تغطيه: دورة التصوير فائق السرعه

[Pink GirL]

مشكورة فشفش
شكها خوش دورة

 

[ChOcoLaTe 'n MarShMaLlOw]

يعطيج العافيه على نقل تجربتج ...

صج مبدع ... ماشالله

 

[ريم الشمــال]

مشكوووره

 

[فراولة^فوشيا]

اعذروني تأخرت بالرد ...



التصوير الفوتوغرافي يعتمد على الضوء وكميته وسرعته
متى ما توفرت اضاءه امام حساس الكاميرا (Sensor) والغالق مفتوح، فانه يتم التقاط صوره

في تصوير الأجسام السريعه اعتمد المصور محمد المؤمن على اسلوبين

- أولا باستخدام الغالق (الشتر السريع لتجميد الحركه)
- ثانيا باستخدام ومضات الفلاش​

كل الاضاءات المستخدمه هي فلاشات خارجيه
(كاميرته نيكون 200دي والفلاش اللي استخدمه طبعا خاص بنيكون اسمه speedlight SB-600)
وسألت عن المقابل له في كانون ،، يوجد افضل فلاش اسمه Canon Speedlite 580 EXII


الطريقة الأولى:
الغالق السريع مع الفلاش

اثبت لنا استاذ محمد بالبرهان العملي ان سرعة الشتر (مع استخدام الفلاش) في جميع الكاميرات مهما وصلت الى اقصى سرعه فانها لا تتعدى بالنتيجة عن 250/1 أو 500/1
بالنسبه لكاميرته اقصى سرعه عنده 8000/1 وبرهن لنا بالصور ان هذه السرعه لا تعطي تجميد كلي والصوره تطلع مشوهه من حيث الشكل والاضاءه والسبب يرجع الى عدم تزامن سرعة الفلاش مع سرعة الشتر (سرعة الفلاش ابطىء فتظهر الصوره مضيئه في جزء والجزء الآخر مظلم لأن سرعة الشتر انتهت قبل سرعة الفلاش)

كيف يمكن حل هذه المشكله؟؟

من خلال تقنيات High Speed Syncronization HSS
الخاصه بالفلاش (عند وصل الفلاش بالكاميرا يتم تضبيط هذه الخاصيه في menu الكاميرا نفسها)
وتسمى PF عند مستخدمي نيكون
حيث تقوم بزايدة مدة ومضة الفلاش (لكن في المقابل تؤثر بقوة الومضه)


يتبع ..

 

[فراولة^فوشيا]

الطريقة الثانيه:
ومضات الفلاش ... مالمقصود فيها ؟؟

عرفنا ان متى ما توفرت اضاءه اما الحساس والغالق (الشتر) مفتوح فسوف يتم التقاط صوره
يعني عند اخذ صوره ..
نضغط على الزر
ينفتح الغالق
يدخل ضوء الى الحساس
يتم التقاط صوره

اوكي ماذا لو فتحنا الغالق ولا يوجد ضوء نهائيا؟؟ هل سيكون هناك صوره ؟؟ لأ

عندما نمرر اضاءه للحظه سريعه فان الحساس سوف يصور هذه اللحظه فقط
حتى لو كان الشتر مفتوح لمدة ساعه كامله !!! (هذه الطريقه لا تعتمد على الشتر ولا تجميد ولا شتر سريع)

هذا اللي سويناه بالضبط..

اطفأنا كل الأضواء (غرفة مظلمه تمااااما) وفتحنا الشتر لمده طويله نسبيا (3 ثوان)
تمرر ومضه سريعه من الفلاش (الفلاش يشب ويطفي لمره واحده وبسرعه) في اللحظه اللي تتم فيها حركة الجسم

لكن كيف يعرف الفلاش ان هذه اللحظه سوف تحدث فيها الحركه السريعه ؟؟

من خلال جهاز معين (حساس اهتزاز أو حساس صوت) هذا الجهاز موصل بالفلاش الخارجي،، ويوضع قريب من موقع الحركه (او الانفجار او التكسير او غيرها)
متى ما وقع الحدث ويتأثر الجهاز، يقوم بارسال اشاره الى الفلاش اللي راح يشب ويطفي (كله بأجزاء من الثانيه) والكاميرا تصور

