تغيير المادة الثانية ، دعوة للانقلاب .. ! (اغلق بواسطه الادارة)

[Hi--class]

رد: تغيير المادة الثانية ، دعوة للانقلاب .. !

حبيباتي الكويت قاعده تطبق الشريعه الاسلاميه الا في بعض الاشياء
جد والله لا تصيرون سذج زيااده عن اللزوم..
لان الكويت ولله الحمد دوله ديمقراطيه
لكن لما نقول الكويت بتصير دوله اسلاميه
تبونا نصير مثل ايران
ولا مثل السعوديه
وترا هالدولتين مطبقين الاحكام الاسلاميه ..بس في عدل بكل المذاهب؟
هل كل المذاهب ماخذين حقوقهم؟
لا تقارنوون زمنا بزمن الرسوول
نهاائياا مافي وجه مقاارنه
واللي تقول ماتبون شرع الله
بالعكس الكويت قاعده تطبق شرع الله اكثر من السعوديه وايران
لان فيها حرية بالاديان
بس اللي نشووفه حاليا بهالدولتين دول عنصريه وطائفيه لأبعد حد ومانتمنى الكويت تصير مثلهم ..

 

[فروح]

رد: تغيير المادة الثانية ، دعوة للانقلاب .. !

فــــــيه دولتين اسلاميه مطبقه الشريعه : ايران والسعوديه ....


لا السنه بأيرااان ماخذين حقهم .. ولا الشيعه بسعوديه مــــأخذين حقهم ....

والحمداللهه عندنا مطبقين شرع الله مو شرط سياستنا تكون اسلاميه .. عليه الصلاه واله وسلم والحين


.. ابداع .. ابدعتي ومشكوره ع جهدج .. keep it up

 

[*E.B.D.A.3*]

رد: تغيير المادة الثانية ، دعوة للانقلاب .. !

ابداع انتي مبدعه
وحواركم راقي
اول مرة اشوف موضوع مافيه هواش
تعليقي؛

انا معك يا ابداع انا ضد تعديل الدستور
هي ليست مسأله تطبيق الشريعه فقط في الدولة لكن الاخوان المسلمين لديهم معاني اخرى بعيدة النطاق عن التشريعة الاسلاميه
انا لست سلبيه لكنني لاحظت ردودهم وتصريحاتهم في السنوات الاخيرة تبعث الشك في النفوس
فبعض الاخوان المسلمين في معظم الدول العربيه مثل مصر وسوريا وتونس وهنا بالكويت ايضا ودول عربيه اخرى دائما ينددون بعبارة
بعبارة " الربيع العربي " او التحول العربي او التغيير العربي ولكن اي ربيع واي تغير الذين يتحدثون عنه فنرى ان الاغلبيه الساحقه التي فازت في مصر كانو من الاخوان المسلميين وهنا ايضا نري كذلك ومطالبهم كثيررره جدا منذ بداية هذا المجلس الذي يحتل فيه الاخوان معظم المقاعد
وطلباتهم وانتقاداتهم علي رقصه الافينيوز عيد الحب والمشكله ان خالد السلطان الذي يملك مركز سلطان تتزين باشجار الكريسماس والبالونات والزهور احتفالا بعيد الحب و الكريسماس فهل حلال عليهم حرام علينا ؟!
النقطه الاخرى انهم حتى الان يقومو بالقسم فلماذا هذا الاندفاع نحو تغييير الدستور هذا معناته انهم جميعا كانو متفقين على ذلك ومخططين لهذا الشيئ

نأتي الى تصريحاتهم السابقه المشكوك بها
معظم الاخوان او السلف قالو نريد رئيس وزراء مختار من الشعب ولكن سمو الامير لم يقبل بهذا الاقتراح لان حسب الدستور فلابد ان يكون رئيس الوزراء من الاسرة الحاكمه وكذلك وزير الداخليه ، الدفاع و الخارجيه ايضا
ثم شنو هجوما اعلاميا علي الشيخ ناصر المحمد معللين بذلك ان التنميه توقفت بالكويت منذ عهده وان له علاقات طيبه مع ايران والشيعه ومحمود حيدر

ولكننا نقف عند نقطة التنميه . يقولون بأنه يسرق المال وتوقفت التنميه بعهده
اذن هل عدم الاحتفال بعيد الحب وتوقيف مهرجان هلا فبراير ورقصة الافينيوز والاهم من كذلك مناقشتهم لتغييير الدستور هل جميع هذه الامورمن ضمن
التنمية وتساعد على التنمية ؟!
هولاء الذين يطلق عليهم نواب المعارضه لما لا يطرحوووو قضية توقف المشاريع ؟! مثل مستشفى جابر الاحمد
لماذا لم يطرحو مواضيع كرداءة التعليم والصحة في الكويت
أ منع الاحتفال بعيد الحب وهلا فبراير هو التنميه بحد ذاته ؟!

