تعبانه

[** Noura **]

السلام عليكم ورحمه الله وبركاته

حبيباتي بنات كويتيه احب اكلمكم وافضفض لكم واحب نصايحكم لانه طالعه من قلبكم وبكل صدق تنصحون وانا من صج

حبيتكم وايد وتعودت عليكم والله وصج غبت فتره بس غصبا علي والله


هالمره يابنات مادري شفيني احس بس تعبت نفسيا والله من كل شي معنه كل شي عندي وموناقصني شي بس مادري
مليت من روتين حياتي بقولكم اياها بصراحه ابي اتزوج تدرون بنات توني من اسبوع رديت من السفر رحت العمره ورديت
ووناسه اهناك والله عالم ثاني وصج ينغسل قلبج لااله الا الله ودعيت من كل قلبي معنه الحمدالله موناقصني شي عندي صديقات وايد ودوامي وايد حلو والكل يشوفني معنه علاقتنا مع اهل امي مقطوعه ومع عمتي ماعندنا غيرها مع هذا مقطوعه طبعا منهم اهما والله يهديهم يارب علاقتنا مع يدتي لانها يم بيتنا والله يطول بعمرها يارب ،، بنات انا اموت في اليهال احبهم لدرجه لما اشوف يهال اتخيل انه بنتي او وولدي اتخيل نفسي اني العب معاه اتخيل انه زواره اهلي مثلا شنو بسميهم اعيالي اتخيل زوجي شنو بيكون معنه وايد اسمع سوووالف ومشاكل بس اصابع ايدي مووو سوا والنصيب يلعب دووور في بنت توها توظفت ماصارلها سنتين ماشاءالله تزوجت واحد معانا بالدوام الله يهنيها ويوفقها ساعات افكر اقول شفيني مافيني شي شفيهم الناس ومشكلتي انه للحين ماتزوجت وان شاءالله الله بيرزقني بالزوج الصالح بس ساعات التفكير يذبحني بناااات
​

 

[DLo3T aHLY]

رد : تعبانه

شتبين بالزواج او عوار الراس ؟؟

دام انتي مرتاحه بحياتج خلاص استانسي ولا يهمج شي

والله لو انا منج ما ابي اتزوج بس بعدني انا صغيره p;

لو في نصيب راح تتزوجين غصبن عن الكل

نطري نصيبج او انشاءلله تتزوجين

 

[!! jOjO !!]

رد : تعبانه

الله يرزقج بلزوج الصالح وحبيبتي حااااولي تجددين بحياتج
ولاتخلين كل تفكيرج يكون بالزواج:gr4uu: والله يقدملج اللي فيه الخير لج
جربي أقرأي كتاب لاتحزن لعائض القرني فظيع عن تجربه​

وتري أنا ساعات أحس نفس احساسج لكني للحين ماتوظفت يمكن من الملل !!!!:bbbiu:​

 

[اشواق2008]

الله يرزقج يارب بالزوج الصالح والعيال الي يفرحون قلبج ان شاء الله يجيج نصيبج اليوم قبل باجر

 

[لوتي الصغيرة]

رد : تعبانه

كل واحد ياخذ نصيبه من الدنيا ,,
عاادي كلها مسألة وقت وان شاء الله تتزوجين
عيشي حياتج الحين ولاحقه بالمسؤولية << جني مجربه

 

[بدورة القمورة]

والله دعيتلج من كل قلبى الله يوفقج ان شالله الله يفرج همج و تتيسر امورج ياررررررررررب

 

[7noOna]

رد : تعبانه



حــآولــي تكــسـريــن الــروتيــن اللــي تعــودتـي علــيــه


ســوّي أي شــي يــديــد ،،

اسـتــغـلــي وقــت فــرآغـج تعلمــي تطــبـخيــن مـثــلا او ســاعــدي خوآتــج بدراســتـهــم او اشتــريلـج روآيـه او كــتـآب تتــسـليــن فيــه

طلـعــي مع رفيــجــآتـج غيــري جـو كل اسـبــوع !!~

يعــنــي اي شـي اي شـي سويــه من بــآب تغييـر الروتيــن

 

[** Noura **]

رد : تعبانه

آمييييييييييييييييييييييييييييييييييييييييييييييين يارب الله يسمع منكم ولكم بالمثل ان شاءالله ومشكورين على هالدعوه الحلوه صج ونعم

الخوااااااااااات فديتكم والله احببببببببكم من كل قلبي

 

[** Noura **]

رد : تعبانه

فديتج حنونه صديقاتي تقريبا على مانحدد وقت ماحب اطلع بالليل انا طبعي احب الصبح والعصر حلوه الطلعه تكون اما بالليل تصير وايد سوالف وتحرش ماحب والله مومخليه شي ماسويه اطلع مع خواتي سينما ومطاعم بس صديقاتي اللي معاي بالدوام ماحب اطلع معاهم الا 2 وموعلى كيفي بعد اهيا مسكينه وقتها غير عن وقتي وبعدين لها ظروفها عشان
جذي موصج بس ماعليه مشكوره وايد حنونه

