تعبت

[sweet.sanfoora]

هلوو عزيزاتي كويتيات

مشكلتي :

1- يقولونلي اني كسولة واني مو سنعة اني دفشة اني مو انثى انا عاجبني وضعي و عادي عندي يعني عمري ما اهتميت بهالموضوع
2 - كل يوم احد يحاجيني عن سالفة الانوثة انا حرة بنفسي

3- كل يوم يحاجوني عن سمنتي وكسلي

يخربون علي مودي يعني انا راضية بنفسي جذي وحتى لو مو راضية عن نفسي خلاص قدرت اتعايش مع وضعي
ليش يسوون فيني جذي ليش
تعبت جد تعبت

والله قاعدة اكتبلكم وانا ميتة من البجيي

ابي حل تعبت

 

[فوقهن و تسواهن]

رد : تعبت

حبيبتي ساعات يكون الكلام لمصلحتج بس الناس ماتوصله لج صح بس مو معناته انج لازم ترظين بنفسج دفاشه
انتي بنوته و حلات البنت بأنوثتها وذرابتها انا قبل الزواج كنت فوظوية بس لما تزوجت سبحان الله صرت حيل انثوية عشان لازم اكون جذي و يمكن انتي توج صغيرة بس باجر اذا كبرتي تبين تتزوجين ماراح يخطبون البنت الدفشة ماقلنا صيري حليمة بولند بس خليج نعومه وحافظي على شكلج حق نفسج ومستقبلج ولا تزعلين كله عسان مصلحتج واي شي انا حاظرة

 

[ام متلق]

رد : تعبت

اكيد انهم شايفين شي ماينسكت عليه عشان جذي ينصحونج وماينصحج ويبجيج الا الي يحبج لو مو انت مهمه عندهم جان قالوا قلعتها شعلينا منها

 

[الوجه الرحوبـي]

رد : تعبت

يا حياتي مالج شغل باحد خليهم يتكلمون لي باجر قولي انشالله وطوفيييييي




عيشي حياتج مثل ماتبين انتي مو مثل ما الناس تبيج تعيشين​

 

[sweet.sanfoora]

انا حاولت اتغير بس يأست

 

[honey lust]

ليش تبجين حبيبتي؟؟؟
تعوذي من ابليس
ما قالولج جذي لان يبون مصلحتج
انتي بنت فشي طبيعي يكون فيج انوثه ولا بيكون شكلج غلط و هذا الصج و الصج ما ينزعل منه
و السمنه تسببلج مشاكل بصحتج وممكن توصلين لوزن خلاص ما تتقدرين تتحكمين بنفسج و تضطرين تسوين عمليه
عشان جذي تقطعين الشي من الحين و انتي بعمر صغير احسنلج عشان تعيشين حياتج براحه

 

[sweet.sanfoora]

ليش تبجين حبيبتي؟؟؟
تعوذي من ابليس
ما قالولج جذي لان يبون مصلحتج
انتي بنت فشي طبيعي يكون فيج انوثه ولا بيكون شكلج غلط و هذا الصج و الصج ما ينزعل منه
و السمنه تسببلج مشاكل بصحتج وممكن توصلين لوزن خلاص ما تتقدرين تتحكمين بنفسج و تضطرين تسوين عمليه
عشان جذي تقطعين الشي من الحين و انتي بعمر صغير احسنلج عشان تعيشين حياتج براحه

كلامج صح

انشالله اتغير دعواتكم بنات

 

[احلى سماء]

تعوذي من الشيطان
مافي شي يستاهل بجي
انتي مرتاحه مع نفسج وصفاتج عاجبتج خلاص
اللي يبي يحبج مثل مما انتي يحبج
مايبي يحبج كيفه مايشوف شر

 

[Dode-blwa]

