تغطية روعه و ناعمه من كريولان DC Camouflage Cream Palettes

[noty]

السلام عليكم خواتي

طريقتي اللي معتمدتها صارلي فترررة في تغطية الهالات تحت العين و تصحيح الويه
هالمنتج من ماركة كريولان

هالباليت فيه ٦ ألوان اللي أستخدمه ٣ ألوان فقط
سويت الطريقة اللي حسيتها ناسبتني
راح أذكرها بالتفصيل

المنتج :
DC Camouflage Cream Palettes - 6 Colors

بالبداية طبعا أرطب العين بمنتج من ماركه Thalgo
اهو جل مو كريم ،، أوزعه بطريقة الطبطبه و أنطر دقايق

بصبعي أبدي اوزع على الهالات تحت العين بطبطه هاللون
من غير ما اسحب بس اطبطب
و أحط منه شويه على بدايه الانف و على عظمة الخد

Dermacolor Camouflage Cream D32

ثاني خطوة ابدي أوزع هاللون ( روووووعه شويه عليه ) فوقه و احاول أغطي عدل
يعني أسوي طبقه من غير ما اوزع شي مجرد طبطبه خفيفه و اخليه
و اوزع على ويهي نقط بصمات يعني ( لازم ترطيييب الويه قبل التغطية)

DC Camouflage Cream d 5

آخر خطوة اوزع هاللون على اطراف عيني الخارجيه
و بصمات على الويه مع اللون اللي قبله
فتشوفين لونين موزعين على الويه

DC Camouflage Cream d 4

بعدين اييب هالفرشه و ابدي أمزج الآلوان من غير ما اضغط على الفرشة .. هالفرشه وايد حلووه واايد
خصوصا حق اللي يعانون من المسامات و احركها بطريقه دائريه و طبطبه
13 short duo fiber brush من ماك

و سلامتكم أي استفسار انا حاضر

 

[وافرر]

يشوق الباليت
يعطيك الف عافية على نقل تجربتك
يسلمووو

 

[رهـوم]

عندي هالباليت وصاجه واايد رووعه يعطيج الف عافيه

 

[Sparkle]

ولا مرا جربته :* يعطيج العااافيه على الموضوع

 

[^^ROSE^^]

مشكوره جني بجربه انا عندي هالات وغامجه وما اعرف اغطيهم
اصلا ما اعرف حق الكونسيلر احط فاونديشن هههههههه

 

[فدوووو]

يعطيك العافيه وهالباليت شكله حلووو

 

[عيون النداوي]

تسلمين يالغلا
ومشكورة على الشرح الجميل

 

[krkooora]

قبل لا اجرب كونسيلر كريولان العجله كنت استخدم هالكونسيلر
كان عندي لونين برتقالي و بيجي مو حافظه رقمه بس تقريبا قريب على الالوان اللي حطتيها
اول شي اوزع البرتقالي و عق البيج فوقه كان عجيب و مثل مستوى كريولان ماكو فرق
عليج بالعافيه

 

[حقووقيــــــه]

شوقتيني اجربه .. انا استخدم الكونسيلر ويل من نفس الماركه

مشكوره و يعطيج العافيه ؛*

 

[UNICORNA]

شكوره حبوبه

عاد كرايولان معروفه بالتغطيات الممتازه بس يبيلها احد يعرف كيف يستخدمهم عشان لا يخبص (=

تسلمى

 

[رووزلندا]

توزيع التحت العين بالفرشاه بعد ولا بس بالطبطبه

 

[زبــــــــدة]

شكله نفس مال ميكب فور ايفر ...

ثااانكس :*

 

[PINKIA_STYLE]

مشكووره ويعطيج العااافيه *

 

[Killer^Girl]

مشكورة

 

[noty]

حيااكم الله

ااي اول شي طبطبه بعدين بالفرشه كله مع بعض

 

[brod.a3ssab]

يعطيك العافيه معروفه تغطيتهم شي

 

[كوشيه فوشيه]

يعطيج العافيه

 

[..~Goolz]

شكرا

 

[noty]

حيااكم الله

 

[manoooram]

يسلموا ومعروف kryolan تغطيه ولا اروع