تعالي أعلمج شلون تعتنين بنفسج بالتفصيل بدون صالونات ساعة بالاسبوع

[وسن 11]

شنو هذا شمع الشوارب ؟؟ ممكن صورته فضلا ليس امر

الله يجزاج خيييييييييييييييير

 

[shayo0oma]

بنااااااااااااااات نصيحه مني لكم لا تشيلون بمووووس لان الموووووس يخلي الشعر ينمو تحت اليلد فيصير نقط سوووووود فشيلوا بشيرررررره احسن

 

[سارووونه22]

يعطيج العافية

 

[$ كشختي لنفسي $]

رد : تعالي أعلمج شلون تعتنين بنفسج بالتفصيل بدون صالونات ساعة بالاسبوع

فديتج حبيبتي
صج اني مومتزوجه بس احب اني ادلل نفسي
وتقريبا اسوي نفس شغلج بس في جم اشغله اختلف فيها معاج:
1- انتي كل اسبوع تستخدمين كريم حمام زيت .........انا استخدمه كل شهر مره
1- تشيلين جسمج كله بالموس الصراحه ما انصحج فيه.......انا كل اسبوعين احف نص ايديني ورجليني بالة ازالة الشعر بس اذا في مناسبه اروح الصالون وهني ارتاح لانيراح اختصر الوقت يوم الجمعه (اليوم المخصص لشغل الصالون....امي مسميته جذي هههههههه ويكون قبل صلاة الجمعه)
1- انتي الوحيده اللي تستخدم شرايط الشمع مثلي لاني كل ماقلت لرفيجاتي او بنات خوالي يضحكون علي ويقولون مامنه فايه
بس الصراحه فادي وقت دوامات الكليه
1- دايما كل اسبوع استخدم مجموعة عطر كامله من شور جل وبدي لوشن وديودرنت وعطر علشان تثبت الريحه طول الاسبوع


الله يوفقج حبيبت قلبي بس نصيحه ابتعدي عن الموس

 

[كويتية 1980م]

رد : تعالي أعلمج شلون تعتنين بنفسج بالتفصيل بدون صالونات ساعة بالاسبوع

الله يسعدج

 

[Ba$ko0oTa]

خواتي بالنسبة للي علقو بخصوص الموس انا لأني قبل كنت مسوية ليزر يمكن 6 جلسات ووقفت بعدين فالشعر اللي يطلع لي شوية خفيف ويطول علما يطلع فالموس يناسبني وايد أما بالوضع العادي وقبل كنت استخدم الشيرة

والله الصرااحه انا نفس حالتج لا صالوون ولا بطيخ وفر علي الليزر يعني شعرتين بالكثير
بس اذا بقص شعري
وويهي انا احفه بالشمع وحواجبي تشقير
وانا طبعي امووت بهالسوالف مريحه نفسي على الاخر لا احاتي زحمه ولا شي والصرااحه توفير

 

[Ameeraaaaaa]

جزاج الله خير

 

[Ba$ko0oTa]

بنااااااااااااااات نصيحه مني لكم لا تشيلون بمووووس لان الموووووس يخلي الشعر ينمو تحت اليلد فيصير نقط سوووووود فشيلوا بشيرررررره احسن

الصراااحه انا مو مأيدتج بهاللنقطه
انا قبل لما استخدم الشيره كان يصير حبوووب وشعر تحت الجلد لي درجه ريلي تشوهت
رحت الطبيب قالتلي لازم ليزر لان الشيره مع الفتره تخلي الشعره ما تطلع سيده لا مايله ودش داخل الجلد وتسبب تهيج بالجلد وتصير نفره واحنا مو مقصرين تفقص لما تطلع وهالشي يشوه الريل
الحين من بعد الليزر كله الاثر رااح وصارت صافيه
قالت اذا في شعر بسيط يطلع شيليه موس وبس

 

[m'3rOoOra]

حبيبتي ممكن سوال مايكثر الشعر مع الحلق بالموس ولا تحسين يدش داخل الجلد؟؟

 

[ونة خفوقي]

رد : تعالي أعلمج شلون تعتنين بنفسج بالتفصيل بدون صالونات ساعة بالاسبوع

جزاج الله خير

 

[G!RLooNa]

وناسه حلاته تسوين شغلج بروحج

 

[اسأل ضميركـ]

يعطيج العااافيه انا هذا اللي اسويه بسبوح اللي من اخلص من الدوووره تلقيني اطلع من الحمام خلاااص مافيني حيل




ماقصرتي حبوبه ..

