تعـآلــــــــــــــــــــــــــــوو :(

[IIOO]

السلام عليكم ورحمة الله وبركاته ..

بنات بدخل فالموضوع على طول

بصراحه انا كان عندي اسلوب حلو فالتعامل مع الناس وكنت محبوبه وايد
وياتني فتره انقلبت صرت لما اقعد مع الناس كله ساكته وماعرف اتكلم
احاول اتكلم اقول شي اتم ساكته احس ماعرف شقول
لدرجة اني صرت لما امر على الناس ما اسلم اتجاهلهم واعترف لكم بهالشي ومره وحده قالت فلانه قبل كانت تسلم علي احين ماتسلم
مابي اسلم على احد مابي اشوف احد
مب عارفه شاللي صارلي

فهالفتره كنت امر بمشكله وفقدت ثقتي بأنسانه كانت وايد قريبه مني مب عارفه هل هالشي ماثر علي ومخليني جذي لدرجة يابنات احس ان ماعندي شخصيه جدام الناس
دوم احس ان الكل كارهني احس كل شي حولي بايخ وتافه حتى لما اطلع من البيت ماحس بوناسه احس كل شي كئيب

وثاني شي صار ماعندي ثقه فشكلي :eh_s(16):
يمكن لان خشمي شوي كبير وماثر على نفسيتي استغفر الله هاي خلقت ربي وماعترض عليها
بس من كنت صغيره كان هالشي ماثر وايد على نفسيتي لدرجة اني افقد الثقه بنفسي :eh_s(11)::eh_s(2): فكرت اسوي عملية تجميل بس قلت ماتسوى اغضب ربي :eh_s(2):
ودي اكون ستايل وكشخه وعالموضه بس احس اني ماعرف حق نفسي :eh_s(4): ووايد احتقر نفسي مثلا لو احد مدحني احس اني ما استاهل :eh_s(2):


عطونـي حلول يابنات شلون اقدر ارجع طبيعيه مع الناس نفس قبل
حتى اهلي احس صار بيني وبينهم حاجز مع انهم يعاملوني احسن معامله بس ماردي اشصار لي
شلون اهتم بنفسي وارجع الثقه لنفسي :eh_s(2)::eh_s(16):


واللي بتسأل عن عمري 20 سنه

 

[Tom ♥ Jerry]

.

و عليكم السلام و رحمه الله و بركاته

!

كان عندج ثقه بنفسج و كنتي تسولفين مع الناس طبيعي ..
يمكن حصل لج موقف او مشكله اثرت عليج
و خلج تفقدين الثقه بالنفس

عموما ، حبيبتي حاولي تستعيدين الثقه بنفسج امام نفسج و امام الناس ..
ابدي بشكل تدريجي .. اول شي سولفي مع رفيجاتج المقربين
بعدين كوني صداقه بشكل اكبر !
و حاولي كثر ما تقدرين تصيرين اجتماعيه
لا تصيرين منعزله عن العالم و الناس

الله يكون بعونج يارب ؛*
اذا كنتي تحتاجين دورات خاصه و قراءه كتب تطوير الذات
اقري و تعلمي و روحي دورات !
عشان تستعيدين الثقه بنفسج
لا تبخلين على نفسج بهالاشياء ..

 

[Hand]

حبيبتي الي فهمته منج انج عندك مشكله في شكلج وثقتج بنفسج

الاثنين يجوون مع بعض شلون ؟

اول غيري في شكلج يعني غيري استايلج جربي تغيرين في شعرج ولبسج

في وايد باليوتيوب اشياء راج تفدج زي تسريحات الشعر وطريقة الميك اب

شذيه

وبعدين بتجي الثقه بالنفس ليش ؟

لانه لمن يتغير الي برا يتغير الي جوا

بعد حاولي تشوفين عيوبج وتصلحينها وبكذا اشوي اشوي تتغيرين وتصيرين مثل اول واحسن بعد

بالنسبه لي انا عانيت مثل ها المشلكه ومشيت ع نفس الي قتلج اياه والحمدالله

ربي يوفقج ياعسل

 

[الجوهرا]

حبيبتي لازم تكونين واثقه من نفسج ياما بنات موحلوين بس ماشالله عندها ثقه وهي تسولف معاج تحسسج انها جميله والله يوفقج انشالله

 

[دلوعة حمني]

حبيبتي ليش كل هذا؟ انت عمرج 20 سنة و هذا احلى عمر و احلى وقت نعيشينه

اذا خشمج مأثر على نسيتج ترى عادي تسووينله عملية.

