تعالي قولي شنو نظامج وكيف أول لقاء بين المعلمة و طلبتها في أول يوم؟؟

[متفائله بالحياة]

اول ما ادش اسلم و اسال عن اساميهم
































بعديين اكتب التمارين عاللوح و احل وياهم





<<< برررة

هههههههههههههههههههه
على طول جذيه >>>>> عز الله حبوج

 

[ميس الورد والشوق]

اول حصه

ابدا اعرفهم بنفسي واتعرف عليهم كل وحده تقول اسمها

بعديين اقوول لهم شنو ابي منهم للماده الاغراض المطلوبه مثل الكتاب والكراسه والبالطو وانبه اني انقص درجات اذا نسوا شي وفعلا اطبقها الحصه اللي وراها وبجد القها شكثر يلتزمووون

والافضل من البدايه تقولين كل شي وشنو اللي تحبينه واللي ماتحبينه بالحصه لانهم يدرسون الابله

واذا شافوا الابله جاده معاهم باللي قالته ونبهت فيه راح يعملون لها الف حساب

واهم شي تنبهين على سالفة الكلام اذا الدرس

والله يجعله عام دراسي خفيف ويقدرنا على هالعمل ياارب

 

[تاريخيه]

ياااي حدي تشوقت حق الوظيفه والتدريس
انا ثاني سنه جامعه ومن الحين افكر بالمستقبل
مم معني بدرس ثنوي بس بقولج وجهة نظري يارب تستفيدين ..

اول شي دشي سلمي قولي معاكم ابله فلانه بدرسكم الماده الفلانيه
قوليلهم الماده سهله وحلوه اذا التزمتو معاي ..
قوليلهم قوانينج .. بس لاتكونين جديه حيييل خلي كلامج جدي بس نبرة صوتج هاديه لانهم اطفال
ويحبون الشخص اللطيف .. ورح يسمعون كلامج بعد
قولي الاشياء الاساسيه لاتكثرين قوانين عليهم
مثلا واهم شي عندي : خلوكم محترمين معاي عشان اساعدكم .. واجباتكم تحلونهاا
واللي ماتحل رح تتعاقب
قوليلهم :انا طيبه مع اللي تسمع كلامي وتهتم بدروسها .. اللي ماتهتم تتحمل
^ مخططه اقولها
ممم وبعععد .؟.. حاولي تخلينهم مايتهاونون مع مرور السنه الدراسيه > بالنسبه للواجبات والدفاتر
( عن تجربه شخصيه : الابله اللي تهتم بس اول شهر وبعدها تكتفي بالشرح وتعطي واجبات بدون ماتجيك .. حتى انا كطالبه ما اهتم بمادتها و واجبتها )
وووبس :$
الله يوفقج يارب وادعيلي اتخصص تاريخ

 

[عسى الله يهديني]

المـــــها انتي تعيين جدد؟؟؟احسبج قديمه

 

[بـنــت الــنـور]

بصراحه أنا استفدت حيييل من اول سنه درستها خصوصا أني ادرس متوسطه
وبما ان السنه الجايه تعتبر السنه الثنائي لي ان شاء الله قررت أغير بعض تصرفاتي مع للطلبه لأني حييييييل متساهله>>انحشششش ماعاد فها معجبات ههههههها
المهم من ظمن التغيرات مقابلتي مع للطلبه بتكون شوي جافه
اول شي بعرفهم بنفسي وبعدين لاااااااازم اكتب توجيهاتي بورقه مثل التزمي التحضير لكل حصه وعدم التأخير عن الحصه وهكذا
وبعدين اقولهم عن عقوبات الطالبة المخالفة ولاااازم التهديد
ماراح اضحك أبدا >>>اتمنى ذلك ^_^ وبنفس الوقت وجهي بشوش يعني من دون تعكير >>>عجبتني بشوش هههها
وأخيرا أتعرف عليهم
وسلااااااامتج

 

[ليتني مـآ كبرت]

انا ميداني هالكورس متوسط


بس حاطة فبالي اكون صااااااااااارمة و جادة

لان بصراحة حتى أختي الصغيرة قالت لي المدرسة المتساهلة أحنا بنظرنا خبلة !!!!!



