تعالو نستفيد من بعض...؟(محلات أشغال اليدوية)

[سرقت النوم]

موضوع حلو .. و مميز بعد ... بس لو كل وحده تقول لنا شنو الشي المميز اللي خلاها تشتري من هالمكان المحدد بدال أي مكان ...
يعني آنا ودي أسوي باندات مميزه لبنات إختي .. ما عندي شغل وودي أسوي شي مميز .
و أبي التركيبات اللي ما أحصلهم في محلات الكلف ..

ووين احصل كرستال .. زجاج بس رخيص..

و من خبرتكم إشلون أركب الكرستال على شيله أو على عباة .. بدون لا أحرقها .. لاتقولولي .. جهاز تركيب الستراس.. جربته حرق شيلتي ...

يعني لما أركب الكرستاله .. أحط الجهاز عليها تحترق...


مو عارفه إشلون أركب بالسوبر جلو .. ولا بالسيليكون مستحيل طبعا...

ما أدري..

بس آنا حاسه بضيقه خلق وودي .. أشغل وقتي..

 

[العنود22]

انا صراحة ماسوي بس الي اعرفه انه عند القيصرية بركات كل شي عنده

 

[Al Atwan]

بياع الورد صار الكل يروح له لكن اسعاره مو مثل اول زادت اسعاره
لكن اللي تحب التميز وين تروح

 

[ريحانة_14]

بنات

أبي أعرف نوعيات الأعمال اليدويه إللي تتكلمون عنها

إذا من طقة أصباغ وديكوباج وفرش أنا أروح دسمان أول ما تدشين من الباب الرئيسي مو إللي صوب مكتبة البدر لأ الثاني .. تروحين ثاني أو ثالث محل على يمينج روووعه فيه أنواع كلنيكسات أستخدمها بالديكوباج ما شفت عند أحد مثلها والله كلش

وفي محل بشويخ داخل مجمع واره إسمه Art & crafts هذا كل شي عنده وأدواته مميزة وأحيانا ماتلاقين مثلها بمحلات دسمان .. أمر عليه بين فتره والثانيه ألاقي عنده شغلا يديده .. والعام بالصيف كان عنده وحده فلبينية تعطي دورة كل يوم جمعه الساعه 10 ببلاش علشان يسوي دعايه حق الأغراض إللي عنده وإذا تبين تشترين وإذا ماتبين لا تشترين عادي .

أما إذا شغل خامات وفناتق ألبومات مثلا والا تراتر وستراس والا مادري يعني أي شي ثاني عندج سوق الصفاة .. وإذا تبين بعد كياس حق الشيلات مثلا والا علب نايلون أرخص من سرداب بويوسف مال حولي عندج مكتبات وزارة التربية إللي صايره صوب سوق البلوكات وين البوابه الرئيسيه ؟؟

تخلينها على يمناج وتكلمين سيده تشوفين مدخل .. دشي يمين تشوفين كود مكتبات .. طبعا أرررررررخص مكتبات هذيل

وبعد شنو تبون ؟؟؟؟


تنبيه :الاعلان من حق سيدات الاعمال للاستفسار يرجى مراسله مديرة المنتدى

 

[*نوفه*]

شوق حبيبتي قصر الهدايا وين صاير بالفروانيه؟؟

 

[*شوق*]

بشارع المطافى وين حلويات ليالى الشرق بالسرداب الى تحتة واسعارة حلوة الى تسأل شلون تركب الكرستال من غير الجهاز فى طريقة حلوة تييبين الاوتى وتسخنينة على رقم واحد وتقلبينة وتحطين علية الكرستال وتاخذين وحده وحده وتركبينة طبعا بالملقط مو بيدج

 

[ساره ستايل]

والله انا شغلي اخذه من كذا مكان

بياع الورد (( بس كرهته لأن صاير وااااااايد زحمه .. حتى من الخليج قاموا اييون له ماشالله - وانا ما اواطن الزحمه ))


البلوكات (( حق الكلف اللي اخليها بدال الريبونات ))

السوق التركي الايراني (( حق الفازات الشفافه الزجاجيه ))
وبعض الستاندات اللي تصلح حق التوزيعات أو كطريقه من طرق تقديم الهديه .

