تعبت والله تعبت

[ملكه بكبريآئي]

اهم شي لاتاخذين من اهلش .قولي ولدك يبي ويبي حليب بامبرز ملابس اكل .. خلي يدري ويشوف ان ولده ان ماوفرله قعد بدون شي فانتي ان خذيتي من هلش صارت سهله عليه ..خليه يضطر يقول لمه لا ماقدر عندي ولد يبيله مصارف

 

[Miss.6Mo7]

الله يعين , عليهآ جشع وطمع مو طبيعي ..

 

[A_M_A]

شوفي انا اقولج خلييه يعطييها واسكتي

لاتقولين لا وشلون نصرف

انتي اسكتي وطولي بالج شوي

وشوفي شلون راح يصرف على ولده

اهو اكييد اذا ضااقت علييه راح ينفجر ويتكلم ويفهم امه

خليها تطلع منه اهو كييفه

والله يعين قلبج على هالخاله

 

[Sweetq8]

الله يشغلها بنفسها

 

[OM 9ALO7]

برايي بما انه ما نفع معاه لمه كلمتيه خلاص انتي تاقلمي مع الخمسين الي يعطيج واهوه ملزوم بولده راح يشوف انه مصاريفه وايد وراح يتكلم مع امه بهالخصوص اكيد .. انتي عليح الاستغفار وسورة البقره شغليها بشقتج وتوكلي على الله ولا تطلبين من اهلج واذا قالج طلبي من اهلج قوليله ماقدر انا على ذمتك الحين عيب اطلب منهم وان شاءالله تنفع معاه

 

[Om.3bo0od]

والله كل اللي تقولونه سويته بس ماكو فايده
لي عطاها فلوسه ورجع يبي منها فلوس حق بانزين حق سيارته
تزف وتصارخ وتطرده برا البيت مع ان فلوسه كلها عندها
بس ماادري اشفيها
والمشكله الحين زادت جدته ام ام كويتيه والحمدلله مو قاصرها
اي شي اتقوله عطني ٣٠ دينار كل شهر من مصروفك
يعني بالله شالناس هذيل
انا قتله اذا بتعطي اي احد ماني قاعده بالبيت دام ان اهلي اهما يصرفون علي خل يصرفون
وانا فبيتهم ليش يصرفون وانا عندك
اهو ي حياتي اللي ضايع بين امه وزوجته
وانا مابي امه تدعي عليه او على ولدي لان مهما كان دعوه الوالدين مستجابه
خايفه ربي فيها بس ماكو فايده


قاعده ادورلي شقه
صغيره بالجهرا بس مافي كل الاجارات غاليه
امي وخواتي بيدفعون لي
اللي تعرف ياليت اتقولي

 

[ąғỗỗq สℓώả9ғ]

الله يهداه لج
يعني حرام احين انتم تبون مصرف اكثر عن قبل ليش تاخذ 100 منكم
الله يرزقج حبيبتي ويكون بعونج يارب

 

[ماني من الناس]

مفروض يشتغل بعدين يتزوج

الحل انه يشتغل ويدرس بنفس الوقت

 

[((shoOoshoOo))]

ربي يهديهاااا
والاعانه انتي وريلج اولى فيها
اهيا ماشاء الله ربي مغنيهااا ..

 

[شموسة كيوت]

الله يعينك ويصبرك

والطمع ماله علااج

كلمي زوجك مرة وثنين وثلاث امكن يقتنع واصلا الحين يشوف بعينة مصاريف البيبي كيف بيصرفها له

 

[BubbLe87]

حبيبتي انتي الله يكون بعونج يا اختي كثري استغفار والله انه مفعوله سحري و عجيب
يفتح لج ابواب الخير من كل مكان و صبري و ربج كريم
و كله قولي اللهم اكفنيهم بما شئت و ربي يعينج
طمنينا عليج

 

[BubbLe87]

حبيبتي بقولج شي عن دعوة الام اذا كانت بالباطل يعني دعت عليج و اهي ظالمة او مالها حق ما تصير و عندي مثال
وحده امها دعت عليها انها ما تحمل و كاهي عندها بنت عمرها ستة الله يحفظها
الزبدة اللي بوصلج اياها انه ربج اهو الحافظ لما تكون الدعوة مو ابمحلها

 

[أم حورية]

لا يعطيها ... خل تستحي على ويهها .. هذا وإهي ناظرة وعندها راتب وكادر و بطيخ مناشبته على 50 ؟؟
ما تستحي ؟؟ بدال ما أهي ينكسر خاطرها عليه و تعطيه من معاشها .. ياية تناشبه ؟؟
لا يعطيها وإذا نزلت له 200 وإذا قالت عطني خل يقولها آسف يمه أنتي على عيني وعلى راسي بس آنا عندي بيبي وهالبيبي يبي حليب وحفاظات وملابس وغير الأدوية لا سمح الله إذا مرض
هذا زين اللي زوجج ولدها مو ولد الجيران ولا متبنينه .. أعوذ بالله من هالأشكال

كلامها عدل

خلاص اهلج كفو ووفو وبجذي راح يتعودون انج تاخذين من اهلج العمر كله حتى اذا اشتغل وشافت انج شايله عمرج راح تتمادى

مو لازم تطولون لسانكم بس خل تفهم الحين الله عطاكم ياهل واذا تمادت اسمحيلي لازم تدخلين اهلج بالموضوع

معاني ما اايد هالحل بس معاج لازم يتدخلون لان رزقة وييت من الله ان زادوه ليش تاخذهم !

 

[SWiiiRZ]

الله يعينج
حسبي الله ونعم الوكيل
و يارب يهنيج مع ريلج
و يغيرها و تصير احسن
والحمدلله على سلامة زوجج
والحمدلله على سلامتج و على البيبي يتربى بعزكم يا رب

 

[قطوة@@]

مو قد المسئوليه المفروض ما يتزوج من الاساس و الحين عنده ولد لازم يدرس و يشتغل

 

[منال $]

معلش طولي شي بالك
وبس ترجعي بيت زوجك احكي مع زوجك وفهمية انة الان الوضع تغير وانا لما كنت انا وانت لحالنل ال100 ما بتكفي فكيف لما صار عنا بيبي

 

[حبيبي مالكني]

الله يعينج حبيبتي
والحمدالله ع السلامه
كلمي ريلج وقوليله ان اليهال يبيله مصاريف وامك ما عليها قصور
والله يهديها ويسخرها لج
وانتي تعاملج مع خالتج راقي يدل على حسن تربيتج

 

["وسم"]

الحل انه يشوفله شغل
ينظم وقته بين الدراسة والشغل
والله كريم
عليج بالصدقة يوميا حتى لو ٢٠ فلس

 

[^_^ Coco Chanel]

والله قطعتي قلبي
الله يعينج صراحه، بس اشلون من اول اهلج وافقوا ؟ وانت شلون فكرتي في الموضوع؟

حبيبتي الزواج مسؤولية مو سالفة عرس وريال وشكراًَ ...

ان شاء الله ظروفج تتحسن

 

[english muffin]

ااعوووووذ بالله منها !!!!!!
صراحة ماعرف شاقول
الله يفرجها عليكم يااااارب وتفتكين منها