و ترى في بنات مو حلوين بس شوفي الثقة اللي عندهم ماشاءالله تكفي ديرة

فرحي حبيبتي طلعي مع رفيجاتج خواتج اهلج ترى الدنيا حلوة

 

[حنان الحربيه]

في اليوتيوب دروس في التنميه البشريه
ادخلي وشوفيها وان شالله بترجع ثقتك بنفسك

وبعد توك صغيره يعني كل هذا صارلك لانك فقدتني ثقته بنسانه
خليك اقوى من كذا وحطي في بالك انا الحياه فيها زين وفيها الشين وراح نقابلهم في حياتنا
بس لا ياثرون سلبي عليك

موفقه اختي

 

[الاسكريم]

اختي الكريمة
انا بعض احيان امر بمثل حالتك
لكن افضل شيء انك تقرئين على نفسك قبل تقعدين مع اي احد
شكرا

 

[Patcholli]

مثل حالتي وكتبت موضوع مشابه لموضوعج قبل فتره الله يكون بالعون

 

[IIOO]

تسلمون يـآبنــآت على الردود ماقصرتـو
الله مدري شلي خلاني اقلب جذي



بشوف الفيديوهاات وبحاول قد ما اقدر اني ارجع مثل قبل واحسن
واللي مثل حالتي اكيد حاسين فيني
بس اكيد كل شي يبي له اراده قويه الله يعين
والله يابنات كان لي اسلوب يجذب اللي حوالي ماقولكم جي عشان تقولون شايفه نفسها لا والله بس هاي الصج
فجأه كل شي اختفى صرت ماعرف اتكلم
وربي منصدمه
يمكن الصدمه او المشاكل خلوني جي لان فتره كانت المشاكل تجيني من كل صوب
بس الحمدلله

 

[ماني من الناس]

بالنسبه لمنطقه الانف الحين المكياج يطلعه كنج مسويه تجميل


دشي يوتيوب واخذي دروس بتحديد الانف السالفه سهله جدا


ومو بس الانف لا نحت الوجه بعد

 

[مولاي الفرج]

بالعكس اعتبري هالموقف درس لج انج تختارين اشخاص زينه تتعاملين معاهم

بس تظلين على طبعج واخلاقج والسلام لله بالنهايه وخلج رسمية وابتسمي معاهم مو الا تكونين ميانه معاهم

وخلي شوي تفاؤل وثقه عندج ليش يعني ماتستاهلين الكلام الحلو ماقالولج جذي الا انج خلوقه وحلوة

وانا اللي اعرفه اذا العيب اللي بالانسان معقد له حياته يقدر يلجأ للتجميل

بس والله لو انتي ثقه ماراح يهمج

انا لما احد يعيب علي ما ازعل لان مقتنعه بنفسي

 

[عادت ذكرياتي]

أب


أب

 

[دمعة وفاء]

لا تخلين اي احد يأثر بحبج لنفسج وثقتج ،، نصيحة ...
حاولي ترجعين للي كنتي عليه من قبل واحسن بعد ...
ولازم تعرفين انج لو صار عندج ثقه بالنفس وقناعه راح تحبين نفسج وتشوفين نفسج اجمل بنت في العالم لو كنتي اجكر انسانه !!

تحياتي ، والله يكون في العون ..​

 

[قمر بيت أبوها]

اذا خشمك كبير خير ياطير
انا اعز صديقاتي خمشه مو كبير بس الا هي كبيره بعيوني حيييييل
لدرجة لمااسلم عليها اقول هات خشمك وهي نفس الشي هات خشمك
لا تسوين عملية تجميل لانه بس كبير حرآآآآم هالشي
لو عيوب خلقيه ممكن
وسالفة انك ماعاد تسلمين صارت لي اخر سنه بالجامعه
السبب تخانقن انا والشله تفاجاة ان وحده منهم تغار من ثقتهم فيني
وتتكلم علي لساني كلام عنهم انا ماقلته
فصار مالي خلق اسلم ولااتكلم حتي مع صديقاتي
مرحله وعديتها علي خير
وترا الانسان مهما صار اجتماعي لابد تجيه لحظت فتور ويلزم الصمت بس راح يرجع لساحه وبقوه وبث,,

 

[Miss Eteket]

حتى انا فيني عآدهه من يومي صغيره ما اسلم على احد هع


حتى لما ادخل على الحريم اكون ساكنه احد قالي ما سلمتي جذي اقوم اسلم محد تكلم اكون ساكته ههههه

احس هذا ششيء طبيعي فيني مع اني داايم انززف من امي و خواتي و اهلي ككل

 

[° ЯŎ7 ĥẽlώą ° ®]

مرت علي هالحاله جذي مالي خلق احد وقمت اشوي اشوي انعزل
شافتني خالتي الله يخليها لي وقالت شفيج انا العاده قرقه قلت مدري احس ماقاموا يحبوني
كان عمري 14 قالت روحي اقعدي عندهم الحين واي شي يقولونه خالفيهم حتى لو انتي مو مقتنعه
والله سويتها اخذت الجو علييهم والى الان وانا كل شوي ضدهم هههههههههههههه
جربيها شوي شوي ويقولج المثل بما معناه اذا كنت بمجلس لا تسكت ابدا حتى لو كنت مو فاهم شي منه وتصير مثل الحجر
جرب تخالفهم عالاقل اذا اختفيت يذكرونك وينه الي كل شوي ضدنا اما الشكككل والله ماله شغل يا ما بنات جيااااااااااكر بس بشخصيتها تشوفينها حلووه وتجذبج , الله يوفقج قلبو