تعبت والله تعبت شنو الحل مع حمولتي؟

[رواضي قطر]

الله يعينك

 

[بعدك طيـب]

والله ما ادري شقول بس هاذي امه

 

[عبث طفله]

عادي خليــها تسأل وين بتروحون عادي ..

وكيفها حرمه وولدهــااا اذا اهو عنده عادي انتي ليش متضايقة

البنت قالت حطو نفسكم مكاني !!!!!!!!!!!

يعني انتي لو مكانها عادي عندج كل طلعه مع زوجج لازم احد معاج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اكيد الوحده تتضايق ..ماله حريه باختيار اللي تبي .. وتبي تكون لها دكريات مع زوجها مو مع مرافقين 24 ساعه
حب لاخيك ما تحبه لنفسك

 

[* الجليلة *]

الله يعينج
كلمي زوجج وفهميه السالفة عدل وبهدوء
ومو لازم كل ما يطلع معاج يقول لهم
اهو اذا بيروح لعرس او مشوار خاص فيه يقول لهم وين رايح؟
طبعا لأ اهو رجال ما يستأذن من اهله

وهم حاولي تحلين المشكلة بطريقة غير مباشرة لين يتعودون انكم تطلعون بروحكم
خاصة انهم تعودوا على هالوضع 4 سنبن وانتي ساكتة
قبل ما تطلعون بيوم او يومين خليه يسألهم اذا محتاجين مشوار او سوق او غيره
وخليه يوديهم بروحهم وعقب انتي روحي معاه مشواركم بروحكم

او اذا اسألوج قولي انج معزومة عند رفيجتج ولا تعطين تفاصيل
واطلعي معاه بدون ما يدرون

او اذا كنتي عند اهلج خليه يمرج واطلعوا واستانسوا وردي بيت اهلج

او اطلعوا بوقت ما يكونون بالبيت او بوقت مو مناسب لهم
ومن هالسوالف
والله يوفقج

 

[المحبه للاستغفا]

صارحي زوجك ان ماعندك مانع يروحون معكم اهله بعض المشاوير بس وكل مشوار

قوليله ابي اخذ راحتي معك بروحنا نبي نسولف في السياره ونتمشى في السوق على راحتنا من غير مايصير معنا احد

فهميه بطريقتك وبأسلوب حلو

موفقه يالغلا

 

[om_dodo]

سهالات ان شالله

 

[آتعــبني غـلآآك]

الله اربع سنين على هالوضع الله يعينج
طيب اذا مايقدر يحاجي امه طلعو وهم مايدرون
مو لازم يقولها

 

[HaYoOoMa]

طلعي بالخش والدس ...


انا مرات يسالووني انا وزوجي وين بتروحون ولا شعندكم

نقوول مشوااااااار !! شووي وراجعيين

ومشالله عاد تتسلط خالتي بهالوقت كل دقيقه تدق ما يحلالها ولدها الا معاي

 

[AtoooMi]

حبيبتي الله يعينج و يصبرج يارب

و انا بعد حالتي حاله مع ام زوجي تتدخل بكل صغيره و كبيره بحياتنا و زاد هالشي عقب ما ولدت بنتي تحاسبني على دخلتي و طلعتي و حتى روحتي بيت اهلي تحاسبني عليها !!
هذا غير التعليقات اليوميه !
و غير هذا بعد مافي خصوصيه بيني انا و زوجي و اذا قفلت باب شقتي تعصب و تقول ليش قافلين الباب !
غير الغيره من كثر ما تغار و تخاف اخذ ولدها منها ما تخليني اسويله اي شي و تشيشني عليه !!!!

حييييييييييييييييل تعبانه و مادري شنووو الحل معاها

واللي تقدر تفيدني و تساعدني لا تبخل علي


و عسى الله يعين الجميع

 

[كادى الحب]

اللة يعينج

 

[dectora 7elwa]

الله يعينج
المشكله صعب يتفهم اذا تكلمتي عن انه

 

[فيصل مطر]

اذبحيها واخلصى منها ولك الاجر

 

[الفدنه]

الله يكون بعونكم..
الصراحه مو حلوه كل مشوار معاكم جنهم محرم..