خلوني اوضح لكم اكثر

مثال: تجربة الشاي او اللمبات

نوع الجهاز المستخدم هو حساس للاهتزاز
يوضع بالقرب من مكان السقوط
قبل اطفاء الانوار نحدد الفوكس للكاميرا (لازم يكون مانيوال)
كل شي اوكي؟ نطفي الليتات
الاستاذ يقولنا يالله فتحوا الشتر (حاطينه على 3 ثوان) نفتح الشتر
يرمي الاستكانه (او اللمبه)
الجهاز يهتز ،، والفلاش يشب ويطفي ويرد كل شي ظللللللمه ،، والكاميرا صورت اللحظه اللي شب فيها الفلاش فقققققط

طبعا كل شي يتم بسرعه


مثال آخر: البالونات او قطرات الحليب الطايره (الدنبك)

نوع الجهاز المستخدم هو حساس للصوت
عباره عن مايكرفون يوضع بالقرب من وقوع الحدث
نضبط فوكس الكاميرا
نطفي الليتات
اول ما نكون جاهزين نفتح الشتر مده طويله
تنبط البالونه
ينتقل الصوت الي الجهاز الحساس اللي يعطي اشاره للفلاش عشان يشب
يشب بسرعه ويرد يطفي مره ثانيه

عشان جذيه النتايج طلعت كلنا نفس الشي بس كل واحد زاويته غير (على حسب وين واقف)
لأن الفلاش يشب مره وحده


الاعدادات المستخدمه

مثل ما قلت لكم في هالاسلوب مو مهم سرعة الشتر (المفروض نحطه مده طويله عشان نعطي فرصه ان كل شي يتم خلال هالمده)

3 ثوان

فتحة العدسه ايضا مالها دور غير انها تكون ملائمه لاعطاء عمق ميداني جيد وتعريض معتدل

استخدمنا من F9, F11, F16

والآيزو كان ما بين 200 و 400


اذا في اي سؤال انا حاضره ان شاء الله

 

[beauty]

مشكووووووووووره حياتي

شرح وافي ... كنت متوقعه الطريقه غير تفاجات بسرعه الشتر ... فكرته حلوه بس يبيلها مصورين عندهم الاجهزه والفلاشات

ام المبتدئين او الي عدته بسيطه بتصعب عليهم الطريقه وبيرجعون للشتر السريع

 

[flfoo6a]

روووووووووووووووووعه

واااااااااااااي كاااااااااااااان ودي ادخلها بس حسااافه ماكو تشجيييييييييع

 

[جاي وحليب]

اهااا .. الحين عرفت .. كنت ابي اعرف هالتفاصيل هاذي
وشرحج حدده كامل ووبتفاصيل مفيده...

شكراً فراولة فوشيا .. شكراً من القلب :tek:

 

[شيخه***البنات]

ماشاءالله رووووووعه تصويرج ..

وخوووش دوره اللي خذيتيها ويعطيه العافيه هم تصويره حلووو ..

يعطيج الف عافيه على نقل الصصووو الحلووه ..

 

[فراولة^فوشيا]

يعطيكم العافيه بنات

انتوا اللي مشكورين على تعليقاتكم ومروركم الطيب ما قصرتوا


بالنسبه للجهاز سعره غالي جدا..
حتى الاستاذ اقترح ان النادي يشتريه ويوفره للمصورين بحيث يدفع كل واحد تأمين عن استخدامه او تأجيره
بس سمعنا خبر ان النادي راح يوفر الجهاز بسعر مناسب للجميع والله اعلم

طبعا هذا مو معناته ان هالنوع من التصوير لا يتم الا بهالطريقه ..
بالعكس انا شفت وايد مشاركين كانوا معاي بالدوره وطبقوا من غير الجهاز كل واحد بطريقته
اللي استخدم شتر عالي واللي استخدم فلاشات

