تعالو يابنات اسمعو معاناتي من اقرب الناس لي

[just--me]

مرحبا بنات وكل عام وانتم بخير بنات انا جدا تعبانه وبدخل بالموضوع على طول ابي افضفض بس لانكم احب منتدى لقلبي بنات زي مانتم عارفين انا حامل وسبق وكتبت لكم موضوع عن لون بشرة الجنين لان انا سمرا فاتحه وزوجي اسمر غامق مع ان اهالينا كلنا بيض ووشكثر عانينا ثنينا من هالشي تخيلي كلنا لما كنا صغار ينادونا يالاسود والسوده اكتشفت ان كلنا عندنا نفس العقده على اني جميله واجمل خواتي بس هذي عقدتي بالحياه اتمنى من الله ان جنيني مايطلع اسمر ويتعقد زينا وربي يعوضني فيهم بنات المهم زوجة اخوي ولدت بنت سمرا تخيلو وهي سمرا مثلي وزوجها افتح وعندهل قبل ولدين فاتحين تخيلو اخوي يدق على امي يقوول سودا على فلانه اللي هو انا يعني طالعه علي قالت امي من بيض زوجتك المهم تخيلو يابنات كل مادخلت بيت اهلي قامو يعيدون هالسالفه احس بجرح ماتتخيلونه والله بكيت بكا ببيتي زي الطفل الصغير لدرجة دعيت على اهلي ويجي اخوي قدام حريم اخواني والجمعه ويقول سودا عليك جتلك وحاقد علي ويقولون امها تقول مادري لمين جايه هالسودا تلمح تخيلو قدام اهلي اللي يقهر اهي سمرا يابنات ومن خرفنة اخوي حاطها باخته ولاحطها فيها تخيلو للحين مازرتها ولا جيتها من الحرقه اللي بقلبي اخر شي امس كنت عند اهلي تخيلو بنات يعيدون السالفه ابوي اللي هو ابوي يقول انتي وزوجك ماطاح الا انبطح بتجيبون اسود تعرفون بنات ساعتها وش تمنيت تمنيت اموت وانتهي من هالحياه يعني العقده ملاحقتني وانا كبيره وبتستمر معي والا امي لما قال ولد اختي اذا جبتي بنت حلوه بتزوجها قالت امي لا بنتها بتجي سودا اخذ بنت فلانه تقصد اختي لاتقولون يابنات انتي حساسه ومن هالكلام كل وحده تحط نفسها مكاني تدرون حملت عقب ارع سنين من غير سبب والحين بنات تجيني حالة صعف اقول ليت ماحملت وافترق انا وزوجي وارتاح بنات كرهت اهلي لدرجة مارح اولد عندهم بنفس ببيت زوجي متخيلين وش كثر صعبه وحده اول مره تلد تجلس ببيتهاولوحدها رغم نظرات الناس اللي بتتوجه لي انو ليش جالسه ببيتها ومن هالحكي بس خلاص بحفظ كرامتي بنات بكره اولد ويقعدون يعايرون مولودي ومايحتاج تعرفون نفسية الوالد بنات انا الحين بحملي جاني اكتئاب من شدة مافكر بالموضوع اخاف اولد واشوف طفلي ويزيد علي اقسسسسسسسسسم بالله العلي العظيم بهالشهر الكريم اني مايهمني البياض بس ابي طفلي ماينعقد زي انا وزوجي ابيه حنطي لا ابيض ولا اسمر واتمنى من ربي يخيب ضن كل واحد قال ويقول لاتكلم بتجيبين اسود ويرد مكر اخوي وزوجته بنحورهم انا ماقول الا حسبي الله ونعم الوكيل والله ينتقم لي من كل واحد قتل هالفرحه اللي فيني منظرتها لي سنين بنات حياتي انقلبت ليل نهار ابكي ومعتزله الناس وفيني اكتئاب بس ماقدر اكل دوا لصالحي على كلام الطبيب تخيلو افكر اولد بدري بعمليه علشان اشوف مولودي ولونه متخيلين الى وين وصل التفكير فيني بنات مو قادره اكمل تكفوووون بنات دعواتكم لي الله يخليكم بهالشهر ان الله يفك عني ويجي طفلي اجمل طفل ولايطيح بلسان احد يعايره زي انا وابوه تكفون بنات اللي بتعلق تعليق يجرح وربي مو ناقصه لاحد يجي يسوي نفسه انو عادي ومن هالكلام حطو نفسكم مكاني واحكموبس بنات اا عندي امل ان ربي بيعوضني وطفلي مارح يكون اسمر عالاقل زي انا وابو فاتح يعني تتوقعون بنات ممكن والا اتوهم مرده لي انا وياه

