تعبت من كلام ناس

[ملآمح ابوها]

السلام عليكم ورحمة الله

كيف الحالـ كم...؟

مشكلتي احب ابوي واحب اتزوج بعد ابي اكون ام
خطبني من سنه واحد بس علشان مشاكل عائليه رفضته تعلقت فيه بس ماقدر اتزوجه اخاف من مشاكل

بابنات حتى بنات المراهقات الي يقربون لي كل يوم بمسن او غيره او سؤال خطبك احد جاك احد

ليش يحسسوني اني ناقصه

كافي علي احس بنقص يدي فيها مكان عمليه وفرصتي بزواج يمكن اقل من غيري

ليش مجتمعنا غبي ليش البنت بنظرهم عانس ومسكينه ومدري شنو

اسال الله العلي القدير يزوج كل بنت تبي ستره وتبي تبني اسره

 

[مولاي الفرج]

ترى والله انا اتنرفز لما وحده تزعل من كلام الناس

خليهم يولون زين

عيشي حياتج واستانسي

خلي عندج ثقه بنفسج

والله اهما المساكين تدرين ليش؟؟

كل وحده مالها شغل بيتها وتتحلطم على ريلها بعدين تتفلسف وتقول ها ليش مانخطبتي

ترى متزوجه انا بس اعرف حركات الحريم عدل

عسى الله يرزقج من يقدرج ويسعدج يارب

 

[brettey]

عسى ربي يفرجها عليج ويرزقج بالزوج الصالح عاجلا غير اجلا
طنشي كلامهم ناس ناقصه وتافهه

 

[صدع القلب]

تحبين ابوج ؟؟؟ وين المشكله هذا الشي طبيعي
تحبين اتزوجين و تبين تصيرين ام ، هم هذا الشي جدا طبيعي و حلم كل بنت سوية
و بالنسبه حق الخطبه اللي فيها مشاكل زين سويتي رفضتيها لان الارتباط اللي اوله مشاكل ينعاف تاليه
و حلاتها الوحده لما تاخذ خطوة الزواج تاخذها بعد موافقة الوالدين و بعد الاستخاره و تكون مقتنعه عالأقل 90% و التوفيق من الله
و البنات المراهقات ، شلهم فيج و اهمه شكو يسألونج هالسؤال شهاللقافه و على كل حال انتي ليش حاطه حق كلامهم قيمه و مضايقه نفسج الزواج قسمه و نصيب مو بايدج و لا بايدهم .
و اذا تبين رد قوليلهم على ضحك و انتوا شكو ، و لا قولي لهم يلا على ايدكم اذا عندكم لي ريال صالح ما عندي مانع ، " اذا اهمه ما يستحون انتي ليش تستحين "
أما عن موضوع العمليه اللي بايدج فهذا أمر الله " و ياما بنات تزوجوا و اهمه عندهم وايد ظروف صحيه مثل ظرفج و اشد بمليون مره ، هالشي ما راح يكون عيب إلا اذا انتي حسستي روحج و حسستيهم انه عيب و سبب نقص "
و مجتمعنا هذا اهو ما راح يتغير التغيير لازم يكون منا احنا من داخل ، زيدي ثقتج بنفسج اهتمي بشكلج و عيشي حياتج اختلطي بالناس كملي دراستج أو توظفي و اذا كنت خالصه من كل هذا شوفي لج شيء يلهيج و يزيد ثقتج بنفسج هوايه نافعه و مفيده و لاتهتمين حق كلام الناس ، الناس كلامهم ما يخلص .

و انشاء الله الله يرزقج الزوج الصالح و يخلي لج ابوج و كل غالي عليج يا رب :eh_s(7):

 

[كزنوفا]

طنشي وماعليك من احد
الزواج بيد الله سبحانه مب في يد البشر
والتعليقات السخيفه شر لابد منه

عيشي حياتك واللي كاتبه ربك بيصير

بعدين ليش تسمعين كلام المرهقات ماعندهم معن جدتي طنشي ولايهمك حبيبتي

ترى الحياه قصيره وسعي صدرك الدنيا فانيه

الله يرزقك ويرزقني ويرزق بنات المسلمين والمسلمات الزوج الصالح يارب العالمين
انا زيك مب متزوجه اخر همي كلام الناس والزواج

 

[دلوعة أبوهآ]

طنشي كلآم النآس لآنهم بكل مجتمع مآراح يرحموآ احد
حتى ان تزوجتوآ ماراح تخلصي من كلآمهم ..!
الكلآم حتى بعد آلموت ..
لازم ينتقدوآ كل شخص ع كل حآله هو فيهآ ..

انتي وكلي آمرك لله وآحسني الظن ..
وتقربي من رب العالمين وآدعيه
وربي يرزقك الزوج الصالح اللي يسعدك




بس مآفهمت .!!!
شدخل مشكلتي أحب آبوي ...؟
حبك للوالد صآر مشكله !!!!

 

[حبيته من قلبي]

حبيبتي انتي.. انا ادري كلام الناس يضايق شوي بس انتي ماعليج منهم طنشي وانتي احسن من غيرج قولي الحمدالله وماتدرين نصيبج وين.. عسى ربي يرزقج بالزوج الصالح اللي يعوضج عن كل شي ياارب :*

 

[Patcholli]

شنو يعني ايدج فيها مكان خياط ..؟؟
ترى العذر حده سخيف .. اللي مايبيج عشان خياط بيدج انتي ماتبينه ولا يشرفج انه يخطبج ..!!
حبيبتي انا اعرف وحده ريلها من فوق لي تحت محروقه من ماي حار تعالي شوفي زوجها شلون يحبها وعندي وايد امثله غير هاذي ترى حده الموضوع عادي
وترى سوالف البنات اغلبها جذي محد خطبج محد كلمج فلانه حملت فلانه تزوجت يسئلون للفضول مو قصدهم يحسسونج بالنقص لا تصيرين حساسه

 

[A_M_A]

انتي مسكينة

تدرين ليش؟

لانج تسمعين كلام نااس فاضية

اقولج ليش فاضيه؟؟ لانهم لو عندهم شغل او شئ شاغلهم جاان ماقعدوا

ينبشون بحيااتج بس مااعندهم شئ


ونصيبج راح يوصلج وين ماكنتي لاتحاتين

اهم شئ طنشي يقولج ...

عشـان اعيش لااااازم احترف بـ لعبة التطنيش

بالتوفييق

 

[Vdieta]

اسمعي من اذن وطلعي من اذن

 

[اوتار الحياه]

خليك واااااااااااااااااااااااااثقه من نفسك ولا عليك من احد واثق الخطوه يمشي ملكا وكلام الناااااااس ترى ما يخلص ابد الله يرزقك ويرزقني وجميع البنات الزوج الصالح ااااااااااااااااااااامين

 

[pinky_3soola]

انا أأيد كل الي ردوو عليج :rerrerek:



خلج واثقه من نفسج :eh_s(7):و لا تسمعين كلام ناس متخلفه



" وش علينا من الناس وش على الناس منا ":rerrerek:​

 

[الهنوؤوفـ]

انا نفس صاحبة الموضوع دائما اسمع ما كملتي دراسة ما اشتغلتي ما انخطبتي ما تعلمتي السوااقه

صدق والله شي قهر

 

[عاشقة هواك]

اسمعي من اذن وطلعي من اذن

انا وياها :eh_s(7):

 

[رتبه دبلوماسيه]

عسى ربي يفرجها عليج ويرزقج بالزوج الصالح عاجلا غير اجلا
طنشي كلامهم ناس ناقصه وتافهه

 

[أغلى من العقد]

الله يرزقج الزوج الصالح

 

[мΐѕş.м]

طنششي أو ردي عليهم بردوود تسسكتهم ..
قولي أنا مرتاحة ومبسسوطة وش لي بالهم والمغثة ..
وصدقيني ربي أعلم فيك وباللي فيه مصلحتك .. مو كل متزوجة مرتااحة ..
الله يرزقك يارب الزوج التقي النقي اللي يسسعدك يارب ..

 

[ملآمح ابوها]

بنات من جد ماقصرتووو ردودكم رد اخت ل اختها

ربي يسسسعدكم وين ماكنتو

بالنسبه يوم اقول احب ابوي اقصد ماحب فراقه مدري ليش متعلقه فيه بنفس الوقت ابي تزوج تهي تهي ابتلشتو صح هههههه

لا والله

كلامكم دخل قلبي مثل ماطلع من قلوبكم

الله يسعدكم ترى عندنا مطر ودعيت لكم ان شاء الله وقت المطر الدعوات بأذن لله مستجابه

أسال العلي القدير يفرح قلوبكم وين ماكنتو ويسعدكم ويحقق احلامكم

 

[سكوتي بذوقي]

لاتخلين كلام الناس يأثر عليكِ

ترى كلام الناس ياكثره مايخلص

إذا الوحده ماجاها نصيبها مسكينه ماتزوجت

إذا تزوجت وماجابت عيال فلانه تزوجت ماعندها عيال

لاتتعبين علشان كلام لايودي ولا يجيب

متى ماجى نصيبك إن شاء الله راح تتزوجين

الله يرزقك بالزوج الصالح اللي يسعدك يارب

 

[..<< ندى الورد >>..]

اذا بتسمعين لكلام الناس ترا بتتعبين حييل

طنشي واذا اسالوج قولي كل شي قسمه ونصيب مايندرى وين النصيب