تعرفين بنات نحس ويهايطون و طاقه جبدج منهم حياج ....

[مــســك]

والله لو اتكلم من لباجر عن هالنوعيه هذي ما نخلص لان فعلآ عـد وخربط لووووووول

آنا اعرف وحده وهالوحدة زوجة ولد خالتي .. تعرفون بنات شنو مشفووحــة عن الماركات ؟؟

قبل ما تتزوج ماتلبس الا من الرخيص بنت الفقر .. بس من خذت ولد خالتي شنو عززهـا .. كل لبسها ماركه ..

حتىى مرة اتسولف وتقول حتى العاب عيالي ماركة .. كل شي تقول هذا ماركه وشغله هذي ماركه ؟؟؟

يعني باليوم الواحد تقول كلمه ماركه اكثر من مرة .. مسكينه اول مره اتحس انها بنت عز وبنت ماركه مسجله لووول

والله اشفق عليهااا شنو عقيديه .. اتفشل كل سالفتها انا رحت عند المحل الفلاني بس ماركه << حطو عليها مليون خط لووول

وتقول انا قبل ما آتزوج هم كل لبسي ماركة ؟؟ اقول نسينا ما كلينا !!

والله اشكثررر اشفق ع هالنوعيه .. بس تدرين آنا احيانا آمشي لهم واكمل معاها بهيآطهم .. وآحيانا ما اتحمل اتنرفز احس انهم يستغفلوني

تعرفين شنو انقدهم وآفشلهم بس بطريقتي الخاصة :d

لووول جنى طولت على سالفة بنت الماركة

يلا سي يؤؤ

 

[*بسبوسه*]

ويه هالاشكال هذول واجد00في بنات من اهلنا لمن يزورونها اعرف انها ميته تبيني اسالها من وين شاريه جنطتها ولا من وين ماخذه بدلتها بس انا طااااااااااااف وابين لها انج عادي مو هامتني وما اخز بلبسها واخلي عيني بعيونها00

لان اذا سالتيها تلف وتدور ما تعلم00ولا تقولج هديه من ماليزيا ولا من لندن واهيا لا هديه ولا شي

انا قمت اسوي نفسهم والف وادور بس اللي يعزون علي اقولهم الصج

 

[No0oNh]

عادي اختي طوفي هذي ناس مو شايفه خير يا ما لبسنا وسوينا وسافرنا وردينا ومحد درى عنه يعني لازم نسوي اعلان

 

[مسك الغلا]

هههههههه

ياكثرهم هالاياااااااااام

الحمدالله على نعمة العقل

 

[مفلوقه بمنديل]

الله لايبلانا من هالنحاسه والمهايط

اغلب اللي يهايطون يعانون من النقص وماعندهم سالفه

 

[miss_avocado]

هذا حال عيال الفقر دايما جذي مساكين هيلق مومتعودين عالنعمه و الله انا يحوشني ناس واااايد جذي بس اعطيهم طاف ما اعور راسي معاهم حثاله

 

[مسكنه قلبي]

لوووووووووول ناسة مراضه اللي شايفين خير مايتحجون اللي عنده نقص يتحجا وتلاقين معاشها من اول يوم طار وتقعد تتسلف من الامه كلها على بو شوفوا شريت ماركه ولاشي هههههههههه غير القرض والفيز الله المستعان

وانا ما اسأل اصلا الحمدلله نعرف بعيونا مولازم نسأل ولا سألتي بينبط راسج من الصواريخ لوووووووول

 

[y7lok_7loho]

عهووووووووووووووووووووووووووووووووووووووووووووووووووود الحب


والله جبتيهااااا عدل كلامج المهاااايط با الجاااات بعد ل ووحدة تحط بدلتهاااا ومو حلوة الكل يدش يرفع فيهااااا لاحظى كل الردوووووود اجااااابية ما فية سلبية

طيب البنت لازم تعرف الصح من الخطااا لازم تعرف بدلتهاااا عدلة ولا لا؟ وشنو الاخطاااا ء الى فيهااا

يعنى الفنااان يستفيد من اخطاااااءة عشان جذى يحب يسمع انتقادااات النااااااس والجمهوووووووووور


والله بصرااااحة المهااااايط وصل كل بيت وهذة مشككلة كبيرة

الله يهديهم ان شاء الله

اما نجاسة البنااااات انا اعرف اربيهاااا عدل ههههههههههه

مثلا وحدة جابت حلو قهوة حيل حلو سالتهااا رفيجتى قدامى قالت من وين حلوج قالت ما اعلم ذقوة اول انا اهنية وقفت ستوب بعدها لما مرت الاياااام وجبت حلااااا طبعا حلو قلت حق رفيجتى لا تسالينى قدامهااا لانى ما اب ىاحرجج دربالج ولما جت البنت وسالت قلت ما اعلم ذوقى ب االاول قعدت تضحك ههههههههههه لانهاا حست ههههههههههههه


