تعبت اسرار بيتنا والله الكل يعرفها والسبب

[om_dodo]

عسى الله يهديهم تقبلى مرورى

 

[رغد84]

ماادري شقول بس ماقصروا الخوااااات

 

[شندوخه]

حبيبتي دايما ادعي هالدعاء
اللهم استرنا فوق الارض وتحت الارض ويوم العرض

 

[سعودية!!!]

غلاي يمكن انت متحفظة زيادة عن اللزوم يعني هم 3 انت واحد هم ماميزوا انها اسرار وانت تشوفينها اسرار وان صارت صدق اسرار وتضااايقك لااعاد تقولين لهم اللي يضايقك مايطلع ...تحياتي لك

 

[خل بالك من شوشو]

وااااااااااااااااااااااااااااااااي

حطيتي ايدج على الجرح

انا محد يطلع اسرار بيتنا

الا مرت اخووووي قطيعه تقطعها انشا الله بس شاطره تاخذ السوالف حتى لو اختي بتغدا بره فرت الخبر على كل اهلها تخيلوا لي وين وصلت فيها الوقاحه حتى الخدم تناديهم و تسالهم وين ماما وين راحت اسالوا السايق شنو جابت اغراض

من اي مطعم طلبتوا حتى لو طالبين من مطعم هندي الا تطل و تعرف الاكل وااااااااااااااااااااااااااااااي

شي شي شي يقث من قلب و احنا ما نعطيها ويه اصلن و لا نسولف معاها مره اختي قالت لها احنا بنسافر مكه بس السياره خربت راحت و علمت كل اهلها و عمها دق على ريل اختي يقوله صج سيارتك خربانه؟؟؟؟؟؟؟؟؟؟؟؟؟؟؟؟؟؟؟؟


عايله بكبرها وقحه بس شاطره تسوي نفسها حبيبه و حليوه قدام اخوي و من وراه السانها هالطول بنت الفقر

صج صج صج بنت فقر مع ان اهلها عندهم خير بس اللهم يا كافي بخله لاخر درجه و قعدت تطلع النقص الي فيها في بيتنا حتى اليهال ما اسلموا منها تزف و السان قذر بس اذا يا اخوي اهي ام لسان حلوو قطيعه
و الله يعينج حبيبتي و انشا الله يهدي اهلج

 

[رايدة وقايدة]

حبيبتي موضوعج جبتيه على الجرح..................
انا امي الل يهداها نفس الشي والمصيبة ان اسرارنا تقولها وادري حرام اهي تبي النصيحة والخبرة بس الاشخاص غلط اللي تقولهم.....
لا واذا احد قالها من اساراهم تجي وما تقوللنا تقول امنوهااااا وما يصير تفش الاسرار........
تعبت وتأذيت وعانيت لما اشوف الناس اللي يدروني عنا كل شي......احس ما عاد لنا هيبة جدامهم.........استغفر الله وحسبي الله ونعم الوكيل
الله يهدي امهاتنا ويصلح بالهم ويغفر لهم زلاتهم ويرحمنا ويسترنا بستره يارب.....
حبيبتي صدقيني لا تتهاوشين معاهم وتحرقين اعصابج.....
نصيحتي لج اي شي يخصج حيل لا تقولينه لهم بوقته انطري فترة....وسلمي امرج لرب العباد هو الستار الحفيظ
لا اله الا الله

 

[موت وميلاد]

عندنا وعندج خييييييييييييييييير يالغاليه
عادي كل بيت في مشاكل وادعي انه الله يهديهم

 

[غنج بدويـه]

ياي الله يعينج
صعبه لما غيرج يسولف فيج وخصوصا باسرارج..
قعدي معاها وحاولي تفهمينها ان هالشي غلط..

