تعرفون وحده متحجبه وقطته؟

[منار البربرية]

رد : تعرفون وحده متحجبه وقطته؟

:eh_s(10)::eh_s(10):البنات كفوو ووفوا أعتقد بعد كل الردود
سواء من المحجبات وغير المحجبات
كلنا قلنا راينا
ونترك لج الاختيار بالنهاية هذي حياتج
وسمعتج انتي والله يوفقج
وانشالله تتزوجين بأسرع وقت
علشان لا يصير لج شي بعد غير سالفة الحجاب
​

 

[HeR HiGHNeSs 90]

شوفو خل اقولكم شغله

ايام السبعينات او اول ما طلع النفط الكويت مرت بتغيير الناس تغيرو عقب العبي ومايطلعون الكل قط حجابه والعبي ومحد قام يلبس

الحين الكويت قاعده تمر بنفس الشي مو مصدقيني شوفو صور امهاتكم قبل لبسهم حفر وقصير وشوفو بنات الحين الجيل الي بالنص الي اهم احنا الي ضايعين



وانا اعتبر الي يحجبون بناتهم واهما تحت ال 10 سنين يغتصبون طفولتهم ولاز لازم يتحاكمون
ومحد له الحق انه يتحكم بحياة احد حتى لو امه وابوه

 

[بحرينيه كشوخيه"]

رد : تعرفون وحده متحجبه وقطته؟

بنت جيرانه

أهم وايد فري حتى آنه مومتحجبه بس ألبس الشيله أحتراما لوالدي

ومره جافتني أمهم لابسه الشيله جان تقولي فلانه تحجبتي جان أقولها لا خالتي تقولي أشوه حيل أنصدمت

وبنتها دكتوره قد الدنيا وكانت الأولى على البحرين وعقب ماتخرجت من ثانوي تحجبت

جاني ذاك اليوم وآنه طالعه من البيت أجوفها لابسه حفر وبرموده عيوني طاحت بلأرض على هلموقف ياربي

وأحتقرتها حيل

 

[منار البربرية]

رد : تعرفون وحده متحجبه وقطته؟

:eh_s(13):والله انتي لو بنتي هههههههههههههههه
الله يهديج بس سويتي سالفة الحجاب قصة
يبا تبين نقولج قطييه صح قطيه ومردج بتلبسينه مرة اخرى
ولا تنسين تقولين لنا شنو نظرة الناس لج
وشنو شعورج بعد الخلع
لوووول
:eh_s(13):​

 

[¦»㋡.BЯô0ôЯa.㋡‏«¦]

اناا اقول فكري بربج احسن

ترى ما راح تنفعج وناستج

هذا واانا ما اعرفج طحتي من عيني الصراحه

لا تشوفين الناس وتحترين

شوفي نفسج ودينج

ترى الدنيا قربت تنتهي فلا تفكرين بوناستج وايد وراج آخره

والله يهديج انشالله

 

[HeR HiGHNeSs 90]

انا ما سالتكم حلال او حرام

هاذا شي بيني وبين الله


انا ابي تجارب الي قاطينه شنو شعورهم ولا لي شغل بكلام الناس عنهم انا بعرف شعورهم اهما

 

[نور دربي]

ما أقول إلا عسى ربي يهديج


الحجاب واجب على كل بنت مسلمة

ومحد بفيدج يوم القيامه يوم لا ينفع مال ولا بنون ماينفعج إلا عملج الصالح والالتزام بشرع الله حبيبتي

 

[Zozαĺiиaђ]

انا ما اتكلم عن واحد وله اثنين واااااااااااايد وايد من شباب الكويت الحين سنه وشيعه عشان لا تحددون

مايبون متحجبات !!

اهم شي !
منو قال !
اصلن الحين اغلب الشباب سنه و شيعه يبووون وحده تلبس عبااايه ! مو بس حجاب
و الي يطلب زوجته تكون متستره و لبسهاا محتشم اهوا الي تحسينه صج ريال و عنده غاريه و يحب مرته و يبيها صج له بروحه مو حق كل الشباب يشوفونها !

