تعالي ورينا مكتبتج .. الكل يشاارك :>

[غاده]

اتصدقون فشلتوني اشلون اقرا كتب وما عندي مكتبه
اليوم بقزه ايكيا وبشتريلي مكتبه واصفف كتبي واصورها وادزها يا حظي كتبي يا بالميز التواليت يا باليراره الي يم راسي فشلللللللللللله

 

[Eng.shosha]

ههههههههههههه
خليتكم تشترون مكتبات

حياج الله حبيبتي وناطرين مشاركتج الحلوه

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

موضـوع حـلـو و كل البنات مكتباتهـمـ أحلآ الثانيه ,,,

و أنا الحمدلله على حظي توني السبت شاريه مكتبه ,,,

عقب ما كانوا كتبي مقططين بكل مكان واحد بالدرج واحد على الطاوله هههه كل واحد منخش ,,,

الحين معززين مكرمين و محد يقولهـمـ شيء ,,, ههههه

المـهـمـ قمت و رحت صورت مكتبتي و أغلب الكتب الي عندي ,,,

و جيــت بنزلـهـمـ إلا أخر شيء الوصله ضايعه ,,,

بس يلا خيرهـ إن شـاء الله المرهـ الجايه ,,,

عاد أنا المشكله مكتبتي كبيرهـ حيييل بو خمس رفوف و كتبي ما جت إلا رف و نص ,,,

و صراحه حز علي خاطري إني أشوفها فاضيه ,,,

و بعد ما شفت مكتباتكـمـ شيشتوني اشتري كتب زيادهـ ,,,

المـهـمـ إن شـاء الله لي بـآاااكــ مـع صور لمكتبتي ,,,

و تــــسـلمـ يمـنـآااج أمـ عبدالمحـسـن على الموضـوع الحلو مثلـج ,,,

ومـع السلامـــــه ,,,

|~|

 

[Eng.shosha]

هلا حوله

وييييييييي حسااااافه .. يلا خيرها بغيييييرها

ونااااااطرينج

 

[ذكريات]

انا بنتقل بعد شهر بس راح اصورلكم مكتبتنا اللي الحين

 

[ScarletteO'Hara]

انا اقول خلي المستور مستور
مكتبتي مو مرتبة خير شر
شكلها يفشل
بس تصدقين يا ام عبدالمحسن
ممكن موضوعج هذا يعطيني حافز اني ارتبها

 

[Eng.shosha]

ذكريات ناطرتج

ScarletteO'Hara

لووول .. اي اي يلا رتبيها

 

[Anastasia]

أنا بحط صورة مكتبتي =)
.
دقايق وأرد =)
.

 

[Lonly Girl]

حلوةةةةة إنشالله قريب أنزل مكتبتي

 

[Anastasia]

ويييي أي صورة أي دقاايق ..
الدقايق صرت ساعتين والصورة صارت خمسين صورة .. ماعليه تحملوني شوي خخخ
أحب اتقن عملي واستوفيه من كل الجوانب >>>خخخ الا مطفووقة
.
المهم نبدي ؟
هاذي مكتبتي مسكرة خن نبطلها ..
.
url=http://www.0zz0.com]

[/url]
.
فاصل >>>
واااااي بعد جبدي آنا .. طاعو طااعو هالكورنر يم المكتبة المدعووس شوفوا الملفات والكتب اللي واصلة السقف ... هاذي كتبي وملخصاتي وامتحاناتي ملوت رابعة ثنوي نظام فصلين وااااااااي مو مصدقة تخرجت وافتكيييت الحمدلله
>>>جني عريت خخخ
.

.
نعود لمحور حديسنا ...

هاذي المكتبة وبطلناها ..واااايي فشلاااااه نسيت ارتبها لا تطالعون سوو روحكم ماشفتوا شي
.

[/url][/IMG]
.
يالله خنرتبها مع بعض =) خنطلع الدثرة ..
أول دفعة .. هاذي الروايات الصغار المصرية .. هاذي غرااامي ومن كنت بالابتدائي .. الحمدلله امي جدا متبحرة في مواضيع التربية فكانت تدربنا عالقراءة والكتابة من صغره .. وماشالله الحين شزينا جنا البخت خخخخ
.

