيرة المرأه والا لما كنا رأينا بدوائر العمل المختلفه تلك المؤامرات والدسائس من قبل السيدات لبعضهن وانا لااعمم ولكنها حقيقه موجودها في مجتمعنا ومازلت اصر ان من يفهم طبيعة المرأه انما هو الرجل وليست المرأه وليتنا نتعلم للمرحله المقبله لمن نعطي اصواتنا وننسى ان ان مجتمع النساء لن يخدمنا الا بما يتماشى مع طبيعة القرارات الحكوميه لكم تحيااااتي

 

[blue rain]

والله غير شغله بعد يبون يقعدون بالبيت ويبن الدوله تصرف عليهم لاومبلغ مو شوي بعد!!

فووق ما الدوله صرفت وخسرت على تعليمهم بكل المراحل من الروضه لي الجامعه يبون يقعدون بالبيت ويخسرونها اكثر وتصرف

معاش لهم!!! ليش من الأول عيل درستوا وتعبتوا عمركم وخسرت الدوله عليكم الفلووووس؟؟؟

يعني انه ما شفت شعب مثل الشعب الكويتي على كثر ما تعطيهم الدوله لا حمدا ولا شكورا يبون النفط واقتصاد الدوله كله عندهم

ولا راح يعجبهم بعد!!قولوا الحمدلله والله من كثر العز والخير والدلع والدلال اللي انتو فيه مو عارفين شتقولون ولا تطلبون!!

والللي تهاجم الحريم بعرف الرياييل سنين وبنين ماسكين مجلس الأمه دهور شنو سوو؟؟ ما نشوفهم غير يطالبون بزيادات وفلوس وجناسي

حقهم وحق ربعهم يطالبون بهالفلوس علشان يدغدغون مشاعر الشعب الكويتي جنه دافعين من جيبهم ولا جنه المواطن الكويتي ناقصه فلوس!!

خل يطالبون بالتنميه بالتطور باشياء ترفع وتعلي من شان البلد مو بس شفط من ميزانيه الدوله ..الموظفه اللي تشتغل وتخدم الدوله

يمشيلها معاش وراتب تقاعدي بعد بعد التقاعد اما ربه البيت اللي تبي تقعد ببيتها زوجها يمشيلها مصروفها ولا ليش تعطي الزوج علاوه

زوجيه وعلاوه لكل طفل وبدل ايجار وكل شوي زياده واشدعوه الحين ربات البيوت ما عندهم خدم شنو قاعد يسووووون !!! ما صارت دوله لو نكح بنطالب ببدل كحه!!

اختي الله يهداج انت تنظرين للامور بمنظارج الخاص بس
يعني مو كل الكويتيات قاطين شغل البيت والعيال على الخدم
مو كل الكويتيات زوجها معاشه 1000
واصلا مو كل الكويتيات زوجها يعطيها يعني اذا انتي زوجج مدللج ويكد عليج وعندج خير وفلوس او الله يسر لج امر الدراسه والوظيفة الزين والمعاش القوي
وعايشه احسن عيشه غيرج الله ماقسم له يحصل وظيفه او ظروف معيشيه زينه غيرج طبقة كادحه تكرف تكرف بوظايف مهينه ومتعبه ومعاشها مايوصل 300 دينار فقالو الاعضاء بدال ماهي تكرف وتاركه بيتها لانها محتااااااااااجه حيل300 دينار نخليها تقعد بالبيت ونمشي لها 250 ونخفف من البطاله المقنعه
وموكل الكويتيات ساكنه بمكان مريح
كلنا متحاشرين بشقه جنها قبر عشان مانقدر على الاجارات الغاليه اللي وصلت 400 دينار للشقه فانتي فكري بهذي الفقيرة اللي الله ماقسم لها بظروف احسن ال 250 شلون بتغير من حالها
بعدين الكويت دوله غنيه
وتعطي غيرها من الدول بالهبل
وكل شوي نسمع افتتاح جامعه بالدوله الفلانيه
افتتاح مستشفى بالدوله العلانيه
بناء اضخم محطة كهرباء بلبنان
وغيرها وغيرها
والمواطن مبقق عيونه ويطالع
زين شوفو دول الغرب اللي ماطلعت جنطه ولا ساعه الا و رحتو تراكضون تقلدونهم
كاهم قاعدين يمشون معاشات لربات البيوت يقولون لانها اصعب مهنه على وجه الارض
يعني هذيج حلال وهذي حرام