 

[Aloe Vera]

مادري شقولج بس مبين اهلج ناس وايد متخلفين اذا هذي نظرتهم ابيض و لا اسمر وين قاعدين احنا بسنة ٢٠١٣!
و اعتقد انتهى زمن الجاهلية
و مافي فرق بين الابيض و الاسود

استغفر الله

و دام انتي جميلة خلي بنفسج ثقة شنو يعني سمرا شالمشكلة؟
اهلج اسلوبهم غلط بس اناي غلط تخلين هالشي يدمر حياتج
عيشي حياتج مع زوجج و خليهم بعقدهم و جهلهم الحمدلله و الشكر

 

[درة التاج]

يا قلبي فوضي امرك لله وان شاء الله مافي الا الخير
حاولي تتحاشين القعدة مع الناس الي يفتحون هالموضوع
امك وابوك امسكيهم علا طرف وبهدوء ناقشي الامر هذا معاهم وقولي لهم انه هالكلام يضايقك ودايما ذكريهم ان الله سريع الحساب
قولي لهم خافوا ربكم فيني هذي خلقة ربي لي
ما ادري عندي احساس ان ذريتك كلها راح تطلع شي يخلي الناس الي كانوا يضحكون عليك يسكتون

 

[جذابه بنت ذيابه]

مفروض تكونين اكبر من هالسوالف و تدعين بصلاتج وسجودج ان ربي يرزقج بره .. خل يقولون اللي يقولون كلام الناااس مايودي ولا يجيب
و اذا قالو ما قالو .. قولي الحمدالله بلال موذن الرسول عليه الصلاة والسلام اسمر ماضره شي .. و عادي عطيهم اكبررر طاف اذا اهتميتي صدقيني بتتعبين والله

 

[.:lady bug :.]

حبيبتي الغلط انج ماعندج ثقه بنفسج خليتي لهم مجال للتطنز
لو عندج ثقه جان سكتو
شنو يعني اسمر وابيض وين قاعدين حمدالله والشكر
خلي ثقتج بنفسج وانج اكبر من جذي
اقهري عذااج

لاقال سمرا ع عمتها قولي السمر كل الملح ويابختها وكا امها سمره
بس الظاهر ودكم تصير مزيونه مثلي
لو قايله لهم هااحجي جان سكتو وماقدرو يردون عليج

خلي عندج ثقه بنفسج وربي بيموتون الي حواليج

وتتخلين عن اهلج عشان اخوج ومرته
خل يولون بس الزم ماعليج راحتج روحي بيت اهللج ولاقطو عليج حجي اخوج ومرته
ردي عليهم بعشر

وين قاعدين سمرة وبيضه شهالتخلف

الله يتمم ويسهل عليج
ماعليج منهم
ولو ولدتي طفل اسمر طالع للزين امه وابوه
ماعليج من حجي الناس لاياثر فيج ولايهزج
صيري اقوى من جذي
وهالاكتئاب طبيعي من الحماله
ولاتضايقتي عليج بالقران

 

[.:lady bug :.]

صاجه جذابه طاف بس تر ماتحجو الا من االحرة

 

[Model Look]

حبيبي ادعي ربك للجنين ترااا دعوه الام لجنينها مستجابه

انا ريلي جيكر وكلهم كانو يقولون ولدج بيطلع جيكر وصوره السونار قالو طاع يشبه ابوه صج ولدته يشبه ابوه بس واااااااااايد احلى وخفيف طينه الكل يحبه واهو شخصيته اجتماعي يحب الناس ويحبب الناس فيه

تدرين بالزواره شنو يقولون وحده من اهلنا تقول انا منصدمه شلون طلع جميل وتقولي لاتفرحين ترا الثاني ماراح يطلع نفسه بس هذااا ترا لاتفرحين

وانا اقعد بس ادعي ربي ارزقه جمال سيدنا يوسف واخلاف سيدنا محمد واجعله سليم معافى

 

[حنووونه25]

