تعالي وفضفضي اللي بقلبج ** فضفضه تاايم

[zozo.7ob]

يا رب لا اشكوا همومي الا لك
يا رب يبعد عنكم كل همومكم
والله انا تعبت ضغوط بكل مكان غير اني زعلت رفيجتي الي اعشقها وايد و ما ادري شلون اراضيها و اهي بعد اقهرتني من غير قصد
و ابي ارجع ديرتي اشتقتلها و اشتقت لاهلي و سوالفهم الحلوة

 

[شــــــــــــــوقــــه]

^^^^

ويييييييييي الله يعينج شوشو

عسى الله يوفقج وييسر امور دراستج يارب

يلاعاد شدي حيلج نبي نفتك من هالهم

حاسه فيج والله

امانه مازهقتي من كلة شدي حيلج الكل يقولها

زين ترا مو ذنبنااااااااا مو احنا اللي معطلين الدراسه

شنسوي الله كريم حبيبتي ​

:krkrkr: حيلي بينقطع من كثر ما اشده

انا خلاص وصلت حدي تعبت طموحي راح كله من هالجامعة الله يسامحهم

 

[ftooom]

أنا متغربة بعيد عن أهلي والله تعبة من الغربة ومشتاقه لامي ولابوي وإخواني وخواتي
محتاجتهم حيل محتاجه اشكيلهم عن الغربه أحس عمري ينسرق مني وأنا مؤ قدره أسوي
شي ادعو الله يفرج همي وهمكم أجمعين اللهم أمين

 

[e7sasi]

الله يفرج همومكم بنات ويريح بالكم ، ياريت أعرف أفضفض جان يمكن حياتي غير
بس ما أعرف :-\ ، علي الدورة ووايد تعبانة منها وكل ساعتين طاقتها بجي ، الله كريم

 

[byoooni]

تعببببببببانه من الوضع الحالي اللي انا عايشه فيه
مو قادره اتحمل اكثر

يا رب غير سؤ حالنا الى احسن حال

 

[سوزي الشرقية]

انام ودمععتي فوق خدي ماعندي احديمسحهاولاعندي احدافضفض له

 

[يستفزني غلاك]

مشتاأااقه للأفنيوووووز من زمآآآن مارحتله

 

[umfahad84]

ليش ياجنتي علبالك ولدي لما خذاك استملكتيه وصار ملك لك ولازم نستاذنك انا وياه علشان نقعد مع بعض

 

[byoooni]

اشتقت لراحة البال

 

[انصاريه قمره]

افكر بدراستي ومستقبلي الحمدالله نسبتي حلوه وتدخلني الكليه اللي ابيها لكن بناتي صغار احس اني مقصره بحقهم ما اقعد معاهم مثل قبل وخدامتي لايعه جبدي منها كاااااارهتهاااا كره العماااا وصخه وشغلها جدامي زين ومن وراي من برا لي برا ما اعتمد عليها بشي بس تنظيف ومن زين تنظيفها عاد ووقت دوامي تجابل البنات طبخ انا تنظيف من وراها الله ياخذها انشالله ودي اذلفها بس ناطره العطله افنقرهاااا لاني كلش ماني متحملتها احاتي ريلي مسكين الله يعينه وايد سوالف مضايقته الله يفرجها عليه افكر برمضان شلون بجابل اليهال والطباخ والبيت وراح اكون وقتها بالثامن وفوق كل هذا عرس اخوي اللي ما تحدد لي الحين وانا اخته العوده وراح اكون مضغووووطه وايد وااااااااااااايد اشياء افكر فيها لكن الحمدالله على كل حال اشوف حالتي اقول كل شي عندي اهل وعيال وزوج وشهاده ترفع الراس لله الحمد ونسبه طيبه وراح ادش الكليه اللي كنت احلم ادشها اللي بعمر السنه اللي طافت كانوا خريجات بالجامعه انا اللي اخرني الزواج والعيال والمسؤوليه لكن الحمدالله كانت اجمل تأخيره بحياتي واحس انه حياتي صارت حلوه على الرغم من كل الظروف وهذي خيره والخيره في ما اختاره الله سبحانه

 

[رعششة خفؤؤؤق]

ااه يابنات انا عندي مشكله كتبتها و مانزل الموضوع مادري شسالفته
المهم انا تعرفت ع واحد سعودي قبل سنه وشوي و موب من نفس القبيله
من قبيله ثانيه و النعم فيه و بصراحه تعلقنا في بعض و متفقين ع الزواج
و انا كلمت امي وهي كلمت ابوي و جاتني وقالت لي انه رفض والله جلست اصيح عندها
هالانسان جد هو الوحيد اللي ارتحت له و مابي غيره
و ابوي يقول يَ تتزوج واحد من عيال عمها ولا ماتتزوج تجلس فالبيت
شسوي يابنات والله ضايقه فيني الدنيا ابي اقنعه شلوووون
تكفووون ساعدوني
و دعووووواتكم

 

[Pinky -cat]

مخي مشغول بالناس اللي حولي الي انا صايرة حساسة منهم بسبت موضوع الاطفال ، عقدوني كل شوي موقف جدامي
ومالي خلق اتهاوش ويا ريلي على هالسالفة ، بس لسان الناس سكين اللهم يا كافي.