 

[#أم العز والدلال#]

أقول أختي لا تخلين الشيطان يدخل عليج من باب ضعف البنت ويزين لج الباطل


إذا تبين تعرفين راي الناس هذا إنتي عرفتيه من كلام الخوات لكن ليتج يابنتي تعرفين راي الله عزوجل في هالشي وإذا تبين تعرفينه حق المعرفة لا تسألين اي وحدة فينا سئلي شيخ ثقة وشوفي شنو يرد عليج


يابنتي الله يهديج حتى لو لبستي الحجاب وإنتي صغيرة شنو المشكلة ؟ أنا لبسته وأنا صغيرة إهو والعباية ووالله لبستهم قبل أختي الكبيرة لأني حسيت إني صح وهذا اللي يرضي الله عزوجل حتى وايد من أهلنا كانوا يقولون حرام صغيرة ما تشوفونها تركض بالعباية عقلها توه صغير يردون أهلي عليهم إهي تبي ومقتنعة واللهم لك الحمد الحين عمري 35 سنة ما تحسفت عليه أبد بالعكس لبست الحجاب الشرعي اللي ما يبين ولا شي مني


دربالج أختي أحد يضحك عليج ويقول حرام ما تمتعتي بطفولتج ومن هالخرابيط مو صحيح هالكلام ولا أحد يقص عليج ويقول لج شباب هالوقت ما يحبون المتحجبة منو قال ؟ أصلا أغلبهم الحين يدورون المتحجبة لا يغرونج بكلامهم


وإذا شتفي نفسج خلاص مقتنعة برايج صلي صلاة استخارة الانسان ما يركن ولا يعتمد على رايه ... استخيري الله عزوجل عشان ما تندمين



أسأل الله العلي القدير إنه يربط على قلبج وقلوبنا ويثبتنا وياج على طريق الهدى والحق

 

[#أم العز والدلال#]

وهذا إهداء لج وللأخت اللي تقول إن الحجاب بس لأمهات المؤمنين ياليت تتصفحون المواضيع اللي فيه وأسال الله يهدينا جميع



http://saaid.net/female/hijab.htm



وإذا تبون بعد عندي وايد مواقع تهتم في هالموضوع

 

[Heaven Light]

يعني وايد مهتمة لراي الشباب يبون سفور يبونها فري ,,

اهتمي احسن بربج شنو يبي ..

واللي قاعد تقولين من اهلج جذي الشباب يبون هذيله كلهم مو ريااييل هذيله ديووووووووث ..


وانا مسؤولة عن كلامي ..


شوفي انا مثلج احب شكلي بدون حجاب وهم لما تحجبت ما كان ودي وللحين اقول لو ما حجبوني اهلي ما تحجبت .. بس


مو معناته هذا اقط الحجاب .. اصلا من واجب الاهل يحجبون بناتهم .. والحمدلله الحين مرتاحة بالحجاب وشحلاته ..

​

 

[selanya-sha8ra]

حلفـيّ ,.
الريـآييل يبون وحده مآ تصلي مآ أصلي ,
الريـاييل يبون وحده مو متحجبه أقط حجـآبي ,
الريـآييل يبون وحده فري أصير فري ,
يعني الريـآييل يبون , أحنـآ " سمعنـآ و أطعنـآ "
وربج شنـوّ يبي , انتي شلون تبيين الله يوفقج وانتي قعد تعصينه عشان عباده . :eh_s(2):
:
الله يهديــج ان شـآء الله ,.

 

[FOZQ8]

ياحليلج حبيبتي تبين تقطينه عشان الصبيان ؟؟ من صجج ؟
انا مادري ليش في بنات عبالهم الحجاب يجكر والا نقمه او يقيد ... والله كل شي نسويه بحجابنا وشكلنا ذرب وحلو وننخطب ونتزوج
بتقنعيني المحجبات ما يتزوجون !! منطق غريب ياحظي ايون عندنا يبون نقاب بعد ههههههههههه
حبيبتي شاوري روحج مره ثانيه ولا تخلين شيطانج ينتصر

 

[vogue grl]

رفيجت اختي قطته طبعا كل الي بلدوام انصدمو وكلموها ونصحوها وزفوها مانفع معاها وقاطعوها وحتى رفيجاتها الي بره دوام كانت تشكى حق اختي انه تغيروا عليها
حتى دكاتره طاحت من عينهم خربت على نفسها اهيا حسبت انه لو تقطه بيتغير شكلها ولا بلصج نفس شي بلحجاب او بدونه
وهمن قطته عشان رياييل يطالعونها وتتزوج ولا تزوجت الله يستر عليها ويهديها

ماانصحج تقطينه الانه دنيا ماتستاهل
ثانيا رياييل مايستاهلون الي انتي تسوينه وانتي ادرى"
والله سبحانه اهوا الي يقسم الارزاق مو معناته لمن تقطينه بيمشي نصيبج بلمح البصر
صح انه احنا متحجبات ما تيينا عرات انه ودنا نكون مثل السفور بس هاذي من وساويس شيطان الواحد ييستعيذ منها وتمشي الحياة وكانا احنا شحلونا

 

[marimor]

مادري ماعرف احد

بس سؤاااااال انتي ناويه تقطين حجابج !!!!!!!!!

