تعالي وكتبيلنا شكان منيو فطوركم..؟؟؟

[لازانيا]

السلام عليكم ورحمة الله وبركاته>>>متأثره برمضان

كل عام وانتو بخير وصحة وسلامة

الله يجعلنا من صوامه وقوامه آآآآمين

هذه مشاركة اتمنى ما تكون مكررة

كل يوم طول رمضان دخلو هنا وقولولنا شكان فطوركم وسحوركم

حتى لو منيو بس مو مشكلة ...نصير نتذكر طبخات ناسينها ..وهكذا...

علشان نستفيد خبرات اكثر ونتبادل اكلات جديدة بس

يالله بكره انشالله اذا كان رمضان باكتب لكم فطورنا

 

[جكورة]

مشاركة: تعالي وكتبيلنا شكان منيو فطوركم..؟؟؟

وعليكم السلام ورحمة الله وبركاته...
لازانيا ماشاء الله عليج بغيت أنزل نفس الموضوع بس من سبق لبق.. وماكو فرق ان شاء الله بيني وبينج عشان نستفيد من أفكار بعض ونتذكر طبخات ونبتكر طبخات..
ومشكوره على الموضوع وان شاء الله الكل يدخل ويشارك عشان نستفيد من بعض ..
وكل عام وأنت بخير ...

 

[bnt q8 in usa]

مشاركة: ايش كان فطوركم اليوم؟؟ دخلي كتبيه لنا

والله خوش فكره


انا بسوي فطور انشالله الوجبة الرئيسيه حشو دياي وعيش بزعفران
وشوربة ماجي_وفتوش_ومقالي_وومعجنات مشكله

والحلو انشالله قطايف

والحلو الثاني حق بعدين بيكون جيس كيك بالفيمتو

وسلامتج وينعاد عليج خيتي بكل خير

 

[بنت الفهد]

مشاركة: ايش كان فطوركم اليوم؟؟ دخلي كتبيه لنا

انا انشا الله بسوي فتوش وشيش طاووق والعرايس وهوت تشويس الدجاج ساندوتتشات دجاج والحلو توست كيك وحلو المليفيه
لا تقولون كله دجاج انا طبعي ما احب الدجاج واللحم في صفرة وحدة
bnt q8 in usa حبيبتي اشلون اتسوين تشيز كيك بالفيمتو يا ليت اتقولين وبالتفصيل

 

[مي الحلوة]

مشاركة: ايش كان فطوركم اليوم؟؟ دخلي كتبيه لنا

فطورنا شوربه عدس معكرونه بالباشميل وكبه البطاطا وشعيريه وسمبوسه خضروات
الحلوو مهلبية بالمكسرات و دونات..والسحور يمكن اسووي صينية لحم بالفرن ..مع سلطة فتوش..

 

[bnt q8 in usa]

مشاركة: ايش كان فطوركم اليوم؟؟ دخلي كتبيه لنا

بنت الفهد يالغاليه الطريقه موجوده بالنت قسم الحلويات وتلاقينه هناك واذا ماشفتيه قوليلي

 

[jolie_q8]

مشاركة: ايش كان فطوركم اليوم؟؟ دخلي كتبيه لنا

كل عام وانتوا بخير... والله يتقبل طاعتكم

بالنسبه لي..اول مره اسوي فطور في بيتي

توني قررت..اسوي شوربه عدس + فتوش +لزانيا +ويمكن مرق بطاط +عيش مشخول (حق اليهال)+سمبوسه وكبه

الحلو: اما بسبوسه بالقشطه أو حلو قهوه

وياليت بنت الكويت تحطين لنا طريقه الجيز كيك

بنت الفهد : شنو وهوت تشويس الدجاج؟؟

 

[Umabdulmohsen]

مشاركة: تعالي وكتبيلنا شكان منيو فطوركم..؟؟؟

السلام عليكم

اليوم اول يوم رمضان وان شاء الله ينعاد علينا وعليكم بالصحة والعافية

فطورنا اليوم

شوربة عدس + تبولة + تشريبة مرق لحم + كوسا محشى

وسلامتكم

 

[xxx]

مشاركة: تعالي وكتبيلنا شكان منيو فطوركم..؟؟؟

مشــكورة لازانيا عــــلى الموضوع

اليوم أول يوم رمـــضان

(((مبارك عليكم الشهر)))


