تعرفون وحده متحجبه وقطته؟

[نـونا]

عندنا بنات قطو حجاباتهم بس تدرين الوحده لمن اتحجب واتقط احجابها عقابها اكثر من البنت الي مو متحجبه
للامانه انا ماكنت مقتنعه بالحجاب وفكرت وايد اقطه بس حزة الحزة ماقدر تعودت عليه والصراحه انا عندي البنت الي بالحجاب استايلها احلى من السفور وصدقيني الي تقط حجابها ماعندها سالفه يعني جان من الاول ماتحجبتي

 

[أسيرة بدران]

آنا ماتحجبت عن قناعه أول مارحت الثانويه آخوي قالي تحجبي واهوا مودين بس طلب أتحجب وأتذكر أول مره طلعت بالملفع كنت رايحه زواره بيت يدي لما بغيت أطلع بنروح بيتنا نسيت ألبس الحجاب وتذكرت وأنا بالحديقه أشوا محد شافني هههههههههه معذوره أول يوم حجاب ومو من قناعه هههه

 

[أسيرة بدران]

آنا أمي لما تزوجت آبوي وكانت يايبه أخوي الكبير عمره 4 سنين كانت مو متحجبه شفت صورها لابسه حفر وفاله شعرها لطويل ومستانسه ورايحه دول عربيه وأجنبيه واهي سفور حتى الاوروبيات استانسو ع شعر أمي لما أقولها ليش ماتحجبتي تقول كنا عايشين بجهل <<يبطون جبدي بالكلمه هذي ماصاروا واعين الا بزمانه حتى مرت خالي تقول أمهاتنا لبسوا على كيفهم وكانو واهما متزوجات سفور بس علينا

 

[3emya_Berry]

عادي الوضع امي تحجبت يوم دخلتال50 سنه ومافيها شي كاهي تزوجت ويابتنا فديتنا وانا تحجبت عمري 12 سنه سنتين وقطيته ومحد قال شي ولا احد احتقرني على قوله لابنات لان هالشي بقناعه لازم تسوينه مو بضغط من احد ولمن تزوجت عشان ريلي تحجبت ومقتنعه فيه الحمد لله واختي ومرت اخوي سفور ونص اهلنا سفور يعني السفور الحين صارت كخه في شويه ردود معقده خلينا نقول وانتي سوي الي قناعتج تفرضه عليج ومالج شغل بحد

 

[أسيرة بدران]

بس يكسرون خاطري بنات ابتدائي ومتوسط أهلهم يحجبونهم وشوفو حركاتهم يلعبون مع صبيان ويلبسون بنطلون مع بدي يعني شكله غلط وتصرفاتهم يهال ليش يحجبونهم حرام حتى مابلغوا ليش تتحجب واهيا ياهل أشوا أهلي راعوني من الثانويه هههه خلوني أعيش الطفوله والبس تنانير قصيره فوق الركبه بس ليلحين مو مقتنعه بالحجاب ومحد راح يرضى أقطه مرات أقط نغزه أقط لحجاب أمي تقول مصريه وراح ينقدون عليج مو حلو الشي غصب حلاته قناعه

 

[أسيرة بدران]

بنات انتو مو فاهميني



الغرض من الحجاب انه الوحده تحشم نفسها عن عيون الناس الي مو من محارمها صح؟


انزين احنا او اغلب البنات بحجابنا مو قاعدين نسوي هل شي ف ليش حاطين هلخرجه على راسنا
يعني وجودها وعدمه واحد اذا نحط عطر وميك اب بعد خنكملها وله الحجاب صارت من العادات والتقاليد وبس؟1!!

أ ايدج بهالكلام احنا لما نطلع نتعطر ونتمكيج وطريقة حجابنا مو شرعيه وأهلنا يحجبونا عشان عادات وتقاليد اكثر من ناحية الدين وأنا امي تقولي وتحن علي ليش ماتلبسين عباية جتف طبعا قلت لها حجبتوني أوكي بس عبايه ماراح ألبس ع طول ردت علي وقالت كل بنات عماتج لابسين عبايه الا انتي شاذه بينهم وترا بنات عماتي تحجبو عقبي لما تخرجو من الثانويه ولما أهلي قالو تحجبي قلت بنات عماتي سفور أمي قالت مالنا شغل فيهم ولما لبسوا حجاب وعبايه تبين ألحين أسوي نفسهم آنا أشوف تناقض يبونا انطالع الي يعجبهم

 

[SO PRETTY]

وحدة كانت معاي بالدوام ومشت
شفتها بعد فترة بالصدفة برة وانصدمت انها قاطة الحجاب
صايرة وحده ثانية ماعرفتها ,, هي الي سلمت علي
لمة سألتها عن السبب
قالتلي انا ما كنت مقتنعة فيه من الاول
ومتى ما اقتنعت بالحجاب رح ارجع البسة
المشكلة انها كبيرة وعمرها يمكن 40 سنة
يعني مثلا متى رح تقتنع ؟؟؟؟؟؟
كيفهاااا ,, الله يهديها ​

 

[زهـــرة البنفسـ]

الحمدلله مااعرف وحده تحجبت وبعدين فصخت حجابها



والله يابنات اللي تقول انها كانت متحجبه ويوم تزوجت فصخت حجابها تحت تاثير الزوج
اذكركن لا كاعة لمخلوق في معصية الخالق

