تعبت وابي تشجيع

[سلمى الهاشمي]

[[السلام عليكم جميعا انا عندي مشكلة و ابي لها حل سويت رجيم من شهر اربعة كان وزني 91والحين وزني 77 بس المشكلة اني تعبت وانا ابي اكمل علشان اوصل الستينات لكن مو قادرة او ابي نظام غذائي انزلني بسرعة بلييييز علشان لا امل حتى لو كان قاسي او هل الي انا نزلت خلال ثلاث الى اربع شهور زين ولا نزول بطيء اريد الجواب الله يعطيكم العافية

 

[ام الدرر]

ماشاءالله تبارك الرحمن :ggdw:حبيتي انتي نزلتي بحدود 15 كيلو بالعكس وايد حلو
اذا كنت مرتاحه على النظام اللي ماشية عليه ليش تغيرينه استمري
ممكن ترتاحين كم يومين وتردين تكملين او اشتركي بنادي كتغيير ويساعدج على النزول
موفقة يالغالية عسى الله يتمم عليج نزولج بصحه وعافية​

 

[احبك بس منت ملكي]

شوفي حبيبتي انتي ارتاحي شهر وانسي الرجيم والرياضه وغيره وسعي صدرك بس لا ترجعين
يعني كانك تلعبين على جسمك لان الجسم خلاص تعود على ذا الرجيم فصار يكفيه يعني ماتنزلين
وحاولي بين فتره والثانيه تاكلين وجبه دسمه تيب
وبعد الشهر ابداء رياضه لانك الحين جسمك حلو ومعى رجيم بس يكون بسيط موقاسي وبتشوفين
بس حطي حيلك بالرياضه

 

[sweet_fatooma]

حاولي انج ما تأيسين لأن اتني الحين بنص الطريج هذه اصعب مرحلة اذا وقفتي الحين راح ترجعين دبلات كملي لما توصلين وزنج اللي تبينه بعدين حافظي

 

[بطة رشيقة]

مشالله حبيبتى ربى يتمم عليج ابيه انتى مثل مشكلتى بالضبط بالضبط .. انا صارلى سنتين اسوى رجيم ونزلت الحمدلله نزوووول وايد حلو بس تعرفين شنو مليت احس ان لاعت جبدى من الرجيم بس متحسفه على روحى باجر ارد وانفرش كلش مو وقته لالالالا ما ادرى شسوى مليت مليت اول والله يا اختى لو شنو ما اخرب الحين على ادناه الدووون اكل واقول يالله ببدى باجر ,,, بس احس لازم اوقف مع نفسى وقفه واقول ستوووب انا كنت ابى اشوف الستينات بس ماكو قاعده احوووس بالسبعينات مره فوووق مره تحت .. يارب يارب يارب ربى يعينا وثبتنا ويخفف عنا يارب ...

 

[سلمى الهاشمي]

رد : تعبت وابي تشجيع

مشكورين حبيباتي على التشجيع الحلو او يعطيكم الف عافية

 

[Q8stylle]

ماشالله الفال لنا والله يتمم عليج
حسيتي بملل الان نفس النظام
غيريه ليش ماشيت قسم الانظمه الغذائية وتختارين لج رجيم

 

[ام عزيزان3]

حبيبتي بالعكس نزولج وايد حلو,,,لاتملين واخذي بريك بس اكلي علي الخفيف يعني موتنسين نفسج
وبعدين امشي علي نظام يديد وسعراته الحراريه مناسبه لوزنج يعني لازم تقللين اكلج الحين مونفس لما وزنج بال90
ولاتنسين المشي والحركه مفيده بالوقت هذا لان اصعب مرحله اهي الي انتي فيها بس الحلو ان نزولج كيلو1 يفرق بالشكل والمقاس لان نزول بالدهون الصجيه موالماي..
وكل فتره غيري النظام واخذي وجبه فري بالاسبوع ضروري لان الجسم يتعود علي الريجيم

 

[عسووولة]

ابي اضعف قبل رمضان وشكلى لا

سهر وبلعة وين نضعف

 

[صآعده تحت}..]

يلا يابنات

خلونا نسوي تجمع لمده شهر

ونشجع بعض :stars:

الله يعين

الى موافقه تراسلني بالخاص ونسوي التجمع

 

[منيرره]

تشجيعج الوحيد انج تحلمين بشكلج وانتي ضعيفة ولابسه بدله وخصرج خيال فيها

 

[al7anona]

رد : تعبت وابي تشجيع

انتي الحين قريب الستينات يعني نزولج ماراح يكون سريع

اذا مليتي ابدي بنظام منوع ويديد ومافي حرمان لاتستعيلين والعيله مامنها فايده

خلاص الحرق اعتقد قل بجسمج لانج مشاءالله نزلتي من وزنج

خلج ع الراحه واخذي كل اسبوع وجبة فري وعيشي حياتج وشوي شوي تلقين نفسج واصلة للي تبينه من غير ماتفكرين وتحسيبين وقت معين

وحتى لو وصلتي للي تبينه امشي ع نظام تخفيف ووجبة فري كل اسبوع ولا يروح التعب

استخدمي الصحن المقسم واكلي من الموجود بكمية خفيفه والعشى خففي النشويات ورياضه بسيطة وان شاءالله الله يقدرج وماتملين