تعبت نفسيآ من امي وكلامها لي

[Belle de Jour]

فعلا امهات هالزمن تغيروا

حبيبتي الله يصبرك ويعينك...اصبري ع امك واحتسبي وخليك بارده لاتحرين نفسك

بالنسبة للي يفتنون عليك لاتخلينهم لاتسكتين لهم...وقفيهم عند احدهم الا الرزق...!!

والله يعينك ويقويك

 

[granted]

ماكو شي اسمه فلان قطع رزقي
الرزق من الله مخلوق تافه مايتدخل بالرزق
الي فاتج مو من نصيبج هذي كل السالفه

 

[معزوفة عشق&]

حبيبة قلبي الله يكون بعونك
لاتاخذين بخاطرك ع امك احتسبيه لوجه الله .. ومن باب البر وبوحي لها بمشاعرك وابكي عندها وبيني لها سوء معاملتها لك ولكن بالحسنى لعل وعسى كانت غافله ولاهيه ...!!!
وشوفي حبيبتي اول شي استعيني بالله في كل امورك واشكي له حالك وتقربي منه اكثر واكثر صدقيني ربي مايخيب رجاك
وكل انسان مايموت الا ومكمل رزقه ..ثقي تماما ان ربي بيعوضك بككل خير بس يبيلك اجتهاد + صبر + حسسن ظن بالله
اسال الله لك السعاده

 

[لمى الهاجري]

انا بعد نفسج وظيفتي قيد الانتظار وهلي رافضين اتزوج والحمد لله على كل حال اللهم لا اعتراض

 

[Lively]

الله يصبرج و يكتبلج النصيب حبيبتي 3>
اصبري و صدقيني ما ورى الصبر الا الفرج
و ان شاءالله بأقرب وقت تنخطبين و يجيج احسن نصيب وانتي الي تضحكين مو هم
الله يستر علينا و على بنات المسلمين يارب 3>

 

[MagiCEyEz]

اول شي يا اختي الله يصبرج و يشرح خاطرج و ترتاحين ثاني شي مو شرط اذا تزوجتي ترتاحين اعرف الف وحده تتمني الطلاق و الف تمنو ما تزوجو اساسا و اذا سالفه امج فقولي الحمدالله الف غيرج يتمنون ام او ريحه الام طلبي الله يسخرها لج و حاولي تتناسين سالفه الزواج اكيد ربج صرف عنج سوء و كل شي مكتوب و رزقكم في السماء و ما توعدون اصلا الزواج هالايام صار بعمر كبير عيشي حياتج و الوظيفه بتيج و لاحقه عالشقي من له خلق قعده الصبح بس اقولج الدعاء هو الحل لا اكثر و لا اقل و رضا الام موفقه حبيبتي

 

[نفسًا توآقه]

الانسان متى ماصارت علاقته بالله قويه والله ليسخرله حتى الحديد مو البشر وينزل على قلبه الرضا

 

[الشهـد~]

لآ يرمى بالحجر الآ الشجره المثمره

خليك واثقه من نفسك
ولاتغاري منهم بالعكس افرحي
لانهم ماسوو ذا الشي الا لآنك احسن منهم
وإذآ ربي كاتبلك نصيب صدقيني نصيبك بيجيك
وغصب عن اللي حولك

بس امك
دايما نزعل من امهاتنا ونفهمهم بشي غير اللي يقصدونه
لاكن مافيه احن من قلب الام
ممكن تكون شوي شاده عليك واسلوبها مايعجبك عشان انتي مضايقك ذا الموضوع وتتحسسين من كلامها
بس يبقى قلبها عليك حنين لانها بإختصار أمك
ومدام قالتلك خيره معناته ان قلبها عليك
وانتي الله يوفقك ويحققلك مرادك ويرزقك بأحسن من اللي خطبوك قبل
وانتي بنفسك بتقولين خييره اللي صارلي قبل

 

[ام الدرر]

حبوبة انا ما اشوف امج غلطت بشي
بالعكس امج انسانة طيبة وعلى نيتها
قالت لج ((خيرة وليش محترة منهم اصبري وبييج نصيبج ))
عشان تزوجو قبلج تقاطعهم
صدقيني لو فكرتي نفس تفكيرها بترتاحين
ياحياتي
ربج يوزع الارزاق ويمنعها
الناس مابيدها شي
يمكن اللي صار نصيبها كان مو مناسب حقج وماراح يسعدج عشان جذيه الله فكج منه
حبوبة ارض بماقدر لج ربج تعيشين سعيدة
لا تفكرين هذول قطعو نصيبي ولا وقفو بطريجي
قدرج الله كاتبه من انولدتي
عسى ربي يرزقج الزوج الصالح​

 

[Hand]

ربي يكون في عونج حبيبتي

بس الزمي الاستغفار واذكري ربك وخليج قويه

والله يفرج همج

 

[Patcholli]

امج نفس امي ..!!

