تغطيه: دورة التصوير فائق السرعه

[فراولة^فوشيا]

بسم الله الرحمن الرحيم


قبل يومين بدأت دورة التصوير فائق السرعه في نادي العلمي الكويتي

من 18/6/2008
الى 20/6/2008

وهذي كانت اول دورة احضرها في مجال التصوير الفوتوغرافي

بصراحة كانت روعه ومن تقديم المصور السعودي المبدع محمد المؤمن

موضوع الدورة هو كيفية تصوير الاجسام السريعه واللحظات الدقيقه اللي تصير في اجزاء من الثانيه
مثل قطرات الماء وطلقة الرصاص وتكسير الكؤووس واللمبات وفرقعة البالونات وغيرها

الدوره نوعا ما متقدمه تتطلب معرفة المصور للأساسيات التصوير

وتم عمل ورشه وبعض التجارب وتم استخدام اجهزه وادوات معينه من قبل الاستاذ لتطبيق مثل هذا العمل

الفكره باختصار انه يقوم بتصوير الاجسام السريعه في غرفه مظلمه تماما وتتم التقاط الحركه عن طريق حساس موصل في فلاشات تعطي ومضات اثناء تلامس الجسم للحساس وتقوم الكاميرا بالتقاط الصوره والغالق مفتوح


الدوره مدتها 3 ايام...
اليوم الاول كان الجزء النظري حيث تكلم عن تاريخ هذا التصوير والاسلوب العلمي له وكل ما يتعلق فيه

اما اليومين الثاني والثالث عباره عن ورشه عمليه طبق فيها بعض التجارب ويقوم المشاركين بتوثيق هذه التجربه

حبيت اسوي لكم تقرير فيه التجارب اللي طبقناها في الورشه عشان تشاركوني المتعه :tek:

 

[فراولة^فوشيا]

التجربة الأولى:

أول تجربه افتتحناها كانت البالونات

المفروض في هذه التجربه ان يتم ملء البالونات بالماي بس الاستاذ حب انه يوضح لنا الفكره فقط
فكانت التجارب من غير ماي

المحاولة الاولي ... فتح الفلاش قبل لا تنبط البالونه

محاوله ثانيه ... نفس الشي الفلاش فتح باللحظه اللي الدبوس لامس البالونه

محاوله أخرى ... لحظه الانفجار (او بعدها بشوي)

طبعا هالتجربه يمكن عدناها ولا عشر مرات :tomato2:

 

[فراولة^فوشيا]

التجربة الثانيه:

قطرات الحليب والألوان

في هالتجربه حطوا قطرات من الحليب مع قطرات الوان الطعام على شريحه ورق فوق طبل :dddds:
بحيث يقوم بضربه خفيفه من اسفل والقطرات تنقز فيتم التقاط اشكال غريبه وعجيبه

للأسف لم أوفق في هالتجربه
ما قدرت اصور الا هاللقطه ومو واضحه عدل..

 

[فراولة^فوشيا]

التجربة الثالثه:

استكانة الشاي

من اممممممممممممممممممتع التجارب اللي سويناها :ggdw:

يقوم بقذف الاستكانه من الجنب فيطلع الشاي كأنه طاير

الاستاذ اثناء تطبيقه للتجربه واحنا علينا نصور

 

[فراولة^فوشيا]

التجربة الرابعة:

تكسير اللمبات

ايضا تجربه ممتعه جدا جدا

يقوم بتكسير اللمبات والتقاط لحظة التكسير

هني الفلاش فتح قبل لا تسقط اللمبه

عدنا المحاولة مره ثانيه ... هني لحظة الاصطدام

محاولة اخرى ... متأخره شوي تفلشت اللمبه

حاولنا بطريقة ثانيه بحيث يكسرهم في الهوا

محاولة اخرى

محاولة أخيره

خلصنا كرتون لمبات بهالتجربه لوووووووول

 

[فراولة^فوشيا]

التجربة الخامسه:

قطرات الماء

التحضير للتجربة

المبدع محمد المؤمن اثناء اعداده لتجربته

 

[فراولة^فوشيا]