*نقطه اخرى مهمه قد ذكرتيها بان من بنود الدستور ان الحكم لذرية الشيخ مبارك الصباح
وفي هذي النقطة لا يجب ان ننسى موقف احدى اعضاء المعارضه حين طعن بذرية مبارك
اليس هذا الامر يدعو للشك ؟!
أ يريدون ان ينقلبووو عالحكم
؟!

وبالنسبه لاحدى الاخوات الي تنفي ردود وتصريحات نواب المعارضه عن غلق الحسينيه
اختي العزيزة هذه الرساله القصيرة لك
لقد سمعت تصريحاتهم جميعا واحدهم قال قبل الانتخابات اذا فزت سأقوم بغلق الحسينيات بالكويت
ولقد سمعت هذا التصريح بنفسي في احدى القنوات الاعلامية
والاخر يمدح المذهب الشيعي تارة و يذم بالمذهب تارة اخرى
فمرة يقووول في احدى الندوات الشيعه اخواننا وولائهم للكويت والغزو يثبت ذلك
ومرة يقول زبالة شيعه
ومرة يقول في مقابله له في محطة بي بي سي ان اذا صار غزو ايراني للكويت سيقف مع ايران شيعة الكويت
ومرة يتغزل بالطائفة ويقول نحب الشيعه من طرف واحد
وعلي فكرة جميع هذه التصريحات المتناقضه والي تدل على سفاهة هذا النائب قرأتها بحسابه الخاص بتويتر او عبر التلفاز والجرايد

ونرى معارض اخر للاسف حصدددد علي اعلي الدرجات واعلي تصويت
قام بكل وقاحة بالجلوس واللعب بالتلفون اثناء تحية العلم الكويتي وعلى حد قوله انا لا امتثل للعلم
أوليس حب الوطن من الدين ؟! انت الذي تدعي بأنك تطبق الشريعه !
هل تريدين اختي العزيزة ان يمثلنا هؤلاء ؟!
هل تريدينهم ان يمثللوننا بعد ان يتم تغيرررر الدستور

اقسم لك اختي ستكون الكويت طالبان اخرى
تهان المرأه والزامي ان تلبس الحجاب الاسلامي حتى لو كانت ديانتها مسيحيه
عمليات ارهابيه
غلق الحسينيات
لا للحريات العقائدية الدينيه
مجمعات خاصة للنساء واخرى للرجال ممنوع الخلط والحجاب الاسلامي مفرووووض على الجمييع مهما كانت ديانتهم
غلق دور العرض ( السينما )
رجال من هيئة االنهي عن المنكر في كل مكان وبيدهم عصاة
*

اثريتي موضوعي بردج ،، ووضحتي كل شي يحتاج تفصيل واعاده بالحجي ،،،
وعلى فكرة بخصوص خالد سلطان ترى فرعه الي بـ لبنان يبيع فيه خموور ولحوم خنزير ،،
للاسف ، هذا نفسه الي قاعد يقول انا ابي اغير الماده "حتى تسود الشريعه الاسلامية"
مادري وين راحت الشريعه الاسلامية عن خموره ولحم خنازيره ؟؟؟

اشكرج الف مرة على الرد .

 

[*E.B.D.A.3*]

رد: تغيير المادة الثانية ، دعوة للانقلاب .. !

قوااااااااج الله حبيبتي عالموضوع

الله يعافيج

 

[*E.B.D.A.3*]

رد: تغيير المادة الثانية ، دعوة للانقلاب .. !