 

[blue rain]

اختي اذا ظروفج ماشاء الله عليج زينه وتمام التمام , ترى غيرج عنده ظروف معينه ماندري عنها ,,,, بعدين الرياييل احسن وايد ولهم انجازات تذكر ما ننكرهاااااااااااااااااااااااااااااا ابدااا
وربه المنزل تصنف على انها من الوظائف الشاااااااااااااااقه , على الرغم اني موظفه ولكن ماحب احسد غيري . واحب الخير يعم على الكل .

الله يجزاج خير على كلامج الحلو اللي يبرد الجبد
عسى الله يوفقج ويرزقج من فضله العظيم

والله يسامح اللي فيهم حسد على الفقيرات المسكينات جنهم هم اللي بيدفعونها من جيبهم

 

[البيداء_77]

خل يفرحون اللي عطوا هالحريم الفصع اصوات ............ حسبي الله عليهم موشاطرين الا بفزعتهم حق منتخب القدم الحريمي الله لا يواخذنا بهالسفهاء من الحريم انقلبت الدنيا يبون المرا طول اليوم هايته برا البيت ولا بعد تلعب كره قدم مع الصبيان

 

[blue rain]

المرة زوجها يصرف عليها سواء تشتغل او ربة بيت
الدولة تعطي للزوج علاوة زوجية وعلاوة اولاد شنوو اكثر بعد تبون تنهبون
اللي زوجها مايعطيها هذي مشكلتها مو مشكلة الدولة
بعدين ربات البيوت اذا جاز ان نسميهم ربات بيوت شقاعدين يسوون بالله ؟؟؟!!!!!!!
البيت والتربية والريل على الخدم شقاعدين يسووون ؟؟؟؟
ربة البيت تنام لي الساعة 1 الظهر الطبخ على الخدامة العيال الخدامة تقومهم من النوم وتريقهم وتلبسهم وتوديهم مع السايق المدرسة
والحجية نايمة
هي تحط الريوق للمعزب وتبخره
ربة البيت شتسوي
والدليل هالجرايم اللي نسمع فيها اللي منحاشة مع رفيجها والله نايم مع اخته واللي مخدرات وين ربة البيت؟؟؟
لو في ربة بيت تربي عيالها ماسمعنا بهالجرايم
الكويتيين صاروا من يسمعون طاري الفلوس انهبلوا
الزوجة مسئولة من زوجها مو من الحكووومة
واللي تبي فلوس عشان تربي عيالها هذي مووو ام

اغلب جرايم الخدم اللي صارت , صارت لان الام موظفه ومحتاجه للوظيفه وخلت العيال الصغار عند الخادمه


وبعدين ترى كلن يرى الناس بعين طبعه
الله يعين زوجج اللي حتى البخور الخدامه تبخره ...

 

[ChaRminG DiVa]

والله مسخره .. شرايكم ندفع لكم بدل الهوا اللي تتنفسونه و ندفع لكم ليش انكم مواطنين الصراحه انا اشوف هالشي نفس مبدأ ان ندفع لكم ليش قاعدين بالبيت .. وابي ارد على اللي تقول قاعدين ومجابلين عيالنا .. تبين فلوس عشان تربين عيالج ؟؟ تتمنين على الديره فيهم يعني ولا شنو !!
و شنو التعب اللي تتعبونه و كل وحده عندها خدامتين .. ندفع لكم ليش عشان كل وحده تنام لي الظهر وبعدين تفرفر بالسواقه والمشاغل وعلى قوله وحده من الخوات تروحون سبا وتشترون مكياج .. لي هالدرجه الكويتيه عله على مجتمعها !! اللي يايتلي وحده تهمش دور النساء في ديرتنا الغاليه .. تهمش دور الدكتوره و المهندسه و المحاسبه و المدرسه و السكرتيره و الموظفه و تحصرها بأنها تتزين حق الزوج !! لي هالدرجه اختي انتي مبدأج سخيف !! الاسلام قال حطي مكياج و روحي سبا و دلعي ريلج !!
امهات المؤمنين ما ضربو لنا هالمثل ما قالولنا قعدي بالبيت تدلعي وحطي ريل على ريل .. الاسلام ما قال دور المرأه محصور انها تتزوج وتييب عيال و تقعد تعابل بريلها يمين يسار ارتقي بفكرج شوي واخزيااااااااااه فشلتونا جدام الله و خلقه .. ما اقول الا روحي الصالون و جابلي السبا رفعتي ضغطي

