تعبت وانا مااستاهله

[لولو كـاتي]

هلا اختي قبل لا تقدمين على اي خطووه

اجلسي مع نفسك شوي وتخيلي انك لاسمح الله تطلقتي

طالعي الامور من جميع النواحي هل تتوقعين حالك بيكون افضل؟؟ مع اني ماعتقد هالشي

الشي الثاني انا اتوقع اللي فيك يمكن ضغط من اللي حولك علشان موضوع الحمل

مع خوف داخلي من ان ممكن تجي اي لحظه يتخلى عنك ويتزوج غيرك

سوال هل تتوقعين موضوع الحمل له تاثير عليك من ناحيه انك ماتحبينه؟

لاتتسرعين حبيبتي والله يرزقك بحبه لك ويحبك له والذريه الصالحيه يارب

 

[قاهره عذالي]

هذاا فسق
قولي الحمدلله على زوجك

 

[Tom ♥ Jerry]

.


جم صارلكم متزوجين !
اذا قلتي سنتين ، سنه وحده يعني طبيعي ومع الايام بتحبينه : )

حآولي تتقربين منه !!!
وتركي كل شي اييبلج المشاكل وياه
او يخليج بعيده عنه

 

[فلسفة جرح]

لاتتطلقين دامه شاريج وخايف ربه وغير هذا عندج يهال انتي حاولي تغيرين من نفسج شوي سولفي معاه شوي تعرفي عليه أكثر وانتي متزوجته من خمس سنين يعني معقوله ماتحبينه كل هالسنين ؟ سوي معاه ليالي بفنادق والله بتحبينه انتي لانه فيج برود شوي وعلشان جذي كرهتي نفسج وكرهتيه ولا تعترفين له انج ماتحبينه !! هو يحبج بس هو بعد فيه برود بس اهم شي تدلعينه وتونسينه ولا تنسين عيالج شوفي اذا غيرتي هالاشياء كلها اللي فيج والله بتتغيرين وبتحبين ريلج بس لانج مو ماخذه راحتج وايد مع ريلج معنى صارلكم خمس سنين علشان جذي !!

 

[عـِرۈۈق قلبــه]

لا تتطلقين
​

 

[سكوتي بذوقي]

احمدي ربك ياختي

غيرك يحبون ازواجهم وأزواجهم خونه

مدام اخلاقه عاليه ولا فيه شي مو زين ليش تطلقين ؟

ولاتقارنين حياتك بحياة غيرك راح تتعبين

الله يهديكِ يارب

 

[بانانا]

مافي مرا ماتحب زوجها بس انت مو حاسه لانه جدامج
خل يوخر عنج فتره ولا يسافر شوفي شلون بتشتاقين له بجنووووون
وبتحسين نفسج تحبينه لمرحله الشغف

ذكري الله
وتعوذي من لشيطان هذي وساوسه الله يلعنه

 

[غدووور الكويت]

كل هاصفات الزينه فيه وما تحبينه عيل الخلل فيج
خافي ربج واحمديه على هالنعمه وحافظي عليه

 

[زبده جلوه]

لاحول ولاقوة الابالله صج مانتي اصيله

ترفسيييين النعمه

اقولج شي هو اللي خلاج ماتحبينه

لاانج ماتغضين النظر عن الرياجيل عيون شكبرها خز بشباب
ومو عاجبج زوجج هاذي ترا اكبر مشكله

استغفري ربج وخليج على زوجج الطيب اللي يحبج ومرتاح وياج
وغضي النظر عن غيره

اكيد زوجي لو يشووف كل يوم وحده احلا مني ولبسها وجسمها كل يوم يشووف الاشكال هاذي راح يجييه برود من ناحيتي وانتي ماجاج برود منه الا شايفه وماتغضين النذر الناس اشكال وانواع والله خلق وفرق لكن الحق حق
خافي ربج في نفسج وفي زوجج واتقي الله

 

[a7la_7b]

أنا أقولج حمدي ربج وحبيه

 

[يفداك قلبى]

