تعبت من الربـــو ..

[نور العرب]

السلام عليكم


بنات ريحوني تعبت من الربــــــو

كرهت نفسي , أستغفر الله

مليت من الكمام والأدويه .. كل دكتور يصرفلي علاج غير عن الثاني

وياليت فيه فايده .. بس كم يوم أطيب وبعدين أرجع كحه وضيق نفس وبلغم والحاله حاله


منو تعالجت من الربو نهائيا
و اللي عندها معلومات عن الربو تذكرها لي

 

[قطوة@@]

اذا يالج على كبر صعب ان يروح

نفس حالتي اتعب منه حييل وقت الشتا و المطر

صايرة طلعاتي قليله و دايم الفينتولين بجنطتي

و الحمد لله

جربتي تروحين مستشفى الراشد للحساسة .؟

 

[نور العرب]

الله يعين

أنا جاني على كبر .. ونادرا أتعب بالشتا

بس هالمره تعذبت .. كل شوي قاعده من النوم
وصار لي تقريبا شهر على هالحال

بشوف مستشفى الراشد

حبيبتي الله يشفيج من هالربو

ويشفي أختج ويشفي مرضى المسلمين

.

 

[شادو كويتيه]

حبيبتي نور العرب
بقول لج شي امجرب
و بقول لج ليش راح يفيد

بس انتي قولي لي اشلونج مع الرياضه

ترا والله انا ما راح مني الربو الا لما لعبت رياضه ، دشيت نادي سباحه و ايروبيك
ابصراحه روعه صحتي وايد اتحسنت

مدربة السباحة قالتلي انه السباحه اتقوي الرئة و اتحسن النفس ، و فعلاً اقول لج الفتره هذي والله كنت كللللللللش غيييييييييييير


جربي و ما راح تندمين بس ابشرط التزمي على الاقل ثلاث الى ست شهور قبل لا تحكمين اذا في تغيير ولا لأ ، و لو اتخلين الرياضه جزء من حياتج اليوميه على طول يكون واااااايد أحسن

حتى التركيز و الذاكره و النفسيه كل شي يتعدل لان في هرمونات معينه تنفرز من المخ اتعدل المزاج مع الرياضه (العقل السليم في الجسم السليم)

و تقدرين هم اتجربين عسل في انواه اللي يقولون اتعالج الربو و جذي ، ما يضر اذا جربتيهم لان الله سبحانه و تعالى يقول "فيه شفاء للناس"

انا ابصراحه ما جربته لاني مو ذاك الزود مع العسل بس اذا انتي اتحبين العسل جربيه و قول لي اشلون يفيدج و لا لأ

و تذكري حبيبتي الرياضه و العسل عمرهم ما فيهم مضره

و سلامات يا عمري ما اتشوفين شر


​

 

[الوفا بوقتي صعب]

رد : تعبت من الربـــو ..

نفس الحاله
يارب يشافييينا ويعافييينا
ويشافي جميع امة محمد

 

[الوفا بوقتي صعب]

رد : تعبت من الربـــو ..

نفس الحاله
يارب يشافييينا ويعافييينا
ويشافي جميع امة محمد

 

[نور العرب]

شادو كويتيه

حبيبتي مشكووووره على النصايح

مشكلة النادي ماكو وقت كلش

بس العسل أمس رحت عسل العويد واخذت عسل للربو والكحه .. ان شاء الله يكون فيه فايده

حبيبتي والله ما قصرتي لا خلا ولا عدم
.

 

[نور العرب]

الوفا بوقت صعب


يا قلبي الله يشافيج ويشافي مرضى المسلمين

.

 

[نـوفا]

اختي نور العرب


أخذي تحويل من مستوصفكم وروحي لمركز الراشد للحساسية علاجهم ممتاز للربو بعد الله سبحانه وتعالي

والله يشفيج يارب

وعجبني رد الاخت شادو كويتي عن الرياضه ماقصرت الله يجزاها خير

 

[نور العرب]

نوفا

حبيبتي مشكوره على الرد

رحت المستوصف وقالوا مايصير التحويل الا من المستشفى ولما رحت ما رضوا يعطوني تحويل للراشد


.

 

[يحبنى الله *]

أنا بعد شرقة وكل ساع أحاول اتوضأ أحس كأن لازم اجدد وضوئى خايفة عندى سلس

المهم

بجرب الحجامة يمدحونهااا


وبجرب العسل
وشجعتينى اللى قالت على الرياضة

ودى اجرب

وإذا مرضت فهو يشفين
وننزل من القرآن ما هو شفاء ورحمة
وايوب إذ نادى ربه ربى مسنى الضر وانت ارحم الراحمين

أحنا منصرفين عن الإستشفاء بالقرآن ؟