مشرفة القسم ( جارة القمر )
طبعا حاولت ارفع الصور يومين مو راضيه للاسف.....راح اسوي لكم بوير بوينت وانزل باسرع وقت ان شاءالله
ملحوظتين:تحتاجين جدر الي في مشخال الي يستخدم في طباخ البخار/ماي الدجاج انا افرزنه او استخدم اثنين ماجي اتذوبينهم بماي حار وتطبخين في
يلا بسم الله نبدي:
1-تتبيله الدجاج(كمون,هيل,كركم,فلفل احمر بودره,زيت زيتون,ثوم,لومي اسود,فلفل وملح,بهارات دجاج) واتخلونها طول الليل او حتى قبلها بساعتين
2- العيش كلاسين واتغسلينه
3- اتيبين الجدر اتحطين زيت او سمن(سمن المراعي)
4-اتحطين بهاراتج(مسمار,هيل,عودين دارسين,غار,فلفل اسود حب) لين تسمعينهم يطقطقون وتطلع الريحه
5- اتحطين بصلتج واتحمسين بودقيقتين
6- جزر
7-العيش واتقلبين قلبيتن وعقب اتحطين ماي الدياي لين فوقالعيش بسانتيين 2سم
8-اتحطين الدياي بالمشخال وتحطين فوق العيش واتحطين قصدير عدل مدل لا يطلع البخار بره
9- اتكونين شابه فرنج واتحطين الجدر داخل علا نار وسط اول 45 دقيقه عقب قصريه وخلي علا راحته
10- اتشيلين القصدير واتشبين علا الفرن من فوق واتخلين الدياي يتحمش من فوق
11- الحين اللمسه الاخيره اتيبين فنيال قهوه واتلفينه بقصدير /اتشبين جمره لين اتصير حمره
12- اتحطين الدياي علا العيش واتسوين حفره بالوسط اتحطين الفنيال وداخله سمن واتحطين الجمره داخلها واتغطينه علا طول واتردين بالفرن علا نار هاديه جداا لمده 10 دقايق
13- اخر شي تنجبين وبالهنا والشفااا
ترا سريع والله وسهل وما ياخذ كله علا بعضه ساعتين بس لان الكتابه وايد اتخرع
وقولي رايكم بالتقرير.......
حبايبي 