وانا جربت طريقه بدائيه شوي
بالتجربه والخطأ .. اتوقع متى يقع الحدث واصور
يمكن طلعت لي بنتيجتين معقوليين بعد ما سويت عشرين محاوله لووووول

وفي بعد شغله ثانيه جربتها اللي اهيه احط وضعية التصوير على متتابع continous
بس تحتاج اضاءه قويه
يعني طلعت صور معقوله شوي وبجرب مره ثانيه مع شمسنا الحنانيه ماكو اقوى منها

 

[جاي وحليب]

انا اعرف وحده اهي قاعده تجرب تسوي سنسر لها بنفسها
ولقت الطريقة بالنت.. فراولة يمكن هالفيديو يفيدج..

click

 

[فراولة^فوشيا]

ثااااااااااااااااااااااااااانكس جاي على الفيديو

بس للأسف ما عندي فلاش

انشالله لما اشتري راح اطبقه

ميرسي

 

[ام مهودي]

فراوله فوشيا يعني تهقين نقدر نسوي هالتجربه بالبيت اذا توفرت اضاءه قويه وسرعة غالق كبيره ولا شلون
شرحج حلو بس للحين ما استوعبت عدل لوول :")

 

[SabaQueen]

مشكورة فراوله على الشرح و قواج الله
ودي اسألج ما قال لكم الأستاذ شلون يصور اللمبه و اهيا تنكسر من الكهربا ؟؟
و مشكورة وايد على الشرح

 

[ana_q8eya]

مافي دورات تصوير ثانيه

كلش مالكم حس

وعلى جم خذيت الدوره!!

صج استفدتي!! ولا كان بالامكان تاخذين هالمعلومات من كتاب او غيره!!

 

[SabaQueen]

جويهه مشكورة على الفيديو آنا قريت عن الطريقه في موقع المؤمن و كان شارحا
و استصعبتها بس بالفيديو طلعت وايد سهله و خصوصا آنا احب السوالف الالكترونيه اتعبث فيهم

مشكورة وايد

 

[فراولة^فوشيا]

هلا بنات شلونكم

كنت بقولكم ان المصور محمد المؤمن من زمان في هالمجال يقول صارله 4 سنين وهو يحاول يصور الاجسام السريعه
وما كان يدري عن هذا الجهاز..

في البدايه قرأ عن الموضوع ،، وفهم نظرية الغرفه المظلمه
وبدأ يسوي حساس بنفسه
حتى ورانا الادوات اللي كان يستخدمها من قبل
نفس اللي في الفيديو اللي حطته جايونه

يايب قطعتين فلين خفاف ومسوي مربع بالنص في كل قطعه ومغطيها بورق قصدير وحاط واير يطلع من القطعه الأولى الى القطب الموجب في الفلاش
وواير ثاني ماده من القطعه الثانيه الى القطب السالب
وطابق القطعتين مع بعض (بالضبط نفس الفيديو)

اما الأداة الثانيه كانت عباره عن دائره كهربائيه بس وايد معقده ووايرات وعفسه
مع مايكرفون صغير عشان يسوي دائره الكترونيه لحساس الصوت ونفس الشي متصله بالفلاش

ويقول مره اختربت قطعه عندي بالدائره اللي مسويها وحاول يصلحها..
وبالصدفه واهو يدور بالنت عرف ان في جهاز جاهز ينباع لهذا الغرض

طبعا اكيد الجهاز دقيق اكثر
اقدر من خلاله اتحكم بمدى الحساسيه
يعني مثلا اذا كان عندي هزه خفيفه او صوت خفيف اقدر ازيد من قوة الحساسيه
حتى لما كنا نسوي تجربة الحليب الطاير،، كانوا يطقون طقه خفيفه على الدنبك فالحساس ما استجاب للصوت،، فرفع وايد من درجة الحساسيه صاير يلقط اصواتنا لوووول حتى واحد من الحاضرين عطس جان يشب الفلاش :dddds:
فقللنا شوي من الحساسيه