للأسف في هذه التجربه استأذن منا الاستاذ ان ماراح نصور في هالتجربه
لأن ما كان فيه الوقت الكافي ولأن القطرات دقيقه جدا وتحتاج نقرب حيل واذا قمنا نصور كلنا راح يصير زحمه

فكانت كاميرته تصور القطرات والكاميرا موصله الى جهاز اللاب توب وتطلع الصور دايركت اول ما يصور

فقلت انا اصور الصور من شاشة البروجكتور

وكانت هذي آخر تجربه بآخر يوم من هذه الدوره الممتعه

طبعا هذه التجارب تحتاج الى ساعااااات للحصول على افضل نتيجه مع افضل اضاءه وافضل فوكس
لذلك ما كان الهدف منها ان نطلع بصور فنيه كامله كان يبي يوضح لنا الفكره والطريقه والباجي علينا نطبقه بعدين

انشالله تكونون استمتعتوا بالتقرير

نشوفكم في مواضيع ثانيه :eh_s(8):

 

[فراولة^فوشيا]

الصور في التقرير من تصويري لتسجيل اللحظات والتجارب

اما اذا تبون تشوفون الفن والابداع على اصوله

بحط لكم صور الفنان المبدع محمد المؤمن اللي عطانا هالدوره

لمزيد من الصور هذا رابط البومه

http://www.almumen.com/Gallery/

 

[اوركيدا]

مبدع ماشاءلله عليه او انتي اكثر منه بعد ..
كفايه انج عطيتينا الوقت او نقلتي هالتجارب المميزه ..
يعطيج العافيه .. تقاريرج كلها مفيده وانا بانتظار درس عن التصوير الليلي ..
ماشاءلله دروسج سهله او سلسه وتوصل الفكره بسررررررعه ..
ماقصرتي

 

[toot^o^mishmish]

ابداااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااع
الله يعطيج الف عافية والله شوقتينا بالصور .....

صراحة شي عجيب انا كان ودي اني ادخل دورات بس كامرتي مو بروفيشونال فكنت خايفة اندقر بس صج صج ماقصرتي عطيتينا الافكار وان شاء الله انطبق و انراويج ...
والله لا يضيع تعبج ان شاء الله....

 

[math2020]

ماشالله عليج رووووعة
بس حسافة ما دريت انها بدت
هل في دورة ثانية اذا اتعرفين ؟

 

[Maneena Manaana]

من أمتع وأقرب المحاور الى قلبي ال High speed
وماشاء الله المؤمن متميز فيه

للأسف ماني بالكويت والا جان من أول الحضور,, بس ماتحسفت وايد لأنج عيشتينا جو الدورة.. جني قاعدة معااكم

مشكوووورة فراولة وماتقصرين

بس عندي سؤالين..

أول شي اذا ممكن ومافيها كلاافة يعني .. الاعدادات

ثاني سؤال.. الأرضية اللي حاط عليها الاستكانه شنو؟ وهل هي نفسها اللي على الدنبك؟؟

وثانكس أقين

 

[SabaQueen]

مشكورة فراولة على التغطيه الوافيه
الصراحه امتعتينا فيها ، كنت ناويه ادخل هذه الدورة بس صادف عندنا زحمه بالشغل و تأخير - قدر الله و ماشاء فعل
بس تغطيتج خلتنا نعيش جو الدورة و الصراحه استفدنا من التغطيعه و عطتني افكار جديده

 

[جاي وحليب]

فراولة^فوشيا

مشالله روعه شي جداً حلو وراقي
تصوير ممتع وصور جميله..
وتوثيق احلى منج

اهم شي استفدتي.. وننطر تطبيقج بتصوير الاجسام السريعه وتشاركينا باحسن صورج ان شالله
موضوع شااامل وتغطيه ممتازه ماااقصرتي يالغاليه..

