تعبت منه والله ... شنو الحل مع هالانسان ؟

[كويت الاناقه]

الله يسخره لج والله يهديه ويرفق بينكم ياارب

 

[*(بيبي فيس)*]

حبيبتي الله يفرجها عليج ويسخره لج إنه سميع مجيب الدعاء

بقولج نصيحتي من واقع تجربتي

زوجج توه مو قد المسئولية

ومخربينه ربعه الناس اللي حوله

بأن المرة ماتمشي إلا بالعين الحمرة

وهذا مو شرط بأنج ماعجبتيه أو ماحبج

يمكن حبج بس المخ خربااااااااان

أنصحج أجلي موضوع الحمل شوي

أقري مواضيع ناعمة الهاشمية

لا تقوليله اقعد معاي
خليه من نفسه يقعد معاج

وشوفي يا إما تزين أو تشين

بشرينا عنج


:yaaaaaarb:​

 

[* بنت المطر *]

حبيبتي اهوا طبعه جذي والا بس معاج ! انتي تقولين مع الناس غير

حبيبتي خاف مايبيج وامه غاصبته ع بون انج بنت اختها وبيرضيها وتحسف

نصيحه من وحده نفس حالتج من 8 سنين والحين متحطمه نفسيا وندمانه ع الصبر اذا ماتعدل انحاشي قبل تبتلشين بعيال

وتدبسين والاقشر اقشر ماراح يتعدل اللي توج عروس ويسوي جذي الله يعين بعدين انا ماابي اخررب بيتج بس انا مجربه

هالنمونه من الرياجيل والله يعينج

 

[مها يعقوب]

حبيبتي انا ريلي نفس ريلج والله العظيم كنت عروس يلي ساعة 3 او 4 او 5 او6 الفير وماكان يهمة وطحت علية عنده بنات وسوالف وخرابيط وشرب وسهرات وهم صارلي 6 اشهر ونفس كل هالاشياء سواها فيني وعلي فكره كان يقطني بيت اهلي بالاشهر ولااهمة وكان يسافر من وراي

بس الحمدالله بالصبر والدعاء والاستغفار تغير مااقولج نغير حيل للحين علي سوالفة وخرابيط

وانتي بيدج تغيرينة انا سويت اشياء وايد عشان اغيره

 

[ذكرى الايام]

نصيحه لاتدخلين احد بالموضوع تكلمي بهدوءلا يكون متضايق او مشغول قولي له ياقلبي ياعمري كود يحن عليج وانتي تناقشينه
بعدين ترى عادي تيي فترة للريايل يصير وده يرجع زي اول لما كان عزوبي عاتي خليه على راحته
وارسلي له مسج قولي له اللي بخاطرج بس لا يكون كل كلامج عتب
ان شاء الله تنحل الامور بينكم ويهديكم لبعض

 

[رواضي قطر]

الله يخسره لك مالك الاه الدعاء والاستغفار

 

[قاهره عذالي]

اي عادي
كل اللي قلتيه عاااااااااااااااااااااااااااااااااااااااااااااااااادي
قلة سنع ومافي فايده ومع هذا شين نفس

 

[SaD FaCe]

لو كان غريب أهون بس ولد خالتج !!!!!


الله يهديه ويسخره لج يارب

كلميه حاولي معاه اذا مانفع استخيري انج أدخلين أخوج بالسالفه

وعليج بالدعاء والاستغفار

والله يعينج

 

[đeɱɛɼɑ™]

:
.
عَروس ويعااملج جذي ؟ شفييييييهُم الرياييييل استخفوا روحي بيت ابوج وخليه اهو يكلمَه ويشخله لِج والله ان بعض الريايييل ما ادري شلون قايلين ماكو احساس!
هذا والرسوُل صلى الله عليه وسلم موصيهُم : رفقا ً بِالقوارير! الله يعين .. .
منتي مَلزووومَة حَبيبتي انج تتعذبين المفروض هذي احلى سنين عُمرج نصيحة خلي الرياييل يكلموُنه وان شاء الله يتعدَل ويعوضِج ربِج خير:*

