تعالو يابنات اسمعو معاناتي من اقرب الناس لي

[حوريه ...]

البنات ماقصروا

وقالوا لج شنو تردين

الانسان باخلاقه ودينه مو بلونه وشكله

ياما شفنا سمران بس مثقفين ودكاتره وناس متعلمه وشهادات احسن من شهاداتنا


كانت معاي وحده بالجامعه سمرا خفيف

تخرجنا تزوجنا كا معها ولد الحين يقط الطير من السماء مع انه يشبهه لها
وهي كملت ماستر وخلصت

ماخلت السمار عقده
تدرين كانت تلبس بالجامعه كم قصير وعادي بكل ثقه

تلبس تنوره سكني ميدي وجزم الوان فاقعه بالصيف وشكلها عادي ومقبول

كانت كشخه ننتظر كل يوم عشان نشوف لبسها وشكلها واناقتها



واعرف وحده اهلهم بيض مثل حالتج بس هي وزوجها سمران
عيالهم ملامحهم تجننننننننننننننننننن بس سمران ومع ذلك عادي
ماعندهم ذيك العقده
لان ملامحهم تهبل لاعيون لا شفايف حتا غمازه منهم اللي بخده ومنهم اللي بدقنه
ويسحرررون باشكالهم ولبسهم واناقتهم
وفوق هذا متفوقين بدراستهم ومن الاوائل




انا عارفه شعورج ومقدره بس مااشوفه عيب
خلي عندج ثقه
قولي الحمدالله
غيرنا يبي عافيتنا بس ماهمه ابيض او اسمر
يبي صحتنا
عززي بولدج الثقه وماعليج من كلام الناس
السمااار ملح
ماتدرين لو ولدج هذا صار امام الحرم
والا داعيه

والحمدالله ع كل شي



صح نسيت اقولج اعرف وحده هي سمراء وزوجها اسمر
وعيالهم بييييييييض ماشاءالله ملفتين

طلعوا عيالهم طالعين ع اجدادهم وجداتهم

 

[امـ خــزامـى]

لاتصيرين تاافهه وتفكرين باللون
يالله حسن الخلق وكماله

اللحين والله الدنيا تخوووف كثير اشوف يولدون نااقصين

ياايد ماكتملت
ولا مالها الا 3 اصابع
واخر وحده مالها اذن


احمدي ربك على العافيه وافرحي وانبسطي لاتخربين على نفسك
والمشكله كلها هي عدم ثقه

اما السمار ابدا مومشككله


وانا مع فاتن
كثييييييييييير اشوف هم بيض وعييالهم سمر


واولهم اختي هي وزوجي بياضهم مثل الاجانب
وعيالهم 3 كلللللللللللللللللللللللللللهم سمر

 

[أحلى عروس 2012]

يمممممه فديت الحلوين انا
السمر زين من رب العالمين
والي يعيب فيه نقص
ولازم يراجع الدكتور
خلج بس من هل السوالف
ونطري ضناج الغالي
وعطيه بوسني كبيرررررة عني

 

[زوجة حياتي]

البنات ما قصروو حبيبتي المهم الثقة بالنفس التقة بالنفس
شفيه اللون الأسمر ياحلاة السمرة والبيضة مافي فرق إلا بالتقوى والي يقول غير جدي متخلف وايمانه ضعيف
حبيبتي تقي بنفسج وازرعي الثقة بولدج ولا يهج احد خليهم يولوون سويلهم طااااااااااف

 

[انصاريه قمره]

حسبي الله ونعم الوكييييييل شالهتخلف عصر الجاهليه ولى انا ما استغرب من كلامج لاني عاشرت ناس متخلفين ربي لا تبلانااا
وانتي لا تسكتين حطي لهم حدود وقوليلهم هذي خلقة رب العالمين وللاسف خلافكم مو معاي ولا معا زوجي خلافكم مع رب العالمين استغفر الله

( أبو لهب ) هاشمي مِن أشراف قريش؛ لكنه [ سَيصلى ناراً ذات لهب ] !

و ( بلال بن رباح ) عبد حبشي أسود ؛ سمع الرسول خَشْخَشَةَ نعله في الجنة !

