تعبت نفسيا " مملجه "

[انثى من الخيال]

تعوذي بالله من الشيطان الرجيم واقطعي علاقتك فيه نهاااائيا
من ترك شيئا لله عوضه الله خيرا منه

 

[جوهرة الرياض]

البدايه غلط والنهايه غلط


وانتي تعرفين الحل شنو ما يحتاج نصيحه احد يا قلبي الغلط غلط

لا ترخصين نفسك لو يبيك كان خذاك قبلها بس صدقينى نظريتهم للبنت الجرئه شينه

 

[شاهي بالحليب]

طيب اكذبي عليه ارسلي له رساله وقولي أهلي اكتشفوا اللي بيننا وسكرو تليفوني وغيري رقمك وخلاص
واقطعي علاقتك بقريبته ولا تطينها رقمك
ولا راح يخرب لك حياتك

 

[أزهااار]

انتي لو متزوجة وزوجج يكلم وحدة ويبي يشوفها
تررررررررررررضييين
ماترضين صح
فلا تخربين بيوت الناس انتي مقبلة ع حياة جديدة لا تخلين حوبة زوجته تدمر حياتج

والله يهديج الرياجيل مايشبعون لين ياخذون اللي يبون وقتها بيحذفج حذفة الجلب(تكرررمين)

 

[$نسيم الصباح$]

هو متزوج وإنتي متزوج شتبون بهالسوالف .لا تتطور العلاقه وسكري باب الحرام

 

[danaa]

اسمحيلى اختى انتى الحين شوفى اهوا متزوج ويكلمج باجر لو صرتى زوجته يبيكلم من وراج ويقول نفس الحجى انا مغصوب عليهاا الن ماعندة اخلاص لزوجته اشلون تبينه لاتقولين انا غير ويحبنى لا هذا اهو طبعه جذى صدقينى وكما تدين تدان والله وخرى عنا وارضى بنصيبج وتعوذى من ابليس والله سبحانه وتعالى اللى يترك شى الله يعوضه بشى احسن منه والله يهدين ويوفقج وبسسسسسسسسسسسسسسسسسسسسسسس

 

[نونةo0o]

غيري رقم تلفونج ، وانهي العلاقة بالمره وبدون اسباب وبدون اعذار!
واهتمي بعرسج احسن واستر لج

 

[نونينونو]

الله يهديج ان شاء الله ويريح بالج ويباركلج بزوجج ويحليج بعينه ويحليه بعينج

الاستغفاااار

 

[نورعيونك]

الحين 5 سنوات يعرفج ماخطبج وتزوج وخلاص وبعد ماملجتي صرتي حلوه
حخلاص انهي كل شي ليش تكمينه واهو متزوج وانتي مملجه يعنى شنو النهايه عبالج بيطلق عشان ياخذج

 

[قــل مـا تـشـاء]

ان شاااء الله تكونين تركتيه الحين
بس عفيه قلب عليج مملجه وتكلمين ريال متزوج ؟؟!!!!
ودامنه اهج رفضوه جان تقدم لج مره ثانيه وثالثه مافيها شي اللي يحب يسوي اي شي
بس يلا الخيره فيما اختاره الله الحين اثنينكم متزوجين توبوا لله وترا الشي اللي تسوونه تشوفونه بعيالكم !

 

[ELFAD3Ah]

ربي يهديج ويهديه

 

[Habibat Abooha]

حرااام انتي بذمت ريال
لاحول ولاقوة الابالله
استغفري ربج
امبيييه والله مو عارفه شقول
الله يستر علينا شهالزمن الاغبر

 

[جوك احلى جو]