 

[** Noura **]

رد : تعبانه

والله يوفقج حنونه ويهنيييج

 

[عسوله زوغه]

يا حياتي ربي يوفقج بالزوج الصالح الي يستااهلج انتي ما تدرين ربج شنو مخلي لج

ما دام عندج الي تبينه استاانسي وصدقينبي ربج ما ينسى عبده ربي يهنيج ويوفقج ويعطيج علي قد نيتج يارب

 

[ber00]

رد : تعبانه

وعليا عليج اختي نورة قطعتي قلبي من كلمة تعبانه

انا اكثر وحده حاسه فيج الله يرزقج ويرزقني بالازواج الى يجعل الله بينا وبينهم مودة ورحمه ويسرهم لنا فى القريب العاجل اللهم امين قولو امين يا اخوات


والله ياختي من شاف مصيبه غيره هانت عليه مصيبته لاتفكرين بالموضع راح تتعبين صدقيني

والنصيب جاي جاي شاء من شاء وابى من ابى والله لو يجتمعون الانس والجن على انهم يقطعون رزق احد مايقدرون اذا الله امر بالرزق يجي ويوصل صاحبه ومحد ميت الا وهو ماخذ كل حقه من الدنيا

انا اول كنت بس افكر ليش انا بالذات وليه وش ناقصني انا وكذا مره انخطب وعلى اساس اوكي وما ادري الا والى

متكلمين فيني مو راحو وخطبو غيري الا وملكين بعد !!!
اول كنت اقول يمكن عشان ولد عمي الى كان حاجرني كان يهدد انه لا ما احد يخطبها وياويله ومن هالخرابيط

وبعد ما اصريت على اهلي يفكون خطبتي منه لانه كلش مو شي عاطل وراعي سوالف الله يستر علينا وعليه

وللحين انطر اي احد يتجراء ويخطب وانا موافقه بس ابي الحق عمري واجيب لي كم ياهل يذكروني فى الدنيا قريب بيصير عمري 25 والى مثلي كلهم معهم على ولد ولا اثنين

والكل خايف من ولد عمي لانه للحين يهدد وبنفس الوقت يقول انا اصلا ما ابيها خلاص بس بنكد عليها الله كريم بس

الله يعوضني بعمري الى راح خير ويعجل لي ولج بالازواج الى يسعدونا ويجعل كل هالتاخير خير لنا ولبنات المسلمين

اسفه طولت بس والله حسيت كلمه (تعبانه) طالعه من قلبج وانا اكثر وحده حاسه فيج لاني مجربه وحاسه بالمعاناة
الله يسهل امورنا وامور الجميع يارب

 

[دنيتى زوجي M]

الله يرزقج بالزوج الصالح حبيبتي ماتدرين هذا نصيب

والله يوفقج ويرزقج بالزوج الصالح عاجل يارب العالمين

 

[منوووووله]

حيااتي والله هااذا نصيب والله كاتبه ممكن ايلج بأي وقت وعلى غفله

وهاذا الشعور يحوش اي بنت بالدنيا تبي الزواج والاستقرار وتجربة الامومه .. انا اقول على مايلج نصيبج استانسي معه رفيجاتج طلعي عيشي كل مرحله بحيااتج قبل لاتبدين المسؤليه .. :denya:

 

[درة أهل الطولات]

رد : تعبانه

الله يرزقج بالزوج الصالح والذرية يارب

 

[حجيه هيونه]

رد : تعبانه

الله يرزقج بالزوج الصالح والعيال الصالحين الي يفرحون قلبج عاجلا غير اجل ياااااااااارب

 

[Tom ♥ Jerry]

رد : تعبانه

.


آلله يرزقج الزوج الصآلح ،
الزوج ياي ياي آن شاء الله بس لآ تخلين نفسج " آنسانه بلا هدف "
من غير زوج ! :/

الحياه ماشيه مع الزوج و لا غيره !
آنتي عليج بالدعاء و بس ! الله يسخرلج الزوج الصآلح ؛*
بس مو تضيقين خلقج و تفكرين وآيد بالزوآج

الي الله كآتبه رآح يصير لهي نفسج بشي ثاني على مآ ايي الزوج (= !
ترا بعد الزوآج و المسؤوليه رآح تشتاقين حق حياه العزوبية


.

 

[غرور وايل]

وعليكم السسلام ~

حبووبه الله يرزقج بالزوج الصالح ~

كثري من الاستغفار ~

ونصيبك يصيبك ~

والله كريم ~

 

[بطوطة @]

حياتي الله يرزقج بالزوج الصالح وانا وكل بنت بعد يااااااارب
والله حاسه فيج والشعور واحد:friends:

 

[الود85]

الله يرزقج يارب ويهنيج ويحقق لج مرادج ويرزقج بالعيال الصالحين بس لاتيسين ادعي ربج واستغفري وربي يفرجها وصدقيني يمكن خيره لج