يعنى عامل كما تعامل هيك الدنياا بتقول والله سوالف الحريم ما تخلص والى يدش بدوامتهم يروح فيهاااا

 

[غربــــة اِحساس]

مادري ليش الهياط وليش النحاسة يعني شنو يستفيدون ؟

ناس طبعها غريب

ع الاقل وحده تهايط والا تتنيحس عليج بالدوام او معرفة عادي

المشكلة اذا كانت تصير لج

صج اعطيها سيده طنااش وكأني ماسمعها بس يحز بالخاطر اذا سأتيها عن شغلة وقالت ماعلم ماالت على النحاسة

 

[brat]

soseta لووول بدعتي



بس البنات اللي يتكلمون عن اللي يتحجون إنجليزي، في ناس دارسين إنجليزي ولا عايشين بره في كلمات بالعربي ما تطلع معاهم. مثلاً آنا، يبيلي أفكر ساعه على ما تطلع الكلمه الصح! وهذا مو تفلسف بالعكس مرات أنحرج إذا كلمت خالتي أم ريلي ولا أي أحد كبير.

بس حريم إخوان خالتي يبطون جبدي لما يقولون حق عيالهم عالغدى تبون rice؟ يعني ما يقدرون يقولون عيش؟ لوول

 

[السكوت مشكلتى]

ههههههههههههههههههههههه
صج موضوعك حلو
يا ما اكثر الهياط بكل شى هل الايام
بس انا اعطيهم طناش احسن تنبط جبودهم

 

[كندية]

soseta لووول بدعتي



بس البنات اللي يتكلمون عن اللي يتحجون إنجليزي، في ناس دارسين إنجليزي ولا عايشين بره في كلمات بالعربي ما تطلع معاهم. مثلاً آنا، يبيلي أفكر ساعه على ما تطلع الكلمه الصح! وهذا مو تفلسف بالعكس مرات أنحرج إذا كلمت خالتي أم ريلي ولا أي أحد كبير.

بس حريم إخوان خالتي يبطون جبدي لما يقولون حق عيالهم عالغدى تبون rice؟ يعني ما يقدرون يقولون عيش؟ لوول

اي والله انا معاااج...يعني انا عاايشه بره وكل انقلش حتى في البيت...لان يقوولون لج اذا بتتعلمين لازم تحاولين تتكلمين واايد انقلش...فلين تتعلمين خلاص تتعودين...والمشكله انتي اكثر وقتج بره البيت مدرسه وشغل فيعني تردين البيت ماتتكلمين وااايد...

عاد رفيجتي مسكينه توهاا رااده الكويت بعد ماخلصت درااسه وتقوول لما اطلع مع خوااني واتكلم البنااات يتطنزوون..اقوولها ماالج شغل هذوول محترين ومااكووو شغل....يعني شكوووو تتطنزووون الحمدالله والشكر ناااس حدهاا فااضيه...كل وااحد يسوي اللي يبيه..ولو يعرفوون بيتكلمووون نفسهم...بس اللى مايطوول العنب حامضن عنه يقووول

وشووفي التشيحط يبين من الصج...

ادري قرقت وااايد بس لان حاااسه فيج هههههههههههههه ​

 

[كندية]

الحمدالله اني مااعرف احد جذي..المشكله هووو مو على الشيء الغاااالي هو على الذووق...يعني اعرف نااس تشتري بالعلالي بس الذوووق هيلق شويه عليهم...

واللى ماايقووولون لا يقوولون الكويت صغيره تلاقين كل شيء الحمدالله..والله يخلي النت​

 

[(كويتيه عسل)]

والله يا بنااااااااااات ترى النااااس فيها خير يعني هذيلاااا يعتبرررووون شوااااااااذ عن القاعده الصحيحه

والحمدلله ماكو فقر بهالديره الطيبه -

وانا اتكلم عن نفسي الغالي والرخيص نشتري - المهم حلو - وشهر لنا خلق نشتري وشهر لأ
و لوووووووووول مرات ناخذ اغرااااض خواااتنا ههههههههه ونتهااااوش بعد
وتبووووووووووون الصج كل الكويتيييين ماعندهم فلوس بس .......... بالصيف يسافروووون وبالشتا هالمخيمات والاعياد
وكل شوي يطلعون يتعشووون برااا - و كل الاجهزة اليديده عندهم من بالي ستيشن ولابتوبات وتلفونااااااااات
والله ياااااااا بنااااااات ترى الكويت تعتبر من اغنا دول العالم ومعدل دخل الفرد كبير _ والله ستر علينا

احلى رد قريته في الموضوع مع احترامي للباجي

والله يعز الكويت :q8:

 

[*( وردة شـقـى )*]

اووووووووووووووووووووووو


الله ياكثرهم بهالدنيا بس تدرون شنو احلى هل حقهم


طاااااااااااااااااف ؟---- > راح يحسون ايتفاهتهم

 

[##سبحان الله##]