 

[om MaRyooM]

امبيييي الله يعيييينج شلون متحملة

بس ميخالف صدقيني ماخذة اجر بصبرج وسكوتج


وماتقدرين تمنعينهم هذيلة اهله .. دامه اهو ساكت انتي ماتقدرين تحلين الموضوع

بس حسسي زوجج ان ودج بالحرية وخصوصية معاه

ولو تبون تطلعون على يوم قوليلهم رايحة عند اهلج او احد من الاهل عازمكم مو معقولة بعد احد بيلزق فيكم !!!

او قولو ماندري

او اي عذر ثاني


شكله زوجج وااايد معطيهم ويه .. اهو مسؤول عن امه فقط . .اما الباجي صراحة لأ انتي واهوا أولى بالحلال من غيركم

 

[عشقي الجنوب]

الله يسعدكم والله ماتتخيلون شكثر خففتوا علي واللي يقول امه وهله ومادري شنو انا ماقلت له لاتوديهم ولاعمري تكلمت فيهم عنده بالعكس والله اوصيه عليهم حتى دايم اقول له لا تسال امك تبي فلوس مد يدك من دون السؤال يمكن تنحرج منك -واللي تقول انا شكيت من زوجة اخوي فيه فرق هي همها الماده والا انا ماعمري فكرت بالماده صدقوني ان الله مبارك في مالنا مع انه يصرف صرفيه مو بصاحيه صاير المسؤل عن الكل بس الله العالم بالنيات -غرضي من طرح الموضوع محتاجه نصيحتكم اصارح زوجي والا شنو ؟

مشكلته انه فاهم البر بشكل مبالغ فيه ,لدرجه انها لو طلبت منه شئ مايرغبه او بالأصح مايجوز شرعا لباه لها وانا يقوم الدنيا ويقعدها وكل شئ لأهله مافيه شئ وأنا الأ فيه وفيه ؟

اللي منعني لا أصارحه مره كنت ابكي وجاء شافني قال فلانه ايش فيك؟قلت امك جانا ضيوف وصايره تكلم في اهلي من بعيد لبعيد بس طبعا الضيوف مايخفى عليهم المقصود جيت برد بس تعوذت من الشيطان قلت يمكن ماتقصد بس المشكله انها استرسلت في الكلام فعرفت انها متعمده ومع ذلك سكت احتسبها عند الله ومره كبر امي وحشمه لزوجي وعشان خاطر ولدي كل هالأشياء اجبرتني ع السكوت وما اقول الأ حسبـــــــــــــــــــــــــــــــي اللــــــــــــــــــــــــــــــه ونعـــــــــــــــــــــــــــم الوكيل

المهم تدرون ايش رد حملني الغلط وانتي حساسه وتسيئين الظن وتكبرين الأمور ومادري شنو الحين انت شبيت لأني قلت امك قالت كذا وانا امي واهلي ينهانون قدامي واسكت .....عشان كذا ماعاد حبيت اصارحه ولا اقوله اللي في خاطري


ومره ثانيه اللي يسهل اموركم ويفتحها في وجيهكم يارب

 

[عشقي الجنوب]

زوجك شو موقفه من كل هالشي ؟

موقفه هذولاء اهلي مايهون علي اضيق خطرهم بس انتي كلي هوى هذا موقف زوجي للأسف

 

[* الجليلة *]

عادي اختي تصرف زوجج اغلب الرجاجيل يسوونه ويدافعون عن اهلهم حتى لو من داخلهم مو مقتنعين
ويدرون ان اهلهم غلطانين وان الحق معاج بس ما يقدر يصارحج بهالشي
وحتى لو دافع عنهم عقب بيقعد بروحه وبيفكر بالكلام اللي قلتيه ويمكن ينتبه اكثر لتصرفات اهله معاج وبيعرف ان الحق معاج

انا ما اشيشج على اهل زوجج واقولج قوليله كل تصرف ما يعجبج منهم
بس لكل شي حد
انتي كلميه بالامور المهمة واللي تعدى حدها وحقوقج كزوجة

وعليج بالدعاء
والله يوفقج

 

[ماركة انثى]

الله يعين

ماردهم يطخون اذا كنتي ببدايه زواجج ​

 

[دلوعة حمني]

حبيبتي الشكوى لله ... بعد انت قلتيها زوجج عنده اهله اهم!

خلاص قوليله خلي طلعة خاصة فيني بالشهر محد يطلع فيها معاي غيرك انت علشان اشتري اشياء لي من غير محد يأذيني

والصراحة الله يعينج

 

[يا كويتنا]

باختصار



اذا اتحبين زوجج تحملي اهله