ابداع يا ابداع
الله يعطيج العافيه علي التوضيح والطرح الراقي
:eh_s(17): تسلمين يا الغاليه

الله يسلمج حبيبتي :**

 

[*E.B.D.A.3*]

رد: تغيير المادة الثانية ، دعوة للانقلاب .. !

تطبيق الشريعه بيكون على الطريقة السنية ..والاخرون هم الخاسرون او المتضررين ..
وطبيعي بيكونون معارضين بشدة لتطبيق شرع الله ..بكل الصور وبكل المبررات ؟

وهذا الي بيصير :\

 

[*E.B.D.A.3*]

رد: تغيير المادة الثانية ، دعوة للانقلاب .. !

يعطيج العافيه عالطرح الرائع

وتعديل الماده الثانيه = ابادة الشيعه بطريقة غير مباشره

وهذا ما يطمح له بعض النواب
اللي صرحوا قبل جم شهر بعض منهم ..بأغلاق الحسينيات و غيرها من التصريحات الطائفيه
وعمره ما صرح بشي يخص الكنائس
وانطلت على عامة الشعب خدعة بتعديل الماده لانها فقط شرع الله وومايدرون شنو نوايا بعض النواب من تعديل هالماده
افضل عدم تغييرها و انشالله الامير يرفض تعديلها ..
لان راح ينطلي على تعديلها تغييرات كثيره بالدوله
وممكن ينقلب الحكم
فلا نكون سذّج
الله يحفظ الكويت وحكامها

الامير لا يمكن يوافق ،، وسياسه حكامنا على مدى تعاقبهم كانوا رافضين
لكن الي اخاف منه ، اهوه استخدامهم للشعب كاداه وكــ وسيلة ،،
عمر هالفئة ماحترمت الشعب !!
وانا شفت مناظره الوطن ،، بين العثمان والهيلم
تخيلي عسى ما العثمان قال حق الهيلم،، شنو جدولك، انت حركة اسلامية تبي تغير الماده، شنو جدولك شنو تصورك شنو خطتك المستقبليه!
الهيلم "طبعا لا يمكن يصرح" فكان يكتفي ويقول بنطبق الشريعه !! شريعه الله !!
يرد العثمان ويقوله انزين طبق بس شنو جدولك لي جدام
جان يقوله ماادري لمه نعقد الجلسات ولمه يوافقون احنا بنشوف شنسوي!!
لوووووووووول
في تهرب اكبر من جذي؟؟؟

 

[*E.B.D.A.3*]

رد: تغيير المادة الثانية ، دعوة للانقلاب .. !

انا متى دخلت موضوعج علشان اقوم بمحاولات فاشله لاقحامج

بجدل طائفي ؟؟؟؟؟؟؟؟؟؟؟

عسى ماشر هذا اول دخول لي لموضوعج وقلت وجهة نظر وعليج انج

تقبلينها ماني مجبوره اني اكون معاج وبنفس الرأي وانا قريت عدل

بس هذا رأيي

بس حابه اقول شي لو كنا مطبقين الشريعه من زمان كان ماشفنا الفساد
المنتشر الحين ؟! واكتفي بهذا​

حبيبتي انتي دشيتي موضوعي وقلتي يعني بنظرج السنة اهمه الطائفين بس
قلتلج لا اقري ردي عدل ولاتفسرينه غلط !!
وانتي ماقلتي راي، انتي قريتي اول جملتين وعقبتي عليهم ، وتالي قلتي انا مؤيده
وانا ماعلقت على كلمتج "مؤيده" لانه كيفج يعني !!!


اما بالنسبة حق الفساد ،،
ومنو قالج ان اسلمة القوانين يعتبر مصدر اخلاقي ؟؟
ومنو قالج ان الدول الي طبقت الشريعه مو منتشر فيها الفساد مثلا ؟؟
سين من الدول ماعندهم شذوذ جنسي؟ ماعندهم شرب خمر وفساد اخلاقي وخياسهم منتشر بكبريهات سوريا و شرم الشيخ ؟؟
شنو الي راح تقدر تمنعه اسلمة القوانين ؟؟ انهم مايشربون خمر علني ؟؟
قوانينا تمنعهم، بس اكيد داخل البيت محد يدري ! بعد مايقدر المشرع انه يفرض قانون لا تشرب داخل بيتك لاستحاله اثبات التهمه عليه، بيحطون شرطه داخل بيت كل كويتي؟؟
وشنو الي تقدر تمنعه؟ الشذوذ الجنسي؟؟
كاهمه سوو قانون يمنع التشبه بالجنس الاخر والي ينصاد بالشارع يودونه الشرطة وكليه التربية الاساسية حطت لافته ووزعت بيان بان "البويات" راح ينطردون من المحاضرات اذا مالتزموا باللبس كيت وكيت!
بس قوليلي يقدرون يمعنونها من هالشي في بيتها ؟؟ يحطون لها بعد شرطه داخل البيت؟؟
وقوانين الاحوال الشخصية ما الزمت الزوج بالنفقه والمهر وغيره من واجبات زوجية امرها علينا الدين؟؟


