تعبنا من الحركيه وتعبناكم ويانا :)

[om-HaSsoOon]

السلام عليكم

بغيت طلب صغير هم يخص الحركيه ادري غثيناكم بالحركيه ، بس شنسوي ربنا كريم

المهم بغيت بس طريقه تحضير درس الحركيه شلون ؟

يعني هل على شكل جدول والا جذي عادي كفقرات والا شلون بالضبط لاني بكتب التحضير للحركيه وماني عارفه الطريقه

مشكورين مقدما للي يساعدوني

 

[زوووووز]

عليكم السلام
عادي اختي انغثينا قبلكم بس الحمدلله عدينا منها
الله يسلمج تحضير الحركيه لازم يكون على شكل جدول كالتالي
اول عمود تكتبين نوع النشاط اول شي الاحماء بعدين التعليمي بعدين التطبيقي و اخر شي الختامي
العمود الي بعده تكتبين فيه مدة كل نشاط يعني يم الاحماء تكتبين 5 دقايق و يم التعليمي والتطبيقي 15 دقيقه لكل واحد والختامي 5 دقايق
العمود الثالث تكتبين فيه التحضير يعني الاحماء شلون بتسوينه و التعليمي تحطين المنبه و الاسئله و التطبيقي تكتبين كل مجموعه شنو راح تسوي و الختامي لعبه او مسابقه او رقصه اي شي مرتبط بالخبره + تمارين استرخاء
العمود الرابع تكتبين فيه الادوات يم كل نشاط شنو الادوات الي استخدمتيها فيه
العمود الخامس و الاخير تحطين فيه التشكيلات يعني شكل الاطفال شلون بيكونون واقفين او شلون بتوزعينهم

و سلامتج يريت اكون ساعدتج و اي استفسار لا تستحين نعين ونعاون

 

[om-HaSsoOon]

يابعد عمري مشكوره ، عاد توني ببلش اكتبه زين انج قلتي لي على شكل جدول ، مشكوره يزاج الله الف خير

 

[زوووووز]

العفو حبيبتي حياج الله

 

[عهود الحب]

احنا على وقتنا ماعمرنا حضرنا حركية
الله يعينكم الصراحة شي وانجاز منكم انكم تسوون حركية

احنا حاولوا فينا ورفضنا قمنا ننسخ من بعضنا

الله كريم ويساعدكم يارب

 

[om-HaSsoOon]

اجمعين حبيبتي عهود

 

[أم فهد الكريديس]

السلام عليكم خواتي العزيزات ....
بغيت مساعدتكم لي ............. أنا طالبة سنة تخرج وعندي حركية
وبغيت درس عن مهارة التنطيط فممكن تساعدوني .... ويعطيكم العافية

 

[om-HaSsoOon]

لوول ام فهد ضحكت لانج داشه طالبه المساعده وانا بروحي طالبتها

المهم تبين يعني قصه ؟ المهاره تنطيط الكره ؟