عطيهم توجيهاتج اول حصة و أمشي على القوانين وطبقيها بالضبط
إذا مو قد قانون معين لاتطرحينه و تتوهقين


أنا متوسط فـ حاطة فبالي من الأولويات أني ادش ألقى الصف نظيف ومرتب
وراح أبلغهم أن راح يكون فيه امتحانات قصيرة مفاجأة وفعلا راح أطبق هالشي
راح أبلغهم أن كل نهاية اسبوع راح اكرم وحدة من الطالبات اللي تشد حيلها و احسها
متفاعلة معاي .. خلي الهدايا شي يسوى مو خرابيط عشان يحسون أنج مقدرة مجهودهم
و مع الهدية اشتري براويز مرتبة و أطبعي كلمة شكر و دخليها داخل البرواز


لاتعطين قوانين كثيرة عشان ماتتوهقين فـ تطبيقهم..



و عجبتني فكرة وحدة اللي اقترحت تطبعينورقة فيها جم سؤال تتعرفين على الطالبات

 

[#الخشف#]

اب

اب

 

[متفائله بالحياة]

اب اب

 

[PuPa^^SWeeT]

للاسف انه كل سنة ابي اغير

بس من اشوووف توزيعة المنهج اللي نزلت علينا

اقووول لييش ماكو وقت ؟؟؟؟؟ ليش كل درس بحصة ؟؟؟؟



و مع هذا ما علييج


البنااات يحبوني


لاني خلال الحصة اضحك وياهم


ماخليها جدية

الا اذا تعبانة

 

[متحديه ومتاكده]

حمستوووني >> توني متخرجه ~~~~> بطاله 

راح أدرس ابتدائي باذن الله بس مادري متى لين يوصل دوري لووول

الله كريم ..

حلوه افكاركم استفدت منها ،، وعموما الطالبات يحبون الابله الحبوبه الطيوبه وينفرون من الشديده الي على غير سنع اكيد عرفتوا هالنوعيه ،، يعني انتي باسلوبج الذكي ( تمزجين بين الطيبه والاحترام والشده ) تقدرين تخلين الطالبات وخاصه مرحله الابتدائي يسمعون كلامج ويلتزمون بقوانينج بالحصه بدون لايتعبونج ..

ولاتنسون تحطون في بالكم انكم تخلون طالباتكم يحبون حصتكم لاتنفرونهم ،، والله اذكر نماذج من ايام الدراسه ابلاتي الله يذكرهم بالخير للحين اذكرهم بالخير وبعضهم اذا تذكرتهم تنسدددد نفسي ..


الله يوفقكم والى الامام يا أبـــلات المستقبل 




سبحان الله وبحمده .. سبحان الله العظيم

 

[#الخشف#]

خطة جميلة وجدتها في منتدى .. أردت الجميع
أن يستفيد منها :