عندكم تحفظ على بعض القوانين؟ طيب ميخالف ، خل يتيمعون الجماعه الدينية ويكتبون صيغه قانونية ويرفعونه للجلسات !!
وكان الله غفور رحيم !!


عمر القوانين ماكانت مصدر اخلاقي تربي الناس ترى !!!
الشريعه لمه تدرس، بتكون فيها قيم اخلاقية ،
لكن الشريعه تنحط في مكان مو مكانها و"تتسيس" وتصير قوانين، الفاسد راح يتلزم فيها شكليا، جدام الناس بس
لكن بينه وبين نفسه ، بيمارس كل المعاصي ،
وليش بينه وبين نفسه ؟؟ ياعمي يسافر وفك روحك !!

 

[*E.B.D.A.3*]

رد: تغيير المادة الثانية ، دعوة للانقلاب .. !

في شغلات اول مره اعرفها

وصاجه اذا مجلس الامه يقدر يشرع قوانين من الشريعه وين المشكله ؟

شوفي معني انا مو متحجبه بس ودي اتطبق الشريعه

خصوصا بالاقتصاد والبنوك وبالقصاص

مو الناس تنقتل ويروح دمها هدر ولا احد يتحرك

تطبيق الشريعه بهالامور راح يفيدنا ماراح يضرنا

والدليل المظاهره اللي صارت بامريكا ب ال wall street

الاغلبيه رفعوا شعارات

we want the islamic way

لانهم اكتشفوا انها الاحسن والانسب

انا اشوف ان احنا مطبيقين الشريعه بالكويت بشكل كبير

( المجاهره بالافطار - حتى قانون منع الاختلاط بالجامعات ماعدا جم جامعه مو ملتزمه -

الهيئات والجمعيات الاسلاميه بكل مكان الخ )

بس بصراحه ناقصنا تطبيق الشريعه بالاقتصاد والقصاص

مو مشكله ، يقدرون يطبقون الشريعه مثل ماكفلت لهم الماده الحالية ،
وبالمذكرة التفسيرية الزمت الماده المشرع انه يعتمد على الشريعه
واذا النظام الاقتصادي يبونه اسلامي او اكوو تحفظ على جم ماده
هم يقدرون يعقدون جلساتهم ويشرعون قوانينهم
خصوصا ان الحين المجلس اسلامي ...

 

[*E.B.D.A.3*]

رد: تغيير المادة الثانية ، دعوة للانقلاب .. !

ابدااااااع قلنا لهم بينقلب الحكم وهذا هدفهم هاجمونا ..

موضوووعج كافي ووافي واللى ما يفهم ملزووم بيفهم عقب كل هالنقااط اللى طرحتيها بأسلوبج الممتع كالعاده


ما اقول الا رحم الله والديج وكفووو عليج يا بنت ديرتي

مووضووع هادف بالفعل تستاهلين كل الشكر والتقدير عليه .

اهمه عبالهم الشريعه الاسلامية مثل ماهيه موجوده في كتب التربية الاسلامية ،
للاسف هالكلام مو صحيح !!
سوء الفهم والخلط ، اهوه الي مخليهم مايستعبون عدل ليش الاسلاميين مصرين على تغيير الماده بالرغم من ان الدستور عطاهم استناد شرعي لتشريع اي قانون اسلامي يبونه !!
وعلى الرغم من ان قانون الاحوال الشخصية اسلامي 100% ويدرس في كلية الشريعه !!


الله يسلمج ويعطيج الف عافية

 

[*E.B.D.A.3*]

رد: تغيير المادة الثانية ، دعوة للانقلاب .. !

