تعبت اسرار بيتنا والله الكل يعرفها والسبب

[الهي عفوك ارجو]

سلام كويتيااااااااااااااااااات






عندي مشكله كبيره وماعتقد احد مايعتبرها مشكله الا اللي يسويها لما تصير مشاكل في البيت اواحداث عاديه فجأه تدرين انه السالفه انتشرت والكل الجماعه من قريب وبعيد عرفت هالشي شنو تسوين اكيد بتفتشين في البيت اللي لازم يكون افراده متماسكين ومايطلعون اسرار بيتهم بتكتشفين انه واحد منهم نقلها للخارج شنو تسوين ابي حل تعبت وانا اقول لهم بسكم خلاص ماله داعي العالم تدري عن اخبارنا شنو بيسوون ماعندهم حل غير انه بينقلونها وبجذيه تنتشر اكثر ياشين اذا سوالف بيتكم الناس تتناقلها






والمصيبه انه اللي يطلعها هم امي اختي واخوي الثلاثه هذولا تعبت والله تعبت معاهم صارت اكثر من سالفه طلعوها والله ادري انهم على نياتهم يانهم يستشيرون اللي قدامهم عقبها اللي قدامهم ينقلها للعالم او يشتكون من شي اوو...خلاص والله احيانا توصل فيني اعصب واقعد اغلط بس لاحياه لمن تنادي شسوي كلمت بادب وكلمت بزعل وفهمتهم العله بس يردون ويكررون يقولون شفيها عادي بالله شسوي معاهم خاصه انهم اكبر العايله كلهم والواحد بس يجلس معاهم طلعوا كل شي يثقون دايم باللي معاهم شسوووووووووي احنا الصغار بدينا نعلمهم على كتم الاسرار ياااااااالله ساعدنا بس رجاء بنات مابي احد يغلط عليهم ابي نصيحـــــــــــــــــــــــه من محب؟

 

[انواروه]

حبيبتي هذي مالها حل
بس اذا عندج شي لا تقولين لهم

 

[@رومانسيه@]

انتي كلميهم وانصحيهم ان هالشي غلط وهذي اسرار بيوت

 

[انواروه]

الله يهديهم بس

 

[Dreamy G!rl]

الله يكون بعونج حياتي
ادعيلهم الله يهديهم و يستر عليكم

 

[&&ديلارا&&86]

انتي مابينتي شنو الاسرار اللي يطلعونها للناس
حبيبتي يمكن اللي قاعدين يقولونه اشياء عاديه بس انتي مكبره السالفه ومعتبرتها اسرار
ولا مو معقوله كلهم امك واختك واخوك على نياتهم مايعرفون الناس
مادري هذي وجهة نظري لا تزعلين

 

[الهي عفوك ارجو]

مشكورررررررررات بنات الله يووفكن

لالا ديلارا والله اسرار اصلا كل اللي بالبيت يهاوشهم ونعلمهم بس انا حدي انغث مثل لما تحصل هوشه توصل للطق يعني فشله مو لازم احد يدري القا العالم عارفه لما تقعد امج تسب بابوج سوى وسوى لما اختج تعلم عنج شي وعن البيت او يعني سوالف والله جماعتنا محد يعلم ولايسولف واحيانا سالفه صارت ادري بتطلع واحيانا اعرف بعدها بشهر انه معروفه

 

[&&ديلارا&&86]

حبيبتي قوليلهم اجل ان هالشي يضايقك
مايصير كل الناس تدري عن اسرارنا
واذا شي يخصك لاتقولينه لهم
والله يهديهم ان شاء الله

 

[الهي عفوك ارجو]

فعلا ياديلارا انا ماعلم شي يصير لي يعني مو معقوله في البيت لازم الواحد يفضفض انا واخواتي الباقيات مانعلمهم بس احيانا يصير شي قدامهم واقولهم بليز لاتعلمون>>>>>ياكثر ماقولها

مشكوره ماقصرتي

 

[kekat kakaw]

الله يهديييييييييهم

بس انتي حاولي تكلمييييييييينهم بهدوووووووء

 

[الآنسة الشحرورة]

حبيبتي الحال من بعضه انا امي بس تخيلي اذا انخطبت تعلم خالاتي قبل .!!!!!!!!!!!!!!!
بس ماافي حل عجزنا نقنعها نكلمها خوفناها قلنا جتنا عين تعبنا ابد ماعندك احد

 

[no0or_q8]

شوفى حبيبتى الوضع صارعادي عندي ترى امهاتنا على نياتهم وحريم كباار ما نقدر نمنعهم ولا نلزق حلووجهم بس الشي الووحيد الى ريحنى انه مو بس امى تمشى واتحجىى لووووول يعنى فى رابط بينا شوفى الشي الايجابي واذا بدققين على كل سالفه بتزهقيين بس احسن حل لا تقولون شي جدامهاا ولا خلي وحده من خواتج معهاا يعنى لا تخلونهاا بروحهاا عشان حتى لو بتكلم وحده تغير الموضوع ولا تأشر لها ولا تغمز لهاا انه ما تحجى فأهي مع التعود راح تعوود.,
ااتمنى انى فدتج وخلج ايزي نفسي فدييتج

 

[grumpy22]

الله يعينج حبيبتي
ويهديهم ياارب
حااولي تتصرفين معاهم بعقل وبهدوء

 

[foz q8]

هذا يهووون أمج أختج أخوج تقدرين تحاجينهم تعرفين شلون تقنعينهم

لكن المصيبه إذا مرت أخوج ساكنه معاج بنفس البيت و صايره مراسلة كونا بالبيت

ننقهر منها بس ماندري شلون نحل هالمشكله

حنا يالبنات نخش عنها بس أمي تقولها كل شي و هي ماتقصر

تحب تسأل و تستفسر عن كل ما يصل إلى أذونها

الحمدلله يارب اللي عافانا على ما ابتلاها

لأن بلاء الحال اللي هي فيه

 

[pride&prejudice]

شوفي حبيبتي لازم تقعدين معاهم وتفهمينهم أكثر من مرة والواحد يحفظ أسرار بيته يعني الي جدامهم بطلعون أسرارهم خليهم وكلميهم لمن يتغيرون وانشاله تنحل مشكلتج

 

[كويتية و لكن]

الله يهديهم

عليك بالدعاء حبيبتي لانهم اهلك طلبي الله يهديهم ليما يتعلمون من اخطائهم

سبحان الله وبحمده سبحان الله العظيم

 

[مطيريه فزاعه]

الله يهديهم ان شاء الله ما قصرو خواتي اللي سبقوني
بس تقدرين بهدوء واسلوب مقنع تجمعينهم وتحاجينهم انه هذي اسرار مو معقوله كل العالم تدري عن اسرارنا وأنه مو كل شي ينقال لنااس لانه في ناس خبيثه تبي بس راس سالفه ويبلشون يبهرون ويغيرون بالسوالف والله يهديهم ويخليهم لج

 

[آلسحرآلحلال]

ولله مادري شقولج .. الحل الوحيد انج اتواجهين امج وتقولين لهاا انج ماتبين شغلاتج الخاصة تطلع
واذا كلش كلش لاتعلمين احد عن اسرارج ... ولله يعينج

 

[sowsan]

انت لاتهدي من تحب..الله يهدي من يشاء

 

[عاشقه رويشد]

مو حلو هطبع كلميهم