تعبت وبنتي تعبانه اكثر مني.....

[قطعة حلا2]

السلام عليكم.....كل عام وانتم بخير,,,,بنات اتمنا القى الحل عندكم لاني وصلت مرحلة العجز والتعب في وقت وواحد...
انا عندي بنت عمرها 7 سنوات قبل 3 سنوات ونص تطلقت من ابوها وانا نفاس بولدي,,,بنتي كان عمرها 3 سنوات وكانت فرفوشه وقويه ودايم تظحك وماتشتكي من شي,,,وكانت تحن علي وانا نفاس نرد بيت اهلها وابوها ولما طالت مدة قعدتي عند اهلي زادت حنتها علي حنتها وكان لما ابوها يجي ياخذها تناديني:eh_s(11): ماتدري اني تطلقت...وفي يوم من الايام ارجعت من ابوهاا وهي شويي بتنفجر والله ووجهها ازرق خانقه عبرتها تدرون ليه ولد عمتها كبرها بالضبط تهاوش وياها هناك وقال لها امج تطلقت من ابوج ومايبيها تخيلوووا اطفال ويتكلمون ويعرفون الطلاق...وقعدت تبيكي وتبيكي وانهارت والله يابنات اني قعدت ابكي معها..
ادري طولت عليكم بس ارجوكم شفوا وش صار لها...صار انها كل ماقامت من النوم تشكي من الالام في بطنها...وسويت لها تحاليل وطلعت سليمه ولما شافتها الدكتوره قالت اللي فيها الم نفسي مو عضوي,,,,وماعطتني اي علاج..
المصيبه انه هالكلام من 2008 ولي ساعتكم وبنتي يعورها بطنها:eh_s(16):وكل مالها تضعف وهالاياام قلبها يخفق بسرعه ودايم عصبيه...بنتي تعبتني ووالله تعبت وعلا فكره كا مالها تضعف وغير كذا انها ماتاكل في المدرسه عطوني حل الله يوفقكم في هالشهر الفضيل:yaaaaaarb:

 

[قطعة حلا2]

بنتي حساسه وتحب ابوها حييييل ودايم تفكر فيه ودايم تسالني ليه تطلقتوا وابوها تزوج وجاب نونو وهي من جاء هالنونو وهي تقول بابا مايحبنا بس يحبه....مدري شنو اسوي وياها

 

[المستغفرة 74]

الله يكون بعونج وبعونها

 

[فتاةالمطر]

أسأل الله العظيم رب العرش العظيم أن يشفيها

 

[قطعة حلا2]

اللهم امين,,,مشكورين خواتي عالدعوات,,,,

 

[قطعة حلا2]

اب اب اب

 

[Melazlaza]

عرضيها على طبيب نفسي والله يشفيها يارب ويفرحج فيها

 

[Fajory]

حبيبتي دايما اقري عليها قرآن ( الفاتحه والمعوذات والبقره ) لا تخلينها بدون قرآن .. مرة اقري ومره حطي بالبيت .. القرآن فيه شفا باذن الله وعليج بالدعاء بعد ترى النفسيه موزينه تييب الامراض
الله يكافيكم الشر.

 

[aem...]

حبيبتي دايما اقري عليها قرآن ( الفاتحه والمعوذات والبقره ) لا تخلينها بدون قرآن .. مرة اقري ومره حطي بالبيت .. القرآن فيه شفا باذن الله وعليج بالدعاء بعد ترى النفسيه موزينه تييب الامراض
الله يكافيكم الشر.

:eh_s(15)::eh_s(15):

الله يشافيها ان شاء الله وانتي كلمي ابوها عن الي صارلها وان شاء الله ترجع لطبيعتها واحسن:yaaaaaarb:

 

[ريجو]

الله يشافي بنتج يارب
وكلمي ابوها وديها الدكتور نفسي
حاولي تتقربين منها ودلعيها ولاتقصرين معاها بشي

 

[عروس الشام]

هلا حبيبتي اول شي الله يشفيلك ياها يا رب ثاني شي الدعاء ولا شي غير الدعاء ولا تقنطو من رحمة الله ثالث شي نحنا نفكر الاولاد صغار وما يفهمون بالعكس هم يفهمون ويحسون قبل منا لازم تقولي لابوها كل شي قالته ولازم ابوها يحاول يلعبها ويدللها جدام البيبي لصغير ويحاول يكلم البيبي عنها وهي قاعده معاه يعني يعطيها اولويه لبنته مع البيبي ويحاول يجيب هدايا لها ويقولها هذا اخوكي قالي اجيبهم لانه يحبك ثاني شي لازم انتي لازم تتكلمين بايجابيه عن ابوها قدامها يعني بابا يحبك بابا ما يزعل منك ولا مني بس نحنا كل واحد بروح لاني انا عندي شغل وابوكي عنده شغل بس ما نكره بعض وبابا بحبك عشان هيك جبلك بيبي صغير عشان يجبلك هدايه يعني بالمختصر ارفعي معنوياتها وحسسيها ان هي الوحيده بحياتك وحيات ابوها وان شالله الله يشفيها واتمنى ان المشاكل يلي بين الام والاب لا تطلع لاولاد لان هم الخسرانين الوحدين واسفه اذا طولة السالفه

 

[ماجين]

اقري عليها قرآن لأن اذا تحاليها زينه فهذا معناته ان العوار من نفسيتها و إن شاء الله القرآن يهدي نفسيتها و الله يفرج عنكم إن شاء الله

 

[zaina alotibi]

90 بالمية من شكاوي مغص البطن عند الاطفال مالها سبب عضوي وسببها نفسي خصوصا حالة بنتج الله يحفظها انفصال وابتعاد عن ابوها
اذا شكت حاولي تنسينها وشغليها بأي شي تحبه ..... والله يعينج ويعينها

 

[دلوعة المنتدى]

الله يعينج ياا قلبي
up
up
up
لعيوونج الحلووه​

 

[قطعة حلا2]

الله يوفق كل واحده ردت علي وينولكم اللي في بالكم...
بنات ابوها من طلقني ماحجيته ولا كلمني ومابينا اي اتصال,,بنات ابوها يحاول يقهر بنته فيني يعني مثلا...بنته قالت له بابا اذا تبينا انام عندك حط لنا غرفه مع العلم انه عنده بشقته غرفه زايده كنت بخليها غرفه لعيالي بس صار الطلاق,,,المهم قال لها ان شالله والله ياخواتي عقب مامر علا هالطلب اسبوعين الا اهوا يناديها قال تعالي فوق بنتي استانست حسبالها انه ابوها حط لها غرفه تخيلوا دخلها شقته وطبعا زوجته توها مطلعه من النفاس وقال البنته تعالي شوفي داري ووراها داره الجديده وشافت سرير اخوها اللي من ابوها وكتمت بنتي بصدرها وماقالت شي..ولما ارجعت انفجرت بكي اتقول ياماما صابغ غرفته وحاط غرفه جديده لزوجته....بنتي تحب ابوها لكن ابوها يحاول يخلي بنتي توصلي انه مو مقصر مع زوجته,,,يعني بيي يقهرني مادرا اني مادريت عن هوا داره....
بنات انا بقرا عليها بس هل القراه القران كافيه لها يعني مااوديها الدكتور نفسي...وعلا فكره انا مو مقصره معها بس ماودي ادللها كثير عشان ماتدلع لا كبرت