رد : تعبت

حبيبتي اهم شي راااحتج ماعليج بالناس
واذا انتي شايفه شي فيج غلط غيريه اذا مو شايفه مالج شغل
احنا كلة عبالنا ان احنا الصح والناس ينصحونا عساس ننتبه لروحنا
عادي في ناس يعلقون علي على اشياء بشكلي يعني ساعات وحدة تصير لي
تقول والله ليش مكثرة مكياج ؟ مع اني مو حاطه شي مسكرا وكحل وتاكلج بقشورج
وتقول والله متنانة <<تتطنز عشان ضعيفه عاااادي خلج ايزي طنشي
وارضاء الناس غايه لاتدرك
لول
اهم شي راضيه عن روحج

 

[احلى سماء]

هلوو عزيزاتي كويتيات

مشكلتي :

1- يقولونلي اني كسولة واني مو سنعة اني دفشة اني مو انثى انا عاجبني وضعي و عادي عندي يعني عمري ما اهتميت بهالموضوع
لاززم تغيرين وتصيرين نشيطه والدفاشه خليها تولي ما تنفع لان مرات الانسان ينفهم غلط بسبة دفاشته2 - كل يوم احد يحاجيني عن سالفة الانوثة انا حرة بنفسي
الانوثه بالتزين بالكشخه بان الوحده يكون صوتها واطي بالحيا باللطافه بالتعامل والرقه3- كل يوم يحاجوني عن سمنتي وكسلي
حبيبتي وزنج عاجبج مو لازم تضعفين كيفج بس اذا سمنتج مشوهه مظهرج مافيها شي تحاولين تضعفين شوي بس بالصيام او تخفيف اكل مو حبوب وشاي تخسيس ووخرابيط ممكن تضرجيخربون علي مودي يعني انا راضية بنفسي جذي وحتى لو مو راضية عن نفسي خلاص قدرت اتعايش مع وضعي
ليش يسوون فيني جذي ليش
تعبت جد تعبت
يحبونج يبون يشوفونج باحسن صورهوالله قاعدة اكتبلكم وانا ميتة من البجيي

ابي حل تعبت

اتمنى تقبلين رأيي
وماعندج مشكله ولا شي
موضوعج عادي
انا ضعيفه ويقولون حيل ضعيفه ومشوهج ضعفج :hjy5jewf:

 

[ديمي 12]

انا مع راي البنات لو الي ينصحونج مايحبونج جان مانصحوج وخلوج على حالج بس هم من حبهم لج وخوفهم عليج يقولون لج غيري من تصرفاتج بعدين احسن لج اكشخي والبسي وسوي رياضه علشان تكون حياتج احلا وماتملين من نفسج

 

[قطوووة]

رد : تعبت

حطي لهم حد وواجهيهم

 

[روانتي 12]

رد : تعبت

حبيبتي ماعليج منهم عيشي حياتج مثل ماتبين بس اذ غلط لا اما اذ شي اني لا خوذي راحتج

احسن من باجر تكبرين و تندمين

 

[عيش و مرق]

ياحياتى لاتبجين صدقينى ماكلموج وماقالو لج هلكلام الا لنهم يحبونج ويبون لج الزين

 

[sweet.sanfoora]

صح كلامكم خلاص
انا قررت اتغير

وعسى ربي يوفق كل من ردت علي

 

[معزوفة عشق&]

رد : تعبت

تقدرين تتغيري وبكل سهوله بس يبيلك شوية عزيمه
لا تتضايقين حبيبتي من كلام الناس هالزمن اللي مايحبك ماينصحك ودامهم نصحوك هذ1 من زود غلاتك ومحبتك ف قلوبهم

ربي يوفقك ان شاء الله

 

[sweet dashttya]

رد : تعبت

تبين نصيحتي

مالج شغل بكلام الناس

ومحد يستاهل دموعج شدعوه يدرون عنج تبجين ولا لا

 

[كارينا بلس]

ان شاء الله تتغيري وربنا يععينك
وكل اللي بينصحوكي اكيد بيحبوكي

 

[sweet.sanfoora]

ثنكس كلكم

وانشالله اتغير

 

[حصــgص..~!]

رد : تعبت

حيآتي انتي اكييد مآ قآلوآ جذي الا لآنهم يبوون مصلحتج ..


و انتي حآولي اذا شفتي على نفسسج ششي تغيرنه ..