وصدقيني صدقيني الله اذا التجأتي له بيحفظح,,,,,,,,

الكل يريدك لنفسه الا الله يريدك لنفسك

اهو الشيطان لاعب بمخه وعامي قلبه

لا تصيرين مثله

كوني احسن منه

لو يعرف يحب صح ولو حبج صح

جان ما دخل الشيطاان بينكم وجان ما استرخصج من البدايه

ذيك زوجته راح لها من الباب وانتي قاص عليج بالسر بأسم الحب

الحب مو جذيه يا حياتي

الحب كرامتي

الله كرم الانسان

نقوم احنه نذل نفسنا

وكل التعب اللي فيح لأنج ظلمتي نفسج


خلي نفسج فوق كل شي

عزه النفس تسوى الدنيا وما فيها

عين العقل كلامها اخذي اللي شاريج وخل عنج لو في خير جان كسب مرته مو يقعد يراكض ولا ورا بنات الناس ترا هالنوعيه موشي لاتاخذج المشاعر ترا بعد الزواج كل شي يتغير مهما يسوي روحه زين بيقعد يعايرج ان يعرفج قبل الزواج هذا نظامهم اللي عندنا محنا باروبا !!!!

 

[/كلي تعب/]

بنات ابشركم
تو اللحين كسرت الخط وبيغير فوني**
بس مو معنى هذا اني طول هالاشهر كنت اكلمه لااا ** اصلا مادرا عني
وكل شوي مسويلي فلم ان اهوه بالمستشفى او مسافر او مشغوول
وذاك اليوم شفته بالفيس بوك يسولف ويضحك مافيه شي ولما واجهته قال هذا مو انااااااااااااا!!!!!!!!!!!!!!!!!!!!!!!
عقب هالجذبه الصاروخيه ماعاد في شعره من الثقه حقي
حسبي الله علييييييييييييييييييييييييييييييييييييه
وعسى ربي يفكني منه ومن شره*******************

 

[ام احلى خلودى]

علاقتج معاه5 سنين سطحيه ويوم ملجتى صارت فون وتطورت @@@ الله يهداج بس

 

[cba girl : )]

انتي متزوجه وخري عنه لا تخونين ريلج بعدين الدنيا دووور ويخونج

بعدين شلون بقلبج حب 2 ريلج والي كنتي تكلمينه

تعوذي من بليس وحاولي توخرين كلنا حبينا وعشقنا وتعذبنا وحاولنا نبعد وقدرنا ع البعاد والله سهل لنا الحمدالله

 

[الملكهA]

خيووولي


توج مملجه وبالملجه تسوين بريلج جذي

لاتزوجتوا شتسوين

مو زف


بس عشاان يانبج ضميرج

 

[RoWaIsHeDyA]

لاتنسين ربج يعطيج يوم مثل ماقاعد تسوين بمرته الله يمهل ولايهمل وبيصير فيج مع زوجج

 

[Laidy n3ooma]

اذا ترظين ريلج يطلع مع وحده ويواعدها

طلعي مع حبيبج

 

[ماما فله]

حبيبتي الحل سهل وبيدج ومافي أي مشكله ان شاءالله
هو لو شاريج جان خذاج من الأول مو يتزوج غيرج
يعني السالفه واضحه هو مخليج للعب والتسليه وتضييع الوقت بدليل ان يوم صارت الصجيه تزوج غيرج
وبعدين هو ريال شنو مغصوب وين قاعدين هذا قاعد يجذب عليج ويلعب بمشاعرج
فكري بنفسج ومستقبلج باجر اذا ريلج درى وصارت فضيحتج بجلاجل وتطلقتي محد راح يفكر يخطبج حتى هو
ياما شباب ضيعو بنات باسم الحب وعقبها شفط عليها ويتزوج غيرها
تركيه خل يولي وغيري رقم تلفونج وقولي حق اخته انا متزوجه وعلى ذمة ريل وخل اخوج يفكني من شره
شنو ما يستسلم بسرعه شكلج انتي اللي ما تبين تهدينه بدليل كل ما تركتيه رديتي له
عالأقل احترمي الريال اللي مرتبط فيج وعطاج اسمه احترمي زوجته اللي قاعده يخونها معاج وهي مسكينه ما تدري عن هوى دارها
انسيه وابدي حياتج هذا شي بيدج انتي

انتهت المحادثه​