انتي مالج شغل ابكلام اهلج انتي خيصير عندج ثقه ابنفسج
وايد جميلات وسمر وفيه رياييل بيض مايحبون ولا يدورون الا السمره
واذا يي اصبي اشمر ولا ابيض الرلد مايعيبه شي ليش خايفه يتعقد هذي مهمتج انج تزرعين الثقه ابولدج ولا بنتج
وقبل لا تزرعين الثقه فيهم زرعيها ابنفسج وافتخري ابعمرج الحمدالله انج كامله الخلق ولا فيج اعاقه وجميله
وترى البنات الحين وخاصه بالصيف كلا ايسمرون نفسهم واشحلاتهم واهبلون
وكل الاغاني اغنون عالسمر لان ملح وقبله ماشفتي هيا الشعيبي سمره وتطلع بالالفزيون واشزينها واشحلاتهز ويا حلات مكياجها والي امزينها صقتها ابنفسها
ترى هالنظره بس عند اهلج ولا الناس ما يشوفونج ابنظرة اهلج
وانتي لازم اتشوفين نفسج جذابه وجميله عشان ايشوفونج الناي ابنفس نظرتج
واذا احد كلمج ولا عايرج ابسمارج قوليلهم سماري سمار الشمس والكل يتمناه وكلي ملح والحمدالله
ولا فيني الا الزين وعاجبه نفسي وريلي وانشالله يطلع ولدي ولا بنتي جميلين علي لصلا يحصلهم يطلعون علي اذا مو عاجبتكم عاجبه غيركم
وراي واحد مايأثر خلج ثقه ابنفسج
واذا بتسمعين كلام الناس عمرج ما راح ترتاحين
ترى حتى البيضه في ناس يقولون شنو هذي بيضه باصجه
حطي ابالج ترى ارضاء الناس غايه لا تدرك واهم شي انتي مقتنعه ابنفسج وعاجبه نفسج
حطي هالحجي ترجيه ابإذنج

 

[Q8_QT]

حبيبتي الغلط انج ماعندج ثقه بنفسج خليتي لهم مجال للتطنز
لو عندج ثقه جان سكتو
شنو يعني اسمر وابيض وين قاعدين حمدالله والشكر
خلي ثقتج بنفسج وانج اكبر من جذي
اقهري عذااج

لاقال سمرا ع عمتها قولي السمر كل الملح ويابختها وكا امها سمره
بس الظاهر ودكم تصير مزيونه مثلي
لو قايله لهم هااحجي جان سكتو وماقدرو يردون عليج

خلي عندج ثقه بنفسج وربي بيموتون الي حواليج

وتتخلين عن اهلج عشان اخوج ومرته
خل يولون بس الزم ماعليج راحتج روحي بيت اهللج ولاقطو عليج حجي اخوج ومرته
ردي عليهم بعشر

وين قاعدين سمرة وبيضه شهالتخلف

الله يتمم ويسهل عليج
ماعليج منهم
ولو ولدتي طفل اسمر طالع للزين امه وابوه
ماعليج من حجي الناس لاياثر فيج ولايهزج
صيري اقوى من جذي
وهالاكتئاب طبيعي من الحماله
ولاتضايقتي عليج بالقران

صاجة انا أأبد كلامها :rerrerek:

 

[тεķάηαн]

حبيبتي لازم تكون عندج ثقه بنفسج و ماتهزج اي كلمه
الحمدلله والشكر اسمر وابيض كلهم سوى ، ياما ناس بيض ملامحهم تسد النفس و ناس سمر جذابين ♥
انتي الله يهداج لا كلموج لا تسكتين بس همن لا تثورين جدامهم
يعني لا قالو لج سمره مثل عمتها قولي حبيبي شفيه السمار الكل يبيه ماتشوف الناس طايحتله بالتان و البرونز
وكملي وغثيهم وقولي عاد مايحتاي اقنعك كاا امها سمره وعآيش معاها
اي اقهريهم ببرود اعصابج و ردج البارد بثقه ، ولا تخلين التفكير المتخلف يخرب حياتج لا السمار ولا البياض بيدخلج الجنه
استغفري ربج و حاولي تقوين روحج ، الله يوفقج ♥♥♥

 

[M!SS.LOBY]

ربي يسهل امورج

 

[أم معاذ الكندري]

الخوات ماقصرووو
اهم شي عليج بالدعاء
وبعدين ليش زعلانه بعد الولاده اشتغلي ع عمرج بهالعيادات في الإبر الي تفتح آلون وتوحد آلون ومع الاهتمام ودامج حلوه الحمدلله ما فيج لا أعاقه ولاشي
والبنات ماقصرووو قالو لج شتردين عليهم

 

[qazlaan]