والله احنا مانبي نبطق الشرع خل يتطبق القانون العادي احنا بخير

على قولتج !!!

يعطيج العافية

 

[*E.B.D.A.3*]

رد: تغيير المادة الثانية ، دعوة للانقلاب .. !

الله اكبر ،



شريعة الله وصلت فيكم الى هذا الحد !
صاحبة الموضوع لعلمج الخاص اني احبج في الله وتعجبيني في مواضيعج
لكن في الشريعه الاسلاميه انا اقف !!
قصدكم في كلمة النواب ( محمد هايف )
لانه مطوع و سني !

بعييييييييييد عن الشوشره اللي صايره في الديره والدستور و و و

القرآن الكريم لم يدع صغيره ولا كبيره الا احصاها
القرآن الكريم اهو دستور المسلمين
السنه والشيعه كتابهم مو القرآن ؟؟؟؟

تمعنوا معي في كلام الله تعالى .. :

وتطبيق أحكام الشريعة الإسلامية، يعني الحكم بما أنزل الله، وهو واجب ديناً، قال تعالى وأن احكم بينهم بمآ أنزل الله ولا تتبع أهوآءهم واحذرهم أن يفتنوك عن بعض ما أنزل الله إليك ) (المائدة :49).. (أفحكم الجاهلية يبغون ومن أحسن من الله حكماً لقومٍ يوقنون ) (المائدة :50).. (إن الله يأمركم أن تؤدوا الأمانات إلى أهلها وإذا حكمتم بين الناس أن تحكموا بالعدل ) (نساء:58).. (إن الله يأمر بالعدل والإحسان ...) (النحل :90).. (فلا وربك لايؤمنون حتى يحكموك فيما شجر بينهم ثم لايجدوا في أنفسهم حرجاً مما قضيت ويسلموا تسليما ً) (النساء:65).

وأخيراً، فإنه لا سبيل لتحقيق العدل، والإحسان، وأداء الأمانات، إلا بتحكيم الشريعة، والتسليم الكامل لذلك. ثم إنه لا خيار لمسلم، يؤمن بالله، واليوم الآخر، إلا في هذا الاحتكام لشرع الله، وطاعه الله، ورسوله وما كان لمؤمنٍ ولا مؤمنةٍ إذا قضى الله ورسوله أمراً أن يكون لهم الخيرة من أمرهم ) (الأحزاب :36).

ياحبيبتي يابعد عمري ،،
اطروحات الي يطالبون بتغيير الماده سواء محمد هايف او غيره
كانو ناس طائفين لابعد درجة والحين اهمه يقولون نبي نطبق الشريعه !! وهالشي يخلينا نشك بنوايهم لعلمنا السابق بتوجهاتهم الخاصه الي يسلكونها "بالشريعه"


اما بالنسبة لاستدلالج على الايات، بالضبط انتي سويتي نفس الي قلته بالموضوع !!
بتحطون لنا ايات عشان الي يخالفكم يصير جنه يخالف كلام الله !!

ومع اني شرحت الشريعه شنو والاسلام بكبره شنو في رد سابق لكن ماكو مشكله اشرح بمزيد من التفصيل ،،
الشريعه هي ما انزل الله بشكل عام على انبيائه ، شريعه موسى شريعه عيسى والشريعه الاسلامية وقد تمت بوفاه الرسول ،
الى هنا انتهت الشريعه الحقيقية ، بعدها يه الجزء الثاني من الشريعه الاسلامية وهي مابعد الرسول
لان الحياه لها مستجدات ، وتفسير القران اخذ اكثر من تفسير مختلف، النظرة للحياة كانت لها اكثر من نظرة
واهني انقسمت الامة الاسلامية الى مذاهب وفرق وكلمن له تفسيره الخاص فيه للقران و اجتهاداته الخاصه في الاحكام ،
ووطلع لنا الفقه ،، والفقه هو جزء من الشريعه الاسلامية
يعني الي يبي يطبق الشريعه اليوم ، مراح يقدر يطبقها بدون فقه ،
لان على سبيل المثال ... اذا يبي يفسر ايه ، على اي تفسير راح يعتمد؟ التفسير السني او الشيعي؟
قضايا الامه اليديده لو راح يطبق فيها الشرع ، على اي فقه راح يستند؟ لطالما الشريعه الحقه ماعطت حل لهذا الحاله !
فعلى اي الائمة راح يمشي؟ مالكي شافعي حنبلي ؟؟

فاذا طبقنا الشريعه ، احنا ملزمين بتطبيق الفقه ، وتطبيق الفقه على دولة كامله فيها تعدديه مذاهب واديان ، راح يكون اجحاف لهم
لان مثل ماوضحت في رد سابق، موقف المذهب المالكي من الشيعه ...

