تعالي وكتبيلنا شكان منيو فطوركم..؟؟؟

[leza_q8]

مشاركة: تعالي وكتبيلنا شكان منيو فطوركم..؟؟؟

امس كان الفطور

عيش ودجاج + تشريبة دجاج ومرقة دجاج + شوربة خضار + كبب ومقالي + فينتو +كريم كراميل

بس المحبط بالموضوع ان ريلي ما كلى شي بس شرب شوربه كوب + 2 سمبوسك

والباجي ظل ما انجااس نهائي وانا رجيم يعني ما يسوا تعبي

واليوم قررت بعد احباط امس الي حاشني

اني وانا طالعه من الدوام امر مال النخي والباجله واخذ لي هريس + يريش+ آآآش+ خبز ايراني + وامر الخباز اخذ لي قيمات

وبس مع فينتوا + والمقالي

وبس ولا يسوى تعبي ووقفتي وتفنني بالمطبخ وعدم نومتي واخرتها انا اكله بروحي وبشباب يقولي انا صايم معدتي ما تحمل تاكل وايد

عموما انا ريلي اكل قليل جدا

 

[المرفأ~~]

مشاركة: تعالي وكتبيلنا شكان منيو فطوركم..؟؟؟

كل عام وانتو بخير ومبارك عليكم الشهر..

الفطور امس..
شوربة عدس,,,تشريب,,,فتوش,,,سمبوسه,,,لقيمات

 

[^^دموع الكويت^^]

مشاركة: تعالي وكتبيلنا شكان منيو فطوركم..؟؟؟

فطورنا اليوم ....
=========


شوربة عدس + بيتزا + بلاليط + تشريبة +كبة برغل + معكرونية البيتزا


الحلو : قطايف بجبنة الكيري + صب القفشة + زلابيا


المشروبات : فيمتو ..

 

[jolie_q8]

مشاركة: تعالي وكتبيلنا شكان منيو فطوركم..؟؟؟

مشكوره دموع ولزانيا على الوصفات

سويت الفته طلعت عجيبه

وسويت فطيره البف باستري مع السبانج والدجاج..طلعت يميي

وبالاخير بقى عندي دياي.. جان احمس وياه فلفل بارد وبصل وكوسه وبطاط مع شويه معجون طماط وحطيتهم بقاعه الجدر.. وحطيت عليهم عيش مشخول

غصب اكله والعيش ما مداه ينضى شويه حب..بس كان لذيذ

وسمبوسه + سبرنغ رول << بس طلع الجبن بره

وفيمتو + لبن + ماي + وتمر نوعين

وسلامتكم

 

[الجورية الحمراء]

مشاركة: تعالي وكتبيلنا شكان منيو فطوركم..؟؟؟

المنيو.....اليوم ... الشراب..عصير رمان وليمون بالنعناع ,, وشوربة عدس وشو ربة دياى,, والأساسى مجبوس دياى ,و تشريب لحم ..وسلطة خضرامع ذرة وفاصوليا حمرا....... سمبوسة وباكورة بصل,.. والحلو كلاج بالفستق ووو حلوى العيش يعنى حلو الأرز

 

[بنت الفهد]

مشاركة: تعالي وكتبيلنا شكان منيو فطوركم..؟؟؟

اليوم انا بتفطر في بيت اهل زوجي وما يندرى اسوي شئ ولا لا
لان ام زوجي فيها غيرة وما اتحب الا اكلها واذا حد مدح غيرة لا تشوفون وجهها00
بس يمكن اسوي فتوش وقطايف وسندويتشات 000
jolie_q8
حبيبتي تشويس الدجاج ناخذ صدور الدجاج ونقطها صغار نفس الكباب وابهرها واحطها في الثلاجه بعد اربع ساعات اغمسها في الزبدة والبقسماط وكورن فلاكس مجروش واحطها في صينية وادخله الفرن واقلبة كل لشوي لين يتحمر على الجانبين اموتون فيه اليهال000

 

[bnt q8 in usa]

مشاركة: تعالي وكتبيلنا شكان منيو فطوركم..؟؟؟

فطوي اليوم:مرق لحم وعيش _وانا تشريب _وقطايف وشوربة ماجي بالعدس_كبب_وخبز عروق طلع روعه وفيمتو وسلطه وكان الله غفور رحيم

 

[بنت الفهد]

مشاركة: تعالي وكتبيلنا شكان منيو فطوركم..؟؟؟

bnt q8 in usa
حبيبتي ما لقيت طريقة جيس كيك بالفيمتو اذا عندج طرشيها لي اذا ما فيها كلافة بس المهم اتكون مضبوطه

 

[لازانيا]

مشاركة: تعالي وكتبيلنا شكان منيو فطوركم..؟؟؟

حيالله بنات احلى منتدى (^_^)

اليوم فطورنا عند اهلي وكان

مكرونة دجاج بالقشطه والجبن يم يم

و كاساديا الدجاج

وسنابيس (جمع سمبوسه خخخ)

ولقيمات بالدبس

و عجينة مطبق باللحم

وفيمتو

وايسكريم النستله يهببببل

ورز ودجاج للصغار

اي ونسيت الشوربه لازم

دموع

شلون تسوين الزلابيا؟؟

 

[^^دموع الكويت^^]

مشاركة: تعالي وكتبيلنا شكان منيو فطوركم..؟؟؟

فطورنا امس كان :

شوربة عدس + تشريبة + كشري + شينكارا (( اللي انا مسويته )) + سمبوسة خضار وجبن + فطاير زعتر .


المشروبات : فيمتو + شراب البيذان ... الخ


الحلو : قطايف + لقيمات .


=======================



لازانيا

شلون تسوين الزلابيا؟؟

ج: جاهزة بس ما احبها ولا اكلها بس ابوي يحبها , بس ولا يهمج ادورلج طريقتها واحطها لج .

 

[حبيب قلبي]

مشاركة: تعالي وكتبيلنا شكان منيو فطوركم..؟؟؟

اليوم ان شاء الله فطورنا شوربة وسلطة ذرة ومربين وصينية معكرونية بالدجاج وكبة دجاج والحلو قطايف وكاسات الكاكاو والفراولة

 

[جكورة]

مشاركة: تعالي وكتبيلنا شكان منيو فطوركم..؟؟؟

فطورنا كان اليوم.. مجبوس لحم.. ودجاج مشوي بالفرن.. معكرونيه بالباشميل.. سلطة الفته.. سمبوسه.. وسبرنغ رول..
الحلويات قيمات وقطايف.. والمشروبات فيمتو وعصير برتقال ولبن.. وتمر...

 

[لازانيا]

مشاركة: تعالي وكتبيلنا شكان منيو فطوركم..؟؟؟

هلا والله وفي العافيه كلكم

امس فطورنا:

هريس + ومكرونة بالصلصة الوردية + وشاورما الدجاج + وسبرينغ رول + وشوربة ماجي شعريه + ولقيمات + وكريم كراميل

واليوم باليل اعلمكم

دموع

تسلمين ومشكورة ,انا ماحب حقت السوق بس قلت يمكن فيه طريقه بالبيت حلوة ... عموما ثانكيو

يالله عطونا اخباركم ...

 

[جكورة]

مشاركة: تعالي وكتبيلنا شكان منيو فطوركم..؟؟؟

لازانيا شنو معكرونيه بالصلصه الورديه أول مره اسمع عنها..
فطورنا اليوووم كان مجبوس دجاج + تشريبه دجاج + الفته + سمبوسه ومعجنات..
الحلو كريم كراميل وقطايف..
المشروووب فيمتو ولبن وتمر..

 

[مي الحلوة]

مشاركة: تعالي وكتبيلنا شكان منيو فطوركم..؟؟؟

اليوم كان فطورنا...عيش مشخول مع صينية لحم..وسمبوسة جبن..وشوربه دجاج
وبلاليط...والحلووو عيش السرايا وكريم كراميل ..وما ننسى الفيمتو..

 

[الجورية الحمراء]

مشاركة: تعالي وكتبيلنا شكان منيو فطوركم..؟؟؟

اليوم المنيو.. عصير ليمون ونعناع وتشريب وشوربة وعيش مشخول ومرق بامية,, وفطاير بجبن التشدر,,وسلطة ومكعبات بف باسترى ومحشيى بجبن أبيض وجزر,, وكم حبةصمون تشكن فيلية وبطاط مقلى . وصب القفشةمن عمايل يدى وحياة عنية

 

[لازانيا]

مشاركة: تعالي وكتبيلنا شكان منيو فطوركم..؟؟؟

جكوره:

هلا والله.....

المكرونة بالصلصة الوردية

مكرونه انواع لولبية والاصابع واللي زي الكوعنص دائرة يعني المهم

تحمسين ثوم مطحون مع زيت زيتون وتصبين عليه 2 كريمة حمرا وعلبة

صلصة بيرغو اللي بالمشروم وقد غرشة الصلصة ماي

وتخلينهم يطبخون وتضيفين لهم اعشاب(زعتر اوريغانو وبهارات ايطالية وشوي ملح)

زيتون شرايح ومشروم

وفلفل اخضر مقصص طوال

و دجاج طوال بعد ما

تحمسينهم مع بعض بس طبعا اول شي الدجاج وقليل بهارات حسب الذوق

و تخلطينهم مع المكرونة المسلوقه وتصبين عليهم الصلصة بالقدر

وتخلطينهم على النار خمس دقايق او عشر وتقدم على طول

وتزينينها بزيتون يوناني واوريغانو من فوقها وبس

فيها العافيه لذيذه وتغيير

 

[ياشايل الظبى]

مشاركة: تعالي وكتبيلنا شكان منيو فطوركم..؟؟؟

فطورنا اليوم
شوبه + لازاليا + سمبوسه لحم بيتى + والحلا جبنيه

وبالاخير زوجى طلع معزوم

على الفطوور والسحور اليوم ههههههههههههههههههههههههههه

 

[لازانيا]

مشاركة: تعالي وكتبيلنا شكان منيو فطوركم..؟؟؟

تارجيت
انا لو منج افرح ...فكه .... :/ بس لو كان قايلج من قبل ؟؟؟

الفطور امس كالتالي:

ستيك الدجاج مع الكريمه

فيتوتشيني مع الكريمه والمشروم

كاساديا الدجاج (بخبز الفاهيتا)<<طلعت حاره بزيادة وعورت بطني :"(

وتشريبه مرق

وخبز الثوموالموزاريلا

وشوربة الفطر والذرة

وفيمتو

 

[لموية العسولة]

مشاركة: تعالي وكتبيلنا شكان منيو فطوركم..؟؟؟

السلام عليكم

خوش موزززووووووووع ولي عودة ان شاءالله

لازانيا الله يعافيج شلون تسوين كاساديا الدجاج ولا عليج أمر

والله يتقبل منا ومنكم صالح الاعمال