تعرضتى للظلم وقدرتي تسامحين ؟؟علمينا اشلون ؟

[يابختي]

شوفي..انا اشوف الظلم في تدنيس لكرامة شخص...اللي اهوا المظلوم

لو كنت مظلومة..بيمر الوقت واسامح اللي ظلمني اكيد.. لكني اتفادى اقوله...بيني وبين ربي مسامحته...ولو طلب شخصيا اني احلله..احلله...
لكن من نفسي اروح وارد اتعامل معاه وابين له اني مسامحته..لا...كرامتي تعورني...


لو ظالمة..وحاسة اني ظالمة..ماانام الليل...اخاف اموت وربي يحاسبني...اظل استسمح من اللي ظلمته...
لو ظالمة ومو عارفة... الله يغفر لي..موقصدي...

 

[hnoof]

يا بختى ... مشكوره على المرور الحلو نورتي الصفحه والله يعينا علشان نقدر نسامح مو عشان الظالم لا عشان أنفسنا

 

[لولو البحرين]

صلاة الليل يا بنات تطهر القلب وتشيل منه اي حقد وتخليكم تسامحون قولوا بس حسبي الله ونعم الوكيل

 

[hnoof]

لولو شاكره مرورج الغاليه والاضافه الرائعه وفعلا صلاة الليل لها فضل عظيم بارك الله فيج وجعلها في موازين اعمالج

 

[عاشقه رويشد]

صعب اسامح

 

[Namlah]

يعطيج العافيه...موضوعج وايد حلو
التسامح صفه من الايمان وحلو ان الواحد يكتسبها ويحافظ عليها ويكون متسامح مع الناس
وربي ينصر كل مظلوم انشاءالله

 

[hnoof]

صعب اسامح

عاشقة .. بدايه ما ادري اذا اسمج مخالف او فيه اثم يا ليت تسالين

ثاني شي اشكر مرورج وردج والله لا يذوج ظلم ابد ويعينا على التسامح

 

[hnoof]

يعطيج العافيه...موضوعج وايد حلو
التسامح صفه من الايمان وحلو ان الواحد يكتسبها ويحافظ عليها ويكون متسامح مع الناس
وربي ينصر كل مظلوم انشاءالله

شاكره مرورج حبوبه والله لا يذوقج ظلم ابد

 

[فديتني وبس]

والله شوفي انا انظلمت كنت اول شي شايله بقلبي وكرهت وما اقدر اسامح بس الحين تصدقين لا كرهت ولاشلت بقلبي يعني اعتبر اللي ظلموني ناس غريبين وماعرفهم وبعدين صدقيني محد يستاهل انه تخلين بقلبج نفطه سوده عشانه جذي بتظلين طول العمر شايله هم ومتكدره
وبس ..

 

[hnoof]

تسلمين على المرور وكلامج في محله شاكره لج تعطير الصفحه

 

[أميرة بس خطيرة]

صحصح الحقد ما يذبح الا راعيه والله يا بنات اعرف وحدة قاعدة تمر بنفس الظروف اللي امر فيها وساعات الواحد ينظلم بس انا طبعي ما رد لي الله حقي يوصلني دايما الحمد لله(ومن توكل على الله فهو حسبه)موضعف والله اقدر اخذ حقي بالساني وبكيد الحريم بس عن تجربة عقاب الله لهم اشد والله تبرد جبدي بدون ما أستاثم فيهم وعن تجربة لكن هي تاخذ حقها بلسانها تغناب تحرش تقاطع نحقد وااااااي مسكينة تقعد تخطط وتسوي لين شالت المرارة وكاهي معاها ضغط وعمرها صغيرومناعتها ماكو كله مريضة احسها بتذبح نفسها بحقدها والله لو تقط ورا ظهرها وتحتسب الاجر وتزهد فادنيا وتدور الاخرة جان تعيش متعة مالها حد بعد الله سبحانه قال في محكم تنزيله (وجعلنا بعضكم لبعض فتنه اتصبرون)؟؟؟؟؟ هني مناط التكليف هني الاجر الثواب والعقاب ردة فعلك اتجاة المشاكل الناس ماترحم احد اذا الخالق سبحانه أساءوا له وعبدو شيطان وعصوه في ملكة بيحسنون لج يا ماما عشان تعيشين صح لا توقعين شي من احد ان احسنوا لج خير وبركة وان اساءو لج استعيني بالله يدفع ظلمهم عنج الا اذا بطشوا فيج عاد هني مادون الساني الا فزعة يدي هههههههههه عندج اياهم ودمتم

 

[كرستالة حمرة]

الحمدلله على كل حال
انا انظلمت بالدوام وتعاملت مع الموقف كأني انا الظالمة,,وضحت الموضوع للي ظالمتني مع انها كانت تتبلى على عند البنات لين وحدة فيهم قالتلي عنها,,رحت جدام الكل ووضحت لها الموقف وتأسفت لها مع انها هي الغلطانة بس عشانها اكبر مني احترمتها..بس للاسف تمت على حالها..ولما احتاجتني بشغله..جتني تتقرب مني..وانا مارديتها بس قلبي انقرص منها مره ومستحيل اثق فيها او اصادق ناس ظالمة ..وان شفتها اكلمها عادي بس سلام وعليكم السلام...

 

[منانا]

الشي الوحيد الي يهدي بالي ويخلي الغضب يخف بقلبي


لما اقول حسبي الله ونعم الوكيل

حسبي الله وكفى سمع الله لمن دعا

وافوض امري لرب العالمين وانا كلي ثقه ان رب العاالمين العاادل الرحمن الرحيم راح ينصرني ولو بعد حيين


واهم شي الثقه واليقين ولا ما رااح ارتااح ويصفى قلبي

وممكن اتعاامل مع من ظلمني حسب اخلااقي وتربيتي بس في بالي طبعا ان الله ما رااح يضيع حقي