 

[*peace*]

يعطيج العافيه

بس زيت الشعر تظلين فيه اقل من ساعه ؟؟؟؟

 

[- دنيا الوله -]

رد : تعالي أعلمج شلون تعتنين بنفسج بالتفصيل بدون صالونات ساعة بالاسبوع

انا قريت تعليقج عن سالفة الموس بس هم مع هذا انصحج بالشهر مره وحده تروحين الصالون ويحفون لج شيره احسن عشان تتنعم ببشرتج
وبس

 

[Sarooii]

انصدمتتتت لمن قريت انج تشيلين جسمج كله بموس و انتي متزوجة!!!!
بس بعدين قريت
" خواتي بالنسبة للي علقو بخصوص الموس انا لأني قبل كنت مسوية ليزر يمكن 6 جلسات ووقفت بعدين فالشعر اللي يطلع لي شوية خفيف ويطول علما يطلع فالموس يناسبني وايد أما بالوضع العادي وقبل كنت استخدم الشيرة "

ارتاحت نفسيتي هههههههههههههههه

و باجي شغلج كله حلو .. يعطيج الف عافية و عساج عالقوة ،،

 

[درة أهل الطولات]

رد : تعالي أعلمج شلون تعتنين بنفسج بالتفصيل بدون صالونات ساعة بالاسبوع

لا موس

يغير منبت الشعر

 

[ديانا سبنسر]

متعاملة مع وحدة تجيني بعد كل دورة تسوي لي كل شي من الى

 

[BShaYeR]

رد : تعالي أعلمج شلون تعتنين بنفسج بالتفصيل بدون صالونات ساعة بالاسبوع

يعطيج العافيه وماقصرتي ياقلبي

ودي افتك من الصالونات

بالذات عشان التشقير

شنو التشقيررر

اللي

تستخدمينه لاني

جربت الاخضر جولي

ماادري جولااااي مايضبط معاي

 

[frketa1]

خواتي آسفة تأخرت بالرد عليكم
شوفو بالنسبة للموس انا كنت مسوية ليزر قبل فما يطلع الا شعر شوية خفييف عشان جذي الموس يناسبني
بس بالوضع العادي أحس مكينة براون أحسن شي وأنظف من الشيرة تشيل الناااعم ومن الجذور
التشقير اللي استخدمه: ماركة كنت من الصيدلية وايد زين
الزيوت: شارية مجموعة من الجمعية وكل مرة استخدم غير وترى الساعة تكفي للزيت عادي
الصنفرة: أحب صنفرة كريم كاب يبيعونها بالجمعية وبعد بالحواي
حمام الزيت: حمام زيت الحية لونه وردي من الحواي حييييل ينعم وريحته حلوة
وبالنسبة للمناسبات هم بعد اسشور شعري بالبيت وأسوي فوقه بالستريتنر يهبل احلى من سشوار الصالونات واذا ابي كيرلي شارية الفير بعد حتى اذا عرس اسوي ستريت وبف شوية واسوي عنقوص والفه بخصلة ضعيفة من شعري وارش سبريه جنه صالون والله والمكياج كله اسوي بالبيت حتى للعروس تعلمت اسوي بروحي سهل شوفي الصور وقلدي بالايام اللي تكونين فاضية واذا صار وقت المناسبة تكونين تعرفين.. فكة من الصاالونات ومن حاجتهم روحي تجهيزات الصالونات بالسالمية واخذي كل اللي تحتاجينه وتعلمي بنفسج اشدعوة عاد الفلبينيه ولا الهندية اللي بالصالون عندها شهادة باللي تسويه وأحسن منج ترى بس تدربي سهل سهل

 

[frketa1]

اي صج والشمع مال الشوارب: ماركة Veet من الجمعية علبة صغيرة مكتوب عليها شرائح شمعية جاهزة للوجه