سير اليوم الدراسي الأول للعام الدراسي 2006\2007م الصف الرابع الأساسي :
أبدأ اليوم الدراسي الأول ومقاعد الطلبة مرتبة في صفوف تواجه منطقة التدريس لأن هذا النموذج سهل في ضبط قاعة الصف .
1. بعد إلقاء التحية والسلام على التلاميذ .
2. أعرف التلاميذ بنفسي وأكتب اسمي على السبورة وأتركه إلى قبل خروجي حتى يتمكن التلميذ من حفظ اسمي ولتحدث الألفة والمحبة بين الطالب والمعلم .
3. وأكتب عبارة أخرى بخط كبير وهي ( أهلاً بكم في صفي أنا فخورة لأني معلمتكم وأنتم تلاميذي وأطرح عليهم سؤال ، هل تبادلوني هذا الشعور )
4. أعرف بنفسي وبالحالة الاجتماعية وبالهوايات والأمنيات .
5. ثم أطلب من كل تلميذ أن يقف ويعرف باسمه وهويته وهوايته ثم يكتب أسمه على بطاقة ويضعها على الطاولة .
6. بعد ذلك أوضح لهم أن هناك معاهدة(نظام صفي عنوان نظامي ) سيوقع عليها كل تلميذ منهم بعد الاطلاع عليها وقراءة شروطها ، لتظل الصداقة والمحبة قائمة بيننا ومن لايلتزم بها سيخرج من صداقتنا إلى أن يعتذر ويَعِد بالالتزام بعدم الإخلال بشروط المعاهدة.
7. أوزع لكل طالب مجلة + مقص +لاصق،وأطلب منهم أن يقصوا صورتين تعبر لهما عن شي جميل ويلصقها في اللوحات الإعلانية في الصف .
8. أبين للتلاميذ أننا عندما نذهب إلى منزل جديد نقوم بترتيب وتنظيف وتزين المكان ، بناءًَ على ذلك يقوم التلاميذ بتزيين الصف ليحرصوا على الحفاظ على نظافته وترتيبه دائماً.
9. تعليق جدول الحصص في الصف أمام التلاميذ ليتقيدوا بالتحضير للمعلمة قبل دخولها .
10. إشراك الطلاب في انتقاء محتوى اللوحات الإعلانية للاستفادة من جدران الصف .فيما يلي محتوى اللوحات
11. ثم القيام بصناعة علبة لحفظ الأدوات لتلازم طاولات التلاميذ طوال العام الدراسي . أوزع على التلاميذ دفاتر (الإملاء الصفي والنسخ ) بعد ترقيمها (ليسهل جمعها طوال العام ) .
12. تعريف التلاميذ بأماكن خزاناتهم التي ستتضمن أعمالهم الكتابية وملفات إنجازهم )وكتابة أسمائهم عليها .
13. إرسال رسالة لولي الأمر تحتوي على تهنئة بابتداء العام الدراسي الجديد وتعريف بالمعلمة والمنهج وقوانين الصف وتوضيح لاستمارة الوظائف والواجبات الاسبوعية ، وطريقة التواصل مع المعلمة .
14. أوزع للتلاميذ هدايا تشجيعية .

منقوووول

 

[كارلوفي فاري]

كل معلمة ولها طريقتها بسسسس الشي المهم اللي اذا استمرت عليه المعلمه رااح يوفر عليها جهد كبيير ويساعدها على انضباط الصف اللي هو دفتر المتابعه
لاااا تتساهلين فيه. من اول اسبوع ضبطي الدفتر وحاولي تحصلين على الاسماء من السكرتاريه. واذا تاخروا عليج انتي اخذي اسماء البنات بورقه خارجيه. وكل حصه تابعي منو غايب منو طالعه عن الحصه من مو جايبه الادوات منو تاخرت تحطين عندها اكس علشان ماتتاخر. ترا البنات يتلاعبون خصوصا المتوسط والابتدائي ينسون. مثلا سويتي امتحان قصير. البنات شلون يجكون انه مو داخل بالدرجات لانه بتكون في وحده غايبه ماخذيتي اسمها.
مثلا وزعتي اوراق عمل كواجب البنت اللي مضيعه ورقتها ببتكفر وتحلف يمين انها غايبه. منو راح يقطع الشك باليقين الا دفتر المتابعه. انا عندي البنات ماينسون بالطو العلوم وادواتهم ليييش لانه يدرون انا بداية كل حصه افتش وانادي بالاسماء. وايضا يساعدج على مكافئة الطالبة اذا جاوبت اجابة متميزه على طووول تمسكييين الدفتر وتحطين درجه. وبجذي البنات راح يعرفون انه انتي ماعندج بييع برد. وايضا بيساعدج باجتماع اولياء الامور تجي بعض الامهات الله يهداها بنتي عمرها مانست بنتي عمرها ماقصرت. فيكون عندج دفتر المتابعه مسجل كل شي باليوم والتاريخ
وحتى تصحيح الدفاتر اللي صححتي دفترها حطي صح عند اسمها وبتاريخ التصحيح. فلما تخلصين راح يطلع عندج كم اسم مو مسلمه فلما تروحين تنادينها بالصف البنت راح تبقق عيونها منصدمه شلون جكيتيها انها ماسلمت. فراح تلقينهم المره الجايه الكللل مسلم يدروون انهم ينجكون
ادري دوختكم بس والله راح ينظم لكم امور كثيره حتى زميلاتي علمتهم على هالطريقه ارتاحوا
سوي دفتر وقسمي الخانات على اسابيع الفتره الاولى وحطي تواريخ بكل خانه. التاريخ سجليه بحزته احسن. اتمنى فهمتوا الطريقه. وحطي رموز مثلا م ممتازه. ك ناسيه كتاب. خ تاخير. اذا طالعه البنت كتبي نوع الخروج رحله مسابقه موعد. لاتحطين رموز بالحاله هذي لانه يمكن تسالين عن تغيبها بالحصه الا تكونين كاتبه وتتذكرين.
ودمممتم سااالمييين