.
شوفو معاي .. السطرة الأولى هاذي ألغاز (تختخ ولوزة ونوسة وربعهم ) هذيلي مجموعتي الأثرية من كنت بثانية ابتدائي وقبلها امي كانت تقراهم لي تخيلو !! طبعا مو المجموعة الكاملة لان أغلبهم ورثتهم حق أختي الصغيرة وضيعت منهم =(
.
السطرة الثانية هذيلي سلسلة فنتازيا .. لأعظم وأجمل كاتب بالدنيا كلها .. د.أحمد خالد توفيق ..
السطرة اللي تحتها هذيلي سلسلة ماوراء الطبيعة لنفس الكاتب الرائع .. د.أحمد خالد توفيق
واللي تحتها هذيلي منوعين منهم سافاري لمحبوب القماهير د.أحمد خالد توفيق .. وسلسلة لوتس الفرعونية محمد سليمان عبدالمالك .. وآخرون ..
(على فكرة الكاتب الموهوب عبدالوهاب السيد جدا جدا متأثر بالكاتب د.أحمد خالد توفيق .. حتن اغل قصصه ورواياته وحتن عباراته مقتبسه من الثاني حتن اسلوبه شبه مطابق .. الظاهر ان الاستاذ عبدالوهاب نشأ نفس نشأتي خخخ )
.
طبعا عندي جيسه شكبرها ثانية فيها باجي الروايات من طقتهم بس سامحوني ماقدرت أصورهم شكثرهم .. واللي حطيتهم للمثال لا للحصر ..
أنصحكم فيهم .. ايننون ورخااص .. طلبوهم من مكتبه الظمني يوصلون لين البيت ببلاش ..
(ترى مافيني عرج مصري بس أمي كانت تحرص عليهم لأن لغتهم قوية جدا خصوصا انهم يصدرون من نفس دار النشر مالت سلاح التلميذ =p )
.
ألحين المجموعة الثانية .. واهما الروايات ..
السرة الأخيرة لأغاثا كريستي .. أنا بالأصل عندي كل أعدادها بس ..للأسف أنا نص روايات وزعتهم على رفيجاتي قبل العطلة يقزرون فيهم .. فهذيلي مو كلهم حسافة ..
.

.
وهذي صورة أقرب لأهم الروايات اللي عندي ..
.

.
وهذيلي سلسلة روايات هاري بوتر .. هذيلي مشو معاي من أولى متوسط لين العام نزل آخر عدد .. حتن شوفو مجلدتهم يحليلي ومركبتلهم فواصل اسم الله علي سنعة من صغره هههه ..أحبهم ويحبوني
بس مثل مالاحظتو العدد الأول ضايع وناوية أرد اشتريه ان شالله .. والأخير معطيته رفيجتي من سنة يدي وشكلي برد أشتريه بعد ..
.

.


عاد أنا عكككسسج يا سي لافيه .. ماقرا انقش الا نادرا اذا ماحصلت للرواية ترجمة اقراها بالانقلش بهدف تنمية لغتي (عاد بدش آداب انجليزي شلون لاتسألوني خخ )
وهذيلي الروايتين اليتيمتين عندي الغلتر عندي من خمس سنين .. والثانية من سنتين
.

[/url][/IMG]
.
ورغم عشقي الشديد للشعر .. فأنا عادة أعتمد عالنت باستخراج أشعاري .. الديوانين الوحيدين عندي هذيلي
.
الأول للراحل العظيم محمود درويش .. (لله يرحمه توفى باغسطس 2008) أشعاره قمة في الروعة والسلاسة يابنات والأهم أن بحور أشعاره حرة .. ماتعتمد عالقواقي المنظومة والشكل العمودي المنقبض ..
.
والثاني للشاعر الواعد ماجد الخالدي الكويتي .. موذاك الواو بس فيه شغلات حلوة معنه افكاره ما تعجبني بس ليش يصير حق رفيجتي اقتنيته =)
واثنيناتهم بالفصحى .. ماحب الشعر العامي ..
.

.
الكتب الدينية الوحيدة اللي حقي هذيلي
الأول المشهور (لاتحزن) للدكتور عائض القرني عاد هذا اشهر من نار على علم .. وخفيييف وحلوو وفعلا لذييذ جنه سوالف ومو ديني بحت أحب اصنفه في سلة تطوير الذات اكثر من الاسلامي
.
والثاني هم فظيع .. جنه سوالف وكله قصص وطرف ظريفة ..
عموما المصنفات الدينية بمكتبة امي اذا رضت اصورها لكم ..
.

.
.
يتبع ان شالله .. نطروني دقايق هالمرة

 

[Anastasia]

بآك
.
هذيلي آخر ماتبقى من مجلات (حياة)
ز
شقولكم هالمجلة تينن وهادفة حييل ..
- أولا أدبية .. فيها قصص وخواطر وأشعار روعة
- فيها دروس تطوير الذات وتنميتها
- فيها طبخات تينن
-فيها مشاكل البنات >>أحلى باب عندنا خخ
واهيا كلش مودينية حيل .. بس لأنها سعودية فمافيها صور حريمات
.

.
ويي .. طاعو .. شهالدفتر والملفات ..؟؟
خنفصفصهم =p
.
هذيلي دفاتري من ايام المتوسط الى الحين .. كلهم تارستهم خواطري ومذكراتي ..

.

.

خن أراويكم نبذة منهم .. =)
.


>>هاذي رسمتها بكتاب عبدالوهاب السيد الجانب المظلم مادري اي واحد والله ناسية خخخ
.

.
>>مني كنت متأثرة برواية صينية بوذية خخ
.
هاذا شنو الملف ؟؟
.
خنبطله ..
شوفو الدثرة والأوراق ..
.

.
.

هذيلي كل المسرحيات اللي كتبتهم ومثلنا بعضهم .. وصور اعجبتني ورسماتي وهم مقتطفات من جرايد عجبتني .. مقالات أخبار معلومات مفيدة وأحيانا صور أثرت فيني ..
مثل هالخبر ..
.

