تعميم المكافأه الاجتماعيه

[diorella]

هلا بنات اشلونكم

طبعاً الكل سامع بالخبر ..:eh_s(15):
بس الي سمعته ان شهر سبعه يعممون المكافأه .. بس متى بضبط ؟
الي تدري ياليت تفيد البنات

وشكراً:eh_s(7):

 

[3w!Shni]

الحين قاعدين نقدم ..

اذا انتي بالتطبيقي روحي قدمي عند الهيئة من الساعه 5 لي سبع العصر

 

[you 2]

أنا موظفة وطالبة في التطبيقي هل يحق لي أنا بعد ؟؟؟

وشنو يبون من أوراق

أشكركم

 

[diorella]

لا لازم ماتكونين موظفه او يكون عندج معاش


بس بعرف متى تنزل ؟؟ مو قالوا شهر سبعه ؟وطلع حجي شهر تسعه ؟

 

[بوران]

الثنائي المرح شنو في تقديم الحين؟؟
شنو الاوراق اللي يبونها؟؟؟
ترى لاعت جبودنا من النطرة شنو بذلونا عليها كلها امية دينار السالفة مو مستاهلة تعطيل جذي
لو اهمه يبون فلوس منا جان على طول طبقوا و بكل سهالة و بدون تعقيد عدل؟

 

[نزف]

الاوراق ياقلبي نموذج تحويل راتب من البنك

تبين ان لج حساب جاري

وورقه هم يعطونج اياها تعبينها لهم

وصورة البطاقه المدنيه

بس انا من زماااااااااااااااااااااااااان مقدمه اوراقي

من امتحانات الفاينل او قبلها بكم يوم

وكانوا محددين وقت لتسليم الاوراق

 

[بوران]

بنات للحين ما نزولوها لي
باقي المستجدات نزلوها لكم و لا لأ؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[نزف]

بوران حبوبه انا هذا ثالث كورس لي

لأن ابوي ماسوا اوراقي قبل

وللحين مانزلت لي .. بس لا تخافين

الاخصائيه يوم سويت اوراقي قالت لي

تنزل لج بأثر رجعي شهر 8 ماقالت شهر 7

واكيد الاخصائيه ادرى

 

[3w!Shni]

راخ تنزل للمستجدات والي توهم مقدمين بقرار التعميم شهر تسعه

بأثر رجعي مثل ما قالت نزف

بغيت ازيد على طلبات الاعانة ..

صورة من جدولج

 

[بوران]

الثنئي المرح انا مقدمة اول ما طلبوا الاوراق يعني قبل لا يعممون
عادي و لا لازم اقدم من يديد؟؟

 

[نزف]

الثنائي المرح ترا مو شرط الجدول

انا قالت لي ماله داعي الجدول

يمكن على حسب المعهد

 

[3w!Shni]

مادري والله

انا تربية اساسيه

خيتو اذا قبلوا اوراقج من يومها خلاص ماله داعي تقدمين مرة ثانيه ؟؟؟

واذا حابه تتاكدين تاكدي

 

[نزف]

مافهمت سؤالج عدل يالغاليه بس بحاول اجاوبج

هم اذا اخذوا اوراقج يعطونج وريقه عنونه

فيها اسمج وانج قدمتي على الاعانه

ولو ضاعت مالج امل بعد تنزل لج

انا خشيت ورقتي عند امي اعرف نفسي رفله

 

[3w!Shni]

اي هالورقة عشان لو قالولج والله ماقدمتي تقوليلهم بلى و تطلعين هالورقة وتقزين عينهم هالجعوص لووووووووول