فـ كفاك تفاخراً بأصلك يـ ابن أدم !​

 

[انصاريه قمره]

صااااااااجه ام خزامى انا وريلي بييض بس بنتي الصغيره طلعت سميره تهببببل ماخذه سمار ابوي الله يحفظه واااااااه يالاسمر يا زيييييييييييييين

 

[!الجادل الصعب!]

قولي اللهم ارزقني الطفل السليم المعافى .. ربي رازقج نعمة حمل بعد انتظار
وهمج كلام الناس و رايهم
ماقولج سهل و طنشي .. يمكن كلامهم عادي بالنسبه لنا و يجرحج لكن انتي بيدج
تكبرين الموضوع و بيدج تصغرينه

يعني لاطلع البيبي اسمر بكرهه !
ي حلو السمر والله كلهم ملح ..
اللي يقط عليج كلمة ردي عشر بهدووء
عشان م تظل غصه بقلبج .. تقبلي نفسج بالاول
لان هالشي بينعكس علا تقبل الناس لج ..

 

[tota77]

البنات ماقصروا اهم شي الثقه

انا حمواتي يقولون لي ها ولدج بتسمينه مصطفى ! على اساس انا وريلي بيض وشقر

بس معطتهم طاف اقولهم يازينه لي طلع علينا جمال ودلال

ولي طلع اشقر ولا اسمر هذي خلقة ربي والحمدلله على كل حال

بنشوف عيالهم شنو بيطلعون بعدين

 

[Om*Yousef]

ياحياتي والله

الحمدلله والشكر ليش اسوون جذي هذي خلقه ربنا بيض او سمر كلهم حلوين

يارب تييبين احلى بيبي وكامل الاخلاق والخلق

:eh_s(17):

 

[ناتشوو]

ًوانت ليش تاخذين دور الضحية
وتسمعين وانت ساكتة؟
ماادري عن نوايا اخوج واسلوبه
بس ردي عليه بنفس كلامه
وكانج تصحكين

لي علق ع لونه بنته
قولي
اشدعوة
من بياض امه ؟

الحين نطيت لي ونسيت سواد أمه؟

امه اقرب له مني
اشجابه لي؟

وبنفس منطقه / قولي ع الاقل انا حلوة
مو امه لا لونولا جمال


واااي بطو جبدي

 

[Om zayd]

مادري شقولج بس مبين اهلج ناس وايد متخلفين اذا هذي نظرتهم ابيض و لا اسمر وين قاعدين احنا بسنة 2013!
و اعتقد انتهى زمن الجاهلية
و مافي فرق بين الابيض و الاسود

استغفر الله

و دام انتي جميلة خلي بنفسج ثقة شنو يعني سمرا شالمشكلة؟
اهلج اسلوبهم غلط بس اناي غلط تخلين هالشي يدمر حياتج
عيشي حياتج مع زوجج و خليهم بعقدهم و جهلهم الحمدلله و الشكر

انا معاج بكل كلمه

 

[just--me]

يابنات اشكر كل وحده ردت علي من كل قلبي لاحظت الاغلبيه يقول خليك واثقه يابنات ترى فيه ناس ماتتحمل وانا منهم حساسه مره وتنهز ثقتي بنفسي الكل يدري اني حلوه وجميله بس حاطين هذا عيب فيني وماسكينه علي ولازم يذكروني فيه بكل لحظه وبكل ثانيه كانهم مسلطين علي والله يابنات احس يبون ينقصون من قيمتي ويابنات انا ماهمني نفسي خلاص بس تخيلي طفلك يجي يقولك ليش انا اسمر وهم بيض انا لما كنت صغيره احس اني مو بنتهم تخيلو خواني يقولون انتي موبنتنا بالغلط من المستشفى على فكره تخيلو يقال ان زوجة اخوي تعاير بنتها وهي بالمهد تخيلو لوين وصل التخلف هي واخوي زارتهم اختي تقول اخوي متضايق من بنتي ويقط عليها كلام وانها مو زينه قالت زوجته بس والله انها ازين من ذا السودا بنتنا بنات بنجن شلون تقول عن بنتها كيذا وتدرون للحين ماجيتهم ولا زرتهم لان ادري بتصير سالفه انا بغنى عنهاوانا حامل بالنهايه بنات انا ماقول الا حسبي الله ونعم الوكيل بس ويارب يطلع طفلي اللي ببطني حافظ لكتاب الله وبار بوالدينه وجميل ولونه احسن منهم كلهم علشان ماحد يفتح فمه ويعقده وربي بينصرني عليهم ان شاء الله كلهم تكفوووووووووون بنات ادعولي الله يوفقكم بهالشهر الكريم