.
وهالصورة :"(
.

.
شهالملف ؟؟

.
إي إي .. هذا أوراق الجامعة وبطاقاتي حق تسجيل الجامعة الحمدلله سجلت وانقبلت فوري بالآداب باركولي بنات =) خاشته للعازة
.
وبعد ؟ شبقى؟ مابقى شي رتبناهم كلهم =)
.

.
وهاذ خاطرة انا كاتبتها عالباب =)
.

.
بـــ دقآيق ــــــــــرب نطروني
.

 

[Anastasia]

بآك
.
=)
.

.
ويييه طاعو أكو كتب فوق المكتبة ماشفتهم
.

.
خنشوف شنهي هالكتب ..
.

.
رواية هاري بوتر شريتها قبل لا تنزل النسخة العربية من الطفاقة وخلصتها باسبوعين :s معني اخلص مثيلتها بيومين بالكثير
.
رواية أماديا تيييننن .. ستايل الخمسينات >>اهم شي .. بس حسافة مالقيتها بالكويت كنت بشتريها حق رفيجتي ينت عليها .. شريتها من معرض الكتاب
.
ورواية عربي/انقلش .. تلوووع الجبد .. تعرفون بباي الضفدع الغني اللي يبي سيارة ويدبسونه بقضية ابن عرس ورفجانه الغرير ومادري شنو يساعدونه ؟؟ اي هاذي مغيرها بس الترجمة تلوع الجبد قريتها بالانقلش وايد احسن
.
وييه هم أكو فوق الكوميدينة ..
.

.
خنفججهم
.
قصاصات قابلة للحرق للرائع د.أحمد خالد توفيق .. مجرد أقول مقتطفة من رواياته ممتع لكن مو واو ..
.
عدد ماوراء الطبيعة لنفس الكاتب قاريته قبل يومين ..
.
مجلة ميكي من سنة الطواعين شاريتها من جرير السعودية من سنة الطواعين قبل لاتفتح عندنا
.
أحصان المسلم (جمع حصن خخخ)
.
طاعو طاااعو أكو تحت السريييير مغبرين بعد خخخخخ
.

.
رواية "زهرة الثلج والمروحة السرية .. من أروع ماقرييت من جرير
رواية السجينة لمليكة أوفقير .. هم من أروع ماقريت شاريتها للمرة الثانية وقريتها ألف مرة
رواية الغريبة تابعة للسجينة .. بس سخيفة وتافهة وتحسفت عالوقت اللي ضاع معاها ..
عدد ماوراء الطبيعة قبل اسبوع خخ
كتيبات الجامعة دليل الطالب المستجد مادري شكو داش تحت لول
دكشناري المترادفات والأضداد انقلش
لغز من بتووع تختخ
دفتر خواطري ومذكراتي اليديد
.
وشكرا لحسن استماعكم .. ادري طولت عليكم بس انا ماتكبد عناء التصوير والتصغير ورفع الصور عادة واذا تكبدته احلل التعب عدللل اطلع كل اللي بقلبي خخخ
.
يعطيج العافية ام عبدالمحسن .. الله يرزقج ام عبدالمحسن وعبدالمحسن الصالحين يارب
.
نراكم ونبي آراءكم

 

[noor_alfala]

شوفوا مكتبتي ادري صايره عفيسه بس ميخالف طوفوا

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

[/URL][/IMG]

 

[noor_alfala]

نسيييت ما حطيت هل كتب امس شريتهم

[/URL][/IMG]

[/URL][/IMG]

[/URL][/IMG]

[/URL][/IMG]

 

[noor_alfala]

وااااااااااااي وااااايد كبااااااار ماعرف شلون اصغرهم

 

[Eng.shosha]

~ J O J O ~

واااااااااااو مكتبتج تهببببببببببببل ورواياااتج تشووووووووووق
حدج حدج ونستيني بردج .. آميييييين ياااارب والله يوفقج .. اي صح مبرووووووك عالقبووول ومنها للاعلى


noor_alfala

مشكووووووووره حبيبتي عالمشااااركه..
ومكتبتج تشوووووووووووق في كذا روايه عندي اياهم
مو مشكله المهم شفت مكتبتج لوول ..

حياكم الله شرفتوووووووووني

 

[LA TROO7]

موضوع عجيب

خل ارجع الديرة واصوورها لج مع انها محذفه بكل مكان وزوجي كتبه اكثثثثثثثثثثثثثثثثثثثر مني

ان شاءالله اول ماارد اصورلج

متابعه الموضوع تهبل مكتباتكم بنات

 

[madam_cake]

ونااااسة والله تشوقووووووووووووووووووووووووون

 

[Eng.shosha]

La troo7
تردين بالسلامه ياااارب .. ناطرينج

مدام كيك

اي هذا الهدف لوووول

حياكم الله

 

[وردة الصحراء]

هااااذيييي مكتبتييي



ماعندي مكتبه حاطه كتبي مع ملابسي ههاا



خوووووووش مووووووضوووووووع


لايوقف لايووووقف


: )