تعالي تعالي .. لقيت بضاعتج أرخص ;$

[Mrs_Orchidia]

السلام عليكم
:eh_s(7):​

انا فاتحة هالموضوع بفضفض الصراحة .. و بقول كلام ادري انه موجود بقلوب كل التاجرات​

بالبداية انا الحمدلله و بتوفيق منه بديت مشروعي الصغير من فترة بسيطة وايد .. و كنت وايد مستانسة ان وصلت اليضاعة بسلام
و سويت اعلانات و دزيت مسجات بالبيبي و تويتر ان عندي كذا و كذا​

لكن اكثر شي حبطني ردود افعال الناس اللي اعرفهم و للي ماعرفهم .. وايد يحبطون و يكسروون مياديفي
و غصب يطيحون بضاعتي من عيني و ينتقدووون​

طبعًا انا اتقبل الاراء و الانتقادات بس مو جذي!​

بالبداية انا ابيع شيين مو شي واحد فالمواقف متناقضة شوي
اول مابديت و دزيت المسجات .. رفيجتي قالت لي "تصدقين لقيت بنات يبيعوون الـ.. ب150 دينار و شغلهم ماااشي و عليهم طق طق .. انتي ليش جذي رخيصة؟؟ و في بنات اعرفهم قالوا ان الفكرة قديمة .. لو مشاورتني جان ماخليتج تسوين هالفكرة "​

و الثانية بخصوص الغرض الثاني اللي أبيعه .. دزتلي عالخاص قالت ترى لقيت وحدة تبيع اللي تبيعينه و كانت ارخص منج .. و انا ماشريت منها لان ادري الجودة رخيصة :eh_s(1):​

لا جد مادري اضحك مادري اعصب !!​

اولا .. اهي اللي كانت سائلة من البداية عن السعر .. مادام انج تدرين انه الجودة رخيصة ليش سألتي؟؟​

بعدين هذا السوق .. ناس تبيع رخيص و ناس تبيع غالي .. و كل على ميزانيته​

انا اللي ابيعه (طبق الأصل) .. فاللي تبي الاصلي تروح المحل و تشتري الأصلي
و انا واثقة من جودة بضاعتي .. و اللي مو عاجبها لا تشتري
خلاص هذه نهاية الموضوع !!​

و انا الحمدلله واثقة من بضاعتي و الشي اللي أبيعه انا اصلا كنت استعمله صارلي اكثر من سنتين​

و سياسة التسعير اللي ماشية مع كل التاجرات و التجار بالدنيااا مو بس المنتدى ان يحسبون التكاليف + الشحن + التوصيل + سعر السوق
بعديين يحطون السعر
أبي ابيع ارخص من غيري .. أنزل السعر شوية حق جذب الزباين​

انا قلت شي غلط؟؟؟ لا ماقلت​

ما اعتقد في تاجرة بتعارض هالراي​

بناات .. الله يخليكم و يرزقكم من حيث لا تحتسبون​

لا تقطعون ارزاق غيركم بهالكلام .. مو شرط التاجرة بتوقف شغلها من كلمة هني و هناك​

بس التحبيط .. الردود عالعام او الرسايل عالخاص و تفتحون مواضيع عن النصب و البوق ... الخ .. هالشي مو زين و ممكن زبونات يشوفون هاللانتقادات و مايشتروون​

((((قطع الأعناق و لا قطع الارزاق))))
حرام عليكم​

كل تاجرة عندها رب يحاسبها + ضمير يحكمها
تحط السعر اللي يعجبها اللي بتشتري حياها الله
و الي ماتبي تشتري تدور أرخص .. ما تبي تشتري مولية خلاص مو اللا مو غصب​

السوق متروس و كل شي فيه​

ان شاءالله ماكون طولت عليكم .. و سامحووني عالقرقة​

و الله يرزقنا و يوفقنا لكل مايحب و يرضى
:eh_s(7):​

 

[فجر_الكويت]

كلامج عين العقل .. بس انتي لا تهتمين لحد دام ان انتي عارفه ان شغلج حلو ومقتنعه فيه

الناس اشكال والوان وياما بتصادفين وتشوفين بس من اسس عوامل التجاره انج تتقبلين جميع الأراء بسعة صدر وما تتحبطين من اي شي يواجهج او ينقالج