ربي يستر على كل بنات المسلمين

 

[حضرية وافتخر]

الحمدلله مااعرف وحده تحجبت وبعدين فصخت حجابها



والله يابنات اللي تقول انها كانت متحجبه ويوم تزوجت فصخت حجابها تحت تاثير الزوج
اذكركن لا كاعة لمخلوق في معصية الخالق

ربي يستر على كل بنات المسلمين

ياهلا :eh_s(7): زهره الحلوه

انا اعرف وحده كانت محجبه وفصخت
حجابها تقول انها من الاول مو مقتنعه فيه
واهلها جبروها علشان جذي انا ضد ان الوحده
تكون مغصوبه لانها راح تحاول تفصخها لما تلقى الفرصه شي حلو تكون تلبسه علشان رب العالمين وانا عندي وحده مو لبسه حجاب احسن من وحده تكون مغصوبه عليه علشان ماراح تاخذ اجر على لبسه لان الاعمال باالنيات

 

[أسيرة بدران]

هذي كبيره40 سنه موصاحيه بس احنا صغار ولازم نقتنع مو اجباري

 

[أسيرة بدران]

صح كلام حضريه حلاته قناعه عشان يكون حجاب شرعي مو آي كلام وأنا ليلحين مو راضيه على حجابي أمي كانت سفور وعادي بس علي آنا يجذبون يقولون قبل وقتهم جهل

 

[dj.RomanCe]

رد : تعرفون وحده متحجبه وقطته؟

الحمدلله .. مآإكـــوو آحد يصيــرلي صآإر له هالشي

لكن معاي وحدهـ بالسكوول حمدلله والشكر اللهم لآ شماته
كانت تلبس حجاب ونقاب وعباااة
فجأه بعد ما ردينا من العطله قااصه هالشعر وهالمريوول القصيـــــــــر !!
طبعا آحنا كلنآ جذي >> @_@

آكيــــــد طااحت من عيـني لأن ولو هذا وااجب وفرض علينا
يعني كآ آنا عن نفسي تحجبت وآنا مو مقتنعه غصبن عني
بس عمري ما فكرت أقطه والحمدلله الحين انا مقتنعه فيــــه

 

[زهـــرة البنفسـ]

حضريه

التربيه السويه السليمه من الصغر وزرع هالشي فيهم الا مايقتنعون مو بس الحجاب
بكل شي
وفيه شي مهم لازم الوحده تدعي ربها يرزقها الذريه الصالحه وينبتهم نبات حسن

ربي يصلح الحال

 

[Atooma.q8]

رد : تعرفون وحده متحجبه وقطته؟

حبيبتي إذا ناوية تقطينه
فما أنصحج .. أول شي نظرة الناس حقج راح تكون واااايد سيئة
وبعدين .. الله سبحانه .. ما تخافين من عقابه ..
حبيبتي الدنيا زايلة .. الوناسة اللي فيها مو حقيقية
إن شالله ما يكون قصدج أنج بتقطين حجابج

 

[أسيرة بدران]

الشي الي سوا معاي آهلي ماراح أسويه مع بنتي بالمستقبل بخليها ع كيفها إذا بغت تتحجب بقولها أوكي وإذا سفور بقولها أوكي ماراح أغصبها على لحجاب

 

[حضرية وافتخر]

صح كلام حضريه حلاته قناعه عشان يكون حجاب شرعي مو آي كلام وأنا ليلحين مو راضيه على حجابي أمي كانت سفور وعادي بس علي آنا يجذبون يقولون قبل وقتهم جهل

ايه حبوبه لان نشوف اللي يلبسون الحجاب مو
عن قناعه يبدعون فيه ههههه نص الشعر طالع والحجاب على الطرف ولا حركات والوان الحجاب ولا البرج اللي على راسها اطول برج في العالم ههههه هذي اثار اللي غصب تلبسه :rerrerek:

 

[أسيرة بدران]

كلكم تقولون الي تقط الله يعينها على نظرة الناس يعني السالفه عادات وتقاليد أكثر

 

[زهـــرة البنفسـ]

الشي الي سوا معاي آهلي ماراح أسويه مع بنتي بالمستقبل بخليها ع كيفها إذا بغت تتحجب بقولها أوكي وإذا سفور بقولها أوكي ماراح أغصبها على لحجاب

اياك ثم اياك ثم اياك

وتذكري قول المصطفى
كلكم راعي وكلكم مسؤول عن رعيته

 

[أسيرة بدران]

أنا صج متحجبه بس مو مطلعه شعري ولاعاجبني حجاب بوتخفه مو مقتنعه ومو حابه الي يحطون شباصه كبيره آنا شباصتي صغيره وعشان الي حجابهم مخلي راسهم كبير مكرهيني بالحجاب أكثر

 

[زهـــرة البنفسـ]

كلكم تقولون الي تقط الله يعينها على نظرة الناس يعني السالفه عادات وتقاليد أكثر

انا اقول الله يعينها على مابلاها ربي
ونظرت الناس ماتهمني امام ربي

والحجاب من الشارع جل علاه وليست من العادات والتقاليد