تعبت من التفكير

[رناوي]

شلونكم بنات انا سويت سيرج على المدارس الخاصة و رحت زرت الغانم و دسمان و اكاديمية الخليج البريطانية و اكاديمية اكسفورد و الانجليزية بنات و الامريكية بنات و انجلش بلي قروب و الخليج و الحياة و bskو التكامل
افتر راسي وتعبت من التفكير و المقارنة واخيرا حصرت قراري بهالمدرستين (دسمان _الغانم ) ساعدوني الله يعافيكم والي عنده اي سؤال انا حاظره

 

[رناوي]

انا اسفة ما و ضحت بنتي بتدش انشالله kg1 وانا وايد يهمني بنتي تستانس بالمدرسة وتحبها

 

[أم سارونه المزيونه]

السلام عليكم
يسعدني اني اول وحده ترد عليج لان انا بعد بنتي بدش كي جي
بس الي لاحظته انج رحتي وايد مدارس بانظمه مختلفه
يعني رحتي مدارس نظام بريطاني وأمريكي وثنائية اللغة
انتي بالبداية المفروض تختارين اي نظام تبين؟؟
بعدين بنتج راح تدرس لي الثانوية؟ ولا بس تاسيس هم يفرق
وبالنسبه انج وصلتي لي دسمان والغانم
انتي لابد اتقارنين بينهم الحين
من ناحية المبنى والمناهج والمدرسين ومستوى الأمان والمبالغ الي راح تدفعينها
انا رحت دسمان وسويت فيها تور وكلش ماعجبتني ومالت التسجيل كانت كلش ماعندها مصداقيه
المدرسة مبناها بائس والصفوف حيل صغيرة بالنسبه حق كي جي ووايد 25 بالصف المدرسات كلهم عربيات والله وحده العالم شنتو شهاداتهم؟؟
مكان اللعب ما فيه ادنى مستوى من الأمان في اماكن بلاط واليهال يلعبون والابلات طايحين له سوالف المدرسه مفتحه على بغض وايد بمختلف مراحلها وحتى دوي الاحتياجات الخاصه من ضمنهم ممكن يتلاقون بالممرات وما اقصد بوقت الفرص لانه الاوقات مختلفه
وماكو كتب ومناهج بالنسبه للروضه بس كله على اوراق وورك شيت ليش انشاء الله الواحد بيدفع 1400 على شنو؟؟؟
الغانم الحقيقه انا مارحت لها ولا اقدر احكم عليها مع العلم انه 3 من اهلي عيالهم فيها
وشكرا

 

[نطوووعه]

وي عاد دسمان من المدارس اللي كنت حاطتهم باللسته!

 

[رناوي]

مشكوره ام سارونه المزيونة على الرد وبالنسبة لي انا ماكان في بالي نظام معين يعني كنت لما ازور المدارس كنت اطلب اشوف الكلاس و يهمني شكل الطلبة مستانسبن والا دايخين منظمين والا هدد معاملة المعلمات وبالنسبة اذا كنت بكمل او بس تأسيس انا انشاء الله ناوية اكمل بس الواحد مايدري شنو ظروفة عشان جذية انحصر قراري بمدارس ثنائية لغة
وين بتسجلين بنتج ؟ ام سارونه قررتي والا بعد

 

[طيبة الكويتية]

الغاليه رناوي
رحت الحياة اول الشهر هذا كنت بسجل عيالي فيها
و بصراحه المدرسه اكثر من ممتازه من ناحية الصفوف او الكتب او اسلوب الاداره مع الأهل. اشلون ماشاءالله عليهم منظمين غير عن مدارس ثانيه رحت لها, ابسط شي اقولهم بشوف الكتب يضيعون ما يدرون شنو يقولون كإنه طلبي شي غريب

و عيالي صج حبوا المدرسه و قالوا يبونها, و يوم دقوا على ابوهم و قالوله عنها و عرف انه نظامها امريكي قالنا لأ.
انا و عيالي يالنا احباط و الله لأنه وايد فرق عن مدارس ثانية.

انا انصحج فيها بصراحه.

 

[sarah125]

صباح الخير اخت رناوي...انا نفس حالتج بالضبط،وراسي افتر وصار عندي ارق بعد،ايضا بنتي بعمر الkg1 ،ومحتاره حدي ولحد الان ماوصلت لقرار،انا حيرتي بين مدرستين:-

​

الاولى اكاديمية الخليج البريطانية
الثانيه مدرسة كمبريدج -حولي
بالنسبه لأكاديمية الخليج البريطانيه فيه عضوتين مدخلين بناتهم فيها ومدحوا هالمدرسه من فتره
اما كمبريدج،فأنا اعرف وايد ناس فيها عيالهم،ايضا مدحوها ،لكن بعض العضوات هني انتقدوا بعض الجوانب،اللي اعتقد انها شخيصة.

