تعالي تعالي .. لقيت بضاعتج أرخص ;$

[Mrs_Orchidia]

بعد عمري بناات

ماتقصرون عالتشجيع و الردود الحمدلله الله موفقني بتجارتي و مسهلها علي

و الله يوفقكم و يرزقكم من حيث لا تحتسبون ان شاءالله

 

[kaify q8ya]

الله يوفقج ويوفق كل وحده تشتغل بما يرضي الله
واذا على الحسد والتحبيط يجيج حتى من اهلج ساعات بعد مو بس من الغرب الله المستعان
وكل واحد ياخذ رزقه الي الله كاتبه له فليش الحسد
الله يهدي الجميع

 

[كتالونيه]

موفقه
ومنها للاعلى

 

[simone]

هههههههههه الله يعيني عيل
بس الحمدلله اهلي وناسي وربعي مشجعيني
بس سبحان الله في ناس اطبعاهم شينة .. فلتقل خيرا او لتصمت .. بس منو يقول
الا يعقون رمسة تسم البدن
الله يوفقج حبيبتي ودامج واثقة ماعليج منه حد

 

[Mrs_Orchidia]

حياااكم الله بناات


بالعكس انا اهلي واقفين معاي و متفهمين ماشاءالله
و مابي اقول ان اللي يحبطوني نيتهم شينة .. بالعكس انا مصفية النية و اقول يقصدون انهم ينبهووني على اغلاطي
بس الاسلوب و التعليقات مو شي!! لوول

 

[روعة المنتهى]

والله الحسد بكل مكان

كله كوم ولم تكون في لمة حريم يجوا معموعة منهم يبون يشترون تنط وحده

تقولك شفت مثثثثثثثله بالضبط في المكان الفلاني وسعررررره رخييييييييص ويمكن احلى من اللي عندك

اللي تكون بتشتري خلاص تكنسل

بعدها ترجع هي نفسها بس لحالها تقول بصراحه انتي شغلتك مميزه وتثبت مو مثل اللي بالسوق عطيني واحد والا الثنين

طيب ليششششششششش الحسد كل ما صارت جمعه ينعاد نفس الموال من البنات والا من امهم

الله يعيييين بس ماعليك من كلام احد

كملي والله يوفقك يارب ويغنيك من فضله

 

[قطوووة]

ع قؤلتج اللي يبي يبي ؤالي مايبي مايشؤف شر

انا صارلي العكس .. انا نادر ماارد عالفؤن .. ؤهالمؤقف يخليني اؤقف استقبل اتصالات

ؤحدة ؤقحه داقة تسال ؤملؤعه جبدي بأسالتها اخر شي شقالت ؟

ؤين تنباع بضاعتج بمكان ثاني ؟؟؟؟؟؟؟؟؟؟؟؟؟؟؟

خير ان شاء الله !

كانت تسال عن لصقات الاظافر الميتاليك ..ؤانا ؤحدة جدا سعري معقؤل الحمدالله ؤلي زبايني
اللؤن ب. 2.5
يكفيج اكثر من 15 مرة ...

رديت عليها قلتلها مؤجؤد بالافنيؤز ان بغيتيه يسؤؤنه لج مرة ؤحدة بـ 10 دنانير رؤحي لهم

 

[بيرلا ستور]

ايه شنسوي والله انا كنت اييب مهاد البشت من تاجرة بعد وسعرها للجمله غالي

واكون ربحانه قليل غير الشحن والدفع للمندوب

يحصلونه ارخص وابتلش وغير البضاعه الثانية مرة وحدة دزتلي انتي ليش كل فترة تبيعين شي

قلتلها : شلون اقدر اخدمج قالتلي مو ناقص الا تبيعين سلي...........ج!!!! ما ابي اكمل الاحرف لول

يعني اعوذ بالله في ناس صج عديمة تربية

 

[Mrs_Orchidia]

Loool

الردود صارت حاامية
ياحياتي التاجرات قاموا يفضفضوون .. و الله ما تستاهلوون من يضايقكم
الله يوفقكم و يرزقكم من حيث لا تحتسبوون ان شاءالله
و الله يبعد عنا و عنكم الحسد يارب

 

[بنوته كيكه]

تصدقين اختي الغاليه موضوعج ذكرني في اخوي الله يطول في عمره
كان في دبي وجاب معه حوالي 20 شيله قال بجرب حظي وعرضها
سعر الوحده 9 دينار وقالو الكل غالي وغالي ليش ماحد شرا منه الي بس كم واحده من عماتي
عجبهم علشان حلوه وفيها تطريز والله اختي ماجمل رحت معهم البنات نفسهم الي يقلون
غالي انهم شارين شيله علي عشرين دينار مع انه اخوي بيع كان حلا من الي شروه
فرق حولي 11 دينار والله ماكذب فيه بعد لقيت علي 25 دينار شوفي الناس يحبون حق نفسهم
ولا حبون حق غيرهم واخر شي اخوي من الاحباط معاد يجيب شي كان ماخذها هوايه تجاره عنده وقت فراغ
علشان اقولج لا تهتمين في كلام الناسي ترا الناس تحب حق نفسه ولا تحب حق غيرها والله انهم يحسدون الواحد او واحده انها اتجر مع انهم عندهم خير اكثر منها
وانشاءالله ربي يرزقج وفقج في التجاره