" ارضاء الناس غاية لا تدرك "


والله يوفقج يارب ويرزقج​

 

[ام عفاف الكويت]

يمكن انتي توج يديده
عيل تعالي شووووووووووووفي اللى عندي
مسجات البعض طبعا
لقيناه ارخص شدعوه المندوب
اي تعالي مريني واخذيه
لو تجري جري الوحوش غير رزقك ماتحوش

 

[Mrs_Orchidia]

تسلمووون فجوورة و ام عفاف عالردود .. اشكر لكم الدعم المعنوي حباايبي :fun:


و كان ودي الصراحة اشوف ردود اكثر .. ليش 24 مشاهدة ماشاءالله و بس ردين؟

 

[Athwaq]

الله يوفقج ببزنسج ان شاءالله

مشكوورة عالموضوع

 

[زهرة الزهور]

عاااااادي اصلا فييه ناس اسلوبها جدي مستحيل تغيره مع الكل متعودة متلا انها اول ماتسال عن سعر بضاعه بعد ما تقولين لها السعر تقول شدعوااااااااا ليش تشرحين لها ليش وتقوول واذااااا يعني اصلا اهيا مو فاهمة شي بس تعودت عشان تشتري بالسعر اللي تبيه
واهم شي تكونين واثقه من بضاعتج ومن نفسج ويا جبل ما يهزك ريح والرزق على الله اهو الرزاق لا احد يقدر يرزقج ولا احد يقدر يقطع رزقج ذامج بتتعاملين بما يرضي الله
طنش تعش تنتعش الله يرزقج من حيث لا تحتسبين ويبارك لج برزقج يارب

 

[Joy Designs]

حبيبتي مادامج واثقة بشغلج خلاص لا تعورين قلبج
اللي يبي الرخيص يلاقيه واللي يبي الغالي يلاقيه

والارزاق بايد الله سبحانه

 

[Dior Adict]

حياتي انا هم نفسج بس مالج شغل بأحد

اللي يبي يبي و اللي مايبي مايشوف شر لول

 

[أماني عمري]

ما تدري إن احنا شعب نحب نحبط؟!! ماكو كلمة طيبة استغفر الله و طبع الناس لازم تطيح الشي من عين راعيه عشان يطيحون السعر، يا قلبي دام بشغلج هذا ما تغضبين رب العالمين سدي اذنج عنهم و كملي الله يوفقج

 

[Mrs_Orchidia]

الله يوفقج ببزنسج ان شاءالله

مشكوورة عالموضوع

تسلمييين حبيبتي

اجمعين يارب

عاااااادي اصلا فييه ناس اسلوبها جدي مستحيل تغيره مع الكل متعودة متلا انها اول ماتسال عن سعر بضاعه بعد ما تقولين لها السعر تقول شدعوااااااااا ليش تشرحين لها ليش وتقوول واذااااا يعني اصلا اهيا مو فاهمة شي بس تعودت عشان تشتري بالسعر اللي تبيه
واهم شي تكونين واثقه من بضاعتج ومن نفسج ويا جبل ما يهزك ريح والرزق على الله اهو الرزاق لا احد يقدر يرزقج ولا احد يقدر يقطع رزقج ذامج بتتعاملين بما يرضي الله
طنش تعش تنتعش الله يرزقج من حيث لا تحتسبين ويبارك لج برزقج يارب

اي و الله صاجة .. انا مادري ليش كله ابرر نفسي و اشرح! لوول
و الله يوفق الجميع يارب .. مشكوورة عالرد حبيبتي و الله يرزقج و ويرزق كل وحدة تقرا هالموضوع ان شاءالله :eh_s(7):

حبيبتي مادامج واثقة بشغلج خلاص لا تعورين قلبج
اللي يبي الرخيص يلاقيه واللي يبي الغالي يلاقيه

والارزاق بايد الله سبحانه

اي و الله واثقة .. و النعم بالله
مشكورة حبيبتي عالرد .. منوورة
:eh_s(7):

حياتي انا هم نفسج بس مالج شغل بأحد

اللي يبي يبي و اللي مايبي مايشوف شر لول

وييييه شكلي مو بس انا! لوول .. منورة حبيبتي
ماتقصرين عالرد و المرور
:eh_s(7):

