تعلمون احد شنو....؟

[متيمه بهواه]

بخصوص فيه مواضيع نزلت من قبل ما صادفتها والله..


وبخصوص ليش مانقول شنو جنسه
احس احلى اذا قالوا فلانه ولدت يقولون شنو جابت؟؟
بس اذا يدرون ما راح يسألون او حتى يتشووقون لولادتج مادري هاذي وجهة نظري..


ومشكورين على الردود الحلوه..

:eh_s(15):
معاهـــا

وليش العجله مصيرهم بيدرون سواء اليوم ولا باجر
بس حريم
مايعرفون يستكون ههههههههههههههه >>>>> انحاشت :dddds:

 

[pusy cat]

الله وكيلج انا من سويت اختبار البول امة محمد كلها درت على طول زوجي دزز مسجات ههههههههه مطفوق الله يصلحه

الحافظ الله انشالله انا عن نفسي اقول عادي بس احرص ان هالاخبار ماتوصل للناس اللي مايحبوني لان في ناس يتعمدون الحسد والعين حق

الانسان اذا ما نظل على الحمل ينظل على شنو ؟؟

 

[ام الحوراء زينب]

اكيد اقول حق الكل

 

[tbola]

ايي عادي اقووول ولي ماتقول دايمن يكون فيها ولد

 

[خفايا البحر]

اذا احد سالنى اقوؤل

 

[om_3azoz]

اي عادي اقول الحمدالله بنت ولد نعمه من رب العالمين

 

[انجبر قلبي]

اقول و جنه العيد

ماله داعي تخشخش و لف و دوران

لا تسوونها قصه

مصير الناس بتدري شنو يبتي و اللي تقول مفاجأه على شنو نتفاجأ اكيد بنكون متوقعين يا بنت يا ولد

لول

و حتى لو سألوج بوقتها شنو يابت ... إهالسؤال شنو بيغير من حياتج للأفضل !!!!

و صج الحين اللي فيها ولد اهي اللي تقول مفاجأه و ما تعلم .... خلاص يعني عارفين

احس مصاخه .. شحلات الاجانب من اول ما يعرفون من فرحتهم الولاية كلها تدري و حفلات و تباريك واي ليش ما نفرح بالشي مع بعض

كله خايفين عين و حسد اوكي العين حق بس مو الحل تخشين الحل بقراءة المعوذات و الادعية و التوكل على الله

 

[miss_whitemocha]

إي عادي اللي يسألني أقوله..
ما أشوف فيها شي صراحة..
بس أستغرب من اللي تخش..​

 

[ريـــ205ـــم]

عادي حبيبتي اقول حق الكل ​

 

[Dark SouL]

انا حمواتي يبطوووووووووووووون جبدي ..، اذا حملوا وسألتهم يقولون والله للحين مو مبين @@ شنو مو مبين بالشهر السابع مو مبين تقول انا جهزت لون ابيض ولا اوفوايت عشان اذا يبت بنت ولا ولد ينلبسون :/

ولا يقولون مصكرة ريولة عشان لا يحددون نوع اللي في بطنهم

عاااد انا حاااااااااااارة وبسرعه اتنرفز اقولهم شخباااااااااااااااااااااااااااااااااااري هالحركات :d لووول

وانا اول ما حملت على طول قلت لهم شنو فيني ..، والحمدالله على كل حال بس سالفه اخش على فلان وعلان احسه ملاقه وسوالف يهال

 

[أنهار الكويت]

انا عن نفسي اقول ماعمري خشيت حتى ابجري ماخشيت

بس بنفس الوقت فاهمه تفكير البنات اللي مايبون يقولون من باب المفاجأه (( اهي اكيد ماراح تجيب شي غريب على قولة وحده من الخوات )) بس اهي الفكره ان ماقادرين يتوقعون اهي بنت او ولد وتلاقين الكل يسأل هااا ولدت؟؟؟،،، شنو جابت؟؟ الكل ناطر ولادتها على نار ويعرفون شنو في بطنها ،، يعني من باب الاكشن والتشويق بس يعني عادي

وكذا مره اقول هالمره بخليها مفاجأه ومابي اعلم بس ماعرف تلاقوني حتى اللي مايدري ان مسويه سونار اقول ترى سويت سونار وطلع فيني جذي

ماعرف اخش بالمره طبعي احب ابشر اللي حولي

 

[عطر الدوحه]

مااعلم احد

لاني مااسال احد شنو بتجيب

ولا احب احد يسالني

يعني شنو بيزيد عندهم ولا بينقص لا دروا شنو بطني

انا بسراحه احسه تطفل محد له شغل

اهم شي امي وامه والحمدلله مايعلمون

 

[مشتطـه]

والله بصراحه انا ضد اني ما اعلم
بس طبيعة البيئه الي عايشه فيها عناد ومفاجأه

ف مايصير اصير شاذه بينهم واعلم واصير جني هبله


انا

اللي يدرون ريلي
خالتي و عمي أمي أبوي خواتي
رفيجتي الروح بالروح وثقه

 

[توكلت على الله 22]

اناااااااااا اقووووووووول عااادي

 

[معلمة الاجيال]

اي عادي خو يا بنت يا ولد يعني شنو باييب
ومافيها شيء ... رزق من الله

 

[Dark SouL]

شدراني 

 

[الذوق والرقه]

انا في بجري بنيه ماعلمت احد بس امي واختي حتى زوجي ماقلت له
هالمره ان شاء اذا بنت بعلم عادي لان يوم جبت بنتي قالوا خشت عنا عشاانها بنت
وانا عادي الله يخليلي بنتي اما اذا ولد ناويه اسكت لعانه بس

 

[جمالي خيالي]

انا ماعلم احد لسببين

الاول احب الناس تترقب وتنطر ولادتي واذا ولدت يسألون هااا اشيابت؟؟

السبب الثاني لان في ناس اذا علمتهم وقلت لهم مثلا فيني بنت يضيق خلقها وتقول ياليت اللي فيج ولد والله الولد بهالزمن احسن وتربيته اسهل وتسطر لج مزايا الولد وتحسسني بالنقص !

وان قلت فيني ولد تقول ياليت فيج بنت.. البنوته دلوعه وحلوه تصير رفيجتج لي كبرتي و .. و ..و .. ومره ثانيه تحسسني بالنقص!!

هالنوعيه من الناس يكرهونج عيشتج وينقصون عليج فرحتج بالبيبي ولو مهما تقولين لها انا راضيه بقسمه الله اهم شي صحه البيبي مايقتنعون ويطالعونج بنظره شفقه !!

خليني مستانسه مع البيبي اللي ببطني طول فتره حملي ادلعه واتحلى عليه بعيد عن كلام الناس اللي يغث *