بس عندي جم استفسار.. ودي تذكرينهم علشان نستفيد كلنا..
شنو كانت اضاءته المستخدمه؟
شنو انواع الفلاشات؟ وجم عددهم ؟
والاعدادات اللي نحتاجها لتصوير الاجسام السريعه.. يعني الافضل خصوصاً للشتر
شنو الارقام تبدي من وين الى وين اللي ممكن نجمد فيها الحركه السريعه؟

وشكراً

 

[beauty]

يعطيج العافيه حياتي

ما شاء الله عليه صج مبدع ... كان ودي اشارك بس توني مبتدئه وكاميرتي سيمي بروفشنال

باين عليها دوره ممتعه ... ناطرين تطبيقج

 

[MiSs_ViSTa]

mshllah 3aleeh


o mshallah 3alech 3ala el tgrer mshkora mag9rty

 

[فراولة^فوشيا]

اوركيدا

مشكوره حياتي على كلامج الحلو والله اسعدني تعليقج
الله يسلمج ويعافيج
انشالله اذا الله قدرني اسوي درس التصوير الليلي
ويسعدني اني اسمع ان الدروس واضحه ومفيده لكم
شكرا


toot^o^mishmish

حبيبتي مشكوره على الدعوه الحلوه
انشالله كل شي مع المحاوله والتجربه يصير سهل
والاستاذ عرض لنا لقطات من التصوير السريع مصورهم بكاميرة موبايله
بالنهايه الكاميرا مجرد اداة تساعد باخراج الصوره بشكل افضل


math2020

دورات النادي العلمي موجوده بالجدول مالهم

بس ماعندي خبر والله اذا هالدوره راح يعيدونها مره ثانيه قريب
تقدرين تتصلين فيهم وتستفسرين منهم

Maneena Manaana

هلا والله مانيييينا
انشالله يارب الله يكتب لج دروه احسن من هذي
وبصراحه ماكنت اعرف عن المصور محمد المؤمن الا من خلال هالدوره
مبدع ماشالله عليه
هذا موقعه http://www.almumen.com/log/ وفيه روابط مهمه متعلقه بالتصوير السريع

بالنسبه للاعدادات انشالله راح اتكلم عنها
اما ارضية الاستكانه كانت قطعة زجاج (ونفس الشي المستخدمه في تكسير اللمبات)
لكن الدنبك كانت ورقه عاديه ،، اول شي استخدم ورق شفاف لونه بني شوي (مثل اللي يستخدمونه في السلايدات والعرض) وكان في محاولات ثانيه ماصورتها للأسف استخدم ورق كراسه ملون

هني موقع النادي العلمي في فلكر وهذا رابط نتائج الدوره
http://www.flickr.com/groups/kscg/discuss/72157605711740238/
ممكن تشوفين نتائج المشاركين في الدوره ماشالله في وايد صور حلوه


SabaQueen

حياج الله حبيبتي انشالله خيره وتعوضينها انشالله بدوره احسن من هذي :tek:



جاي وحليب

هلا والله بمشرفتنا الغاليه
والله كانت دوره وايد ممتعه واستفدت منها بأشياء وايده
وكنت حابه اتكلم عن الطريقه والاعدادات بس خفت لا اتعمق بالموضوع
بس انشالله راح اذكرهم لكم الحين


beauty

دوره جدا ممتعه
وتمت التجارب بالاستعانه مع مساعدين وفي معدات ماعندي اياها
بس انشالله الله يقدرني واطبق هالتجارب


MiSs_ViSTa

حياتي العفو
ومشكوره انتي على مرورج :tek:

 

[فراولة^فوشيا]

في شغله اسعتدني بصراحه ...

اصر استاذ محمد انه يسوي لنا تجربة الاستكانه
لأن في المدونه مالته واحد علق على صورته انها غير حقيقه ومركبه بالفوتوشوب او باستخدام برنامج ثلاثي الابعاد

واراد الاستاذ تطبيق التجربه امامنا ونقوم بتوثيقها حتى تكون اكبر دليل

هذا الرابط اللي شرح للأخ المشكك شلون هالصوره حقيقيه
http://www.almumen.com/log/?p=295

وانا مستانسه لأنه استعان بصورتي اللي صورتها اثناء قيامه بالتجربه كدليل له

 

[سنتر الزين]

مشكوره ماشالله جدامج مستقبل على هالتصوير الحلو ........
وياليت تعطينا خبر متى راح تكون له دوره ثانيه ودي احظرله شغله رووووووووووووووووعه

 

[جاي وحليب]

بصراحة ردة عليه كان جداً قوي.. وموثق باكثر من صورة
زين يسوي رد يبرد الجبد