ما تدري إن احنا شعب نحب نحبط؟!! ماكو كلمة طيبة استغفر الله و طبع الناس لازم تطيح الشي من عين راعيه عشان يطيحون السعر، يا قلبي دام بشغلج هذا ما تغضبين رب العالمين سدي اذنج عنهم و كملي الله يوفقج

اي و الله صاجة ! ما سمعت كلمة الله يوفقج اللا من اهلي و انتوا!
و الناس ما تسمعين منهم كلمة حلوة كلش
ماجنه الكلمة الطيبة صدقة!!
و انا واثقة من شغلي مليون بال100 الحمدلله ...

تسلمين عالرد و المرور ياقلبي .. منووورة


حياكم الله بناات .. منوريين كللللكم

 

[LuLiTa]

حبوبة معروووفة سياسة التحبيط و تكسر المياديف عندنا بـ الديرة ... فـ اللي عاجبه و يبي يشتري حياه الله و اللي مو عاجبه فـ مو مجبور ... و في ناس تتعمد انها اتحجه عشان اتغثج و اتخليج اتهونين عن مشروعج ... بس انتي خلج جبل ما يهزه ريح .. طالما انج واثقة من شغلج و بضاعتج فـ مالج شغل بـ كلامهم ...


عندج انا مثلا احب اشجع الـ originality يعني الاصالة و الابتكار و الابداع ... يعني بضاعتج مختلفة عن الموجود و جودتها عالية و فكرتها يديدة اتنافس الموضات العالمية ... و الناس اللي يعجبها ذوقي و عندها ثقة بـ معاييري اكيد راح تاخذ مني و تشتري

 

[عروس الشام]

االله يوفج يارب بعدين اذا انتي ماشيه عدل وتخافين من الله وتطلبين رزق الحلال لا يهمك احد وتوكلي ع الله ولازم يكون عندك قناعه ان لو الك رزق في مكان راح يجي لعندك ولو وين ما تكوني او شو ما تعملي الله يوفق الجميع

 

[Mrs_Orchidia]

مشكوريييييييين بنات بعد عمري .. ردودكم اثلجت صدري عسى الله لايحرمني منكم

 

[Mrs_Orchidia]

اب
اب
اب
اب
اب
اب





وينكم؟؟

 

[كماشه]

انتي من صجج تسوين مشروع ترزقين الله ماتبين احد ينتقدج او يحسدج صلى على النبي انتي بالكويت الله يشافي ديرتنا من الحسد دامج واثقه من شغلج عطي الحساد طاف والله يوفقج ويرزقج من اوسع ابوابه لو انج وافده مانتقدوج ولا حسدوج ولاتزعلون هذا الصج

 

[Mrs_Orchidia]

انتي من صجج تسوين مشروع ترزقين الله ماتبين احد ينتقدج او يحسدج صلى على النبي انتي بالكويت الله يشافي ديرتنا من الحسد دامج واثقه من شغلج عطي الحساد طاف والله يوفقج ويرزقج من اوسع ابوابه لو انج وافده مانتقدوج ولا حسدوج ولاتزعلون هذا الصج

لوول .. صاجة ! :eh_s(15):
و الله يبعد عنا الحسد .. و يزاج الله خير عالدعاء .. لج مثله ان شاءالله

ثانكيوو حبيبتي عالرد و المرور .. منوورة
:eh_s(7):

 

[أم حسيب]

هذا عادي حبيبتي وموجود معانا كلنا
خليج انتي في تجارتج ولا تهتمين بالتعليقات

 

[Mrs_Orchidia]

مشكوورة ام حسيب عالمرور و الرد .. منورة ياحياتي
و ان شاءالله الله يوفقني و يوفقكم كلللكم
:aha:

 

[زعفرانة_73]

الله يرزق الجميع
===​

 

[Beyoncee]

الله يوفقج بس اللي بيسمع كلام الناس بيتعب
عندج ثقه بشغلج هذا كافي
اللي عاجبه يشتري واللي مو عاجبه ياخذ من غيري
أرزاق ربج اللي مقسمها مو من كلمة هاذي ولا من رد هذيج
وبالتجاره توقعي أي شي المنافسه الحسد الغيره
قوووووووي قلبج