:eh_s(11):السلام عليكم بنات شلونكم وشخباركم
خواتي انا ابي اقولكم بختصار موضوعي ومابي اطول عليكم وتاكدو ماكتبت موضوعي الا ابي النصيحه ثم النصيحه وماخاب من استشار
انا متزوجه واحد اشهد بالله مو مقر علي بشي وخايف ربه صايم مصلي وماعنده خرابيط ويدور رضاي وقلبه نضيف وعلا نياته وصارلي ماخذته خمس سنين مافيه حب من ناحيتي ما احبه صج تعودت عليه واخاف اتركه بس ماحبه والله لما اشوف غيري عايشه حياتها صج متعذبه بس تحب زوجها احس حياتها افضل مني والله انه صار فيني بروود من ناحيه وفوق هذا اخاف اتطلق وبصراحه فكرت اعترف له اني ماحبه
بنات لاتقولون الحب مو مهم لا وربي الحياه بدون حب ممله احساس يخنق
واقول يمكن لو عندي جهال تتغير نظرتي له بس طبعن كل شي بيد ربي
بناااات قولولي اطلب الطلاق وارتاح ولا بندم بعدييين
الله يجزاكم خير

لا الحب مو مهم
الزواج اهم
واسالى البنات اللى مشى عمرهم ما حصلو واحد يشبه مواصفات ريلج
اقولج حمدى ربج وخلى سوالف الافلام المصريه تولى
اذا ما تبينه قبل لا تطلبين الطلاق منه ..........لا هنتى روحى خطبيله وحده تستاهله
وسالى امج خذت ابوج عن حب ولا لاااا


ردى قاسى صج
بس ابيج تتعضين اللى عندها هالدانه تقضبه عدل وتحمد ربها قومه وقعده

 

[بيتي بوب بس كويتيه]

ظلي مع الي يحبج ويعزج حتى لو ما تحبينه
ولا تاخذين واحد يذلج وانتي تحبينه
انتي لانج فاضيه تفكرين هالتفكيير لو تشغلين نفسج بشي ما راح تفكرين جذي

 

[بطوووطة$بيضة]

وااااااي هذا مواصفات الريال اللي ابيه حبيبتي تطلقي منه وعطيني رقمه ناطرتج...

 

[ماحب اتدلع]

ألحق الي يحبك وانسى الي تحبة ياقلبي

هاردلك
<< على شنو يعني بالضبط؟

 

[أم الليالي]

إخذي اللي يحبك ولا تاخذين اللي تحبينه ... ما من الحب إلا القهر والعيشة السودااا ،،، إحمدي ربك على كل حال وديري بالك على ريلك

 

[أم الليالي]

بطوطة بيضة ردك يهبلللللللللللللللللللللل

 

[غلاي رورو]

تعوذي من ابليس

وهيئي لنفسك انك تحبيه وبتلاقين نفسسك ميييييته علييييه

الانسان هو الي يتحكم بحياته

 

[Beauty is Me]

ما في شي بالزواج تعودت عليه

انتي تحبينه
متمسكه فيه

خايفه تتركينه

انتي تحبينه
بس
مادري شنو مفهوم الحب بنظرج

ما تشتاقين لمن يطلع
ما تحاتين لي تاخر

ما تنامين عدل اذا صخن

ما تتخيلين انج تفقدينه لا سمحالله

ما تعرفين عطره المفضل
الاكله اللي يحبها

ما تميزين ريحته في البيت

امبييي

يعني
مادري شلون اشرح لج

مرات الانسان يظلم نفسه بقرارات

اكيد من خمس سنين
تذكرين موقف قلتي فيه
( ما قصر والله)
( لو غيره جان ما تحمل)

مرات وايد تصير لخبطه مشاعر
فكري مليون مرة قبل لا تقولين له ما احبك

زوجج وايد زين وبهالزمن ذهبة
وانتي مبين عليج طيوبه وذهبه بعد

يمكن الفراغ مخليج توسوسين وتنبشين وايد
يمكن ليحن ما ياكم بيبي ممكن مثلا عقلج الباطن يوحيلج انه السبب

مادري اخاف اشرح اجرحج من غير قصد لان موضوع الاطفال حساس


الله يهدي سركم ويوفقكم

 

[OM BARAK]

لاااااااااتصارحينه حرام عليج تكسرين قلب الريال اللي ما قصر معاج بشي!!

الحل: روحوا عالجوا لين انشالله تحملين. انتي اللي ناقصج الامومه​

 

[Beauty is Me]

شوفي حبوبه

انتي ما تحبينه

بس هل تكرهينه؟

اهلنا دايم يقولون الحب مع العشره يي

فكررررري مليووووون مرة
وتعوذي من ابليس