وشغله ثانيه ان الجهاز فيه تايمر،، يعني اطلب من الجهاز يفتح الفلاش بس مو باللحظه اللي يقع فيها الحدث
لأ ممكن أأخره شويه ... وهكذا

 

[فراولة^فوشيا]

فراوله فوشيا يعني تهقين نقدر نسوي هالتجربه بالبيت اذا توفرت اضاءه قويه وسرعة غالق كبيره ولا شلون
شرحج حلو بس للحين ما استوعبت عدل لوول :")

ايي حبيبتي تقدرين بأي طريقه
بس اهو كان ياي يشرح هذا الاسلوب اليديد (الحساسات مع الفلاش) اللي وايد ناس مو عارفينه
اما بالنسبه للشتر السريع والاضاءه القويه الكل عارفه

طبعا طريقة الحساس تعطيج نتايج مضمونه في محاولات اقل

والشتر السريع يحتاج اضاءه قويه لان كلنا عارفين كل ما زاد الشتر قلت الاضاءه
فما بالج اذا وصلت سرعة الشتر الى اقصى شي

في وحده من التجارب طبقنا فيها سرعة الشتر مو الحساسات اللي اهيه قطرات الماي
بس شوفي جم فلاش حاط

(هذه الصوره مأخذوه من تغطية النادي العلمي للدورة http://www.flickr.com/groups/kscg/discuss/72157605726819286/)

مشكورة فراوله على الشرح و قواج الله
ودي اسألج ما قال لكم الأستاذ شلون يصور اللمبه و اهيا تنكسر من الكهربا ؟؟
و مشكورة وايد على الشرح

الله يقويييج تسلمين حبيبتي

بس ما فهمت سؤالج
قصدج اللمبه مركبه على الكهربا وتنكسر ؟؟
اكيد مستخدم طلقة رصاص
لأن عنده تجارب مستخدم فيها طلقات الرصاص بس اكيد ما جربها بالورشه

مافي دورات تصوير ثانيه

كلش مالكم حس

وعلى جم خذيت الدوره!!

صج استفدتي!! ولا كان بالامكان تاخذين هالمعلومات من كتاب او غيره!!

في موضوع مثبت خاص بالدورات الحاليه
واغلب دورات التصوير الفوتوغرافي تلقينها في النادي العلمي او بيت لوذان

الدوره هذي كانت ب50 دينار
استفدت والا لأ ؟
والله اول شي كانت عندي قناعه ان اي شي ابي اتعلمه اقدر احصله بالانترنت خاصه الاجانب كل شي يقولونه ويشروحونه

وهالدوره يات بالصدفه،، رفيجتي قالت خلينا نسجل ،، سجلنا اليوم وبدت باجر يعني قررت بسرعه بسرعه
وهم بالصدفه عرفت ان مقدم الدوره مصور معروووووف لوول ما كنت ادري عنه والله
بس طلع وايد مشهور

والدوره بصراحه كانت اكثر من ماكنت اتوقع
كان في بالي انه يشرح ويقولنا عن كل صوره شلون صورها
بس ماتوقعت ان راح نطبق عملي وهذا اكثر شي استفدت منه بصراحه

جويهه مشكورة على الفيديو آنا قريت عن الطريقه في موقع المؤمن و كان شارحا
و استصعبتها بس بالفيديو طلعت وايد سهله و خصوصا آنا احب السوالف الالكترونيه اتعبث فيهم

مشكورة وايد

جربيها اذا عندج فلاش
واذا تحبين سوالف الالكترونيات هم شي حلووو :ggdw:
بالتوفيق يارب

 

[Maneena Manaana]

مثل ما قلت لكم في هالاسلوب مو مهم سرعة الشتر (المفروض نحطه مده طويله عشان نعطي فرصه ان كل شي يتم خلال هالمده)

3 ثوان

لي تجارب في تصوير السوائل.. بس اكتشفت ان حدي بدائية :dddds:
أهم شي بالنسبة لي كان سرعة الشتر علبو أصيد الحركة ههههههههه لا واحط كونتينيواس وانا اللي راايحة هههههه أبيه حدي قاعدة اضحك على نفسي