 

[#أم العز والدلال#]

وهذا إهداء لأختي HeR HiGHNeSs 90 شوفي هالمقطع عسى ربي يرضى علينا جميع



http://download.media.islamway.net/lessons/yaqoob/452_video_Hijab.rm

 

[NoNoFeTa]

قطيه خلاص لاتهتمين حق احد عادي وايد غيرج قطوه زينب كرم (زينه) بنات البلوشي مي ومرام وهند ليلى بارون فاطمه بوحمد مونيا الخبله ودشي عليهم بالفيس بوك خل يقولن لج شنو شعورهم واهم قاطينه
البنات نصحوج وسوو الي عليهم بس انتي ماتبين تسمعين الا صوتج
صج البنت من غير حجاب احلا وهذا الي خلا الحجاب فرض عشان يحافظ عليج
كلنا نحب اشكالنا بدون حجاب بس بين رفيجاتنا واهلنا وازواجنا لان لحمنا مو رخيص كل من هب ودب يطالعه ويخيل حتى عللى سيقاني صح ولا لا !! شتسوى عليج كل من يطالعج بنظرات حقيره
بس انتي خلاص قطي وارتاحي

 

[الحــور]

الله يهديج يارب

 

[بطوووطة$بيضة]

رد : تعرفون وحده متحجبه وقطته؟

انا رفيجتي قطته ومومعناته ان وحدة موزينه الاهل اغصبوها ..ان تلبسة وريلها بالاخير فصخهاااا بس انا ما انقد على احد كل انسان وعنده سبب ...شلفايدة انا عباية ومتغطية جدام الناس وسوالفي وخرابيطي من تحت لي تحت...اقطه وايد احسلي واساسا احجاب هالايام مو الحجاب الشرعي...يعني الوحدة يا انها تتحجب عدل او اتقطه وايد ابرك....ومو كل من لبس الحجاب بدش الجنة ويضمنهاااا...

 

[باذنجانه]

رد : تعرفون وحده متحجبه وقطته؟

السلام عليكم

حبوبة انا بنت سعودية
تدرين من متى تغطيت وصرت البس عباية
من سادس ابتدائي يعني عمري 12 او 14 سنة
وحتى الملاهي تبع الكورنيش ما كنت اقدر العب قدام العيال كنت استحي بالمرة
لاتقولين لي السعوديات يلبسون عبايات ومتعودين لا والله يالغالية
انا رحت عند امي بالمطبخ وابكي واصرخ ابي البس العباية ابي اتغطي :eh_s(11):
حتى الحريم كانوا يقولون لامي حرام عليك كذا تلبسينه :rgewrg: الحريم يقهرررررون وش دخلهم
والحمد لله
الله يثبتني انا الحين بكمل 20 سنة في شهر 3 وبحجابي وغطاي ولا افكه
حتى بالمدرسة يوم يسون اخلاء تجريبي اخذ العباية معاي وكل البنات ياخذونها
احس اموت ولا اطلع من دون عباية :eh_s(22):
هذا عبادة وليست عادة
انا انتقد فكرة انه اغتصاب لطفولة بالعكس هذا من الاسباب اللي تؤدي الى ظهور الحياء للبنت في سن مبكر :eh_s(7):
واحنا عندنا بالسعودية اجبار البنت تلبس عباية على الكتف في رابع :rerrerek:و في سادس خلاص تتغطي بالغطوة الى الثانوي:rerrerek:
واذا صرت بالكلية بنقاب
زمان كنا نداوم برمضان الى 27 من رمضان قسم بالله كنت اركب الباص ومافيه مكيف وغطوة طبقتين علشان وجهي لا يبان
وحرررررررر مرة يعني في اي لحظة يمكن يغمي علي
وارجع من البيت وكلي عرق الله يكرمك عباية وغطوة وشيلة
حتى امي كانت تقول روحي نامي علشان لاتحسين بالعطش :eh_s(7):


انا اشوف بنات بالكلية عندنا شعورهم تطلع من ورى العباية وتقط الشيلة قط على وجهه
شوفي نظرات البنات وشلون ننتقدها بصراحة :eh_s(4): هذي واهي متحجة وشلون لو فكته


حياتي فكري باخرتك والله الدنيا كلها ساعات :eh_s(2):
واذا الرجال يبون البنت من دون حجاب بالعافية ومع اقرب جدار
انتي تتحجبين لمنو ؟
لربك ولا علشان اهلك
:eh_s(7):
_____________

مشكورة على طرح الموضوع

سوري على الهذرة :eh_s(22):