كل ما اقرر انسا واكمل حياتي طبيعي تطلع لي سالفة تضايقني وتردني خطوة لي ورا .

 

[مــرح]

انا مضايقه من موقف صار اليوم حسيت ان الفوضئ بكل مكان
حتئ المسؤولين الكبار اللي المفروض نحتمي فيهم مالهم امان
الله يعين بس

 

[طيبه قلبي]

السلام عليكم اشلونكم بنات انا احب افضفض اللي بقلبي اقول الحمدلله اول مابدي كلامي الشي اللي معكرني وخليني احس باني
مو مرتاحه الفراغ بعض مرات او الرونين نفسه هذا اولا ثانيا عند بنت عم كانت كانت صديقتي وتالي تغيرت وحرصت علي حياتها مني
مادري ليش وتغيرت وانا انسحبت بكل هدوؤء لان زواجها غيرها اقول لا الذهب عمره مايتغير بس والله هي الخسرانه
اكتبها لكم وانا ادري بجرحها بقلبي ماينمحي ابدا بس اللي ذابحني دايم افكرفيها واطالع توبيكها من فتره لفتره بس العشرخ
ماهانت علي بس ماياني منها كفاني حسيت انها له وجهين وجه تاخذ منج كل شي واسرارج وعلومج وهي لا وهذي اصعب
نوعيه بس للاسف حبيتها واايد الله يسامحها على جرح الصداقه اللي اهدته لي واقول الله كريم قادر يعوضني باحسن منها

 

[أمورته]

الســلآلآم علييييكم ورحمه الله وبركاته ...

والله انا مدري من وين ابدي بس الحمدلله ع كل حال والي افكر فيه ان شاء الله كله الله بيسره لي بامره وحكمته سبحانه

يا بنات انا خريجه واخر كورس لي بالجامعه عندي اهمال مو طبيعي لدراستي وكذلك صايره عصبيه زياده

اخواني الصغار يحتاجون مساعدتي في دروسهم لكن مااقدر اعطيهم جزء من وقتي في دراستهم ..

هامله نفسي ودراستي وبس احاتي مع انه عندي ثقه بالله سبحانه وتعالى راح يعدي الامور ع خير


حاليا ماعندنا خدامه وامي كانت مسافره والناس تجي تحمد لها بالسلامه ..

وانا عندي فاينل وموجل امتحانات ..

عندي تسليم واجبات

عندي لازم اطرش حق الجامعه اوراق يبونها لاكمال شهاده التخرج

خايفه من هالكورس حيل ومع هذا اهمال ...


قاعد احاول ارضي امي واغسل عنها المواعين والملابس واسوي الي اقدر عليه من طبخ وغيره

لكن امي دايما عصبيه وياي ومايعجبها شغلي !! وتزق فيني وانا اتحمل لانها امي وتعبت علي وانا احبها بس مااحب تصرفاتها وياي

في وايد ناس خذلوني بحياتي بس والله يا بنات يعجز لساني عن شكر ربي ونعمته علي انا بخير واحسن من الف شخص غيري

وكل شي حكمته ابسط الامور الي تصير لنا حكمه من الله

ياربي اني احبك
اشهد ان لا اله الا انت وحدك لاشرك لك وان محمدا عبدا ورسولك صلى الله عليه وسلم

جزاكم الله خير ع قراءه ودعواتكم الله يوفقني بالنجاح ويتمم لي ع خير

 

[مــرح]

الله يكون بعونج و يسهل امورج

نفس حالتي بالضبط خريجه و كل ما اسوي شي ما يعجب امي


الله يحفظهم لنا شنسوي بعد

 

[الشاكيه الى ربي]

انا شقول وشخلي
همومي هموم كتبت موضوع شرحت وضعي
بهالقسم بس مادري ليش مانزلوه

 

[جايب راسك]

إمتحانات ودراسة و ضغط صج تعب بتعب وأنخذلت من وايد اشياء
بس للحين عندي أمل بربي وإن باجر أحلى..



ناطره هالفترة تعدي على خير ، يارب عونك ورضاك والجنة♥

 

[ي حليليِ]

انا متضايقة من البهاق اللي فيني

تعبت وانا اشوف الفرق بيني وبين البنات

واقول بنفسي متى اطلع جمالي واهتم بنفسي كثرهم ' !!

ادعولي تكفون ماتهنيت بجمالي ولا بشبابي

الحمدلله

 

[((shoOoshoOo))]

خايفه !!! وودي اغمض عين وافتح عيني الا ولدي بحضني