تعالي وتفنني بالكيك الجاهز

[زوجة عزيز]

مشكوره

 

[فيلجاويه كيوت]

نورتوووووووووو

 

[القطه توتو]

تسلممممم ايدينك

 

[همسات ليالي]

رووووووووعه وتسلم الايادي

 

[ميسم]

عجيبه كملي

 

[فيلجاويه كيوت]

فكتوريا كيك

اول شي احب اوضح لكم ان الكيكة اللي بالصورة سويتها بخليط بيتي كروكر الجاهز بس ماأسويها مثل ماهو مكتوب يعني فيها بعض التغيير.

وهي اساسا تتسوى بطريقة ثانية كنت دايم اسويها ويوم جربتها على بيتي كروكر عجبتني مره واعطتني نفس النتيجة تقريبا وغير كيذا أسهل وأسرع.وبكتبك لكم الطريقتين وانتوا جربوا واحكموا..

فكتوريا كيك بالبيتي كروكر

المقادير:
علبة خليط بيتي كروكر الأبيض
أصبع زبدة
كأس ماء
3 م.ك حليب بودرة
3 بيضات(لو حطيتي الزلال بس افضل)
للحشوة:
مربى توت أو فراولة(المهم احمر)
ودريم ويب كرتون صغير(يجي فيه ظرفين)
2 فنجان حليب سائل بارد جدا.

للتزيين:
سكر بودرة

الطريقة:
اخفقي البيض والزبدة لمدة 5 دقايق لازم ماتقل عن هالمدة الين تصير مثل الكريمة ويفتح لون الزبدة والبيض
وبعدها ضيفي باقي المكونات واستمري بالخفق لمدة 3 دقايق تقريبا.
بتلاحظين ان الخليط اصبح لونه افتح وبرضوا ثقيل مثل الكريم يعني لدرجة انه ماينصب صب لازم انتي تنزلينة بالملعقة..وترى هالشي عادي لحد يجي ويقول خربت الكيكة..>>>متسببة الأخت
صبي خليط الكيك في قالب دائري مدهون بالزبدة ومرشوش بشوية طحين..دخليها فرن متوسط الحرارة مسخن مسبقا واتركيها لمدة 35 دقيقة تقريبا.. او مثل ماتعودتي تخلينها اذا سويتي الكيك الجاهز انتم ادرى بأفرانكم..

وبعد ماتستوي اتركيها تبرد بحرارة الغرفة وبعدها دخليها الثلاجة لمدة ساعة قبل لاتشتغلين فيها علشان تضمنين انها تماسكت.
بعد مابردت اقسمي الكية بالنصف الى قسمين.
جهزي مكونات الحشوة وهي المربى خذي الكمية اللي ترغبين فيها وسخنيها شوي بالمكرويف وبعدها اخفقيها بالشوكة علشان يسهل دهنها.
والدريم ويب معروف اخفقيه مع الحليب الين تشوفيه صار ثقيل مثل الكريمة .
ادهني القسم اللي راح يكون تحت بالمربى
والقسم الثاني ادهنية بكريمة دريم ويب وطبقيهم على بعض بشويش لاتجيبين العيد..يعني حطي اللي فيها الكريمة على القسم اللي فيه المربى بحذر.

واخيرا رشي الكيكة من فوق بالسكر البودرة وعلشان يطلع شكله مرتب حطي السكر بمشخالة(مصفاة) ووزعية على سطح الكيكة ودخليها الفريزر لمدة ساعتين على الأقل قبل التقديم..

لاتفوتكم يابنات ترى رووووووووعه

 

[فيلجاويه كيوت]

كيكة بيتي كويكر الشهيه و الخلطة تكون من خلف الكرتون
و السوس اللي فوقهاا ....
قشطة - 6 حبات جبن كيري - علبة نستلة كبيرة - 3 حبات جالكسي سادة ...

والتزيين ام اند امز

 

[فيلجاويه كيوت]

مساء الورد قبل اسابيع ماضية كتبت طريقة كيكه الرهش واليوم نزلت لكم الصوره بس اذكر المقادير وهي كالاتي"
كيك الخليط الذهبي ماركه روبن هود نسوي الطريقة اللي مكتوبة من ورا العلبه
وبدال الماي يكون 4\3 كريمة
2\1 كوب رهش ونخلطهم مع المقادير السابقة وتخبز لمده نص ساعه
التزين : صلصة التوفي وقليل من الرهش وبالعافية