السلام عليكم
شلونكم عساكم بخير
حب الخير للغير
عندي نقاط وأبيج تنتبهين لهم وتستفيدين
اللي عارفتهم تذكير لها واللي ناسية أو ما تدري
اهني بتعرف؟؟
- لما تروحين المطعم أو تشترين شي جيكي على الفاتورة
والأغراض اللي شريتيها ؟؟ يمكن زايد شي او ناقص شي
ويمكن تكونين طالبه طبق أو وجبه معينه وكنسلتيها
واحسبوها وانتي ما انتبهتي او يكونون ناسين.
- الفاتورة مهمة للتبديل او الإسترجاع النقدي
وانتبهي اقري تحت آخر الفاتورة : استراجاع أو تبديل فقط والمدة المحدودة.
استرجاع يعني تقدرين تردين فلوسج مثل محلات دبنهامز
- سواتش عندهم تبديل البطارية للساعة(نفس الماركة) مجانا مع التنظيف.
- رايحة مطعم هندي لا تطلبين كباب (علشان لا تذمين الشيف او الطبق)كمثال
يعني كل مطعم والتخصص ماله.
-انتبهي لنقطة التنزيلات : في بعض المحلات تكون حاطة سعر ولما تروحين تدفعين يطلع بالسستم سعر ثاني(نادرا) فانتي سألي الكاشير عن سعر التنزيلات الأصلي .
- لما تشترين ألعاب يفضل انج تطلبين من الموظف المختص يفتح اللعبة ويركبها لج واذا كانت تحتاج بطارية أو لا؟؟
- شريتي طقم صحون او استكانات بطلي العلبة وجيكي
يمكن شي مكسور شي ناقص.
- إذا عندج بطاقة للمحل للنقاط استخدميها .
- انتبهي وقت التنزيلات والزحمة من المقاس .
- حطي رقم تلفون عند المحل علشان يبلغج
بوقت التنزيلات .