الله يهديهم ويهدينا

 

[مناير خزنة التاير]

واااي بنات يا حلوكم كلامكم كله عدل

عيل انا قصتي قصه ، قولي سلفه الفشخرة و التفلسف مرض اللهم يا كافي ربي تكملنا بعقلنا

انا بقولكم سالفتي وانتو خليكم الحكم (انا بسوي روحي ما اعرف احكم و ما افتهم)

هذي الله يسلمكم وحده من اهلنا بالمختصر بنت خالتي

يوم ان احنا صغار دايم دايم تاخذ من لبس اختي الكبيره والله مو تفلسف ولا شي بس هذا الصج ، ما تنعزم حفله و لا عشا ولا عرس
لازم قبلها بيوم يسيروم على كبت اختي الكبيره

ودايم اذا صغروا عليها اهدومها تاذخهم لانهم ناظاف ، والله العظيم ماكان بالنا اي شي بالعكس نستانس نعتبرها مثل اختنا لان مثل الشي انا اخذ لبس اختي الكبيره بس لاني بطه يوم اني صغيره فهدومها ما تقدلي دايما

المهم
مرت الايم و السنين و كبرنا
وهذي الحمدالله و الشكر استخفت ، تخيلوا يوم امها بدت تشيري لها و جذي قامت تتفلسف و جنه محد لبس غيرها !! و صرنا احنا الهيلق اللي ما نعرف !!!

عليج بالعافيه احنا شعلينا منج !!!!
تخيلوا اذا انعزمنا ولا كنا كاشخين لو تموتين جدامها ما تقولج حلو ، و اذا انتي كنت ساهيه و ساكته تقولج حلو اتقولين اي مشالله
تقولج يالنحيسة ليش ما تقولين
انا عبالي (نحيسه) من باب الميانه و الغشمرة

الا الاخت من صجها
اتدربح الكلمة بكل ما تحملها من كلمه

والا اذا حطيت مكياج انا اصلا ما احط واايد فمايبين لما اسالها حلو اتقول لا مابين ولا ما ترد
واذا قلت لها ما يبين الله و المكياج اللي احطه تقولي كل هذا و ماتحطين مكياج ما عرفنه لها !!!!!!

تبووون اتحفكم ؟؟؟

لما شرت السيارة ، والله يابنات انا كنت وياها و كل شي وكنت مستانسه لها وااايد ومابالي شي

فمادري اذا طلعت ولا لا بعد انا اشدراني ؟؟
جان اتحاربني ؟؟؟ !!! ليش عشان ما باركت لها
تخيلوا !!! مو من صج جان زين سيارتها يديده مستعملة

يلا قولي شرايكم
هذيلي اواادم ؟؟

الله لا يبلانا


ميخالف بنات انا اشتطيت بس من الحرة

 

[gazl~q8]

هههههههههههههههههههههههههههههههههههههه

حريم ناقصات عقل ودين مشفح ياحرام موشايفين خير!!

طااااااااااف من قلب...

ومناير ابيه بنت خالتج امرها عجيييب صراحة حركاتها تدل انها تغار!! انا ماابي اظن فيها بس من كلامج وعبالها انتوا
تغارون مثلها صراحة حركات بيبات الروضة!! الله يعينكم عليها وشخباري محاربتج كاااااااااااااك..


ويسلموووووووو حبوبة عالموضوع..

 

[نبض هبة]

لووووووووووووووووووووووول
مواقف المهايط و النحاسة تضحك...
أنا نفس الشي قرايبنا لو مهما يكون لبسي و شكلي و شعري حلو ما يقولون الحريم يقولون حلو الا اهم ..
و في وايد خرابيط بس الواحد يترفع عنها ..بعد شنسوي في ناس عقلها مثل عقل النملة >> صبر النملة لها عقل..؟ خخخخخخخخخخخخ
شكرا على الموضوع حبوبة

 

[Toffeeya]

عندنا و عندكم خييييير

مرة كانو زايرينا بنات عم امي و يدتي كانت توها مجدده ديكور الصاله الرخام والقنفات و الستاير وكل شي طالع اينن ماشالله
اول ما دشو جان يعفسون ويهم و تقول وحده منهم نسرره حق يدتي هااا خالتي مغيرة صالتج !! بس صراحه مادري شلون مو حلووو كلش كلش مو حلو جاان ناديتيني انا اصمملج الصاله !!!!!!!!!!

احنا انصدمناااا !! شهال قلة الادب صج ما تستحين !! عاد يدتي تدري انها محترة و خذتها على قد عقلها جان تقولها انشالله المرة اليايه لا بغيت اغيرها اناديج

عاد اهمه الحمدالله والشكر بخلل و حزريين و مايلبسون الا الخلاجين و بيتهم قديييم .. ما سنعتي بيتكم يايه رازة ويهج تسنعين بيوت الاوادم <<<< حدي منقثههه منها :23_asmilies-com: