تعليقات الأزواج ( خل نضحك )

[تفاحة حمرة]

هههههههههههههههههههههههههههههه موضوع عجيب كملوووووووو

والله مو بالي شي بس عندنا وعندكم خير هههههههه

 

[الفنانه79]

وااااااااااااي ذبحتوني من الظحك وذكرتوني
والله بعد قلبي ماعمره علق الابهاليوووووم
صج مسخره
الله يسلمكم انا يعني اسكت امسوي ليييييييييييييييله
وقايمه ماخذه هذيل الليتات من بو100 وقاصتهم لونهم وردي نفس داري وامنثرتهم بالغرفه وامسكره الليتات

وانا لابسه لبس فرعوني ايهبل ولابسه باروكه نفس مالت الفراعه وخاطه الكحله واقولكم حاااااااله
وقاعده على الكرسي الهزاز انطره المهم سمعت الباب رحت اركض وانخش ورى الباب
فتح الباب لقى الدار فيها شي فسفوري يلمع على الغرفه كلها
ولقى الكرسي الهزاز يتحرك ابروحه لاني قمت ابسرعه
يناديني وانا ساكته دخل وسكرالباب ولا انا وراه
وينقــــــــــــــــــــــز نقزه من الخرعه بغى يوقف قلبه
جان يقولي يماااااااا جنج كليوباترا:eh_s(3):ههههههههههههههههههههههههههههههه

حبيبي وعليه اخترع ماتسوى عليه

 

[عطر الشوق]

مره قعدت من النوم مبجر وقلت خل اقعدة من النوم بنعومة
جان اقوله باذنه احبك تدروووووووون شنو رد على ؟؟
قالي حبيني بعدين بنام الحين :eh_s(3):
دقرة معتبره هههههههههههههههههههه

 

[الزين يفرض نفسه]

كااااااااااااااااااااااااااااااااااااااااااااك

موتوني من الضحك


انا بعدي على هالسوالف بس لاحظت ريلي من النوع اللي لمن يدقر يكون مو قاصد مسكين لوووووووووووووول عاد اذا بيطنز او بيدقر اتييله حاله يتأتأ مايعرف شيقول مايدري شلون يعلق تشوفينه بيقول شي شيات جذي مني مناك ما يطلع الحجي ويضيع واهو يضحك وانا استانس لووووول ماكو دقره ماكو دقره لووووووول

بس مرات انقهر لمن تكون تعليقاته سخيفه وتدل على انه كللللش ما يعرف سوالف حريم مثلا يقول شكو مو موديل الجينزات الجينز بس حق البيت قلتله اللللللله ما تشوف البنات بالمارينا يقول لا تنانير ماكسي احلى واذرب قلتله اوكي حلوه وذربه بس موديل الجينزات لالالا يطنز علي مايحب

ولا مره ضحك على صبغ الاظافر الفرنسي يقول شنو هذا بس من الطرف ليش ما كملتيه ومن صجه يطنز مو عاجبه يقهررررررني لمن مايفهم بالموضه ويطنززززز


امبي الموضوع حلو واذا تذكر بقولكم

 

[حنون المزيون]

شكرا للتفاعل ... ويالله لا يوقف لا يوقف


الزين يفرق نفسه ... ذكرتيني بريلي أول ما تزوجت رد من صلاة الفجر وإلا قاعده بفراشي أصبغ أظافري .. جان يقولي يالله صباح خير الناس تستغفر بعد الصلاة تقرأ قرآن وإنتي هالتصبغ
( ياحظي حاطتهم له قلت بكشخ )

بس خوووووووووووش دقره
:eh_s(6)::eh_s(6)::eh_s(6):

 

[همسات ليالي]

خووووووووووووووش موضوووووووووووع

مره كنت لابس قميص نوم بو ريش اول ما دخل قال <<<شلووونج ميمي جمال>>>

قمه الاحباط

 

[ريم @]

الله يسعدكم ضحكتووووووووووووووووووونى

 

[nono78]

لووول


الله يخس بليسكم

جني هبله قاعده اتضحك بانصاف الليالي

بطق كرت اهني لأني مو متذكره شي راجعه لكم

 

[makeup story]

لوووووووووووووووول ابيه مواقف عجيبه مو طبيعي

انا ريلي اذا حطيت مكيااج حتى لو له يقولي وين رايحه عرس ؟

وبعدين قلل من التعليقات لانه نوعي ان علق ع شغله اكرها ومستحيل اكررها لوووو شنوووو ومرات يكون قايلهاا ع غشمرة

 

[درقاء]

صراحة خـــــــووووووووووووووش موضوع ،،
قاعده واتكركر بالدوام جني الخبلة !