اليوم الفطور عند حمولتي بآخذ معاي ان شاءالله معكرونة بالسبانخ وطبق معجنات

 

[sunshine22]

مشاركة: تعالي وكتبيلنا شكان منيو فطوركم..؟؟؟

الله الفطوووووووووووور يمي يمي


احنا فطورنا
الاطباق الرئيسيه:=
----------------
عيش نثري بزعفران وبهارات امي المميزه مع لحم مشوي بالفرن ومرق من اللي يحببه البك

ومعكرونه بدجاج مع فلفل وكريما حمرا ومشروم

وتشررررررررررررريب لازم لازم


وشوربه مشروم اللي هابين فيها روووووووووعه ياناس اول مره احب الشوربات

===========================

كبب وسمبوسات

===========================

والحلا قيمات



طبعا في اطباق بس انشالله نقولكم عنها لي خلص رمضان هههههههههههههه<<<نحيسه

لا بس خل افضى واكتبهم

 

[جكورة]

مشاركة: تعالي وكتبيلنا شكان منيو فطوركم..؟؟؟

فطورنا كان أمس مجبوس لحم..جريش دجاج.. شوربه دجاج.. سلطه..
الحلو كان قيمات...

 

[^^دموع الكويت^^]

مشاركة: تعالي وكتبيلنا شكان منيو فطوركم..؟؟؟

هلا وغلا بنات

++ مبارك عليكم الشهر ++


احنا فطورنا كان :


شوربة عدس + تشريبة مرق لحم + بيتزا


والمشروبات : فيمتو ... شراب البيذان ... لبن .... ماي مع لقاح


والحلو : كنافة


وصورت لكم طريقة البيتزا ... راح اتعجبكم ان شاءالله احطها لكم بأقرب وقت


وفي طريقة امي تسويها حق الرطب او التمر حلوة راح احطلكم الطريقة بأقرب وقت


وكل عام وانتم بخير

 

[jolie_q8]

مشاركة: تعالي وكتبيلنا شكان منيو فطوركم..؟؟؟

اليوم بسوي فطيره سبانج مع دياي << اول مره بسويها

وشوربه عدس

وفتوش ..وودي اسوي فته بيديان ..بس ما اعرف الطريقه..بليز هلب مي

والحلو..يمكن مهلبيه

 

[حبيب قلبي]

مشاركة: تعالي وكتبيلنا شكان منيو فطوركم..؟؟؟

فطورنا كان مجبوس دجاج وجريش وشوربة مشروم وسمبوسه وسلطة والحلو كان قطاييييييييييف بس اليوم لحد الحين ماحددت

 

[bedour18]

مشاركة: تعالي وكتبيلنا شكان منيو فطوركم..؟؟؟

هلا بناااااااااااااااااات ، مبارك عليكم الشهر

الله يسلمكم فطورنا امس كان كالتالي:

بريوش محشي بخلطة دجاج و مشروم و ذرة
و
تشريبة
و
خبز عروق
و
بطاط شبس و سمبوسة بيتزا و سمبوسة جبن بالذرة
و
تبولة
و
الشراب فيمتو و لبن
و
الحلو كريم كراميل

بس طبعا من كل شي كميات قليلة ، و سلامتكم

 

[لازانيا]

مشاركة: تعالي وكتبيلنا شكان منيو فطوركم..؟؟؟

حياكم الله يابنات

كل عام وانتو بخير

بالنسبة لي سويت هريس و ثريد (تشريب) و وشوربة خضار مع كويكر و سمبوسة

وكبة بطاطس بس تفتحت وانا اقليها و لقيمات و محلبية نشا مع المكسرات

السحور شربت ماي بس والباقين مشوها اي شي ....


sunshine22

ننتظر بفارغ الصبر ..

جكورة عادي دايم تصير معاي اجهز موضوع والا قي احد منزله عموما مافيه فرق بينا

 

[^^دموع الكويت^^]

مشاركة: تعالي وكتبيلنا شكان منيو فطوركم..؟؟؟

هلا وغلا جولي شوفي بحطلج كذا طريقة شايفتهم بالنت


فتة باذنجان خيالية

--------------------------------------------------------------------------------

المقادير :

