تعرفين واحده تفسخ حجابها بالطياره تجرأتي و نصحتيها لوجه الله؟

[سوزي الشرقية]

ماصادفني مثل هذه المواقفـ..
وتوقع اذاصادفت مثل هذه الاشياء
مستحيل اني اقرب وانصحها الزمن موزمنـ ينخاف منه
كل الي باسويه ادعي ان الله يهديهــا ويهديناجميعا

 

[دنيه سعوديه]

على الاقل ببنكر بقلبي

 

[تفديني روحه]

بارك الله فيكم بنات

 

[عيش و مرق]

ماعرف ولا بنصح بطقاق كيفها مدام عرفت تقطه بره وتلبسه هنى يعنى تفهم

 

[أحبك أمي]

بالعكس الناس فيها خير
ليش التشاؤم؟

 

[! هُوْ وِينِه !]

بآلعكس آنصحهآ بآسلوب
آلدين نصيحة وإذآ مآ تقبلت نصيحتي
آكون مبرآة ذمتي
وسويت إلي ربي آمرني فيه
لآن فيه نآس جآهلة مآ تعرف تميز بين آلحلآل وآلحرآم

 

[جوك احلى جو]

النصيحه لها اداب ولها وقت وحسب الشخص خنكون واقعيين زمن الناس كلها زينه وطيبه وتتقبل هذا مـــومــوجود
الناس تسئ الظن قبل حسن الظن هذا واقع نشوفه بكذا موقف ونسمعه بالمقاعد

بهالزمن اذا بنصح لازم اكون عارفه هالشخص ومدي تقبله للنصيحه (هذا اول شي)

يعني مثلا تقولين وحده فاصخه حجابها اقوم واكلمها.. لا والله ماكلمها لانها اولا ماراح تتقبل اهي خل تخشا ربها عشان تخشاني

ممكن تكون البنت وقحه وتتهاوش معاي

كلن عقله براسه ووعارفين الناس الصح من الخطأ ماله داعي اتدخل

 

[أميرة-]

اذا امون عليها ممكن


بس وحده ماعرفها او اعرفها معرفة سطحية .. لا مالي شغل فيها كيفها هي تدري اللي تسوي غلط وحرام

 

[aṕriliå]

الناس الحين ماعاد تتقبل النصيحة هذا اذا ماجروج وياهم

انا اكتفي اني انكره بنفسي مايجيني جرأة انكر عليها ..

 

[هجران الليالي]

وايد جفت هالحالات بالمطار جدام عيوني .. حريم تدش المطار بنقابها وقفازاتها وعبايتها المحتشمة .. فجأة وبدون سابق إنذار اللهم يكافي نجوف وحدة طالعة قاطة كل حاجـــــة عيوننا تطلع جذي @@ ويقولون إحنا ملزومين نلبسه من اهلنا وديرتنا وعاداتنا إجباري فبما إني بسافر بفصخ محد لي ، وكأن الخوف من الأهل مو من رب العالمين

شقالو لج ! إحنا رايحين بلاد الحرية! وكأن فصخ الحجاب هو الحرية استغرب الصراحة لا ومع أزواجهم بعض الأوقات خوش أزواج والله ،، طيب من البداية منت ملزوم تلبسها حجاب ولا عباية ولانقاب!

 

[كراميلا مرة]

انا بصراحه اسمع بس مامره شفت بعيني
بس شوفي اللي متحجبه عدل ماتفصخه لاهني ولا امريكا

 

[ولو انت اجمل]

السلام عليكم
موضوعج حلو بس لا نروح بعيد انا اعرف وحده تقط نقابها بالكويت موبره شفناها تلبس النقاب بس لما تدخل الدوام تلبسه بالباركن ولما ينتهي الدوام تفصخه بالسياره وطول ماهيه تسوق النقاب علي حنجها واذا دخلت الدوام ماتقول الاقال الله سبحانه وقال الرسول صلي الله عليه وسلم ومحد يعرف الدين مثلها وتناقشج في كل شي هذي الايبي الواحد صج ينصحه بس لنسانها طويل حتي الشباب الي بالدوام مو مفتكين من لسانها

 

[شماسه]

الحمدالله ماقد شفت حالات زي كذا بحكم اني سعودية ومعروف تمسكنا بدين الاسلامي الصحيح

لا حبيبتي اغلب اللي يفصخون العباية والشيله فالدول الاوروبيه السعوديات أنا تو راده من فرنسا ما شفت خليجية قاطةً الحجابً الا السعوديات *

 

[blue diamond]

أخذ حقه بالنقاش
الموضوع مغلق​