تعباااااانه حيل والتعب ذابحني

[ام كوثر2007]

جزااااكم الله خير وماقصرتووووو كلكم والله ياخذ حقي وينصرني علي من ظلمني
والله سالفتي صج صچ وموتخيلاااات ابوي يقووول هذي مريضه تخيل ودوها الطب النفسي حسبي الله ونعم الوكيل والله لوشفتو حالتي الكل انهبل مني خواتي يقولون لما وديناج تقرين عند المرا كنتي تناقزين وتطلعين اصوات غريبه وتخنقين نفسچ والله ماحسيت بنفسي بس اشكي من راسي لانهم قالو اني كنت اطق راسي بالارض او الطوفه والله اذا خنقت نفسي محد يقدر يفك ايدي تجمعووو خوالي واخواني يفكوني ماقدروووو
الحمدلله علي كل حال صارلي شهرين بين الحيا والمووووت وبفضل من الله رديت اللي قبل بس للحين فيني الضيقه

قولي حسبنا الله ونعم الوكيل حبيبتي

الله ما يقصر مع احد وعالم بالحال وغني عن السؤال

مالج الا اهووو الجئي له

وتحسبي علي اللى كان السبب

وان شاءالله تروحين العمره وتغسلين نفسج وروحج بماي زمزم وتردين مثل قبل واحسن

كثري عباده حبيبتي كثري منها .. والضيقه اكيد بتكون للحين فيج لانه اللى حاشج شي مو هين

ديري بالج علي روحج وطمنينا عليج والله دمعت عيني عليج يا قلبي .. عسى الله يفرجها عليج ويشفيج ويعافيج ويخليج حق بنياتج يا رب .​

 

[فديت منورة]

حسبي الله ونعم الوكيل

عليج بسورة البقرة اقريها كل يوم وان شاء الله تبشرينا بسلامتج

والله يجعل هالابتلاء تخفيف للذنوب

 

[دلوعة صلوح]

حسبى الله ونعم الوكيل
حسبى الله ونعم الوكيل
حسبى الله ونعم الوكيل

 

[مسوكهـ]

حبيبتي الله يعينج

اولا مالج الا صلاتج وربج لان محد بينفعج الا ربج اهوا بايده كل شي والناس مجرد كلام

ثانيا انتي متزوجه الرجال وعندج بنات منه وحطي فبالج انج مو خادمه البيت انج انتي الضيفه اللي يتشفقون يشوفونها يعني لا تنزلين واجد واثقلي عليهم واذا نزلتي حزه قهوه قهوي نفسج بس ولا تسوين انك طيبه وبتقهوين الناس الناس بالطقاق اهم شي انتي وزووووجج وبناتج فقط
والباب اضربي فيهم الطوفه ولاتعلمينهم شي وصدقيني بهطريقه راح يحترمونج لان العالم صاير جذي وتذكري الطيبه خبله مع احترامي للجميع


تقبلي مروري

 

[sosowaty]

ااااااب

 

[حبيبي ليتك تحس]

انا ماانزل لهم وصارلي فوق ٣شهووور
والله ارتحت نفسيااا بس للحين اخاااااف منهم مرات تجيني الخدامه معاها قهوه ومرات حليب ومرات قيمات ومرات اي شي اهم شي تقولي من عند ماما الحين حبتني لما سكرت بيني وبينها الباب وعرفت كل شي طبعا هم مايدرووون اني اعرف كل شي والله قبل لانزلت عندهم اموووت من الجوع للعلم قبل ماكان عندي مطبخ وتأذيت منهم ولاشي اقدر اخذه تقفل الثلااااجه ولما صار عندي مطبخ كانت تقول اي شي تسوينه نزليه لي حتي لو سوركم وماكنت اسويلها شي انا اللي جاني منهم مو شويه الطيب دايم يحاولون يكسروووون ظهره بس الله اكبر منهم وهو اللي حاميني منهم والله يرد كيدهم في نحرهم
ومرت حمااااتي حسبي الله عليهاااا زوجهاا مثل الخرووووف وراهااا ادري لاعبه فيه وبمخه والله لووتشوفونه يخرع يمشي مايدري وين راح بس يتضحوووك وماهمه غير عياله تخيلووو حتي تبديل يبدلهم لاتقولون لي رحمه لاااااااااا هذا كااان شديد وماعنده المرا ترووح بروحها او تلبس عباة كتف بس قدرت عليه وغيرررت ////ياناس كله اتحلم اني طالعتلها من عند بابي واخنقهاااا واذبحهاااا واقولها انا ادري انج ساحرتني

 

[*E.B.D.A.3*]

الشخص المسحور ،،
تلازمه الكثير من العلامات الي حتى الي حولينه ، من النظرة الاولى يدرون انه مسحور ..
بس تشوفين ويهه تقولين هذا مو صاحي ..
يكون شكله جنه مختل عقليا والا معاه كرت احمر من الطب النفسي ..

شوفي حبيبتي
يمكن كلامي مايعجبج ومايعجب واايد ناس
لكن كل مرة لمه تروح عند مطوع او معالج مثل ماتفضلتي وشكت له بالطريقة الي انتي شكيتي فيها شنو يقول ؟؟
مسحورة او طاقينج عين!!
طيب ليش يلجأون حق هالحيلة ؟؟
لان ماكو اي خلفية علمية يقدرون يفسرون فيها الظواهر السيكولوجية بغير جذي!!


سمعي قصه رفيجتي
رفيجتي يوم قرب زواجها بدت تحس بالصجية
وبدت تحس انها غلطانه يوم وافقت على الزواج واهي نفسيا لي الحين مو مستعده..
وكانت تشكيلي كل يوم وتبجي وتقولي انا ما احس اني عقليا نضجت لفكرة الزواج، انا ليش جنيت على عمري!
وكل يوم ترادوها فكرة الطلاق قبل العرس لكن كانت خايفه وايد خصوصا ان اهله واهلها كانو خابين بعمرهم
المهم صار العرس .. وبدأت حياة الحجيم ،،
مابلعت الريال كلش .. وكرهته ،
قعدت عنده 10 ايام وردت بيتهم وقالت لاهلها طلقووني !!!
الكل يقولها ليش ، ترد وتقولهم انا مابلعته ، نفسيا انا مابي !!
جان يقولون لاا اكيد طاقينج عين والا فيج سحر
تخيلوا دقوا على المطوع و يه البيت .. لمه قرا عليها جان يقول لااااااااا بينتكم مسحورة سحر جايد بعد!
ويطقها بقلم صوب ورا الاذن، تقوله آآي يعور!! يقولها شفتي اشلون، هذا يني!!
تقوله اي يني الله يرضالي عليك ، القلم يعور !! انت قاعد تطقني وماتبيني اقول آآي!
تنرفزت وقامت تصارخ عليه جان يقول لاهلها ربطوها ربطوها .. السحر الي فيها وايد قوي
والله يا بنات انها استخفت ومابقى فيها عقل من كثر الطق !!!!!!
نفسيتها انهارت وقامت تتعالج بالطب النفسي الحين !!
والى يومكم اهلها مقتنعين انه سحر !!!! ويقولون ان السحر اهوه الي يننها !!
وعشان اصدمكم اكثر، بعد ماستخفت البنت.. قامت تكرر وراهم ايي انا مسحورة السحر اهوه الي ينني !!

فالي ابي اوصله لج
السحر والعين مو شماعه كل نفسية تعبانه !!
ترى احنا حريم وعندنا تقلبات هرمونية مينونة .. الي تحبينه فجاه تكرهينه
مرات المزاج فجاه يصير صفر ، مو قاعده اتكلم عن الدورة ..
لكن احنا كحريم سيكولوجيتنا جذي .. عاطفيات .. عندنا هرمونات طافحه اكثر من اللازم .
يمكن باي وقت بسبه اكل معين ، يطق هرمونج شوط وتفصلين !!
يمكن تمرضين وتاخذين علاج وهالعلاج يقلب حسبه الهرمونات عندج
ترى مو كل شي ياي بسبة الدورة اوالحمال !!

هذا غير التراكمات النفسية والصدمات الحياتية الي ممكن تخلف رواسبها على شخصيتج وطريقه تفكيرج ..
لا تربطين نفسج بفكرة انج مسحورة ولا تصيرين اسيرة هالفكرة
ويصبح هالشي هاجس عندج وقاعده تراودج احلام انج تقتلينها وتذبحينها
لا تخلين حياتج تتمحور حولين هالشي!!
ترى قاعده تضيعين عمرج على الفاضي ،
وصدقيني ماتبين على اخر عمرج تتعالجين بالطب النفسي !!

تركي هالسالفه عنج،
عيشي حياتج طبيعي .. ترى كثره الوسواس تاثر على العقل! ويصير عندج وسواس مرضي، بعيد الشر عنج!
حافظي على ماتبقى من صحتج لج ولبناتج ،
وخلي بناتج اهمه محور حياتج وهاجسج الاول والاخير!

 

[*E.B.D.A.3*]

بضيف نقطه بس
لمه عطاج المعالج الدوا وحسيتي بتحسن بعدها، واكيد اقتنعتي اكثر بانج مسحورة
خل اقولج تجربة الطبيب النفسي مع طلبته

ياب غرشه عطر، بس فيها ماي
وقالهم ترى برش لكم عطر ريحته قوية وااايد! الي يشمها يقولي
رش بالهوا اكثر من رشه
صدق او لا تصدق .. لمه سالهم، ها شميتوا شي
جان يقولون ايييي وبعضهم سد خشمه !!!!!

واكو طبيب ثاني معروف بامريكا، يبيع حبوب السعاده
هالحبوب ، عباره عن حبوب عاديه جدا حالها حال البندول
سوى اعلان وقال الي يحس بالاكتئاب ياخذ هالحبوب ويبشر بالسعاده
تخيلي ان كل مرضاه تشافوا تماما من الاكتئاب وكلهم يقولون من اخذنا الحبه واحنا حاسين بسعاده عمرنا ماحسينا فيها!!!
مع ان الحبه عاديه ها !!

فالموضوع نفسي بحت ..
انتي اذا تبين تؤمنين انج مسحورة ، راح تشوفين كل الدلائل تشير على انج مسحورة
اذا انتي بيضا وتبين تؤمنين انج سمرة ، صدقيني جدام كل منظرة توقفين جدامها بتشوفين نفسج سمره!!
وهكذا !!

 

[ديانا سبنسر]

اول شي حابه اقول ان فعلا السحر مذكور بالقرآن وهالشي ماراح نختلف عليه

وبنفس الوقت انا حيل مصدومه من طريقة تفكيرج شنوو وحده تفج !!! شنو وحده تعالجني من السحر !!! شنو سحر اسود !!! شنو السحر بالقولون !!!

لا اله الا الله ,, انتي مقتنعه بهالكلام !!!!

شوفي حبيبتي انتي ايمانج بالله ضعيف ووزاعج الديني ايضا ضعيف بدليل بسيط اهو روحتج واقتناعج بكلام هالدجاله !!!

شوفي حبيبتي انا بشرحلج شغله الانسان عقله يرتكز على 4 اشياء نفس الطاوله اللي لها 4 رجول وهالاربع اشياء الانسان يحددها بحياته واذا اختل شي معين

ممكن تدخل فكره عشان تكتمل ال4 عواميد يعني نفس الطاوله اذا انكسرت ريل من ريولها تقدرين تحطين شي بديل عشان الطاوله ما اطيح وهالشي صار فيج

انتي قاعده تعانين من ترسبات الطفوله اللي مريتي فيها ويمكن امج كانت تعاملج بنفس الطريقه اللي انتي الحين قاعده تعاملين فيها ريلج وطبعا انتي ما عندج اي حجه او عذر تبررين من خلاله تصرفاتج مع زوجج فاسهل شي لج انج تقنعين نفسج انج مسحوره وتقنعين اللي حواليج بهالشي وبدليل انج برجتي عقلج الباطن على انج مسحوره وقمتي تشوفين هالاحلام !!!

حبيبتي ذكري الله وخلي ايمانج بالله قوي واقري قرآن وبالذات سورة البقره وسورة يس ولا تحطين بذمتج ان مرت حماج تسويلج سحر او حمولتج

واذا مرت حماج بتسوي سحر فالاولى انها تسوي سحر حق زوجها عشان يحبها ويدلعهااا مو يخليها هايته 24 ساعه بره البيت !!! وما يدري عنها

والسحر الحين اصعب ما يكون ومحد يتقنه الا ناس معينه واماكن ومناطق معينه
وحبيبتي نصيحه تركي عندج طريج هالسحر ترى هالدجالين ماهم غير لفلوس ولا يقصون عليج يقولون لج انهم يعالجون بالقرأن ترى كله دجل الله يكفينا شرهم

عندي سؤال اعتبريه فضول جم خذت منج ؟ وجم طلبت منج عشان تفج السحر ؟

:eh_s(15)::eh_s(15)::eh_s(15)::eh_s(15)::eh_s(15):

 

[رقـة الاحسـآس]