تبي تعتقد فيهم الي تبي تعتقد كيفك !! تشوفهم كفره؟ تشوفهم مايستحقون حسينيات؟ كيفك
لكن يوصل الامر الى تشريع قوانين تحد من حرية حقوقهم في ممارسة شعائرهم ؟
هذا الغلط

 

[نور النـور]

رد: تغيير المادة الثانية ، دعوة للانقلاب .. !

اتمنى الموضوع يتثبــت لمصلحة الكويــت تغيير المادة الثانيه وراه اشياء كبيــرة أكبر من ان احنا نفهمهــا وموضعج وضح جزء منها .. ما شاء الله عليــج

ياليــت يكونون فهمـوا ليــش مانبي المادة الثانيـه تتغيــر
اذا بتشرع قوانين اوكي شرع والدستور احق لك التشريع يا عضو مجلس الأمــة ... لكن شمعنى المادة الثانيــه شنو غايتك شنو تبي توصلــه ! الله العالم

يارب احفظ الكويت وحكامها و شعبها من كل سووء يارب العالمين

مشكوورة ابــداع ماقصــرتي

 

[*E.B.D.A.3*]

رد: تغيير المادة الثانية ، دعوة للانقلاب .. !

السلام عليكم

بالبدايه كنت شبة جازمه يا اخت ابداع انك ستسلكين مسللك طائفي في فهم معنى تعديل الماده الثانيه من الدستور

وبعد قراءة الموضوع تاكدت ظنوني للاسف

فانت تحدثتي عن نوايا وخبايا وظنون وليس علي ادلة وحقائق وبراهين

لكن الاخت ( ورع البدو ) جزاها الله خير كفت ووفت مع ذكر الادله والحقائق بدون التطرق لنوايا وافكار المؤيدين لتعديل الماده

فالاسلام مظله ينطوي تحتها مذهبين ( السنه والشيعه)

وعند اسلمة القوانين ( بالرغم ان بعض القوانين مؤسلمه منذو زمن ولكنها تحت وقف التنفيذ) فانها تنفذ تحت اطار الشريعه التي لا يختلف عليها سني او شيعي لان الاختلاف ليس في الشريعه وانما الاختلاف يكون في المذاهب

فالشريعه الاسلاميه مطبقه في احكام الاحوال الشخصيه كالطلاق والزواج

فللمذهب السني محكمته وكذلك للمذهب الشيعي محكمته الخاصه فلماذا التهويل والخوف؟؟؟ فليس تطبيق الشريعه بجديد علي المجتمع الكويتي ولم يتم قمع او تهميش دور المذهب الشيعي؟؟؟؟ فلماذا انتشر بين الاخوة الشيعه ان تطبيق الشريعه هو قمع لهم فكلنا نتظلل تحت مظلة القران الكريم الذي لا يختلف فيه المذهبان !!!

لقد دخلتي في نوايا المنادين لتغيير الماده الثانيه ولن اتحدث في هذا الموضوع لاني الشريعه عندما تطبق ستكون في منأى عن النوايا وتستند فقط علي الادلة المحسوسه وليس علي النيه والظن

للاسف لم اقتنع برأيك يا اخت ابداع واهنيئ الاخت ورع البدو لبراعتها في طرح النقاط والنقاش والمامها بالموضوع من كل النواحي واستنادها علي القوانين الشرعيه المحسوسه ولم تتستدل في اي نقطه علي نوايا مناديها كما فعلتي يا اخت ابداع

وانادي اخواتي بان ينظرو للموضوع بشموليه وموضوعيه بعيدا عن التطرف والنظره الضيقه والبعد عن تشكيك النوايا