4حبات باذنجان مقطعة لقطع صغيرة ومقلية بالزيت – حبة باذنجان مقشرة ومقطعة لقطع صغيرة ومقلية بالزيت
2فص ثوم مفروم- 2حبة بندورة مفرومة- 1م ك صلصة- 2م ك دبس الرمان- ملح –فلفل اسود- كمية من الخبز المقطع مربعات صغيرة ومحمص
صوص اللبن : 3علب لبن زبادي – 1فص ثوم مفروم- 2م ك طحينة- ملح فلفل اسود 2م ك خل ابيض-

الطريقة :

نحضر مقلاة ونضع فيها زيت ونحمر الثوم ثم يضاف له البندورة والصلصة وحبة الباذنجان المقشرة والمقلية ودبس الرمان وحوالي نص كوب ماء والملح والفلفل الاسود ويترك على نار هادئة حتى يتسبك ويثخن الخليط ويذوب الباذنجان
نحضر صينية بايركس ونضع فيها الباذنجان المقلي ثم قليل من الخبز المحمص ثم خلطة الباذنجان المسبكة ثم خبز محمص واخيرا نضع اللبن على الوجة كما في الصورة ويزين كما ترغبين

==========================


المقادير : -

6 حبات من الباذنجان الصغير
نص كوب من الصنوبر المقلي
بصلة مفرومة
كوب عصير طماطم
ملعقة طعام دبس الرمان
ملعقة شاي من الملح
رشة فلفل أسود مطحون
رشة سماق
2 علبة زبادي
6 فصوص ثوم مهروسة
رغيفان من الخبز المقطع المقلي
كوبان من الزيت النباتي لقلي الباذنجان

طريقة التحضير : -

1- قطعي الباذنجان إلي مكعبات ومن ثم أقليه حتى يحمر، ودعيه جانباَ.
2- ضعي البصل المفروم على مقدرا قليل من الزيت ومن ثم ضعي عليه عصير الطماطم ومن ثم الملح والثوم ودبس الرمان ودعيه 10 دقائق حتى يستوي. ودعيه جانباَ.
3- قطعي الخبز إلى مربعات صغيرة ومن ثم اقليه حتى يحمر ودعيه جانباَ
4- اخلطي ثوم مع الزبادي مع الملح والفلفل،
5- الآن احضري صينية (بايركس ) وضعي فيها طبقة من مكعبات الباذنجان المقليه ومن ثم طبقة خلطة الطماطم مع البصل ودبس الرمان ومن ثم الخبز المقلي ومن ثم ضعي خلطة الزبادي وبعدها ضعي قليل من الخبز والصنوبر والسماق

===========================

 

[لازانيا]

مشاركة: تعالي وكتبيلنا شكان منيو فطوركم..؟؟؟

دموع يالله ننتظر اموت على اي اكل ايطالي


جولي هذي طريقة الفتة


باذنجان مقطع شرايح ومقلي والخبز مقلي بعد وينحط على جنب نخلط الطماط مع

الماجي والماي بالبليندر ونحطه على النار لحد ما يثخن ..نحطله شوي فلفل اسود

ونضيف له الباذنجان ... ونتركه يغلي مع بعض 10 دقايق

ونشيله من النار ونصفي الباذنجان من الطماط

نحط الخبز بالصينيه ونشربه بالطماط اللي بقى

ونحط فوقه الباذنجان

الخلط : 2روب و2ثوم مطحون و 1ليمون وملح وفلفل المقادير بالتقريب وفي النهايه

حسب ذوقج

واللحم المفروم يشوح على النار مع البهارات والبصل والثوم والملح ويوضع فوق الخلطة

ويزين بالصنوبر المقلي وبالعافية


ترى هذي الطريقه الروعه في ثانيه سهلة

باذنجان مقلي وخبز مقلي وحمص (نخي) ونفس خة الروب اللي قبل وينخلط طبعا في

اخر لحظه

كلهم لذيذين وانتي اختاري

 

[لازانيا]

مشاركة: تعالي وكتبيلنا شكان منيو فطوركم..؟؟؟

اليوم فطورنا عند امي

هريس و لازانيا احم احم

و ورق عنب

سمبوسات

كبة

لقيمات

كيكة شوكولاتة جاهزة

وووووووو

شوربة كويكر مع خضار

وفيمتو اجباري


دموع:

طريقتج حلوة بالفتة

اشوفكم بالليل

 

[keeka]

مشاركة: تعالي وكتبيلنا شكان منيو فطوركم..؟؟؟

مبارك عليكم الشهر امس كان فطورنا في بيت يدي الله اطول بعمره وخذيت معاي سلطة معكرونه