استمري فالعلاج
بتتعبين
بس صبري تراج تحملتي عذاب وايد و غصبن عنج و عن ريلج بسبة هالسحر
حسبي الله عليهم
وكل يوم تحسبي و كل ماتتذكرين
و استمري فالعلاج
واهم شي انج تضبطين نفسج و تواضبين ع الصلاه في اوقاتها ولا تفوتين صلاتج ابد
والرقيه و كل شي قالت لج اللي قرت عليج تسوينه
لان هي تقدر تقرا عليج اول شي بس باقي العلاج عليج انتي تكملينه مع نفسج
وباذن الله ترا رب العالمين اكبر من كل شي
الله بيشافيج و يعافيج ان شاءالله

حسبي الله و نعم الوكيل

 

[رقـة الاحسـآس]

ايي صح السحر مذكور بالقرآن والسحر ما يصيب الا اللي ايمانه بالله ضعيف واللي يقدر عليه الشيطان

من قال انه ما يصيب الا اللي ايمانه بالله ضعيف؟
شو يخص ايمانج فالسالفه؟
ضعيف النفس و ضعيف الايمان و اللي يقدر عليه الشيطان هو الشخص اللي لجا للسحر
مب الشخص المسحور!
و لو كان ايمانج بالله قوي ترا فالنهايه انتي بشر لا حول لج و لا قوه

 

[نشيج الروح]

ربي يشفيج ويردج لأهلج سالمة معافاة
وأم مشعل عندها الكرة السحرية الي تشوف مرة حماج فيها وأنها ساحرتج؟؟؟
هي حطت مرة حماج ببالج وانتي صرتي تحلمين فيها
تعودي من إبليس وارقي نفسج وضرووووووري دكتووووور نفسسسسي

 

[عطاء أنثى]

الله يرفع عنج ولا يبلانا

 

[أدب عربي]

عليج بقراءة سورة البقرة ثلاث ايام متواصلة كاملة ثم
بعدها كل يوم أقرئي ثلث السورة وحاولي رقية نفسج
حبيبتي افضل علاج اللجوء لله
والله يفرجها عليج انشالله

 

[ركووزه]

ارقي نفسج كل يوم بالرقيه

 

[مذهلة 78]

من قال انه ما يصيب الا اللي ايمانه بالله ضعيف؟
شو يخص ايمانج فالسالفه؟
ضعيف النفس و ضعيف الايمان و اللي يقدر عليه الشيطان هو الشخص اللي لجا للسحر
مب الشخص المسحور!
و لو كان ايمانج بالله قوي ترا فالنهايه انتي بشر لا حول لج و لا قوه

ياريت تقرين هالموضوع

http://akhawat.islamway.net/forum/index.php?showtopic=51341

 

[مالك غيري]

السحر حق حبيبتي وانذكر بالقرءان ..


عسى الله يشافيج ويقومج بالسلامه .. نصيحتي لج انج تقاومين وتحاربين الدنيا باللى فيها عشان توقفين علي ريلج وتتخلصين من السحر اللى فيج ..


لانه ريلج يحبج ويبيج بس اللي حاصل من الناس اللى ما تخاف الله ومسويتلج هالبلا عشان يفرقون بينج وبين ريلج ..


قاومي يا حبيبتي وهذا انتي الحين تقولين ريلج درا بالموضووع وان شاءالله يساعدج ونصيحه لج .. لا تقولين حق احد انكم تدرون انج مسحووره ولا تقولين انج قاعده تتعالجين

سوي شغلج كله بسكااات من غير محد يدري ...

عشان ما يجددون السحر لج ..


وعسى الله يكافيج شر شياطين الانس والجن ..

معاها بكل اللي قالته وحااولي انج ترجعين تقوين ايمانج لالله لان السحر مايصيب اللي ايمانهم قووي

وبما ان زوجج درى عنهم تفاهمي معاه بهدوء انكم تسكنون بروحكم بعيد عن هالمشاكل

وربي يفكك من هالمشااكل ياارب

 

[حبيبي ليتك تحس]

لحقووووني هذي اشكره عينك عينك اقسم بالله فتحت الباب لقيتها واقفه عند الباب انصدمت تكول انتي هني حسبالها اني رحت لانه زوجي اخذ بناتي وداهم الطبيب قلت شتبين قالت سلامتج بس محد راح يفكچ مني طلعي من البيت برچولچ لا تطلعين ل الطب النفسي وتهاوشت معاها وسكرت الباب وبلغت زوجي باللي صار واهو الحين چاي بالطريق بيتصرف معاها ً///بنات انا خايفه منهااااا حيل حيل حيل اخاف مايصدقني
والله ماسويت شي والله مالي علاااقه معاااها الله يستر والله راح تصير مصيبه

 

[حبيبي ليتك تحس]

قصدي بالكلااام مرت حماااي