فالشريعه كما ذكرت سابقا صالحة لكل زمان ومكان

الشريعه محصنه عن كل نقص وتحريف

لا تنظرو للشريعه بعين شخص متطرف فالاسلام بعيد كل البعد عن الطائفيه والقبليه والعنصريه

انصحكم بمشاهدة برنامج ( نظرة شرعيه) مع الدكتور عيسي زكي فلقد تطرق اليوم عن هذا. الموضوع وبين ابعاده وتاثيره علي المجتمع الكويتي مستقبلا

وصباحكم تفاؤل

اقري ردي على ورع البدو بهالخصوص ،
وموضوع النوايا انا مادشيت فيه بالعكس كانت نواياهم واضحه وصريحه في المطالبات باغلاق الحسينيات يعني !!
بعد اكثر من جذي شنو؟
اكرر واقول اقري ردي على اختي العزيزه ،، وبتشوفين الرد على كل نقطه ذكرتيها

 

[*E.B.D.A.3*]

رد: تغيير المادة الثانية ، دعوة للانقلاب .. !

صح لسانج كلام منطقي وشكرا للتوضيح ويارب تحفظ الكويت واهلها من كل مكروه

اللهم امييين !!

 

[*E.B.D.A.3*]

رد: تغيير المادة الثانية ، دعوة للانقلاب .. !

فــــــيه دولتين اسلاميه مطبقه الشريعه : ايران والسعوديه ....


لا السنه بأيرااان ماخذين حقهم .. ولا الشيعه بسعوديه مــــأخذين حقهم ....

والحمداللهه عندنا مطبقين شرع الله مو شرط سياستنا تكون اسلاميه .. عليه الصلاه واله وسلم والحين


.. ابداع .. ابدعتي ومشكوره ع جهدج .. Keep it up

محد ياخذهم كمثال لان هم مازال بنظر الاخوات ان هذول ماطبقوا الشريعه ..
ورديت باكثر من رد يوضح معنى الشريعه وشلون هالدولتين بالعكس طبقوا الشريعه !!
الشريعه نسبية من شخص لاخر لانها تعتمد على احكام واجتهادات رجال الدين في عصر مابعد الرسول عندما ظهرت قضايا مستجده ..


يعطيج العافية

 

[*E.B.D.A.3*]

رد: تغيير المادة الثانية ، دعوة للانقلاب .. !

اتمنى الموضوع يتثبــت لمصلحة الكويــت تغيير المادة الثانيه وراه اشياء كبيــرة أكبر من ان احنا نفهمهــا وموضعج وضح جزء منها .. ما شاء الله عليــج

ياليــت يكونون فهمـوا ليــش مانبي المادة الثانيـه تتغيــر
اذا بتشرع قوانين اوكي شرع والدستور احق لك التشريع يا عضو مجلس الأمــة ... لكن شمعنى المادة الثانيــه شنو غايتك شنو تبي توصلــه ! الله العالم

يارب احفظ الكويت وحكامها و شعبها من كل سووء يارب العالمين

مشكوورة ابــداع ماقصــرتي

للاسف، الموضوع صريح وواضح ولكن مازلوا طيبين من داخل ومتعشمين خير
تغيير الماده يهدد امن الكويت بكبره ، لانه دعوة صريحه للانقلاب على ماجبل عليه الشعب الكويتي
من ديموقراطية من تسامح من حرية ومن قناعتنا احنا بال صباح الي بيعيناهم من سكنا الكويت !!
وارتضينا فيهم ورضوا فينا !!


والحين بعد هالعمر ..
يطلعون لنا هذول، ويبون يطعنون بالحكم بشكل غير مباشر !!!
هذول الي لطالما اقسموا على البلد وعلى الدستور
الحين يخلفون بقسمهم جدام الله !!!؟

استخدموا الشريعه كـ جسر .. واستخدموا الشعب كــ اداه ..
وللاسف ان الشعب مو مقصر وقاعد يساندهم بعد !!!؟

خساره علينا ككويتين والله !!

 

[~عيون الحب~]

رد: تغيير المادة الثانية ، دعوة للانقلاب .. !

يا بعد عمري

جانزين كل الكويت تقرا موضوعج

يعطيج العافيه والله

ان شاءالله ما يصير اللي ناوين عليه الاخونجيه اللي مشوهين صوره الكويت

الله يستر بس ويحفظ ديرتنا لنا ويخلي لنا اميرنا ويطول بعمره يارب

 

[نور النـور]

رد: تغيير المادة الثانية ، دعوة للانقلاب .. !