انتي على اي اساس فكرتي باكاديمية الخليج البريطانيه ،وليش غيرتي رايج فيها؟؟؟؟؟؟

 

[رناوي]

مشكورين بنات على تفاعلكم معاي وبالنسبة حق اكاديمية الخليج البريطانية قريت عنها بالمنتدى وامدحوها البنات وعلى طريقي وشفت اسعارها كانت مناسبة ودشيت موقعهم على النت وقريت عن المدرسه كل شي اوكي بعدين قررت ازور المدرسة و كان استقبالهم وايد حلو بس للأسف كانت عطلة و ماكو اطفال ورتني الموظفة الصفوف وما حبيت انهم بالسرداب بس كانت صفوفهم حلوه طبعا بلغت الموظفة اني راح ارجع مرة ثانية عشان اشوف الطلبة و المعلمات وفعلا زرتهم بس هالمره انقمت قلبي مادري اهي ورتني كل الصفوف وبعدين ورتني صالة الالعاب طبعا فاضية مافيها ولا لعبة مادري ماارتحت يعني قلت ادفع 100 او 200 اكثر ولا اتحسف تالي على الاقل مدارس قديمه ولها سمعتها وااااااي ليلحين محتاره...
بس الافضل انج تروحين شخصيا و تسألين عن كل الي في بالج ويمكن ترتاحين والله يوفقج اشالله

 

[sarah125]

اخت رناوي....بالفعل وجهة نظرج سليمة،انا للاسف مامريتهم ابدا،اعتمدت فقط على مدح بعض العضوات لها،لكن اذا كانت غرفة الالعاب خاليه،اللي هي المفروض تكون عالم الطفل،فبالتأكيد الواحد يعيد النظر بتسجيل عياله عندهم...انشالله نحصل شي مناسب،المشكله اخت رناوي ان المدراس الزينه اسعارها جدا عاليه،عموما انشالله اذا حصلنا شي مناسب راح نتبادل المعلومات

​

 

[حلم الطفولة]

بنات أظن دسمان تاسيسها قوي بالروضه حق الانجليزي
(( الله يوفقكم لاختيار أفضل مدرسه لعيالكم تناسب متطلباتكم وتريحكم آمين ))

 

[*الزين*]

ممكن تقولين لي رايج بلانجليزية بنات والاميريكية بنات شنو رايج فيهم وليش هونتي عنهم واخترتي الغانم شنو اتميز فيه عنهم؟

هل فيهم عيوب ؟ ولا بس عشان المبنى قديم؟

 

[رناوي]

مشكوره اختي حلم الطفولة ..واختي sarah125 اكيد احنا اهني بالمنتدى عشان نفيد ونستفيد..
الانجليزيه بنات ما وروني صفوفهم قالوا ان الاهل ما يرضون !! ما حسيتهم واثقين للأسف مثل المدارس الثانية فما شفت شي وما اقدر اقرر بناء على كلام السكرتيره .
الامريكية بنات وااااااايد ارتحت فيها وحبيتها وااااااايد كلاساتهم مدرساتهم البنات كانوا حدهم مفرفشيين و الابلات ماسكين البنات عدل (الكبار) يعني خوش مدرسة وانصح فيها بس المشكلة اني ابي ولدي يكون مع بنتي بنفس المدرسة انا يوم زرت المدرسة كنت مو حاسبة عمر ولدي صح يعني اهو انشاللة يكون pre kg وبنتي kg2 بس عشان جذية انحصر قراري بالغانم و دسمان و التكامل

 

[sarah125]

صباح الخير رناوي ....امس تكلمت مع ناس من الاهل مدخلين عيالهم بمدرستين

الاولى:- مدرسة الاكاديمية الانجليزيه بالجابريه قطعه 8،مدحوها حيل من ناحيه المستوى التعليمي وايضا مدى اهتمامهم بسلوكيات الطفل،وايضا الاكسنت عند الطفل لدرجه ان ابنهم حاليا بصف 3 ابتدائي،وهو اللي يكتب البرزنتيشن لخالته (طبعا هي بصف 12 علمي وشاطره):27d66a9c24b146327bf،المبنى من بره تحسينه قديم لكن حسب وصفهم من داخل جدا مرتب وحلو.مرحله الkg 1 تدفعين 1250 وعلى دفعات..اذا حبيتي جربي تمرين لهم.

المدرسة الثانيه:- هي الانجليزيه الحديثه بالجابريه قطعه 12،بصراحه مدحوها بشكل كبير جدا ،ومن جميع النواحي،لكن انا شفت اسعارهم جدا عاليه بالنسبه لي.

اذا الله احيانا بعد الاجازه بجرب امر الاكاديميه الانجليزيه واكيد راح ابلغج بالتفاصيل