بس يلاا الواحد لازم يغلط مرة وعشر عشان ايتعلم


مشكووة واايد واايد على هالشرح الوافي..ان شاء الله بس أفضى اقعد اطبق

فدتينا وامتعتينا .. يزاج الله خير


جاي حليب.. خووش فيديو ..مشكوورة

 

[فراولة^فوشيا]

لي تجارب في تصوير السوائل.. بس اكتشفت ان حدي بدائية :dddds:
أهم شي بالنسبة لي كان سرعة الشتر علبو أصيد الحركة ههههههههه لا واحط كونتينيواس وانا اللي راايحة هههههه أبيه حدي قاعدة اضحك على نفسي

بس يلاا الواحد لازم يغلط مرة وعشر عشان ايتعلم


مشكووة واايد واايد على هالشرح الوافي..ان شاء الله بس أفضى اقعد اطبق

فدتينا وامتعتينا .. يزاج الله خير


جاي حليب.. خووش فيديو ..مشكوورة

حبيبتي مانينا انتي ما غلطتي بالعكس
عاد تدرين تجربة قطرات الماي اللي ما تسوى تستخدمين لها طريقة الحساسات
نوع الحساس ماراح يكون اهتزاز (لأن ماراح يهتز شي من قطرة ماي!!)
ولا حساس صوت ... اتوقع كان النوع المستخدم ليزر او شي جذيه
فليش نعور قلوبنا اذا في طرق ثانيه تعطيج نتايج حلوه

بصراحة تجربة الماي ماقدرت اشوفها عدل كنت قاعده ورا وشوي ظلمه
وما جربنا نصور
بس الاستاذ كان يصور
واستعان بمتطوع يساعده بالتجربه وكان المصور الكويتي جمال الأيوبي
فدزيته له رساله استفسر منه بالضبط شنو اللي صار
وهذا كان رده ....

السلام عليكم

في تجربة قطرات الماء
استخدم ثلاث انواع من التصوير
1- باستخدام الفلاش
2- باستخدام الفلاش و الغالق
3- باستخدام الحساس

باستخدام الفلاش
كان يفتح الشتر مده ثانيتين في الظلام
و انا كنت الامس اطراف الواير (اللي متصل بالفلاش الخارجي) مع بعض علشان يومض الفلاش في لحضة سقوط القطرة
هالطريقة مو شي و صعبه لان المكان راح يكون مظلم و يصعب نشوف القطرات

باستخدام الفلاش و الغالق
بهالطريقه نظل نعتمد على الفلاش في السرعه
بس نستخدم سرعة غالق ٢٠٠ مثلا
و نركب الكيبل ريليس (الريموت كونترول)
سرعة غالق ٢٠٠ اساسا مو كافيه للتجميد
بس الاعتماد على ضربة الفلاش بالتجميد
و اخترنا سرعة ٢٠٠ فقط لاستخدام الكيبل في سرعة ضغط الزر بنفسنا
هذي الطريقة الي انا افضلها
لان بهالطريقة نقدر نخلي نور قليل موجود و بما ان الشتر ٢٠٠ فماراح يدخل اي نور غير الفلاش بالصورة علشان نشتغل على راحتنا

و باستخدام الحساس
هم الفلاش اهو المسؤول عن التجميد
الحساس عباره عن ممر صغير تمر فيه القطرات
و يضرب الفلاش بعد فتره نحددها من المؤقت
و الشتر هم راح يكون ثلاث ثواني
ما اعتقد ان في لزمه للحساس في تصوير القطرات

و بالنسبة حق توزيعة الاضاءة الي كان حاطها ترا لمجرد الشرح
المفروض ان الصحن يكون داخل لايت تنت (خيمة تصوير) و الفلاشات تكون بالخلف

قواكم الله
و بالتوفيق​

طبعا المصور جمال الايوبي من المبدعين الكويتيين
وعنده تجارب سابقه في تصوير قطرات الماء
http://www.flickr.com/photos/jamalq8/sets/72157600071038764/