اب
اب
اب
عشان الكل يقــرا

 

[^^yasmina^^]

رد: تغيير المادة الثانية ، دعوة للانقلاب .. !

حبيبتي ابداع لان افكاري نفس افكارج فحبيت اوضح للجميع بصورة مبسطه
اهيه مو مسألة تشريع وبس مو بس مسألة تطبيق الدين الاسلامي والشريعة اهيه مسألة اهم بندددد
الي اهوه الحكم لذرية مبارك
اهمه يستخدمون *صيغة " الشريعة الاسلاميه " كإداة ليجيسون نبض الشارع الكويتي وعشان المجتمع الكويتي بكبره يرضخون لهم

بس بالحقيقه مو هذا مبتغاااهم
اهمه مبتاغهم شي اكبررر من جذي بكثيررررررر مبتغاهم " ذرية مبارك "

المعارضة الكويتيه وقفت ضددد ثورة البحرين لان مطالبهم تغيررر رئيس الوزراء الذي يرئس الحكومة منذ ٤٠ عام تقريبا ولا تنمية بعهده ولا هم يحزنون
واهني .! مو عاجبهم لا رئيس الحكومة الشيخ ناصر ولا غيره
ومع العلم سووو مقابله مع معصومة مبارك وسمعتها بنفسي من اسباب الجلسات السريه لمجلس الامه ان المعارضه وايد يغلطووون علي الشيخ ناصر كانو يسبونه سب .... ويرد عليهم بابتسامه فقط
لكن لو سووها بسين من الدوله الخليجيه ؟!
صدقيني سجن وتحقيق وامن دولة الخ

للاسف ان النواب هذيل لا يحمدون علي النعمه الي اهمه فيه

وحبيباتي الي اتقول الكويت ما تطبق الشريعه الاسلاميه
ليش ماكو مسايد؟!
قوانين الاحوال الشخصيه لا تطبق ؟!
تباع فيها الخمور ؟!
الكابريهات تارسه الديرة ؟!
بنات الليل حلال ؟! نفس سين من الدول الخليجيه الي فنادقها كل روسيات


انا اقول للنواب هذيله احنا صوتنالكم وطاح حظكم حصلتو اعلى الاصوات قصيتو علينا وكسرتو خاطرنا وحسستو العالم ان الكويتيين قاعذين بظلم لما انطقيتو عشان سويتووو ندوة الشيخ صباح الاحمد بكبره مو راضي عنها حسستو العالم ان شيخنا ظالم الله واكبر عليكم وتطاولتو على حكامنا وقلتو عطيتونا منحة الف بتسكتونا !!!! الي اقتحمووو مجلس الامه ببركاتكم لا بارك الله فيكم لما حققوو وياهم اعترضتووو معنهم دوليا وقانونيا الي سوووه جريمة دولية يحاسب عليها الافراد في الدول الخليجيه و العربيه والاجنبيه وظهرتو بالقنوات الي اعلامها ضد الكويت وحسستو العالم انكم فقارة " والله ما سوينا شي بس اقتحمنا مجلس الامه وحققو ويانا بالساعات و سجنونا وسوينا اعتصام عند المباحث الجنائية وماخلونا اندش وماسكين عصي بيطقونا ""وصارمن هالكلام عندكم قاعده شعبيه والحين يايين تبون تخربون ديرتنا تبون تسوونها حرب اهليه تبووون بالمختصررررر المفيد الحكم الحكم الحكم
لا حبايبي لا والف لاااااا
الكويت وال صباااح خط احمر ما نتعداااه
احنا ماعرفنا غير ال صباح ولا راح نعرف غيرهم
للاسف سمعت في احدى التصريحات ان قامو يطلقون هاللقب علي واحد من نواب المعارضه " صاحب السمو فلان الفلاني " لانه ضمير الامه علي حد قولهم
قتلج يا ابداع بيوصلون للحكم
ومثل ما قال علي الراشد حق واحد منهم اذا الكويت مو عاجبتك عطاك تذكرة وروح حق سين من الدول التي تطبق شرع الله *