تعتقدووووون صج ولا؟؟؟؟؟؟؟؟

[ام معاذ]

مراحب ... شلوونكم
في معتقد منتشر بينا موروث من يداتنا والحريم الكبار انه المره اللي توها والده تكبس علا العروس وماتحمل تعتقدون صج ولا تخاريف اول؟؟:eh_s(12):

 

[ناتشوو]

سامعة فيه بس ماهو صج
اعرف وحدة كانت نفاس بفترة عرس اخوها
اصرت ماتشوف عروسه الا عقب النفاس
سبحان الله هالعروس ماحملت
فقالت النفاس لوطالعة لها ومسلمة عليها
جان قالو انا السبب

وفي ناس بعد عادي النفاس مع العروس ومافيهم الا العافية ماشاء الله

انا اتوقع مجرد كلام وتخاريف وصدف

 

[OoO3solaOoO]

أنا ما أتوقع صج
وهم سمعت يقولون الي توها مالجه يعني مثلا صارلها سبوع من املجت وعقب الاسبوع اختها ملجت او وحده من اهلها لازم ماتروح الملجه لانها تكبس عليها وأعرف وحده ملجت وبعد اسبوع ملجه بنت خالتها ومارحت الملجه معنها كانت ودها تروح
هذا كله تخاريف اول
​

 

[chanel N22]

احس تخاريف
انا رحت حق بنت خالتى واهي نفاس وكنت عروس بس للحين ماحملت وما اتوقع هذا السبب
انا اقول كل شئ زرق من الله وعسى الله يرزقنا اجمعين يارب

 

[المهذبه]

خرافااااااات

 

[غيـ الناس ـر]

خرابيط وبدع مالها اساس من الصحه

 

[Emanova]

نا الصراحه اصدق موضوع الجبسه لان انا صارت فيني ...

الجبسه عروس تدخل على عروس

وحده بالنفاس تدخل على عروس او العكس

وحده بالنفاس على وحده بالنفاس

وحده يايه من عزا و تروح عند عروس

وحده تزعل حيل بالنفاس ( هذي صارت معاي انا )

وحده تخترع بالنفاس

اهم علاج الرقيه الشرعيه

و في خرابيط يداتنا ...عبري بحر 7 مرات ...خطري قبر ...تسبحي بليفه مالت المغيسل ....تسبحي مع وحده انفسه ...وحده انفسه تحلب على ظهرج ...

انا الصراحه الرقيه الشرعيه ...و كنت اسافر وايد و اعبر بحر الحمدالله بعد العلاج انا حامل الحين عسى ربي يثبته و يرزق الجميع

 

[حلم الأمومة]

اعتقد انها من ضمن معتقدات قبل وكلهاااااااااااا غلط بغلط واذا عرفتي اشلون اتفجين الكبسسه هذي والله راح تضحكين من قلبج وبتقولين صج تخلف ؟

 

[دمثة]

اشلون تنفج لازم تدهن بطنها بايدهاا وتحطة بالدهن وتاخذيناا وتدهنين بطنج

او تشربين ماي وتشرب ماي من نفس الماي

 

[كويتيه مذهله 87]

موجووووووووووووووووووووووووووووووووووووده

بس الي تعتقد فيها

 

[بدوره 22]

اللي يأكد صحة هالخرافات .. انها صارت حق ناس ..

واللي ينفي صحة هالخرافات .. انها ما صارت حق الباجي من الناس ...

انا لمن كنت عروس ( عتيجه صالر لي 10 سنين متزوجه)

املجوا وراي 4 بنات من بنات خالتي وخوالي ...

يعني كان بين عروسنا شهر او اسابيع وبين ايام ملجتنا كانت ايام ..

بس ما شاء الله حملنا وولدنا مع بعض والحين كل وحده فينا بجرها عمره 8 سنين ...

مو قاااااااااااااااااااااعده يا قلبي كل شي بيد الخالق عزوجل

 

[bant_alnoor]

انا لما تزوجت من قبل 8سنين كانت اختي نفاس وكانو اهلى حاطينها فوق عشان على قولتهم ماتكبس على
وطلت اختى على تبي تشوفني بثوب العرس وتبي تشوف شكلى وبعدين بعد كم سنه قالولي يمكن اللى معطل حمالج اختج
ونطرتها لين حملت وولدت ورحت وسبحتنا امي ظهري بظهرها بطاسه ماي وحده انا وياها مع بعض وبعدين قامت حطت صدرها حلى ظهري وحلبت على ظهري
وتوقعووون شنو صااااااااار

















خرافاااااااااااااااااااااااااااااااااااااااات لاحملت ولاشي
يعني الكبسه خرااااااااااااااااااااافه
بس لحظتها الواحد الواحد يدور اي عذر يكون معطل حمله
لان كل شي يهون الا ان المرة ماتحمل والامور الي تمر فيها والاحساس الى تحس فيه والكلام اللى تسمعه عسى الله يعينا ويرزقنا من اوسع ابوابة يارب بالعالمين