 

[قمرية الفيس]

مشكلتج بسيطة اجميهم وعزززي الثقة بنفسج
وبعدين انا خابره السمر روحهم حلوة ورياضية غريبه انتي طلعتي حساسة

 

[رويال ديزاين]

واااااي

لو انا منج اقول حبيبتة عمتها طالعه علي مو طالعه على امها


و هونيها يابنت الناس

انتي سمرا و اخوج اسمر و مرته سمره يعني كلكم سمر

و لوووو شنووو ماراح تطلع البنت شقرا و عيونها خضر هههههههه


هونيها و انا اختج

و اطلبي سلامتة الطفل من رب العالمين

و سلامتج


و هالسوالف باجر بتكبرين و تنسينها ياقلبي

 

[M!SS.LOBY]

اللهم لا تذرني فردا وانت خير الوارثين

 

[M!SS.LOBY]

سبحان الله وبحمده

 

[أم حسوون]

السلام عليكم ، أحس حيل مأثر الحمال بنفسيتج ، أو أنج حساسه بزياده ، بكل بيت بالكويت كان فيه طفل ويكون أسمر بزياده ويسمونه العبد ( كلنا عبيد الله) وأنا منهم من سمارنا أنا وأختي الثانيه كانوا يطلقون علينا هاللقب ، بس كل هالكلام خرابيط وسوالف راحت كبرنا وتفتحنا ( الله يسلم الخلطات والعناية ) وبعدين عندنا ثقه بالنفس ، تعالي شوفينا اللحين ، ويعدين الوحدة ما لها إلا أهلها ، وداعي ربج أن يرزقج اللي في بطنج صالحا سليما معافى هذا الأهم ( وما يمنع تزيدين أبيض ) والله يهون عليج آمين.

 

[Um Tuki]

احس اهلج يتغشمرون بعني سوالف بس لأنج حساسة و تشيلين بخاطرج بسرعة
بعدين ريلج ريال شنو متعقد لأنه اسمر .. ريال ما يعيبه شي

عادي شالمشكلة يعني لو طلع اسمر

يا حلات السمر ياريتني سمممممممرة

الطيبة و خفة الدم لهم

شعليج من الحجي اللي ما وراه فايدة
لما يقولون البنت طالعة عليج وليلهم عيا اشوفها اتينن لأنها علي

و قولي صبروا خل تكبر شوي بعد و بتجوفون الجمال

انتي محسستهم بالنقص عشان جذي الكل يقط عليج كلمة

خلج واثقة من نفسج وحبي نفسج وشكلج و لونج

 

[دلوعه ززوجي]

الله يكون بعونج والله حبيبتي الناس الحين يحطون تان عشان يصرون سمرات. وانتي احمدي ربج علي النعمة. ولا تعتقدين حياتك بكلمه
ترا حلووووه الحياه وخصوصا توها اول بيبي بدل ماتطرين من الفرحة وتجهزين البيبي ولج قاعده تعتقدين نفسج بنفسج
انا أقول مدام مرتاحه مع وزوجج والحمد لله خلص مالج شغل بغيره خليهم يقولون اللي يبونه ترا انا اعرف وحده حرام كل طفل مؤ حلو قالو لها يشبهج وعاااادي عندها ترد وتقول ياحظ اذا يشبهني اللي درجه قعده انشوفه حلوه من كثر ما أهي وثقه بعمرها.

 

[M!SS.LOBY]

لا حول ولا قوة الا بالله