 

[شانييل]

واااااااااااااااااي صج نقاش والكل صار يهاجم بعضه البعض ونسيتوا المهم إلى إهوة مسخرة مجلس الامة
للعلم هالي نجحوا ما نجحوا من كيفهم لا يبا الحكومة إهية الي منجحتهم ولا تصدقون انتخابات ما إنتخابات
وعى فكرة ترى كلهم عقد وشايفين روحهم وما يفكرون عدل مو بس إهمة لأ همن الرياييلل ماعدا جم واحد فقط
الكل يبي ينهب ويبوق ويستفيد الكل ماعدا الدينين المستقللين
مو التكتلات السياسية الي لها أهداف
وصراحة كل انسان كةيتي يستاهل فلوس ومعاش ليش حرام مو الدولة لازم تصرف عليه كا المطلقة والعانس يمشولها معاش ليش ما يمشون معاش للي مو موظفة؟! لاتحاااااااااااااسد
لايؤمن أحدكم حتى يحب لأخيه ما يحب لنفسه
ولاتغلط وحدة على غيرها الموظفة تسب اللي بالبيت والعكس صحيح
السنع سنع والرفلة رفلة سواء موظفة أو قاعدة بالبيت
ما أقول ربة بيت لأ لأنهم كلهم ربات بيوت
والي تقول مرة حاكم كاليفورنيا ماتشتغل
لعلمج هذي مليارديرة وتصير لعايلة معروفة جنها عابلة كينيدى وإهمة مليارديربة
وريبها الممثل أرنود شوارزنيجر
وعلى فكرة هذي مو قاعدة ببيتها أشغالها تارسة الدنيا
يعني مو ربة بيت كلها شركات وتتطوع بالجمعيات

 

[بنت نونو-11]

اذا بيعطون ربات البيوت 250 خل يزيدون معاش الموظفات بعد 250 حتى هم يربون عيال وبيت وتعب فوووق دوامهم وكرفهم اما يعطون ربات البيوت والموظفات لااا حرام ظلم جان كل من قعد في البيت .. يعني اللي في البيت تربي عيال واللي تداوم ماتربي

 

[مشاعل الشمري]

واااااااااااااااااي صج نقاش والكل صار يهاجم بعضه البعض ونسيتوا المهم إلى إهوة مسخرة مجلس الامة
للعلم هالي نجحوا ما نجحوا من كيفهم لا يبا الحكومة إهية الي منجحتهم ولا تصدقون انتخابات ما إنتخابات
وعى فكرة ترى كلهم عقد وشايفين روحهم وما يفكرون عدل مو بس إهمة لأ همن الرياييلل ماعدا جم واحد فقط
الكل يبي ينهب ويبوق ويستفيد الكل ماعدا الدينين المستقللين
مو التكتلات السياسية الي لها أهداف
وصراحة كل انسان كةيتي يستاهل فلوس ومعاش ليش حرام مو الدولة لازم تصرف عليه كا المطلقة والعانس يمشولها معاش ليش ما يمشون معاش للي مو موظفة؟! لاتحاااااااااااااسد
لايؤمن أحدكم حتى يحب لأخيه ما يحب لنفسه
ولاتغلط وحدة على غيرها الموظفة تسب اللي بالبيت والعكس صحيح
السنع سنع والرفلة رفلة سواء موظفة أو قاعدة بالبيت
ما أقول ربة بيت لأ لأنهم كلهم ربات بيوت
والي تقول مرة حاكم كاليفورنيا ماتشتغل
لعلمج هذي مليارديرة وتصير لعايلة معروفة جنها عابلة كينيدى وإهمة مليارديربة
وريبها الممثل أرنود شوارزنيجر
وعلى فكرة هذي مو قاعدة ببيتها أشغالها تارسة الدنيا
يعني مو ربة بيت كلها شركات وتتطوع بالجمعيات

:icon30:

 

[Q8NV]

انا معاهم و ضدهم
حلو المره تشتغل و تخالط المجتمع بالقانون هذا يمحون دور المراه ليش حرام
و ضدهم انه لانه في ناس رياييلهم ما يرضون يشتغلون المعيشه نار الي الله معطيها و معطي ريلها و عايشه فوق النخل و مو محتاجه غيرج محتاج انتي مو داشه كل بيت الحين اندش الجمعيه اقل شي يوميا 20 دينار غيرطلبات المدارس حفاظات حليب معاش خدم ايجار مصروف اليهال طلبات مدارس شنو هالمعاش اخاف يعطونا خمستالاف كل شهر الدنيا نار بره ما فيها شي اذا خذو الحريم بعد عادي الي تقول يعطون ريلها علاوه حق الزوجه و اليهال تكفين خمسين دينار تكفي حفاظات وحليب ياهل حق شهر علاوه الزوجه شنو اتييب اخاف العلاوه 500 دينار انتي ريلج يصرف عليج اللخ يهنيج غيرج لا ليش الانانيه انتي تنامين و خدامتج وسايقج متكفل ابيتج انتي حره لا تجمعين امي موظفه شنو صار انحرفنا بس الدور على التربيه السنعه في ناس ما يدرون عن اعيالهم مسافرين والا هايته مع ارفيجاتها لا دوام ولا خرابيط و ريال يصرف المسكين و اعيالها اردى تربيه شكو الوظيفه صراحه ردج غريب انا مع اي قانون يخدم كويتي والا كويتيه عليهم بالعافيه انا مو عايشه بكل بيت واعرف شنو حايتهم واحكم عليهم اذا كانت حياتج واحياه وحده تصيرلج فهذي مصيبه والله يعينها على نفسها حمدالله وشكر

وبعدين يحلون مشاكل البطاله الي حنا كويتييين اندور الوظيفه مو لاقين شنو انسوي ما عندنا وظايف و ظفونا انتو امهات الخير و النعمه و المراكز احنا كويتيين ننذل علشان وظيفه مو لاقين ولا بدل ينصرف لنا علينا بالعافيه ما سالناج معاشج وين تقطينه عليج بالعافيه عطوج بدل غلاء معيشه واحنا ماكو شي ما قلنا شي هذا الكلام حق موظفات ما قلنا لا وما نرضى واحنا بالبيت شنو ذنبنا انتو هالبدلات الس انزلتكم و بعد اطالبون
يعني تستانسون لما تشوفون لفلوس رايحه حق لعراق و حق دوله لفلانيه بالملايين الفلبين وغيره دير الي يكروون اعيالكم ما تتكلمون بس حق لكويتي كخ بس صج ماكو فايده

 

[انصاريه قمره]

حبيبتي انا جامعيه وربه منزل ومتفرغه تاما حق بيتي وعيالي وما عندي خدامه
انتواا اللي مرتاحييين وعندكم خدم يشلوونكم ويشيلون عيالكم وبيوتكم احنا اللي طول اليوم كرااف وسهر مع هاليهااال ومعاابل وبعدين انتوتاا شحااركم اذا الحكوومه بتصرف لناا علاااوه اجتماعيه اخاف من جيوبكم وانا مادري ههههههههه
والله حاله

 

[غموض المطيرى]

يجماعه انتم شفيكم ليش الحسد بس وشفيها لاعطوا ربات البيوت منحه من حقهم كفايه مقابلين عيالهم وبيتهم وانا صراحه من المؤيدين لهالمنحه رغم اني موظفه بس احب لاخيك ماتحبه لنفسك وكفايه روح النزاعات على كل شي خلوا عندكم شوي حب الغير ماله داعي هالانانيه لان الله الرازق مو انتم والله اللي قاعد يصير بالديره شي يضيق الخلق على كل شي نلقى في اعتراضات واللي يقهر ان المره هي اللي ضد المره ما اقول غير صفوا النيه خل ربي يوفقكم

 

[cup-cacke]

هالعضوات بغيناهم عون صاروا فرعون