اتخيلي قبل لا اتزوج كانو يخطبوني ناس وتدزهم على بنت عمتي ولا بنت خالتي لوول انزين ليش انا لا يعني ..!!

معنى كنت دارسه ومخلصه وقاعده بالبيت قبل الوظيفه مادري ليش كانت تسوي جذي ..

بس سبحان الله الحين عقب ماتزوجت ريلي والله عرفت ان النصيب لما يوصل محد يقدر يخرب او يعترض او يقطعه ..!!

ياما ناس فركشولي خطبتي ياما ناس وصلو كلام غير صحيح ومغلوط وسيء عني لخطابي ياما ناس اثرو على ابوي عشان لا يوافق

كنت اتظايق وانقهر ليش جذي ..!!

بس عقب ماتزوجت ريلي شفت ان محاولاتهم كلها صارت هباءً منثورا ما حركت ولا شعره ولا وقفت نصيبي

انتي حطي فبالج نفس الشي ان هذا مو نصيبج من جذي ماخذيتيه

 

[سيكلوجيه]

ماادري احسج توج صغيره ليش مستعجله عادي انا عمري 32 ولا تزوجت ومشاكل مريت فيها الله لايوريج بس الحمدالله ان شاالله كل شي خيره

 

[امنيه]

عندج وعندنا خير اخر واحد تقدم لي امي طرشته حق اختي بس شقول
الحمدالله علي كل حال ومحد ياخذ عير نصيبه

ويا رب الله يرزقج و يرزقني

 

[كتكوته نورة]

عادي عادي طوفي

ما يصير امج تقطع علاقتها عشانج بس ... عيل بتقعد بروحها .. والله كفيل اللي قطع رزقج

لا تشيلين على امج

والله يعينج يا رب

 

[اوتار الحياه]

الله كريم بيرزقك ويرزق جميع بنات المسلمين والمسلمات بالزوج الصالح يارررررررررررب لاتكدري خاطرك الدنيا ماتسوى

 

[قدسآؤيه قمر]

ما قصرتوا على كل كلمه الله يوفقكم


بس فهمتوني غلط ما قصدت انه ابي امي تقاطع اللي قطعوا رزقي

لكن ليش ما تقفهم عند حدهم ويعطونها اعتبار ناس تذمني وتقط كلام علي وانظلمت وانفطع رزقي


اللي تقول عني احس انج صغيره انا عمري الحين ٢٨

ما قصرتي الله يوفقكم ويرزقنا جميعااااا

 

[SEtO]

والللللللللللللللله خيرة ربي بيختارلج الزوج الي بتبجين من الفرحة
الزوج اللي يدهج

وياقلبي ماقطعو رزقج هم ربي كاتبلج زوج افضضضضضضضضل افضضضضل من ماتتصورين

وامج ترا تعبانة يا قلبي اكثثثثثثر منج بس اكيد ماتبين لج بس صدقيني كل لييلة تبجي تدعيلج ياقلبي يا امج

اصبري واحتسبي الاجر ونصيبج جاي جااااااي قرييييب

 

[غـرامـي أنـت]

الله يوووفقج ان شاءالله ويسعدج

 

[برستيجي مآركة]

ان شاءالله ربي يكتب لج زوج افضل من اللي خذوووه اقاربج ويوفقج وييسر امرج
وهذه امج طال الزمن ولاقصر...

 

[فطوم السعوديه]

معليه ياقلبي صبر جميل والله المستعان

وش بيدك تسوينه وماسويتيه ؟

ادري قهر وكبت وصمت واقرب الناس لك تحسينها بعيده عنك ومو حاسه بقهرك

بس صدقيني بترتاحين بعدين وبتعرف قيمتك هي ..

الله يسخر لك جنود السموات ولارض يارب ويصلح حالك