راااااااااااامز وما ادراك ما رامز (( صناديق - سلال - شموع - صواني قش أو خوص عريض
لتوزيعات الككاو + وايد اشياء آخذها منه واخشها لوقت الضرورة ..
وسبحان الله لازم ارجع لها واحتاجها ))

اممممممممم اذا تذكرت شي بعد قلت لكم عنه

 

[ساره ستايل]

تذكرت مكان مهم وااااااايد عندي :

سنتر بوينت :

مكان مميز للورد الصناعيه الرااااااقيه اللي جنها طبيعيه
والمجففه المميزة بأشكالها واحجامها والوانها

سعرها غالي .. لكن سعرها فيها لأنها جوده شكلا ومضمونا (( عن تجربة شخصيه ))

غير الشموع اللي عنده والشمعدانات اللي ادخلها مع الهديه أو التوزيعات أو اي شي ثاني

 

[جوري أحمر]

انصحكم بدايسون موجود بالفروانية بمجمع مغاتير فوق
وموجود بالفروانية يم مطعم القيصر اكيد تعرفونه
تحياتي للجميع

 

[تاجره كويتيه]

بنات ابي سرداب بو يوسف الي بحولي وين صاير بالضبط وبركات هذا انا اول مره اسمع عنه مكانه وين
وقصر الهدايه اسعاره غاليه الاسوقه الشعبيه ارخص وطيور الجنه بعد نفس الشغلات انا شايفتها ارخص

 

[لمسات شمووخ]

اممممممممممممممممممممممممممممممم

شكلي بمر قصر الهدايا لان اول مره اسمع عنه


انا عن نفسي احوس كل مكان اي شي يعجبني اخذه

 

[Athwaq]

انا ماعندي محل بس عندي اقلام البوب كورن

رهيييييبه حق التزيين خصوصا الاوراق والاسطح الصلبة والناشفه

مثل علب الهدايا والقرقيعان و التوزيعات و كفرات الموبايل

 

[كويتية نشيطة]

دايسو وايد شغله حلو ورخيص

بس انا اشتري بدون ما افنتق

 

[almost a whisper]

خوش موضوع والله

انا اروح بركات .. اخذ من عندهم بكرات الصوف .. وابر حياكه ..

وساعات اروح البلوكات .. احب سوالف الخرز الي عندهم .. هم اكو بكرات صوف في جم محل .. بس مو ذاك الزود بكراتهم

وطحت على محل يم المبرور اسمه اعناب .. اغلب الخرز الي صرت اخذه من عنده
واسعاره زينه بعد

هذا بالنسبه لشغلي انا حياكه وشغل بالخرز .. ما اعرف عن باقي الاشياء :tek:

 

[الفودرية]

يعطيكم العافية

 

[سفيرة العشق]

في سوق المباركية

طيور الجنة

بومية اللي بمحاميد بالسالمية

 

[alnoof]

يالله بنات كملو

نبي بعد محلاااااااااات بس تكون اسعارها معقوله


مافي وحده تعرف محل يوصل لي البيت او نطلب من النت

 

[أساور]

سرداب بويوسف نفسه زهور الشرقية والا غيره؟

 

[bintmasr2009]

يعطيكم العافيه بنات
واللي يعافيكم اللي تكتب عن محل ولا مكان تقول لنا بالضبط وين صاير واي شارع
علشان الغشم اللي نفسي يستفيدون ويدلون


ويسلموا على الموضوع المفيد ياقلبي
وياريت يا مشرفاتنا الموضوع يتثبت علشان يكون مرجع للبنات :ggdw::ggdw:

 

[أميرة الحزن:)]

انا بالصراحه ماكو على بياع الورد اللي بحولي