 

[جروح تبتسم]

ههههههههههههههههههههه يحليل سوالفكم الله يوسع صدوركم ويسخر لكم ازواجكم

عاد انا زوجي ابو التعليقات .... هههههههههههههههههههههههه

مرة كنت لابسه شورت ... يديد

جان يقولي تعالي يامره موجنه هذا شورتي صارلي اسبوع ادوره

 

[طيري الأخضر]

يا حلو كلامكم يا بنات

ضحكتوني والله من صباح الله خير وأنا بالدوام أخاف أحد يشوفني يقول ينت البنية ههههههههههههه

أنا بصراحة يراعي مشاعري وأحاسيسي لأني حساسة بسرعة أزعل

لكن بعد مرور سنوات من العشرة،،،، تعلمت أني لازم أردله الغشمرة وحده بوحده

لي عودة للحديث بقية مثل ما يقولون

 

[مكنتوشه]

الموضوع عجيييييييييييييييييييييييييييييييييب
انا ريلي ابو التطنز وما يراعي شعوري ابد ... مره كنت كاشخه وحاطه حمره حمره جان يقولي اخاف انتي ماكله ولدج .. شعندج حاطه حمره ....بغيت اذبحه - جان يخليني ويروح عند امه . وكرهني بالحمره ..
واذا ما كشخنا ولبسنا بس زاهبين يقولون اتزوج عليج ... والله ما عرفنالكم يا الريايل .... انتو شتبووووووووووون بالضبط ..؟!!!!!!
اذا اذكرت شي ثاني اقولكم .

 

[أم وجيه]

عاد موتوني من الضحك عليكم
عادي كلنا على هالحال
زوجي يحب الشعر الأحمر وانا ما أحبه بس مره قلت بسوي شعري أحمر علشانه
وسويته ولما دخل البيت يقول منو هاد الديك في بيتنا وانقهرت منه والله بنفس اليوم رحت الصالون وغمقته
ومره كنت لابسه قميص نوم من اللي فيه ليت ومسويه اضاءه رومنسيه بالبيت بالشموع وموسيقى وحاله وقاعده أنطر من دش يقول سوري حبيبتي بس تعبان ومالي خلق متناقر مع أمي
واااااااااااااااي فشله وكسرت خاطر

بس عادي نتعود ولما أتذكر أموت ضحك

 

[Maltesers]

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ..

اشكثر يعلقون هالرياييييل .. والله ساعات يفشلون


واااااااي انه تنبط جبدي من ريلي لمن اكون معزومه مكان وبسوي بف بشعري ويوقف يمي يسولف وانه اكشش شعري عشان البف يقولي حبيبتي اشفيج عسى ما استخفيتي اوديج يقرون عليج

ويفشلني لمن نروح محل ألعاب او مكان فيه العاب حق اليهال اقوله خل ناخذ هذي اللعبة حلوه عشان ولدنا يتعلم جذي وجذي .. يقولي جدام اللي يبيع او اللي تبيع خلصيني قولي انج تبين تلعبين فيها هههههههههههههههه

وأعرف وحده سوت جو رومانسي حق ريلها يايه بتدلعه .. حطت له شموع بالدار وتقول لمن دش سوالها حركة البوذه .. يقولها داشين معبد بوذه احنا جذي مسويه واااااااااااااااااي دفشين

 

[OmRashed]

:eh_s(6):

رياييل تعليقاتهم ماتخلص ومايعجبهم شي

انا اي شي البسه وخاصه البجامات اللي بنطلونها وسيع
يضحك علي يقولي العصله تفشلين مع هاللي لابسته
جنج بايقه الملابس

بس انا موعصله شسويله اهوه يحب المتروسين :eh_s(13):

 

[ياسمينا]

ايه تذكرت موقف كنت شاريه عطر جديد وريحته تدوخ والله حلو وحطيت منه وقعدت يمه واصب الجاي جان يقول اشم ريحه بف بااااااف راشه بالصاله انتي!!!!!!!!! قمه الاحباط بغيت ازنطه الحين متعطره واغلى عطر وتقول جذي
بعدين قال اتطنز ريحته حلوه انا طبعي اذا تكلمت انكت-عااااااادي تعودت

 

[طم طم]

هههههههههههههههههههههههههههه
يا حلوووكم وياا حلووو سوالفكم
لا يووقف تكفون وناسه

 

[أشواق]

خخخخخخخخخخخخخخخخخخخخخ

دااشه لقاافه

 

[حب الوطن]

رياييل ماكو فايد منهم يبيلهم غسيل لسانهم بتايد