 

[طموحه بزياده]

ما قصرتوا بنات يعطيكم العافيه

 

[strong namla]

امممم كوضووووع شيق بس بهد عطووووونا نصايح للثانويه مووووبس ابتدائي الثانوية اشلوووون نتعامل معاهم واشلون اعطيهم انطباع عني من اول يوووووم

 

[هيبة ملك]

الله. يوفقج ياقلبي..بالنسبة. لي:اول. اتعرف. عالبنات. واعرف. بنفسي واخليهم يسولفون. شوي. عن. نفسهم. وعن. الاجازه شلون قضوها بعدين اعطيهم طلباتي. واحط. لهم نظامي والقوانين. اللي. ابيها .هذا اذا. هم كبار..اذا صغار اولى او ثانية. اتعرف. عليهم. واوزع عليهم هدايا واقعد. العب معاهم واليوم. الثاني اعودهم علي نظامي ماافرضه. لانهم صغار. لا. اعودهم حبه حبه

 

[سدددن]

على حسب المرحلة



اول شي سلمي و عرفيهم عن نفسج و مادتج


تعرفي على اسماؤهم


علميهم على قوانينج شنو تحبين شنو ما تحبين

عني لازم اول يوم اسويلهم اختبار قراءة او احط لهم جم مسألة

خصوصا اني لغة عربية فعندي حصتين وقت طويل

 

[لوزين]

موضوع مميز جدا

متابعته من الاول وجزاكم الله خير الجزاء عليه

عندي اقتراح واتمنى تتقبلونه بصدر رحب
وماتعتبرونها لقافه مني


الافضل لو تطبعون اوراق لاولياء الامور ورقه بطلبات الابله للماده وقوانينها خصوصا ابلات الابتدائي بحيث يصير تعاون بين المعلمه وولية الامر

والف شكر وسوري عاللقافه

 

[فيلسوفة كويتية]

ابلات الثانوي خل يساعدونا
شلون يكون أول لقاء بالثانوي خصوصا بنات كبار و فاهمين كل شي
واذا كانت الابلة صغيرة شلون يكون التعامل ؟؟

 

[6yoof]

حبيبتي أنا طالبه .. بسس دايم طالبات الأبتدائي

يحبون الأبله اللي ماتاخذ كل حصتها جد
ادخل اشياء مسليه بالدرسس ,

تشجعهم وتمدح الطالبه الزينه " من دون تفرقه "
يعني تقولين لهم ..

انا كل شهر راح اعطي الطالبه المتميزه هديه
والطالبه المؤدبه هديه

وتعلمينهم شنو نظامج :
يعني تقولين انا ماحب البنت اللي تنسى اغراضها " اخذيهم على قد عقلهم "
لأن خاصتاً الابتدائي مايحبون الأبله العصبيه وبسرعه يكرهونها
عاد الله يعينج ان ماحبوج بيطرفونج عيشتج



عاد الله يعينجج

 

[6yoof]

ابلات الثانوي خل يساعدونا
شلون يكون أول لقاء بالثانوي خصوصا بنات كبار و فاهمين كل شي
واذا كانت الابلة صغيرة شلون يكون التعامل ؟؟

اذا كانت الابله صغيره صيري مثل اختهم
يعني لا تتجهين لأسلوب الزف مع البنت اللي مو مجتهده أو شي
بالعكس اذا كنتي قريبه من عمرها ناديها وانصحيها وهيك

وبخصوص أول لقاء كالعاده تعرفي على أسماءهم
ووضحيلهم أن انتي ماتحبين اسلوب الزف والعصبيه
وأن تبين تكون سنه حلوه وبتكونين مثل اختهم !
والبنت الي عندها ضعف بالماده انا مستعده اساعدها
وافهمها الماده من الألف للياء ... الخخ

صدقيني احسن شي الابله تكون صغيره ومن عمر طالبتها
استغلي هالشي