​

 

[ام كوشه منكووشه]

الله يعينج والله

 

[شوق الحياة]

هلا يالغالية نفس مشكلتج ما تهنيت لا الحين عشت معاة 16 سنة ولا الحين ما تغير-----شاللي يحدج تتنازلين من الاول احمدي ربج ما حملتى نفسي وتوهقت انصحوني اصبري اصبري ويتغير الوصخ واللي اعوج مراح يتغير بس انا الحمدلله مايشك فيني ---انصحج دخلي رجاجييل يسنعونة ويقولون تبي البنت ضمها واحشمها واحفظها اذا اول سنينج ما عشت رومانسيو وحب متى بتعيشين ---تعذبت ليومج وانا وحيدة غلطت دخلت ابوي وبغى يسنعة وجوني خواتي الله يهديهم وقالو ارجعي وكسرت بابوي وقال انا برى منج لو يذبحج مالي شغل ورجعت لان كان ماخذ عيالي مني وانكسرت----بس ليومج متندمة ومتحسفة اني ما سمعت كلام ابوي وهذولي خواتي مسنعين رياجيل بناتهم مونفسي غشوني ارجعي ---فامانة نفسج لا ترخصينها باول حياتج كذابين اللي يقولون بيتغير ----اذا انت عرووس ما عاملج عدل هجل شلون بيعاملج بعدين واذا ما قعد معاج هذا وانتي توج صغيرة جامعية يعني احلى عمر شلون بعدين----فكرى ولا تنازلين اعرفى شمعدنة الحقيقي ولا خالتج حتى تحطين لها شي هي ىما سنعتة تشوفة يدخل متاخر وما تتكلم الراضي كما الفاعل هي عالعين والراس ومثل ما دخلنا بالمعروف نخرج بالمعروف دام مافية ضحايا ---ويمكن ربي يعوضج ما تدرين وكثرى الاستغفار والاستخارة وطمنيني لا تنسين قلبي معاج حاسة ما يحس بالوجعة الا اللي واطيها

 

[غالية زمانها]

أنا اقول كلموه لروحك وبهدوء وسألوه ليش يعامله حذي !!!! واذا لتحسين ان ما فاد دخلي احد من اهله ولنموه الموضوع لان بصراحه نصحها شنو يقول الحريم إرخاص ؟؟؟؟ يعني انتي شنو مثلا !!! والله يعينج أنا اقول الا كيري الاستغفار وصلي صلاة الضحى ويوفي امورج اشلونكم وتسهل

 

[dalo0o3ah_kw]

الله يهديه انشالله والصبر زين توكم معاريس لي الحين ما شفتوا شي لو كل الناس هدت بيتها من خمس شهور زواج
ما بقى احد متزوج عادي هذ مشاكل بداية الزواج الطريج طويل جدامكم ​

 

[dectora 7elwa]

الله يعينج
ويسخره لج
هو من نفسه يبيج ولا خطبه اهل

 

[ryoonah]

هذا يبيله واحد يادبه وبس

 

[بوح القوافي]

الله يعينك من جد على هالشخص بس توك عرووس ويسوي كذا
ماعرفت المشكلة الي فيه لازم تدورينها يمكن عنده مشاكل في عائلتة او برا؟؟؟

 

[استاهل الصيت]

ربي يسخر لك زوجك
ياااارب ويحنن قلبه لك

اللهم سخر لكل وحده زوجهاا ياحنااان ياامناان

ودي

.

 

[ورده الكرستال]

الله يهديه ويسخره

 

[معذبتهــم]

حبايب والله ماقصرتو ،

اهو صح ولد خالتي بس خالتي متوفيه الله يرحمها قبل ملجتنا ،

وخالتي الله يرحمها كانت تقوله عني بس قايلته انا مااغصبك عليها بس البنت ماكو منها فتوقع خذاني بس علشان جذي

مع اني قلتله مره انت في غاصبك علي قال لا انا لو ماابيج مااخذتج

مادري والله شسوي معاه ، وامي ماتبيني اتطلق وبس