 

[الهي عفوك ارجو]

واااااااااااااااااي بنات فيه منكم مثلي الله يهديهم

بنات انا اقدر اخبي ماعلم بس كاســــــــــــــــــر خاطري ابوي يعني اهو الوحيد اللي مايدري وثانيا يعني الاحداث اللي تصير غصب في البيت لازم يدرون مافيه مجال نخبي الله يعين ومشكورين ماقصرتوا الله يعين اللي مثل حالتي

 

[DLOOOO3a]

حبيبتي داومي على نصيحتهم و لا تيإسين ابد

لين يسمعون لج و موفقه

 

[المكسيكيه]

الله يهديهم ,, اول شي كلميهم بالمسايس اذا شفتي ما فاد معاهم لا تقولين لهم اي شي خاص فيج

 

[y7lok_7loho]

انتى لا تقولين لهم شى من اسرارج والله يعينج ان شاء الله ويهديهم

 

[الهي عفوك ارجو]

ربي يوفقكن بنااااااااااات مشكورات

 

[um hamed]

الله يعييييينج

 

[شمعة*البيت]

عسى الله يهديهم نصيحه مسكي أمج وكلميها بروحها ان هذا يأثر على صورتكم وعلى تماسكم كعائله لان كل واحد تستشيره راح يعطي راى وممكن يكون هالراي مدمر واذا اقتنعت مسكوا انتو الاثنين الاخو ثم الاخت وبأمر من امج للجميع بأ، الكل يكتم أخبار العائله والله يعينج أن شاء الله

 

[أحبه موت]

حاولي اتكلمينهم مرة ومرتين وثلاث لين يفهمون ويبيلهم اياها بهالطريقة ان الناس قامت تتشمت فينا وتعايرنا بسبت انكم كلما صارت سالفة رحتوا طلعتوها بره البيت قوليلهم ترضون انصير علج بحلوج الناس والكل يتكلم عنا قوليلهم انتوا ماتدرون انكم لمن تتكلمون وحده توصل السالفه حق الثانيه واتفاجأ من وحده مو قريبة لنا تقولي صج صاير ابيتكم جذي؟؟؟ يمكن بهالطريقة هذي يحسون بغلطتهم والله يوفقج ياااااارب

 

[دلوله_العسوله]

اول شي ادعي لهم

وحاولي تمثلين انج متغيره عليهم وتمثلين عليهم ان عندج سر وانج مو على بعضج وراح يقولون لج خير احنا اهلج اذا ما قلتيلنا بتقولين لمنوو

قووليلهم لا تحاااااااتون مشكله بسيطه حييل طبعا ما راح يخلونج يبون يعرفوون ...قوليلهم بصراحه انتو اهلي ومالي غيركم بس افضل احل مشكلتي برووحي اخاف النااس يحرجوني بعدين لأن بنظركم ان هشي عادي ان الناس تعرف خصوصياتنا هني بيحسون ان موضوع الخصوصيه كبير بالنسبه لج ومو عادي وبيحطون حد او كل ما بغو يسولفون يتذكرون موقفج معاهم

وذكريهم وقوليلهم ترا كل بيت يمر عليه يوم مر ويوم حلوو وذكريهم بفلانه وعلانه قوليلهم مره شكولكم مشكله صارت بين اخوانهم او بين عيالهم وقالوها لكم بلسانكم .. يعني معقوله طول عمرهم ماختلفوو ولا صار بينهم مشاكل طول السنين الي فاتت ....ليش تبونا نصير سالفه يتسلون فيها الناس

وانشالله ينفع معاهم هلحل ومووفقه انشالله

يمكن يقتنعون بكلامج موووفقه حبوبه

 

[الهي عفوك ارجو]

يعطيكن العافيه بنات ماقصرتوا والله

 

[emankuwaiti]

عندنا و عندج خير
هاذه مجتمعنا اي شي صغير يصير لازم الكل يعرف اذا مو من احد قريب من الخدم
اللهم ياكافي مجتمع ياكل بعضه

لاحول و لا قوة الا بالله

 

[الهي عفوك ارجو]

جزاج الله الف خيرemankuwaiti

دلوله العسوله عجبتني فكرتج بسويها اما انا اقولهم فلانه وعلانه مايطلعوووون ياكثر والله ماقول اصلا جماعتنا كلهم ماحد يسولف