 

[Mrs_Orchidia]

بنوته كيكة تسلميين حبيبتي
الله يوفق الجمييع يارب .. يمكن اخوج الله مو كاتب له رزق بالشيلات
لو يشوف له شي ثاني اييبه من دبي أحسن
بعدين شييله ب9 دنانير؟ يابلاش !!

صج ناس غريبين استغفرالله

مشكورة عالمرور و الرد حبيبتي .. منووورة
:aha:

 

[توكلت على الله 22]

توكلي على الله حبيبتي ومااالج شغل فيهم

طاااااااااااااااااااف

 

[Mrs_Orchidia]

و النعم بالله مشكوورة عالرد و المرور حبيبتي
:aha:

 

[المطيريه]

من صجج هذي ماركه مسجله عندنا

التحبيط و التذمر و الحسد و وتكسير المجاديف

عفيه عليهم وان دافعتي عن روحج ما تشوفين الا البوز شبرين وقالوج مغررروووره

يبه طااااااااااااااااااااااااااااف من قلب

لقيتيه رخيص ؟؟ روحي اشتريه قلي محد قاضج
والله بضاعتج قديمه ؟؟ محد قاضبج من ييدج وقالج اشتري
لو سالتيني كان نصحتج وفدتج قبل ما تفتحين مشروعج ؟؟؟ الاخت بوراشد والا المستشار المااالي :eh_s(4)::eh_s(4)::eh_s(4):
الخ الخ الخ

والله انا من قلب رفعت الجاااامه وطاف
ولاه الي يضحك الي تتذمر وتتحلطم هي الي تشتري منج وبالهبل بعد هههههه


يبه ما اقول الا الله يهديهم ما يدرون انه الكلمه الي يثقولونها يتحاسبون عليهم وومكن يقطون ارزاق ناس

 

[قطوووة]

الله يعين

 

[Mrs_Orchidia]

حياااكم الله بنااات

المطيرية .. ردج قوي قويي و حده عطااني Push لا هانوا الباجي

قطوة .. اي و الله يعين الجميع ياارب
:aha:

 

[أم بدر المطيري]

عسى الله يوفق كل تاجره تبيع بضمير وبدون اسعار مبالغ فيها وانتي اختي مبين عليج طيبه علشان جذيه ربي موفقج ولا تهتمنين لاحد خلج دوم واثقه من نفسج

 

[Mrs_Orchidia]

الله يوفقج الجمييع يارب
تسلميين ياقلبي عالرد الحلووو نفسج
و الحمدلله انا حاطة الله بين عيووني بشغلي و ما اخطي خطوة اللا و انا مستخيرة ربي اول شي

 

[EleGanZa]

الحمدالله ان الرازق هو الله سبحانه مو اهمه ..

دايما يحطون العين عليج وحسد وحقد وتحبيط شدعووووووووه !! بايقه من حلال ابوكم ولا ابيع خمور استغفرالله ...

ماعليج من العذال اي وحده تقولج هالحجي اخذيها مني مليون بالاميه ماتبيلج الخير واللي تحبطج وخري عنها وخلج رسميه معاها وسدي اذنج دامج واثقه من نفسج ..

الناس صارت ماتحب الخير حق احد الله يكافينا شرهم ..


دايما رددي هالدعاء (( اللهم اكفني بحلالك عن حرامك واغنني بفضلك عمن سواك ))

وان شاءالله الله يرزقج بالرزق الحلال وتتوسع تجارتج وتنبط عيون العواذل ههههههههههه

 

[KOKO_284I]

امبيه بطلتي الجروح

وااااااااااااااااااااااااي ياما سمعنا حجي يغث ولا ومن اقرب الناس بس اللي عاجبه واللي مو عاجبه كيفه لاني زهقت صراحه

ولا وادش موضوعوج وتعطيج محاضره بالدين ( والله وحده داشه موضوعي اتقولي اتقي الله بالناس ) انا شايفه خاتمج بلندن وارخص بوايد

وصراحه قهرتني وكتلها دام انج اتحجين باسم الله والدين واتقي الله انتي اللي لازم اتعرفين ان النصيحه ما تكون بالعلن والخاتم اللي ابيعه اذا تبين ايبه لج من لندن بدينار وانا عندي ورقه تثبت الموجود بالخاتم

والله احيانا الحسد عند الحريم يحرق الاخضر واليابس واذا ما لقوا احد يناشبونه ناشبوا نفسهم

طوفي احسن واستمري ولا اتخلين الكلام ياثر عليج