تعبت !!

[.،:"$الـعـوبــــة$":،.]

:aha:،، السلام عليكم ،،:aha:
اخباركم يااحلى كروشات وغير كروشات وعسى الكل يصير عنده كرشه بس على شرط يكون فيها بيبي ان شاء الله !:eh_s(4):
المهم بنات ،،
أنا تعبت وربي تعبت !!:eh_s(16):
والله يابنات النوم عندي تعذيب مو راحة !!!
وروكي تعورني حيييييييييييييل ! بتقولون طبيعي ! ادري !
بس مو لهدرجة !! لدرجة اني كل 10 دقايق لازم اقلب ! شهالنومة !!!:cxxxp:
وروكي تشب علي تعورني بمثل الحرارة والنغزات !!
وبعدين يعني !! انا توني بالسابع !! لي متى بنام كذا !!
منو نفسي ؟؟ ومنو عندها حل الله يجزاها كل خير ياربي !!:yaaaaaarb:​

 

[احب المنتدى]

رد : تعبت !!

اب لعيوووووونج

ان شاء الله كله باجره

 

[virgo88]

الله يعينج انشالله ويسهل عليج

 

[لهفة المشتاقه]

انا نفسج بس الحين انا بالثامن وربي احس صيخ بظهري
مااقدر انام لدرجه رمضان مااقدر اصومه من التعب
والوعه اللي تجيني من صباح الله خير
استغفرلله متى اولد وافتك وربي ابي ارتاح
الله يكون بعونا وعسى يسهل علينا ولادتنا
ويكون البييبي سليم

 

[ملكه الحطب]

اوووووف هذي انا الحين مو مرتاحه بالنومه الف يمين احس شي حاشرني تحت صدري الف يسار من العوار اللي فيني مااقدر انام على ظهري مااقدر ماارتاح كلشششششش ارفع رجلي شوي واتعب وودي انام ساعات متواصله

 

[بنت الدسمه بسمه]

والله يا العوووبه الله يعينج صج

صج عذاب انا بالتاسع واذا صارت حزه النوومه اتعومس واتضايق لان اكون حدي دايخه وموقادره انام من جنوبي

الله يعينا يارب

هذا غير وانتوا بكرامه كل 5 دقايق لازم اروح الحمام

 

[سعادات]

الحامل والمرضعة لو مش قادرة تصوم لا تصوم ولا تعيده فى اية كريمة لهذا رقم 183 الى 184 سورة البقرة

 

[الفنانه79]

رد : تعبت !!

الله يهوووون عليج يارب

شوفي مااااااااااااااالج حل الا المخده الطويله

روحي محل في الافنيوز فوق يم ريفا او اقباله اسمه (ماذر هود) عندهم مخده طويييييييله اتحطينها بين ارجولج اتهبببببببببببببببببببببل مريحه حيييييييييييييييييييييييييل للحامل


شوفي نفس هذي

لينه اتهببببببببببببببببل وان شاء الله بترتاحين

بس عموما لااااااااازم الحامل من الرابع او الخامس اتحط مخده بين ارجولها علشان اتوازن الجسم مع البطن وترتاح ​

 

[لوكي 22]

عيل انا شقول بالتاسع واستغفرالله صاااااااااير فيني ارق من هالتعب خلاص ماقمت اعرف انام

مالج الا اجربين وضعيات بس بالمخدات الي حاطتهم الفنانه والله يعينا

 

[فديت قلبه]

رد: رد : تعبت !!

الله يهوووون عليج يارب

شوفي مااااااااااااااالج حل الا المخده الطويله

روحي محل في الافنيوز فوق يم ريفا او اقباله اسمه (ماذر هود) عندهم مخده طويييييييله اتحطينها بين ارجولج اتهبببببببببببببببببببببل مريحه حيييييييييييييييييييييييييل للحامل


شوفي نفس هذي

لينه اتهببببببببببببببببل وان شاء الله بترتاحين

بس عموما لااااااااازم الحامل من الرابع او الخامس اتحط مخده بين ارجولها علشان اتوازن الجسم مع البطن وترتاح ​

عجيبه فكرة هالمخدات ..
انا اسوي جذي بس بطريقه حدها بدائيه بمخده عادية وكل شوي اعدل فيها
ويني عن هالفكرة ...!!!!!!! صج تكلنوجيااااا.؟؟؟؟ :eh_s(6):

 

[bdora]

اي والله معاناتنا عويصه الله يسهل علينا
ومالج الا فكرة المخده

 

[أحلى^حياه]

شرايكم
انا بالخامس وموقادره اتحرك من العوار

 

[غلاي امي وزوجي]

الله يسهل عليج

ما قصروا البنات معاج

 

[tmtmt]

الله يعينج يارب ويخفف عنج ان شاءالله
ويسهل عليج الطلق والولاده

 

[الاخلاص]

الله يعين الحمل كله وهن علي وهن الله يعينا

 

[آهات الليل]

العوبه فديتج عسى ربي يهون عليج ويريحج ان شالله مايصير اقرالج موضوع ومارد عليييه
اشتري مخدة الحوامل تهبل تريحج وقت النوم فديتج

 

[توكلت على الله 22]

الله يعيناااااااااا وياجرنااااااااا

 

[_Pure_]

الله يعينج جربي مخدة الحامل

انا احط مخدة تساند بطني و ساعات بين فخوذي اذا زاد العوار

شنسوي بعد

 

[ام كوشه منكووشه]

رد : تعبت !!

الله يسهل عليج ويقومج بالسلامه وترتاحين انشالله
وفكره المخده حلوه جربيها يمكن تريحج شوى

 

[chanel N22]

حياتي الله يتمم عليج ويسهل عليج يارب العالمين