انا ماادري بالخليج عندنا ليش عندهم عقده من السمر مع انه اشوفه السمر حلو والبيض حلو .بالدول الاوروبية تلاقين وااااايد شباب متزوجين من بنات سمر وبعد العكس صحيح والاقي عيالهم طالعين مختلط لا ينحرجون ولا يزعلون الاوروبين وااايد ابيض منا ولا يتفاخروا او يجرحوا اش معنى هالعقد التفكير عندنا بس يااختي قولي الحمدالله ولا تهتمين بكلامهم نصيحة وانت حلوه

 

[زين ودلال]

حتى لو طلع البيبي اسمر

انتي زرعي فيه الثقه لاتصيرين مثلهم

وخلج واثقه من نفسج لا قالوا طالعه عليج قولي يابختهااااااا

ومن الحين قوليلهم يارب البيبي يطلع علي وعلى لوني

انتي لو حابه لونج محد راح يقدر يضايقج

وقفيهم عند حدهم

 

[عبق الزمن الجميل]

ما شاء الله الأخوات كفوا ووفوا
اهم شي خل عندك الثقة بنفسك وش كثر بيض ثقيلات دم ومو مملوحات وشكثر سمر الحلا والدلال فيهم والبعض مؤ حلوات لكن هم يحلون بأنفسهم
اهم شي الثقة ثم الثقة بالنفس واللي يعطيك كلمة ردي بعشر وربي يعوضك بطفل سليم معافى وابيض مثل الثلج

 

[أأأميرة الورد]

الله يهديج اختي ليش تزعلين وتكدرين خاطرج

اهم شي الثقه بنفسج ولاتبين انج زعلانه من كلامهم

يمكن يشوفونج تحترين وتتضايقين فقاموا يتعمدون بالسالفه

عااادي حبيبتي انا لوني فاتح بيضه حيييل وزوجي لونه اسمر فاتح
ووحده من بناتي سمرا حيييييييل


واذا احد تكلم قدامي وقال على منو طالعه بنتج سمرا حييييل

اقول الحمدالله اهم شي الصحه والعافيه وكافي انها حنونه احن بناتي علي

مو شرط يطلع عليكم البيبي اهم شي الصحه والسلامه

 

[فراوله توت]

حبيبتي لا تزعلين وخليج واثقه من نفسج وقولي أنا كل هذا ما يهمني أهم شيء الدين والعافيه بعدين قولي لهم الله الخااالق أنتو لما تحأسبون مو قاعدين تحأسبوني ترا ولا تقللين قدرج ولاتقعدين بروحج حتى ريلج يأخذ فكره غلط لاتحسسينه بشي الله يرزقج الطفل السليم ويقومج سالمه أمييئين

 

[فراوله توت]

(( وَلا تَنَابَزُوا بِالألْقَابِ بِئْسَ الاسْمُ الْفُسُوقُ بَعْدَ الإيمَانِ ))
{ يَا أَيُّهَا الَّذِينَ آمَنُوا لا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلا تَلْمِزُوا أَنْفُسَكُمْ وَلا تَنَابَزُوا بِالألْقَابِ بِئْسَ الاسْمُ الْفُسُوقُ بَعْدَ الإيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ }

 

[latkt7as]

شوفي حياتي انتي

انتي عالاقل انتي وزوجج نفس الدرجه

انا سمرا وزوجي ابيض
والمشكله حمواني سمر وحريمهم بيض

والله ولا همني حتى زوجي يقول انا ابيض
قلت تكفى اسكت ترا فشله تقوولها

دايم امدح لوني قلت ياحلوونا احنا السمر اذا ماعجبنا لونا

بدقيقه نفتح بكريم اساس واصلا لوووني مووضه

حياتي لايهموونج

والله اعرف وحده وووويع بنتها تلوع الججججبد
بس الكل يدلعها ويقول ياحلاتها

تدرين شنو السر

امها ماترضى احد يقول لها كلمه مع انها توها ماكملت سنتين

بس من اربعينها وهي تدلع فبنتها والناس اخذت هالشي منها
واذا احد قال كلمه عن بنتها زعلت وصار محد يغلط عالبنت عشان امها

انتي دللي مولودج
ودلعيه
وامددددحيه والي يغلط سكتيه

ادري قرقت شكثر بس ماعليه

 

[فاتن7]

يا قلبي انتي لا تبكين واجد عشان البيبي عاد انا أختي وزوجها سمر وبنتهم طلعت بيضاا وأنا وزوجي بيض وطلعت بنتي سمرا مو شرط يطلع البيبي اسمر وإذا كان دايم امدحيه قدامهم وتغزلي فيه ولاتخليين احد يقول عنه اسود